Morgunblaðið - 15.05.2020, Page 26
ÍTALÍA
Bjarni Helgason
bjarnih@mbl.is
Mikil óvissa ríkir hjá Emil Hall-
freðssyni, landsliðsmanni Íslands í
knattspyrnu og leikmanni Padova í
ítölsku C-deildinni, þessa dagana en
síðast var leikið í C-deildinni á Ítalíu
hinn 23. febrúar síðastliðinn.
Emil, sem er 35 ára gamall, gekk
til liðs við Padova á frjálsri sölu síð-
asta sumar og skrifaði undir eins
árs samning við félagið sem rennur
út hinn 30. júní.
Miðjumaðurinn hefur æft með
uppeldisfélagi sínu FH síðan hann
kom heim til Íslands í mars og verið
duglegur að halda sér við.
„Það ríkir ákveðin óvissa hjá
manni þessa dagana,“ sagði Emil í
samtali við Morgunblaðið. „Ég er
samningsundinn Padova til 30. júní
og er í rauninni bara að bíða eftir
því að sjá hvað gerist þar og á Ítal-
íu, og hvort deildin fer af stað yf-
irhöfuð eða ekki.
Á meðan ekkert er staðfest í þeim
efnum er ég bara áfram leikmaður
Padova. Eins og staðan er núna er-
um við bara að bíða og sjá hvað ger-
ist. Við fjölskyldan erum á Íslandi
og ég æfi með FH til þess að halda
mér í formi og það er staðan þessa
dagana.“
Óvissa með endurkomu
Padova er sem stendur í sjötta
sæti B-riðils ítölsku C-deildarinnar
með 44 stig þegar ellefu umferðir
eru eftir. Liðið sem endar í efsta
sæti deildarinnar fer beint upp um
deild og liðin í 2.-10. sæti fara í um-
spil um laust sæti í B-deildinni.
„Um daginn var það mikið í um-
ræðunni að deildinni yrði hreinlega
aflýst en svo hefur ekkert verið
staðfest í þeim efnum. Núna er svo
talað um að fara bara beint í umspil
um sæti í B-deildinni en það hefur
heldur ekkert verið staðfest.
Það eru alls konar vangaveltur í
gangi en ekkert staðfest. Það ríkir
mikil óvissa með fótboltann á Ítalíu
þessa stundina, líka A-deildina; þótt
þeir séu byrjaðir að æfa aftur þá er
það undir mjög ströngum takmörk-
unum. Þá er ekkert ákveðið hvort
eða hvenær deildin mun hefjast aft-
ur.
Ef það verður sem dæmi farið
beint í umspil þá væri auðvitað mjög
gaman að taka þátt í því enda erum
við í umspilssæti. Ef af því verður
ekki verður maður svo auðvitað
bara að taka ákvörðun út frá því.“
Gott að vera á Íslandi
Emil hefur æft með uppeldis-
félagi sínu FH að undanförnu en
hann sneri aftur til Íslands í mars,
áður en umspilsleiknum gegn Rúm-
eníu fyrir EM 2020 var frestað.
Hann viðurkennir að það hafi reynst
krefjandi að æfa og halda sér við
undanfarnar vikur.
„Ég fékk leyfi frá klúbbnum til
þess að fara heim til Íslands eftir að
deildinni hafði verið frestað um
óákveðinn tíma. Þá stóð ennþá til að
það yrði spilaður landsleikur hérna
heima og ég ákvað því að koma
strax heim til þess að vera þá alla-
vega til taks ef hann yrði spilaður.
Eftir það hefur maður bara verið
hér enda allt lokað á Ítalíu. Það er
gott að geta verið hérna heima á
svona stundum og líklega besta
landið til þess að vera í þegar svona
heimsfaraldur gengur yfir. Maður
hefur aldrei lent í öðru eins en ég
tel mig hafa nýtt tímann nokkuð
vel bæði hvað varðar æfingar og
það að halda sér í formi. Að sama
skapi er þetta ömurlegt fyrir alla,
ekki bara mig, og það eru allir í
sömu stöðu. Það eina sem maður
getur í raun gert er að einbeita sér
að því að gera það besta úr stöð-
unni.“
Samningsbundinn Padova
Emil hefur komið við sögu í sex
leikjum með Padova í C-deildinni á
tímabilinu en margir leikmenn liðs-
ins verða samningslausir 30. júní.
Emil hefur verið orðaður við end-
urkomu til FH þar sem hann hóf
knattspyrnuferilinn árið 2001 og
lék 29 leiki í efstu deild áður en
hann hélt út í atvinnumennsku.
