Feykir - 09.01.2019, Blaðsíða 2

Á morgun, 10. janúar, eru
100 ár liðin frá fæðingu
Kristmundar Bjarnasonar
rithöfundar og fræðimanns á
Sjávarborg. Hann dvelur nú,
og hefur gert síðustu árin, á
Dvalaheimilinu á Sauðárkróki.
Kristmundur er heiðursfélagi
Sögufélags Skagfirðinga og
í tilefni tímamótanna gefur
félagið úr bernskuminningar
hans frá Mælifelli, þar sem
hann ólst upp.
Bókin ber heitið Í barnsminni
og ritaði Kristmundur hana á
árunum 2005-2006, nærri 240
blaðsíður, prýdd fjölda mynda
ásamt nafnaskrá. Í tilkynningu
frá Sögufélaginu kemur fram
að ferill Kristmundar sem
rithöfundar og fræðimanns sé
kunnari en frá þurfi að segja
og er hann óskoraður meistari
í meðferð íslensk máls og texta
enda óhætt að fullyrða að
þessi bók sé bráðskemmtileg
aflestrar.
Næsta laugardag, 12. janúar
kl 16.00, verður bókarkynning
og útgáfuhóf í Safnahúsinu
á Sauðárkróki þar sem Hjalti
Pálsson segir lítillega frá ævi-
ferli Kristmundar og kynnum
sínum af honum. Unnar
Ingvarsson segir frá kynnum
og samskiptum við Kristmund
og Kristján B. Jónasson talar
um bókmennta- og fræðistörf
Kristmundar. Sölvi Sveinsson
kynnir bókina og les upp
úr henni en Sólborg Una
Pálsdóttir stýrir dagskrá.
Veitingar verða á boðstólum
og bókin seld á tilboðsverði og
eru allir velkomnir. /PF
Þá hefur enn eitt árið tekið við af því gamla sem þaut hjá
á fljúgandi ferð, rétt eins og suðvestan vindurinn sem er
alltaf að flýta sér. Vonandi hefur árið verið flestum
hagfellt þó aldrei verði hjá því
komist að einhverjir mæti
mótlæti, þannig er nú bara
gangur lífsins og lítið við því
að gera. Hins vegar snýst það
oft að miklu leyti um hugarfar
hvernig spor mótbyrinn
markar á líf okkar. Ég vil þó
geta þess að ég sjálf hef verið
blessunarlega laus við
stóráföll í lífinu (sjö-níu-
þrettán) umfram það sem
eðlilegt getur talist hjá fólki á miðjum aldri og get
örugglega ekki sett mig í spor þeirra sem eiga við mikla
erfiðleika að stríða.

