Morgunblaðið - 15.05.2020, Síða 4

4 FRÉTTIRInnlent
MORGUNBLAÐIÐ FÖSTUDAGUR 15. MAÍ 2020
Góð þjónusta í tæpa öld
10%afslátturfyrir 67 ára
og eldri
Aron Þórður Albertsson
aronthordur@mbl.is
„Það er ábyrgðarhluti ef menn
ætla að hverfa frá þjóðaröryggis-
stefnunni með þessum hætti. Ég
get ekki annað en furðað mig á því
að menn leggist gegn uppbyggingu
sem þessari,“ segir Sigríður Á.
Andersen, formaður utanríkis-
málanefndar og þingmaður Sjálf-
stæðisflokks. Vísar hún í máli sínu
til umfjöllunar Morgunblaðsins í
gær þar sem greint var frá því að
Vinstri-græn hefðu komið í veg
fyrir stórfelldar framkvæmdir á
vegum Atlantshafsbandalagsins á
Suðurnesjum. Var umfang fram-
kvæmdanna talið myndu hlaupa á
12-18 milljörðum króna, en lítils
mótframlags var krafist frá ís-
lenska ríkinu.
Að sögn Sigríðar er það graf-
alvarlegt ef ákveðnir flokkar í
ríkisstjórn neita að taka þátt í
varnarsamstarfi vestrænna ríkja.
„Við tökum þátt í varnarsamstarfi
vestrænna ríkja af fullum hug, en
auk þess byggist þjóðaröryggis-
stefna Íslands á varnarsamstarfi
við Atlantshafsbandalagið og
Bandaríkin. Ef samstarfsríki okk-
ar meta það svo að nauðsynlegt sé
að bæta innviði þurfa að vera al-
veg sérstök rök til að við förum
gegn því. Þar væri auk þess um
pólitíska stefnubreytingu að ræða,
sem alla jafna ætti að kalla á um-
fjöllun,“ segir Sigríður.
Mikil þörf fyrir ný störf
Eins og áður hefur komið fram
var skráð atvinnuleysi í Reykja-
nesbæ 28% við lok aprílmánaðar.
Ef af framkvæmdunum hefði orðið
má ætla að hundruð starfa hefðu
skapast. Þar af fjöldi tímabund-
inna en auk þess tugir ef ekki
hundruð varanlegra starfa. Að
sögn Kjartans Más Kjartanssonar,
bæjarstjóra Reykjanesbæjar, hefði
í framkvæmdunum falist mikil inn-
spýting fyrir samfélagið á Suður-
nesjum. „Auðvitað hefði verið gott
að fá þessi verkefni öll af stað með
tilheyrandi starfafjölda. Okkur
veitir ekkert af því en svona er
pólitíkin. Við stjórnum henni ekki
og menn hafa sína afstöðu,“ segir
Kjartan og bætir við að í ríkis-
stjórnum ólíkra flokka geti orðið
ágreiningsmál. „Þetta hefði vegið
mjög þungt fyrir okkur, en sumt
er óviðunandi af hálfu einhverra
flokka og við verðum að sýna því
skilning,“ segir Kjartan.
Að sögn Katr-
ínar Jakobs-
dóttur forsætis-
ráðherra snúa
umræddar
framkvæmdir að
hernaðar-
uppbyggingu á
Suðurnesjum.
Slíkar fram-
kvæmdir eigi
ekki að tengjast
efnahagsmálum Íslands.
„Þetta snýr að aukinni hern-
aðaruppbyggingu og mér finnst
óviðeigandi að því sé blandað inn í
efnahagsaðgerðir stjórnvalda. Við
erum fullvalda ríki og þurfum
ekki á hjálp þaðan að halda í efna-
hagsmálum,“ segir Katrín og
ítrekar að afstaða sín til hern-
aðarmála sé óbreytt. „Mín fram-
tíðarsýn fyrir Ísland snýst ekki
um aukna hernaðaruppbyggingu.
Það á jafnframt ekki að koma
neinum á óvart.“
Aðstoðin hefði reynst
mikil innspýting
 Formaður utanríkismálanefndar furðar sig á afstöðu VG
Ljósmynd/OZZO Photography
Helguvíkurhöfn Höfnin var vígð árið 1989. Áform Atlantshafsbandalagsins
fólu meðal annars í sér framkvæmdir við Helguvíkurhöfn.
Sigríður Á.
Andersen
Kjartan Már
Kjartansson
Katrín
Jakobsdóttir
Heildarkostnaður Ísafjarðarbæjar
vegna sjóflóðanna sem féllu á Flat-
eyri 14. janúar síðastliðinn nálgast nú
39 millj. kr. og þar af er greiddur
kostnaður liðlega 13 millj. kr. Þetta
kom fram á fundi
bæjarráðs Ísa-
fjarðarbæjar í síð-
ustu viku en for-
sætisráðuneytið
hafði óskað þess-
ara upplýsinga.
Mestur greiddur
kostnaður féll til
vegna viðgerða,
vélavinnu, starfa
björgunarliðs, sál-
gæslu og annars
sem gera þurfti fyrst eftir flóðið. Bú-
ist er svo við að tæplega 26 millj. kr.
kostnaður bætist við á næstunni. Þar
eru hreinsunarstörf og endurbætur á
hafnarsvæðinu stærsti liðurinn.
