Austri - 18.12.1986, Blaðsíða 43

Egilsstöðum, jólin 1986.
AUSTRI
43
Úr miðborg Istanbul. Hilton hótelið gncefir yfir.
innar, og senn eiga gömul og hálf-
hrunin hús að víkja.
Atvinnuvegirnir í Tyrklandi eru
einkum landbúnaður, fiskveiðar og
námugröftur, auk iðnaðar og þjón-
ustu sem tengist þessum greinum.
Merkin um þessa atvinnuhætti sjást
víða. í Tyrklandi eru miklar kola-
námur, og það leynir sér ekki í
Istanbul. Borgin er hituð upp með
kolum og mengunin er skelfileg
þegar kolarykið bætist við út-
skjalanna og hafa vakt við þessi
ljós.
Landbúnaðurinn samanstendur
af ávaxtarækt og sauðfjárrækt og
það er einkennandi fyrir veitinga-
hús í Tyrklandi að þar er lambakjöt
númer eitt á öllum matseðlum í
ótal útgáfum. Einkum eru það
hinar svokölluðu Kebab steikur
sem eru vinsælar, þar sem kjötið er
skorið niður í strimla og raðað á
einhvers konar grilltein. Síðan er
Brúðhjón i Tyrklandi.
blástur frá aragrúa bíla, sem æða
um götur borgarinnar. Gatnakerfið
er sprungið, enda er okkur tjáð að
25 þúsund bílar hafi bæst við í borg-
inni á þessu ári. Umferðarregl-
urnar liggja ekki í augum uppi.
Eina ráðið þegar farið er yfir götu
er að pata og banda frá sér og
skorið utan af jafnóðum og steikt
er. Lambakjötið þarna var ágætt og
vel framreitt, eins og reyndar allur
matur sem við fengum. Mér varð
hugsað til veitingahúsanna í þessu
sauðfjárræktarlandi okkar, þar
sem lambakjötið virðist vissulega
vera hornreka á matseðlum.
temsMtA.
Trillukarlar á Bosporussundi.
hlaupa svo, en þetta gengur þó allt
saman eftir einhverjum óútskýran-
legum leiðum. Umferðarljós eru á
stöku stað og þar ganga hlutirnir
fyrir sig á hefðbundinn hátt, þó
stundum verði löggan að koma til
* ★ ★
Þess var vissulega enginn kostur
í þessari ferð að heimsækja alla þá
merkisstaði sem vert hefði verið að
sjá. Enginn sem kemur til Istanbul
/ vefstofu, barnungar stúlkur vefa með örfínum þrœði hin dýrustu teppi. Ævistarfið er
að sitja á þessum kollum, hálfbognar við að vefa, en starfsaldurinn er ekki langur.
lætur þó undir höfuð leggjast að
koma á Basarinn þar. Basarinn er
yfirbyggt svæði um 200 þúsund fer-
metrar að stærð, þar sem um 5.000
verslanir eru saman komnar. Þarna
er verslað með teppi, leðurvörur,
skartgripi og minjagripi ýmiskon-
ar, en þetta eru vinsælustu verslun-
arvörurnar í landinu. Argaþrasið
þarna er óskaplegt og sölu-
mennskan í algleymingi. Þó
fundum við hjónin þarna rólega
verslun með yfirveguðu fólki sem
bauð okkur upp á tesopa að
loknum viðskiptum, en slík þægi-
legheit eru algeng í búðum í Tyrk-
landi. Sérstaklega voru það teppin
sem voru boðin fram með miklum
ákafa, enda var það dýrasti varn-
ingurinn.
Ef einhver hefur áhuga á að sjá
hvernig soldánarnir bjuggu er upp-
lagt að skoða Topkapi höll. Það er
yfirgengilegt að sjá allt það gull og
demanta sem þessir menn gátu
hrúgað að sér, á þeim dögum sem
Tyrkjaveldi var öflugast. Fjöl-
marga fleiri staði mætti nefna, en
ég læt það undir höfuð leggjast.
