Fréttablaðið - 03.11.2020, Qupperneq 36

10 BÍLAR 3 . N ÓV E M B E R 2 0 2 0 Þ R I ÐJ U DAG U R
Búlgarski ofursportbíllinn Alieno
Arcanum kom fyrst fram á sjónar-
sviðið árið 2018 í tölvumyndum
en nú virðist meira vera að gerast
hjá þessum framleiðanda. Til-
kynnt hefur verið um tæknibúnað
bílsins, sem er rafdrifinn og mun
hafa allt að 24 rafmótora. Hægt
verður að hafa fjórar aflútfærslur
og er sú kraftminnsta „aðeins“
2.610 hestöfl. Sú útfærsla er líka
aðeins að skila 4.400 newton-
metra togi sem er helmingi minna
en í af lmestu útfærslunni. Kallast
útfærslurnar RP2, RP3 RP4 og
RP5 sem skilar 5.221 hestafli og
8.800 newtonmetra togi. RP3
skilar 3.481 hestafli og RP4 4.351
hestafli.
Bíllinn er eins og stór
Lamborgh ini að sjá enda er hann
5.240 mm að lengd og 2.180 mm
breiður. Nafnið Alieno þýðir geim-
vera á ítölsku og ekki að undra.
Grindin er smíðuð úr Kevlar,
koltrefjum og áli og yfirbygg-
ingin er blanda af koltreflum og
Kevlar. Vindskeiðar og vind-
göng ásamt loftfræðihönnuðum
undirvagni búa til loftf læði sem
heldur honum við veginn enda
er hámarkshraðinn 488 km/klst.
Til að halda þyngdinni niðri eru
mótorarnir í hjólmiðjunum og
eru þrír í hverju hjóli í af lminnstu
útgáfunni og allt upp í sex í þeirri
öflugustu.
Raf hlaðan kemur í þremur
útfærslum, 60, 120 og 180 kWst, og
er drægi þeirra 340, 680 og 1.020
km. Hægt er að tengja bílinn við
allt að 2.700 kW hleðslustöð, og ef
einhver finnur slíka stöð er hægt
að hlaða hann á þremur mínút-
um. Við 350 kW hleðslustöð er
hleðslutíminn 14 mínútur. Ekki er
gefið upp hvað langan tíma tekur
að hlaða hann með 22 kW hleðslu-
búnaðinum sem fylgir bílnum.
Hvað skyldu svo herlegheitin
vikta? Með stóru raf hlöðunni er
bíllinn 2,9 tonn sem er eins og
stærsta gerð af jeppa og rúmlega
það en með minnstu raf hlöðunni
er hann 1,6 tonn. Til að stoppa
þessa þyngd er bremsukerfið með
440 mm diskum með tíu stimpla
dælum.
Hægt hefur verið að panta
bílinn í nokkurn tíma og líklega
aukast pantanir við útgáfu þess-
ara tækniupplýsinga. Verðið mun
þó standa í f lestum en það er frá
125-250 milljónum króna.
Ofursportbíll með 5.200 hestöfl
Alls staðar má sjá vindskeiðar, vængi eða loftgöng til að bíllinn verði sem
stöðugastur á vegi enda veitir væntanlega ekki af með allt þetta afl.
Suzuki hefur hafið sölu á Across-
tengiltvinnbílnum sem er hluti
af samstarfi bílamerkisins við
Toyota. Er hann boðinn hjá Suzuki
á 8.590.000 krónur en Toyota RAV4
sem er í grunninn sami bíll er á
8.550.000 krónur.
Bílablaðamaður Fréttablaðsins
hafði bílinn til prófunar á dög-
unum og er skemmst frá að segja að
bíllinn er í engu frábrugðinn RAV4
PHEV fyrir utan smávægilegar
útlitsbreytingar.
