Skessuhorn - 12.02.2020, Blaðsíða 26

MIÐVIKUDAGUR 12. FEBRúAR 202026
Sýningin Auður og Auður var
frumsýnd á Sögulofti Landnáms-
setursins í Borgarnesi á laugardags-
kvöld. Þar talar Auður Jónsdóttir
rithöfundur til ömmu sinnar, Auðar
Laxness, um leið og hún segir sög-
una Ósjálfrátt, en nú á annan hátt
en áður.
Sýningin segir frá ýmsu í lífi
Auðar; sambandi hennar við ömmu
sína, skrifandi konur, skáldskap-
inn sjálfan og skáldskapinn í lífinu.
Hún segir ýmsar sögur af fólkinu í
kringum sig, snjóflóðinu á Flateyri,
óhamingjusömu og mislukkuðu
hjónabandi og erfiðum stundum á
eigin lífshlaupi.
útsendari Skessuhorns var stadd-
ur á frumsýningu Auðar og Auðar.
Hann ætlar hér að neðan að segja
frá sinni upplifun af sýningunni og
því við hæfi að skipta frásögninni
yfir í fyrstu persónu: ég var yfir mig
hrifinn af sýningu Auðar. Hún er
ákaflega yfirveguð í frásögn sinni
en umfram allt segir hún sögurn-
ar af einlægni. Þá gildir einu hvort
hún er að lýsa ánægjustundum með
ömmu sinni eða erfiðum tímum
ráðvilltrar konu í vansælu hjóna-
bandi og þeim erfiðu tilfinningum
sem á hana leita. Jafnvel þegar hún
segir frá löstum fólks gerir hún það
af hreinskilni en um leið af virð-
ingu. Kannski er slíkt aðeins mögu-
legt sé það gert af fullri einlægni og
með hlýju. Sama hvað um er rætt,
alltaf fannst mér frásögnin falleg og
Auður leggja hjartað á borðið.
Enn fremur segir Auður frá með
húmorinn að vopni. Sýningin er
nefnilega bráðfyndin oft og ekki
síst þegar hún segir frá erfiðustu
stundunum í sögunni. Þó þær hafi
án efa verið henni þungbærar á sín-
um tíma sér hún húmorinn í þeim
í dag. Húmorinn hefur drama-
tískan undirtón og því hef ég mik-
inn smekk fyrir. En þetta væri ekki
fyndið nema af því að maður skynj-
ar að henni finnst þetta sjálfri fynd-
ið í dag. Hún virkar sátt við vegferð
sína og langar að segja frá henni.
Það gerir hún svona líka listavel og
fallega, af einlægni, með húmor og
hlýju. Um leið og sýningin var búin
langaði mig að grípa niður í bók
hennar, Ósjálfrátt, sem ég hef ekki
lesið enn. Hún er hér með komin
á leslistann sem aldrei styttist. Mig
langar að heyra meira af sögu Auð-
ar og gæti meira að segja vel hugsað
mér að fara aftur á þessa sýningu.
Já, í alvöru, mér fannst hún frábær.
Kristján Gauti Karlsson
Næstkomandi fimmudag klukkan
19:30 verður fluttur fyrirlestur um
borgfirska laxastofna í Safnahúsinu
í Borgarnesi. Það er Sigurður Már
Einarsson fiskifræðingur sem flyt-
ur erindið, en hann býr yfir mik-
illi fagþekkingu og reynslu á þessu
sviði eftir áratuga störf og rann-
sóknir á Borgarfjarðarsvæðinu.
Fyrirlesturinn er nánar auglýstur
hér í blaðinu.
Hátt á þriðja tug viðburða verða
í Safnahúsinu á árinu 2020 og hefur
húsið sótt í sig veðrið á þessu sviði á
síðustu árum. Alls verða átta mynd-
listarsýningar opnaðar auk stórrar
ljósmyndasýningar, tónleika, fyrir-
lestra og myndamorgna. Nýjung í
starfseminni eru m.a. ritsmiðjur og
fræðsla um næringu ungbarna og
er það hvort tveggja á vegum Hér-
aðsbókasafnsins. Sjá má nánar um
dagskrána á heimasíðu Safnahúss,
www.safnahus.is.
Aðal sýningarsalur hússins fyrir
tímabundnar listsýningar er Hall-
steinssalur sem er á efri hæð húss-
ins. Hann er nefndur eftir Hall-
steini Sveinsssyni sem færði Borg-
nesingum listasafn sitt að gjöf á sín-
um tíma. Hallsteinssalur er bókað-
ur eitt til tvö ár fram í tímann enda
þurfa myndlistarmenn yfirleitt
langan tíma til framleiðslu verka
sinna. Á þessu ári sýna 13 mynd-
listarmenn í salnum, þar af fimm
með einkasýningar. Einnig verður
þar ljósmyndasýning undir sýning-
arstjórn Helga Bjarnasonar blaða-
manns svo nokkuð sé nefnt.
