Fjölrit RALA - 06.06.1998, Blaðsíða 58

Matjurtir 1997
48
Rotsjúkdómar í íssalati (134-1213)
Sumrin 1996 og 1997 stóð yfir á Korpu tilraun með ræktun íssalats og notkun sveppalyfja til
þess að stemma stigu við rotnun á salathausunum. Rotnun hefur verið meginvandamálið í
ræktun íssalats hér á landi og hefur orðið þess valdandi að garðyrkjubændur hafa yfirleitt
gefist upp á ræktun þess. Því var tilraun þessi gerð. Jarðvegur var að hluta smitaður með
smitaðri mold úr garði þar sem salat hafði áður verið ræktað. Árið 1997 var tilrauninni skipt í
fjóra einfalda liði með 48 plöntum.
1. Ósmitaður liður og ekki meðhöndlaður með sveppalyfi.
2. Smitaður liður og ekki meðhöndlaður með sveppalyfi.
3. Smitaður liður og vökvaður með seppalyfi (Ronilan) 7. júlí.
4. Liður þar sem plantað var í gegn um svartan plastdúk. Ekki meðhöndlað með
sveppalyfi.
Mánaðargömlum plöntum var plantað út 20. júní. Trefjadúkur var yfir öllum liðum þar til
skorið var upp 26. ágúst.
Niðurstöður urðu þær að plöntur í öllum liðum voru nokkuð rotnaðar af völdum
grámyglu, í 3. lið þó áberandi minnst og 4. lið mest. Meðalþungi hausa var sem hér segir: í 1.
lið 740 g, í 2. lið 508 g, í 3. lið 747 g og í 4. lið 584 g.
Sumarið 1997 var tilraun gerð með fleiri tegundir sveppalyfja. Þau voru Ronilan,
Tecto og Rovral. Þrjár endurtekningar með 32 plöntum í hverri voru í hveijum lið, allir liðir
smitaðir. Plantað var út 13. júni og uppskorið var í fyrstu viku september. Þyngd hausa var að
meðaltali sem hér segir:
Ronilan liður 580 g
Tecto liður 601 g
Rovral liður 645 g
Ómeðhöndlaður liður 530 g
Þrátt fyrir óverulegan mun í uppskeru var mikill munur á liðunum þegar talinn var fjöldi
rotinna hausa eins og sést á súluritinu.
O Heilbrigðar
■ Rotnar
Ronilan Rovral Tecto Ómeðh.
Rot er áberandi minnst í liðnum sem meðhöndlaður var með Rovral, en Ronilan meðhöndlun
kom einnig vel út. Tecto virðist aftur á móti hafa lítil vamaráhrif. Ronilan er nú að falla út af
lista yfir leyfð efni á markaði hér og nauðsyn er að finna nýtt efni sem komið getur í stað þess.
Niðurstöður þessarar tilraunar benda til þess að Rovral sé síst verri kostur.