Feykir - 09.01.2019, Blaðsíða 5

Lið Tindastóls spilaði sl.
sunnudag sinn fyrsta leik á
nýju ári þegar þeir skottuðust
suður í Þorlákshöfn og léku
við lið Þórs. Heimamenn
hafa verið að ná jafnvægi í
leik sinn upp á síðkastið og
komnir með lúmskt sterkan
hóp. Það mátti því búast við
hörkuleik og sú varð raunin
en þegar leið á leikinn urðu
meiðsli Tindastólsmanna til
þess að liðið náði ekki vopnum
sínum á lokakaflanum og
heimamenn lönduðu sætum
sigri. Lokatölur 98-90.
Lið Tindastóls hafði endur-
heimt Urald King og hann var
skarpur og skír framan af leik en
varð að fara út af um miðjan
þriðja leikhluta en svo virtist
sem kappinn hefði snúið sig.
Viðar kom lítið við sögu, spilaði
sjö mínútur og fór sömuleiðis
meiddur af velli en það var síðan
auðvitað skarð fyrir skildi að
Pétur var ekkert með sökum
meiðsla.
Heimamenn í Þór fóru betur
af stað en mikið var skorað í
fyrsta leikhluta og leiddu þeir
30-25 að honum loknum.
Þristar frá Danero og Hannesi
minnkuðu muninn í 32-31 og
rétt fyrir miðjan annan leikhluta
kom Brynjar Stólunum yfir, 36-
38, með nettum þristi og Danero
bætti um betur með öðrum
þristi. Næstu mínúturnar mun-
aði yfirleitt um þremur til sex
stigum á liðunum en Þórsarar
löguðu stöðuna fyrir hlé en þá
stóð 49-51.
Baráttan harðnaði í þriðja
leikhluta en Stólarnir héldu
áfram forystunni en mest náðu
þeir sjö stiga forystu, 58-65, enn
og aftur eftir þrist frá Brynjari.
Alltaf svöruðu heimamenn og
Stólarnir náðu aldrei þessum
spretti til að stinga heimamenn
af. Urald King varð að fara af
velli um miðjan þriðja leikhluta
og Danero var kominn í villu-
vandræði.
Tindastólsmenn léku ágæt-
lega fyrstu mínútur fjórða leik-
hluta og komust yfir 81-85.
Vendipunktur leiksins var síðan
þegar Danero fékk sína fimmtu
villu um miðjan fjórða leikhluta.
Eftir það sprungu Stólarnir á
limminu og Þórsarar sigldu
fram úr og Stólarnir máttu sætta
sig við annað tap sitt í vetur.
Urald King var stigahæstur
Stóla með 22 stig og Danero og
Brynjar voru báðir með 18 en
Dino 15 stig.
Næsti leikur Tindastóls er
hér heima fimmtudaginn 10.
janúar en þá kemur lið Vals í
heimsókn í Síkið. /ÓAB
F ÍÞRÓTTAFRÉTTIR
Dominos-deildin : Þór Þorlákshöfn – Tindastóll 98–90
Stólarnir höltruðu til ósigurs
Fleiri íþróttafréttir á Feykir.is
Þóranna Ósk íþróttamaður Skagafjarðar
Íslandsmeistari í hástökki
Þann 28. desember fór
fram athöfn í Ljósheimum
þar sem tilkynnt var um
val á íþróttamanni, liði
og þjálfara Skagafjarðar
2018. Auk þess voru
hvatningarverðlaun UMSS
veitt og viðurkenningar fyrir
landsliðsþátttöku keppenda
og þjálfara aðildarfélaga
UMSS.
Lið ársins er meistaraflokkur
Tindastóls kvenna í knatt-
spyrnu, þjálfari var valinn
Sigurður Arnar Björnsson og
íþróttamaður Skagafjarðar er
Þóranna Ósk Sigurjónsdóttir.
Þóranna Ósk er Íslandsmeist-
ari í hástökki innan- og utan-
húss í aldurshópi 20-22 ára
stúlkna og Íslandsmeistari og
Bikarmeistari kvenna í
hástökki utanhúss. Þóranna
byrjaði árið vel, vann hástökk
kvenna á Stórmóti ÍR, keppti á
Reykjavík International Games
þar sem hún stökk 1,76 m,
bætti sitt persónulega met um
2 sm og setti þ.a.l. nýtt skag-
firskt met í hástökki kvenna
innanhúss. Utanhúss stökk
hún hæst 1,77 m á Bikarmóti
FRÍ og bætti sitt persónulega
og skagfirska met um 5 sm.
Þóranna er í landsliðshópi
Frjálsíþróttasambands Íslands
(FRÍ) í stökkgreinum og
keppti hún þrívegis á þess
vegum á árinu. Í febrúar tók
hún þátt í Nordenkampen
2018 í Svíþjóð, í júní keppti
hún á Smáþjóðaleikunum í
Liechtenstein og lenti þar í 3.
sæti og í ágúst tók hún þátt í
Nordic/Baltic U23 leikunum í
Svíþjóð og lenti þar í 5. sæti.