„Núna einbeiti ég mér að því að
halda líkamanum góðum og svo
þegar þar að kemur tekur maður
ákvörðun um framhaldið. Fram-
haldið hjá Padova hefur ekkert ver-
ið rætt og það eru fjölmargir leik-
menn hjá félaginu sem verða
samningslausir í sumar. Hvernig
það verður tæklað veit enginn í
raun og veru þannig að á meðan
þetta er allt í lausu lofti veit maður
ekkert hvað gerist.
Ég er samningsbundinn Padova
og það er fjölmargt sem þarf að
koma í ljós áður en ég get sagt
hvort ég sé að fara að koma heim í
sumar til að spila með FH eða ekki.
Ég er bara að bíða eftir svörum úti
um hvað gerist og svo mun ég
skoða mín mál betur þegar það
kemst á hreint,“ bætti landsliðs-
maðurinn við.
Reyni bara að gera
það besta úr stöðunni
Emil ánægður að vera á Íslandi og æfa með FH á meðan óvissa ríkir á Ítalíu
Morgunblaðið/Kristinn Magnússon
Biðstaða Emil Hallfreðsson vonast eftir því að geta farið aftur til Padova í
sumar og leikið með liðinu í umspili um sæti í B-deildinni.
26 ÍÞRÓTTIR
MORGUNBLAÐIÐ FÖSTUDAGUR 15. MAÍ 2020
15. maí 1965
Hástökkvarinn Jón Þ. Ólafs-
son setur nýtt Íslandsmet ut-
anhúss þegar
hann stekkur yf-
ir 2,10 metra,
með grúfustíl á
móti á Melavell-
inum og bætir
fjögurra ára
gamalt met sitt
um fjóra sentimetra. Met Jóns
stóð í 18 ár, eða þar til Krist-
ján Hreinsson sló það árið
1983 með því að stökkva 2,11
metra. Jón er ennþá sjöundi
besti hástökkvari Íslands frá
upphafi.
15. maí 1977
Axel Axelsson og Ólafur H.
Jónsson, landsliðsmenn í
handknattleik, eru vestur-
þýskir meistarar með Dan-
kersen Minden sem sigrar
Grosswallstadt, 21:20, í úr-
slitaleik. Axel skorar sig-
urmarkið úr vítakasti á loka-
sekúndunum en hann gerir
þrjú mörk í leiknum og Ólaf-
ur tvö. Þetta var síðasta tíma-
bilið þar sem þýska 1. deildin
var leikin í tveimur riðlum,
norðurriðli og suðurriðli, þar
sem sigurliðin léku síðan um
meistaratitilinn.
15. maí 1987
Morgunblaðið segir frá því að
Íslandsmetið í 100 m bak-
sundi hafi verið
tvíbætt í undan-
rásum á Smá-
þjóðaleikunum í
Mónakó. Fyrst
slær Hugrún
Ólafsdóttir met
Ragnheiðar Run-
ólfsdóttur og syndir á 1:11,35
mínútu en Ragnheiður nær
því af henni aftur skömmu
síðar með því að synda vega-
lengdina á 1:10,99 mínútu.
15. maí 1994
Ísland sigrar Noreg, 93:78, í
leik um fimmta sætið af átta á
Norðurlandamóti karla í
körfuknattleik í Stokkhólmi.
Teitur Örlygsson fer á kost-
um, skorar sjö 3ja stiga körf-
ur og 29 stig alls fyrir ís-
lenska liðið. Jón Arnar
Ingvarsson skorar 27 stig.
15. maí 1997
Íslenska kvennalandsliðið í
körfuknattleik sigrar Íra,
72:61, í vináttulandsleik á Ír-
landi. Erla Reynisdóttir skor-
ar 18 stig fyrir Ísland og
Anna María Sveinsdóttir 14
en þetta var fyrsti sigurinn á
Írum frá upphafi.
15. maí 2010
Ólafur Rafnsson, forseti
Íþrótta- og Ólympíusambands
Íslands, er kjörinn forseti evr-
ópska körfu-
knattleiks-
sambandsins,
FIBA Europe, á
ársþingi þess í
München. Ólafur
sigrar Turgay
Demirel frá
Tyrklandi í kosningunni með
32 atkvæðum gegn 19.
15. maí 2015
Eyjamenn eru Íslandsmeist-
arar í handknattleik karla í
fyrsta skipti eftir sigur á
Haukum, 29:28, í oddaleik lið-
anna á Ásvöllum í Hafn-
arfirði. Þeir vinna þar með
einvígið 3:2. Agnar Smári
Jónsson skorar sigurmark
ÍBV 22 sekúndum fyrir leiks-
lok en hann fer algjörlega á
kostum í leiknum og skorar
13 mörk.