Að innan þekkir maður muninn
einungis út frá Suzuki-merkinu í
stýrinu en framendinn er það sem
skilur bílana að útlitslega með
mjórri aðalljósum og öðruvísi
grilli. Þótt vissulega sé hér kominn
dýrasti Suzuki-bíllinn er hann líka
sá langöflugasti með sín rúm 300
hestöfl. Sama upptak er í hundr-
aðið eða aðeins sex sekúndur sem
er einnig það besta sem sést hefur í
Suzuki-bíl.
Hvernig salan verður á þessum
systurbílum á eftir að koma í ljós
en vissulega eru tengiltvinnvæddir
jepplingar góð söluvara um þessar
mundir. Þeir sem annars gætu þurft
að bíða eftir Toyota-bílnum fá sama
bílinn í Suzuki Across og því getur
verið kostur að hafa bílinn á sölu
hjá tveimur umboðum.
Suzuki Across kominn í sölu
Nýr Suzuki Across er sami bíll og RAV4 PHEV að öllu leyti nema útliti fram-
enda þar sem komin eru þynnri aðalljós og endurhannað grill.
Sama innrétting er í bílunum og
eini munurinn er Suzuki merkið í
stýrinu.
Raf bílar eru að verða heit sölu-
vara og ekki síst á Íslandi þar sem
að tæplega fjórðungur bílasölu
í október var 100% rafdrifinn.
COVID-19 faraldurinn hefur haft
áhrif á komu þeirra til landsins en
það styttist þó í marga eftirtektar-
verða raf bíla á næstu mánuðum.
Hér er stutt yfirferð um þá bíla
sem væntanlegir eru á markað
á Íslandi á næstunni og hvenær
þeir koma á markað í Evrópu.
Haft var samband við umboðin og
spurt hvenær raf bílar þeirra væru
væntanlegir á markað hérlendis.
 Hvaða rafbílar eru væntanlegir á
markað hérlendis árið 2021?
Mercedes-
Benz EQA
er að koma
til landsins
í febrúar en
hann verður
með 400 km
drægi.
Opel Mokka rafbíllinn er
væntanlegur á næsta ári eins og
rafútgáfa Korando.
BMW iX3 er mjög svipaður X3
í útliti en kemur ekki hingað
til lands fyrr en hann verður
boðinn fjórhjóladrifinn.
Volvo XC40 Recharge kemur
væntanlega til landsins seint
næsta sumar en ekki er víst
hvort Polestar merkið komi
hingað ennþá.
Fyrstu eintök Volkswagen ID.4
rafjepplingsins koma í byrjun
árs til landsins.
Ekki er vitað hvenær Fiat 500 raf-
bíllinn kemur til landsins þótt búið
sé að lofa honum 2021.
Askja
Mercedes EQA mun fá útlit
sitt frá GLA jepplingnum til
að auka rými innan dyra. Ekki
hefur enn verið látið uppi
hvaða drif lína verður í bílnum
en hann verður með 400 km
drægi. Það styttist í að bíllinn
komi til Íslands því hann er
væntanlegur hingað í byrjun
febrúar. EQV er handan við
hornið og munu fyrstu eintök
koma í næstu viku en EQS er
væntanlegur með haustinu.
Bílabúð Benna
Hefðbundnar útgáfur nýs
Korando eru þegar komnar í
sölu hérlendis og það styttist
í sölu á Korando EV í Evrópu.
Rafútgáfan er mjög svipuð
útlitslega og verður fjórhjóla-
drifin auk þess að vera með
góða dráttargetu. Korando
EV mun koma á seinni hluta
næsta árs til landsins en Opel
Mokka raf bíllinn er einnig
væntanlegur á næsta ári.
BL
Sá raf bíll sem mest er beðið
eftir við Sævarhöfðann er
BMW iX3. Hann kemur til að
byrja með aðeins með aftur-
hjóladrifi en verður með 80
kWst rafhlöðu og 460 km
drægi. Hann mun fara í sölu
í Evrópu næsta vor en mun
ekki koma til Íslands fyrr en
hann verður boðinn í fjórhjóla-
drifinni útgáfu, sem kemur
ekki alveg strax. Einnig styttist
í Dacia EV raf bílinn sem á að
verða sá ódýrasti á markaði.