Sveitarfélagið óskaði eftir því að al-
menningur og fulltrúar fyrirtækja
sendu inn upplýsingar um búsifjar
sem viðkomandi kynnu að hafa orðið
fyrir af völdum hamfaranna. Hefur
verið óskað eftir stuðningi ríkisins
vegna þessa kostnaðar og annars sem
þarf.
Afleiðingar snjóflóðanna fyrir sam-
félagið og innviði þess voru miklar og
þungar, segir í fundargerð bæjar-
ráðs.
„Við væntum þess að ríkið komi til
móts við sveitarfélagið varðandi þann
kostnað sem til hefur fallið vegna
snjóflóðanna. Við teljum okkur líka
hafa góð orð ráðamanna um að þess-
ari málaleitan verði tekið jákvætt.
Lokahnykkurinn í hreinsun á Flat-
eyri er að fara af stað núna og þar
mun talsverður kostnaður falla til,“
segir Birgir Gunnarsson, bæjarstjóri
Ísafjarðar. sbs@mbl.is
Snjóflóðin á Flat-
eyri reynast dýr
 Vilja að ríkið
taki þátt í kostnaði
sveitarfélagsins
Morgunblaðið/Hallur Már
Flateyri Horft yfir hafnarsvæðið
þar sem skemmdir urðu miklar.
Birgir
Gunnarsson
Setja verður skýr skilyrði fyrir öll-
um opinberum stuðningi við fyrir-
tæki í aðgerðum sem marka veginn
frá kreppunni til lífsgæða fyrir alla.
Nemi opinber stuðningur 100 millj-
ónum króna eða meira á ríkið að
eignast hlut í viðkomandi fyrirtæki
til samræmis við framlag sitt. Þá
verður að hækka grunnatvinnuleys-
isbætur í 335 þúsund kr. þegar í
stað og lengja tímabil tekjutengdra
atvinnuleysisbóta úr þremur í sex
mánuði. Hækka ber húsaleigubætur
til þeirra sem hafa orðið fyrir tekju-
falli og efla þarf innviði og opinbera
þjónustu og gera hana gjaldfrjálsa.
Þessar tillögur eru á meðal fjölda
aðgerða sem Alþýðusamband Ís-
lands vill að ráðist verði í og kynnt-
ar voru í gær undir yfirskriftinni
Rétta leiðin en þar er að finna fram-
tíðarsýn ASÍ um uppbyggingu Ís-
lands í kjölfar kórónuveirufarald-
ursins.
Aðgerðirnar sem ASÍ vill að ráð-
ist verði í eru í þremur liðum;
bráðaaðgerðir, sýn um uppbygg-
ingu til framtíðar og loks eftirfylgni.
Drífa Snædal, forseti ASÍ, segir
sambandið vilja leiða stefnuna fyrir
þá uppbyggingu sem fram undan er
og ætli að tryggja að hún verði í
þágu almennings en ekki sérhags-
muna.
Meðal bráðaaðgerða ASÍ er krafa
um að ákvæði um hlutabætur verði
virkt þar til þess verður ekki lengur
þörf. ASÍ vill að greiðslufrestir
verði tryggðir og lánstími lengdur
sem nemur frestun af afborgunum
fyrir þá sem þess þurfa og að leigj-
endur sem hafa orðið fyrir miklu
tekjufalli fái tímabundinn rétt til
hærri húsaleigubóta. Þá verði
námsmönnum sem fá ekki sum-
arstörf tryggðar atvinnuleysis-
bætur.
ASÍ vill setja fjölmörg skilyrði
fyrir stuðningi við fyrirtæki. Þau
þurfi t.a.m. að sýna fram á að þau
fylgi kjarasamningum, hafi ekki
gerst sek um launaþjófnað og
stundi ekki félagsleg undirboð. Vill
ASÍ að sett verði að skilyrði fyrir
aðstoð að laun æðstu stjórnenda
innan viðkomandi fyrirtækis séu
ekki hærri en þreföld meðallaun,
miðað við meðaltal heildarlauna
fullvinnandi launafólks samkvæmt
mælingum Hagstofunnar.
Í tilögum um atvinnusköpun
kemur m.a. fram að flýta beri fram-
kvæmdum, framlag til almennra
íbúða verði tvöfaldað og átakið Allir
vinna verði framlengt að lágmarki
til loka árs 2022. Einnig verði fyr-
irtækjum lagalega skylt að geta
staðið undir launakostnaði til
þriggja mánaða áður en þau greiða
út arð, óumsamda kaupauka, kaupa
eigin hlutabréf, greiða af víkjandi
láni fyrir gjaldaga eða veita eig-
endum eða nákomnum aðilum lán
eða aðrar greiðslur sem eru ekki
nauðsynlegar til að viðhalda rekstri.
omfr@mbl.is
Morgunblaðið/Eggert
Tillögur Forysta ASÍ kynnti tillögurnar í Gerðarsafni í gær.
Bæturnar hækki í
335 þús. nú þegar
 ASÍ birtir tillögur um uppbyggingu