Við áramót líta margir yfir farinn veg og gera á einhvern hátt
upp við fortíðina. Einnig tíðkast hjá mörgum að stíga á stokk
og strengja heit og heyrist mér á tölfræðilegum úttektum á
þeim heitum að þau eigi það gjarnan til að rofna, jafnvel strax
á fyrsta degi nýs árs. Og hver er svo ástæðan? Jú, oft eru heitin
þess eðlis að þau eru dæmd til að mistakast eða sett fram
þannig að erfitt getur reynst að halda þau, til að mynda heit
sem snúast um að snúa alfarið baki við ýmsum ósiðum á nýju
ári eða þá að viðkomandi ætlar sér að færast svo mikið í fang
að útséð er um það fyrirfram að heitin geti staðist.
Ég hlusta talsvert á útvarp þegar ég ferðast milli staða sem ég
geri flesta daga. Oft má þar heyra alveg þokkalega gáfuleg
viðtöl við fólk úr ýmsum hornum samfélagsins. Ég man
sjaldnast eftir því sem ég heyri mjög lengi, hvað þá að ég muni
við hverja er rætt. Einn morguninn, ekki fyrir alls löngu, ég
man auðvitað ekki hvað löngu, var viðtal við konu, ég man
ekki í hvaða samhengi það var, en hún var að tala um hve
mikilvægt það sé að hlakka til einhvers á hverjum degi. Ég hef
velt þessu dálítið fyrir mér og komist að þeirri niðurstöðu að
þetta hljóti að vera afskaplega hollt viðhorf. Svo mitt
áramótaheit er að reyna að byrja hvern dag þannig að ég sjái
fyrir mér einhvern hlut sem ég get hlakkað til þann daginn, þó
það væri ekki nema bara það að hlakka til þess að fara að sofa
um kvöldið, svona þegar ég er að burðast við að lyfta upp
augnalokunum þegar klukkan vekur mig að morgni dags.
Fríða Eyjólfsdóttir,
blaðamaður
LEIÐARI
Gleðilegt ár góðir lesendur
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Þessa fyrstu viku ársins var 179.358 kílóum
landað á Norðurlandi vestra.
Aðeins fimm bátar lönduðu á Skagaströnd
þar sem dragnótabáturinn Onni var afla-
hæstur með tæp 14 tonn en heildaraflinn þar
var rúm 23 tonn. Á Sauðárkróki landaði
Málmeyjan rúmum 156 tonnum og var hún
eina skipið sem þar lagði upp. Hvorki barst
afli á land á Hvammstanga né Hofsósi. /FE
Aflatölur á Norðurlandi vestra 30. des. 2018 – 5. jan. 2019
179 tonna heildarafli
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Auður HU 94 Landbeitt lína 1.141
Borgar Sig AK 66 Línutrekt 88
Guðmundur á Hópi HU 203 Lína 6.625
Onni HU 36 Dragnót 13.795
Sæfari HU 212 Landbeitt lína 1.531
Alls á Skagaströnd 23.180
SAUÐÁRKRÓKUR
Málmey SK 1 Botnvarpa 156.178
Alls á Sauðárkróki 156.178
Kristmundur á Sjávarborg 100 ára
Bókarkynning og útgáfuhóf
í tilefni tímamótanna
Bókakápa Í barnsminni en bókin verður
seld á tilboðsverði í útgáfuhófi í Safna-
húsinu á Sauðárkróki nk. laugardag.
Íbúum Norðurlands vestra
fjölgaði um 47 einstaklinga
eða 0,7% á árs tímabili,
frá 1. desember 2017 til 1.
desember sl. samkvæmt
tölum frá Þjóðskrá. Íbúum
landshlutans fjölgaði um þrjá
til viðbótar í desember. Mesta
fjölgunin í landshlutanum á
síðasta ári varð í Blönduósbæ
þar sem fjölgaði um 43 frá
1. des. 2017 til 1. des. 2018.
Nemur það 4,8% fjölgun.

Heildaríbúafjöldi á landinu
öllu var, þann 1. desember
2018, 356.671 og hafði fjölgað
um 2,4% milli ára. Hlutfallsleg
fjölgun á árinu var mest í
Mýrdalshreppi, 10,9%, en mest
fækkaði í Reykhólahreppi,
um 7,2%. Íbúum fjölgaði í
öllum landshlutum nema á
Norðurlandi eystra.
Sé litið til Norðurlands
vestra má sjá að heildarfjöldi
íbúa á svæðinu var 7.227 þann
1. desember sl. en var kominn í
7.230 í byrjun þessa mánaðar.
Íbúafjöldi í Sveitarfélaginu
Skagafirði var 3.945 þann 1.
desember 2017 en var kominn
upp í 3.990 þann 1. desember
sl. sem er fjölgun um 45
einstaklinga eða 1,1%.
Í Húnaþingi vestra voru
íbúar 1.190 í desember 2017 og
fækkaði um níu milli ára eða í
1.181 sem er 0,8% fækkun.
Sem fyrr segir fjölgaði
íbúum Blönduósbæjar um 43
milli ára, úr 892 í 935 sem er
4,8% fjölgun en á Skagaströnd
fækkaði um 21 íbúa á sama
tíma, úr 480 þann 1. desember
2017 í 459 á sama tíma árið
2018. Er það 4,4% fækkun.
Íbúar Húnavatnshrepps
voru 374 í desember 2018 og
hafði fækkað úr 387 ári fyrr eða
um 3,4% og í Skagabyggð, sem
er fámennasta sveitarfélagið
á svæðinu, fækkaði um fjóra
íbúa eða 4,3% milli ára, úr 92 í
88 íbúa.
Íbúum Akrahrepps fjölgaði
næstmest hlutfallslega á þess-
um tólf mánuðum, úr 194 í 200
og nemur það 3,1% fjölgun.
Upplýsingar um íbúafjölda
má nálgast á vef Þjóðskrár. Eru
þær uppfærðar mánaðarlega
og byggjast á skráðri búsetu
einstaklinga í þjóðskrá þann 1.
hvers mánaðar. /FE
Norðurland vestra
Íbúum fjölgar um 0,7% milli ára
2 01/2019