Á ÞESSUM DEGI
HANDBOLTI
Jóhann Ingi Hafþórsson
johanningi@mbl.is
„Það er mikil óvissa en ég reyni að
taka jákvæðu hliðina á þetta og
vona það besta,“ sagði landsliðs-
markvörðurinn Ágúst Elí Björg-
vinsson í samtali við Morgunblaðið.
Ágúst samdi við Kolding fyrr á
árinu en félagið er það sigursælasta
í dönskum handbolta frá upphafi.
Liðið var í 12. sæti af 14 liðum í
dönsku úrvalsdeildinni þegar deild-
inni var aflýst vegna kórónuveir-
unnar, en Ólafur Gústafsson og Árni
Bragi Eyjólfsson léku með liðinu á
tímabilinu. Mikil óvissa ríkir hjá fé-
laginu um þessar mundir, þar sem
það er í miklum fjárhagserfið-
leikum. Að sögn BT í Danmörku
samþykktu leikmenn ekki 40 pró-
senta launalækkun og sagði stjórnin
í kjölfarið af sér. Það kom sér afar
illa því tveir af helstu styrktar-
aðilum félagsins voru í stjórninni.
Ef allt fer á versta veg verður félag-
ið gjaldþrota og Ágúst þarf að finna
sér nýtt félag.
Leitað að bestu lausninni
„Það eru ákveðnar viðræður inn-
an klúbbsins og stjórnarmanna.
Eins og ég skil þetta þá er verið að
gera það besta fyrir klúbbinn og
leikmenn til halda sér á floti. Við er-
um að vinna með stjórninni að því
að finna bestu lausnina til að komast
út úr þessu,“ sagði Ágúst, sem von-
ast til að félagið nái að bjarga sér,
enda spennandi skref á hans ferli.
Ágúst hefur undanfarin tvö ár
leikið með Sävehof í Svíþjóð og varð
sænskur meistari með liðinu á síð-
ustu leiktíð og lék í Meistaradeild
Evrópu á þessari leiktíð.
„Ég vona að þetta gangi upp og
við finnum einhverja lausn á þessu.
Vonandi er þetta ekki eins mikið
vesen og fjölmiðlar í Danmörku gefa
í skyn. Ég er búinn að tala við leik-
menn þarna úti og það kemur
örugglega í ljós í næstu viku hvern-
ig framhaldið verður. Við höfum
verið að spjalla saman með leik-
mannasamtökunum og reynum að
standa þétt saman og sýna sam-
stöðu í þessu. Við þurfum að hjálp-
ast að og finna leiðir til að hjálpa
klúbbnum út úr þessu.“
Ágúst, sem er uppalinn hjá FH og
lék með liðinu áður en hann hélt út,
veit ekki hvað tekur við, fari svo að
félagið verði gjaldþrota og hann
verði án félags. „Það er ekki alveg
komið svo langt,“ sagði Ágúst og
útilokaði í kjölfarið ekki að koma
heim. „Mögulega, ef allt fer á versta
veg. Það er of snemmt að segja það
núna. Eins og staðan er núna er ég
leikmaður Kolding og fer út og spila
með þeim á næstu leiktíð. Ég er
samningsbundinn þeim og ég vona
að klúbburinn fari ekki í gjaldþrot
og það komi lausn í þetta.“
Eins og áður segir greindu dansk-
ir fjölmiðlar frá því að leikmönnum
Kolding hefði verið boðin 40 pró-
senta launalækkun. Ágúst vildi ekki
staðfesta þær tölur, en viðurkenndi
að félagið hefði vissulega reynt að
lækka launakostnað.
„Tölurnar í fjölmiðlum eru
ákveðnar ágiskanir held ég. Það er
búið að bjóða leikmönnum einhverja
launalækkun en ég má ekki segja of
mikið um það. Ég veit bara að það
er verið að leita lausna og finna leið-
ir til að spara pening. Það gengur
vonandi upp,“ sagði Ágúst, sem lék
með íslenska landsliðinu á lokamóti
EM 2018 í Króatíu og HM í Dan-
mörku og Þýskalandi 2019.
Vona að það
finnist lausn
Nýtt félag Ágústs í miklum vanda
Ljósmynd/Sävehof
Óvissa Ágúst Elí Björgvinsson samdi við Kolding fyrir næsta tímabil.