Verður opnað fyrir pantanir
á honum næsta vor en enn er
óvíst hvort hann komi hingað
til lands á næsta ári.
Brimborg
Citroen C4 er væntanlegur með
mikilli útlitsbreytingu en bíll-
inn breytist úr fólksbíl í fram-
drifsbíl með jepplingslagi. Hann
kemur einnig í 100% rafútgáfu
og kallast á e-C4 og verður á
CMP-rafbílaundirvagninum.
Það er sami undirvagn og í Peug-
eot 208 og Opel Corsa-e. Hann
kemur með 50 kWst rafhlöðu
og 134 hestafla mótor. Drægið
verður 350 km og hröðunin 9,7
sekúndur í hundraðið. Er nýja
C4 línan væntanleg til Íslands
um næstu áramót. Volvo XC40
Recharge P8 er fyrsti rafbíll
Volvo og er væntanlegur á næsta
ári, en hann notar sama rafbún-
að og Polestar 2. Hann verður
með tveimur rafmótorum og
skilar rúmum 400 hestöflum.
Drægið verður um 400 km og
hann kemur hingað til lands
næsta sumar ef allt gengur eftir.
Síðast en ekki síst eru margir að
bíða eftir komu Ford Mustang
Mach-E til landins en hann mun
koma hingað einhvern tímann
á næsta ári. Ford hefur seinkað
afhendingum í Evrópu sem
byrja ekki fyrr en næsta vor.
Hekla
Það styttist í afhendingu fyrsta
ID.4 rafjepplingsins en fyrstu
bílarnir munu koma hingað
til lands í janúar. Audi Q4 raf-
bíllinn var frumsýndur sem
tilraunabíll á bílasýningunni í
Genf vorið 2019 en kemur sem
fimmti raf bíll Audi á næsta ári.
Hann kemur á sama undir-
vagni og ID.4 og mun koma
ásamt Audi e-GT hingað til
lands í byrjun maí. GT bíllinn
er hins vegar byggður á sama
undirvagni og Porsche Taycan
og verður með tveimur raf-
mótorum sem samtals skila
582 hestöflum. Rafhlaðan
verður 96 kWst og mun geta
notað 350 kW hleðslustöðvar.
Skoda Enyaq er ekki staðfestur
til landsins ennþá en hann
mun væntanlega koma hingað
næsta sumar.
Ísband
Eini raf bíllinn sem væntanlegur
er í Mosfellsbæinn á næsta ári er
Fiat 500. Hann mun koma með
117 hestafla rafmótor og 42 kWst
rafhlöðu sem dugir honum til 320
km drægis svo hann ætti að vera
samkeppnishæfur. Hann mun fara
í sölu í Evrópu næsta vor en óvíst
er hvenær hann kemur til landins
þótt umboðið lofi að hann muni
koma 2021.
Maxus MPV er sjö sæta bíll sem
kemur um áramót.
Tesla
Þótt sala á Model Y sé víða hafin
er þessi Tesla jepplingur ekki
væntanlegur hingað alveg strax.
Mun fyrst verða hægt að panta
bílinn síðsumars 2021 og alls er
óvíst hvenær fyrsta sendingin
kemur. Hann er á sama undirvagni
og Model 3 og verður einnig fáan-
legur í Performance útgáfu. Tesla
Model S Plaid er þegar kominn í
pöntunarferli og spurning hvort
að einhver hérlendis muni panta
þennan öfluga raf bíl sem verður
aðeins tvær sekúndur í hundraðið
Suzuki umboðið
Suzuki umboðið hefur hafið
sölu á Maxus raf bílamerkinu
sem framleitt er í Kína. Fyrsti
bíllinn er kominn á markað
sem sendibíll en sjö manna raf-
bíllinn Euniq MPV er væntan-
legur í lok þessa árs. Fleiri
bílar eru í burðarliðnum hjá
Maxus en ekki er vitað hvenær
og hvort þeir komi hingað til
lands.