Þóranna Ósk hefur æft
frjálsar íþróttir frá unga aldri
og stundað sína íþrótt af kappi
síðustu ár og í kynningu kom
fram að hún sýni ávallt
tillitssemi og háttvísi bæði á
æfingum og einnig í keppni,
enda er hún góð fyrirmynd
bæði innan vallar sem utan.
Þóranna Ósk æfir frjálsar
íþróttir undir leiðsögn þjálfara
síns Sigurðar Arnars Björns-
sonar á Sauðárkróki.
„Kærkomið að uppskera
eins og maður sáir“
Þóranna var að vonum ánægð
þegar Feykir náði tali af henni
eftir kjörið. „Þetta er það sem
maður stefnir á. Ég hef unnið
þetta einu sinni áður en var
meidd árið eftir svo það er
kærkomið að uppskera eins og
maður sáir.“ Þóranna segir
líðandi ár hafa verið sitt besta
hingað til og æfingar gengið
vel fyrir utan smá óhapp sem
henti í byrjun desember er
hún hlaut heilahristing í
körfuboltaleik en Þóranna
keppir með meistaraflokki
kvenna í fyrstu deildinni í
Íslandsmótinu.
„Ég hef ekki getað æft neitt
síðan en ég stefni á að keppa á
næsta ári en bara spurning
hvenær ég byrja. En ég er
bjartsýn á, alla vega sumarið.
Kemur í ljós með veturinn.“
Þóranna vill hvetja unga
iðkendur til að vera duglega að
æfa, þótt árangur sjáist ekki
strax. „Það tók mig t.d. mörg
ár að bæta mig. Maður verður
alltaf að halda áfram,“ sagði
nýkjörinn íþróttamaður
Skagafjarðar. /PF
Þóranna Ósk Sigurjónsdóttir íþróttamaður Skagafjarðar.
MYND: PF
Kvennalið Tindastóls sótti
lið ÍR heim í Breiðholtið um
liðna helgi. Stólastúlkur
höfðu unnið fyrsta leik
liðanna í haust en mættu
að þessu sinni til leiks með
hálf vængbrotið lið og
sunnanstúlkur gengu á lagið.
Lokatölur voru 91-52.
Þrjá sterka pósta vantaði í
lið Tindastóls en Þóranna Ósk
hefur enn ekki fengið grænt
ljós á að spila eftir að hafa
fengið heilahristing í byrjun
desember. Þá er Rakel Rós að
ná sér eftir puttabrot og Kristín
Halla var fjarri góðu gamni.
Það var því ansi lágvaxið
lið sem steig dansinn fyrir
Tindastól í Hertz-hellinum og
byrjunin reyndist ansi brött
því lið ÍR gerði fyrstu tíu stig
leiksins. Stólastúlkur voru þó
ekkert á því að gefast upp og
minnkuðu muninn í 12-8 en
staðan var 19-12 eftir fyrsta
leikhluta. Þær héldu sér inni
í leiknum fram yfir miðjan
annan leikhluta en lið ÍR náði
að auka forystuna síðustu mín-
úturnar fyrir hlé og staðan 42-
28 í hálfleik.
Breiðhyltingar gerðu síðan
út um leikinn í byrjun þriðja
leikhluta þegar þær gerðu 14
stig án þess að lið Tindastóls
næði að svara. Tess gerði fyrstu
stig Stólanna í síðari hálfleik
1. deild kvenna : ÍR – Tindastóll 91–52
Stólastúlkur fengu á
baukinn í Breiðholti
þegar leikhlutinn var rétt
tæplega hálfnaður en þegar
síðasti leikhlutinn hófst var
lið ÍR komið með rúmlega
þrjátíu stiga forystu, 73-42,
og munurinn hélt áfram að
aukast til leiksloka.
Tess Williams var að venju
atkvæðamest Stólastúlkna
með 24 stig, sex fráköst, fjórar
stoðsendingar og 14 fiskaðar
villur. Marín Lind Ágústsdóttir
var með átta stig en allt of
snögg að ná sér í fimm villur.
Lið ÍR rústaði stelpunum
okkar í frákastabaráttuni, tók
63 fráköst á móti 27 Stólanna
og þar lá hundurinn grafinn að
þessu sinni.
Nú er lokið langri útileikja-
hrinu Tindastóls og við taka að
minnsta kosti fimm heimaleikir
í röð en á laugardag kemur lið
Njarðvíkur í heimsókn í Síkið.
Nú er bara að mæta og hvetja
Stólastúlkur til dáða. /ÓAB
Danero Thomas og Kinu Rochford eigast við í fyrri leik liðanna í Síkinu í haust. Rochford
reyndist Stólunum ansi erfiður að þessu sinni. MYND: HJALTI ÁRNA
01/2019 5