Í fyrirlestrum verður auk fyrr-
nefnds efnis fjallað um jarðfræði
Borgarfjarðar og listakonuna Ás-
gerði Búadóttur. Síðast en ekki síst
verða haldnir tónleikar í samstarfi
við Tónlistarskóla Borgarfjarðar á
sumardaginn fyrsta þar sem nem-
endur skólans flytja eigin verk eftir
skáldið Þorstein frá Hamri.
Í Safnahúsi er unnið með menn-
ingarstefnu Borgarbyggðar að leið-
arljósi og er hvers konar miðlun
þar í fyrirrúmi. Menningardagskrá
Safnahúss er styrkt af Uppbygg-
ingarsjóði Vesturlands. Hægt er að
fá nánari upplýsingar á heimasíðu
hússins, www.safnahus.is
-fréttatilkynning
Lilja D. Alfreðsdóttir, mennta- og
menningarmálaráðherra, og Berg-
ur Þorgeirsson, forstöðumaður
Snorrastofu, skrifuðu síðastliðinn
laugardag undir viðauka við rekstr-
arsamning Snorrastofu og ríkisins,
sem gildir næstu fimm árin. Und-
irritunin staðfestir að mennta- og
menningarmálaráðherra felur fyr-
ir hönd ráðuneytis síns og ríkis-
stjórnarinnar Snorrastofu daglega
umsýslu með verkefninu Ritmenn-
ing íslenskra miðalda (RÍM). Stofn-
skrá þess var undirrituð í Reykholti
í ágúst á liðnu ári, en ríkisstjórnin
stofnaði til RÍM í tilefni af því að
liðin voru 75 ár frá stofnun lýðveld-
is á Íslandi.
Meginmarkið RÍM-verkefnisins
er að efla rannsóknir sem tengjast
þeim stöðum á Íslandi þar sem rit-
menning blómstraði á miðöldum.
Rannsóknirnar munu m.a. tengj-
ast fornleifafræði, sagnfræði, texta-
fræði og bókmenntafræði. Reiknað
er með að 35 milljónum kr. verði
árlega veitt til verkefnisins í fimm
ár frá og með yfirstandandi ári.
Yfirstjórn verkefnisins er hjá
mennta- og menningarmálaráðu-
neytinu sem auglýsir innan skamms
eftir umsóknum um styrki. Þegar
umsóknir hafa borist skipar ráðu-
neytið úthlutunarnefnd. Hún ger-
ir tillögur til ráðherra mennta- og
menningarmála sem úthlutar styrkj-
um að höfðu samráði við forsætis-
ráðherra og fjármála- og efnahags-
ráðherra. Öll dagleg umsýsla vegna
RÍM-verkefnisins verður eins og
áður segir í höndum Snorrastofu í
Reykholti. mm
Stangaveiðifélag Keflavíkur unir
ekki niðurstöðu Héraðsdóms
Reykjaness frá 23. janúar síðast-
liðnum sem vísaði frá dómi máli
sem SVFK höfðaði gegn Fiski-
stofu og Fiskræktar- og veiðifélagi
Reykjadalsár í Borgarfirði. Fyrir
héraðsdómi krafðist félagið að felld
yrði úr gildi stjórnvaldsákvörðun
Fiskistofu frá 15. janúar 2019 þar
sem felldur var úr gildi samningur
sem meirihluti stjórnar Veiðisfélags
Reykjadalsár hafði gert við SVFK
um ráðstöfun á veiði í Reykjadalsá
3. apríl 2018. Veiðifélagið tók síð-
asta sumar sjálft yfir sölu veiði-
leyfa í ána, nokkrum dögum fyrir
upphaf veiðitímabils, í ljósi stjórn-
valdsákvörðunar Fiskistofu. Hér-
aðsdómur vísaði kæru SVFK frá
dómi og gerði auk þess félaginu að
greiða allan málskostnað í héraði;
800 þúsund krónur til Fiskistofu
og sömu upphæð til Fiskræktar- og
veiðifélags Reykjadalsár. Með kæru
dagsett 5. febrúar sl. er farið fram á
að Landréttur taki málið til efnis-
legrar meðferðar og sömuleiðis að
ákvörðun um greiðslu málskostn-
aðar fyrir héraðsdómi verði lækk-
uð.
mm
Frábær Auður og Auður
á Söguloftinu
Bergur og Lilja handsala samninginn. Ljósm. gó.
RÍM-verkefnið formlega
hafið í Reykholti
Fríður hópur við veiðar í Straumunum í Borgarfirði, hér búinn að landa 15 punda
laxi. Ljósm. úr safni Skessuhorns.
Fyrirlestur um borg-
firsku árnar í Safnahúsi
Klettsfoss, þriðji neðsti merkti veiðistaður í Reykjadalsá í Borgarfirði.
SVFK kærir niðurstöðu
héraðsdóms til Landsréttar