★ ★ ★
Tyrkland liggur á mörkum aust-
urs og vesturs, landið liggur að
Sýrlandi og írak í suðri. í austri er
íran og Rússland í norðri. Evrópu-
hluti Tyrklands á landamæri að
Búlgaríu. Tyrkir deila einnig
Kýpur með Grikkjum, og er grunnt
á því góða með þessum nágranna-
þjóðum. Ekki er langt síðan Tyrkir
hertóku þann hluta eyjarinnar sem
þeir ráðáyfir, og Grikkir hafa ekki
gleymt því. Tyrkland er því nálægt
átakasvæðinu fyrir botni Miðjarðar-
hafs, en þessi hluti jarðkringlunnar
er ekki sá friðvænlegasti, því
miður.
Þjóðin lifir á mörkum tveggja
menningarheima, heims Múslima
og heims vestrænna siðvenja. Þess
sjást merki í Istanbul, en áhrif Mú-
hameðstrúar eru sögð meiri eftir því
semraustar dregur í Litlu-Asíu.
Við íslendingar höfum ávallt
áhuga á að vita hvað fjarlægar
þjóðir vita um okkar land. Ekki get
ég metið það eftir þessa ferð hvað
almenningur í Tyrklandi veit um
ísland. Flestir þeir sem við töluðum
við í ferðinni vissu mæta vel að hér
hafði verið fundur Reagans og
Gorbasjevs nú nýverið. Einn leið-
sögumaður okkar tjáði okkur að
hann hefði fyrst heyrt um að ísland
væri til þegar söngvakeppni Evr-
ópu var haldin í vetur, og svo hefði
hann að sjálfsögðu heyrt miklu
meira af landinu nú í haust þegar
leiðtogafundurinn var haldinn. Eitt
er víst að milljónir manna hafa nú
heyrt af þessu eylandi norður í
höfum, sem aldrei höfðu áður
heyrt á það minnst. Hver áhrifin
verða kemur í ljós. Fyllist allt hér
af forvitnum ferðalöngum, sem
vilja sjá eitthvert leiftur af landinu
og þjóðinni, svona álíka eins og við
fengum af Tyrklandi í þessari ferð?
Um það er vandi að spá. Við erum
gjarnan undrandi yfir fáfræði út-
lendinga um land okkar, en ferða-
lög eins og okkar til Tyrklands gera
það að verkum að maður skilur þá
betur. Þessi ferð sannfærði mig um
hve lítið ég vissi um þetta land, og
hve lítið ég veit enn þó að ég biðji
jólablað Austra að geyma þetta
minningabrot, úr lærdómsríkri
ferð. Kannski vekja þessar línur
áhuga einhvers á því að lesa sér
eitthvað til um landið og þjóðina og
það væri vel ef svo væri. Við
þurfum á því að halda á tímum
mikilla samgangna og samskipta að
vita eitthvað um hagi annarra
þjóða, þótt þær séu ekki næstu ná-
grannar okkar, og búi við annað
stjórnarfar og aðrar siðvenjur
heldur en við. Stjórnarfarið í
Tyrklandi er ekki til eftirbreytni,
en ef lokað er á samskipti og kynni
þjóða, þá kann að verða erfiðara
en ella að komast af í þessum við-
sjárverða heimi.
Jón Kristjánsson
Óskum viðskiptavinum okkar
á Austurlandi
gleðilegra jóla
árs og friðar.
Þökkum viðskiptin.
HÚSGÖGN OG
INNRÉTTINGAR
SUÐURLANDSBRAUT 18, S. 68-69-00
Óskum Austfirðingum
gleðilegra jóla
og farsældar á komandi ári
Þökkum viðskiptin á árinu.
Slippstöðin hf.
Akureyri
Starfsmönnum
og viðskiptamönnum
færum við bestu óskir um
gleðileg jól
með þökk fyrir samstarfið
á árinu.
Pöntunarfélag
Eskfirðinga
Eskifirði