Skessuhorn - 12.02.2020, Blaðsíða 27

MIÐVIKUDAGUR 12. FEBRúAR 2020 27
Vísnahorn
Jæja eru ekki allir búnir
að smakka þorramat að
minnsta kosti einu sinni?
Reyndar var þessi svo-
kallaði þorramatur eða
minnsta kosti megnið af honum bara venju-
legur heimilismatur meirihluta landsmanna
vel fram á daga okkar flestra sem nú eru
kölluð eldri borgarar. Oft hefur okkar kyn-
slóð og þá ekki síður þær sem á undan komu
þurft að bjarga sér með það sem hendi var
næst og sleppa því að hlaupa út í búð. Ým-
ist af því að peningarnir voru einfaldlega ekki
til eða vegna þess að það var of langt til að
vera raunhæf lausn. Guðmundur Helgason í
Stangarholti var eitt sinn sem oftar að vinna á
skurðgröfu og var færður matur en hnífapör-
in gleymdust:
Ekkert ragur, aldrei mát,
á kann lag með hraði,
saddi maga og mikið át
með járnsagarblaði.
Sömuleiðis var það með verslanir fyrri
tíma að ekki dugði of mikil sérhæfing. Ein-
ar Þórðarson prentari verslaði með ýmislegt
og auglýsti allt í belg og biðu en Jón Ólaf-
sson ritstjóri raðaði svo saman orðum. Væri
gaman að sjá svona auglýsingu úr Kringlunni
eða Smáralind:
Kunnugt gjörist; til kaups fæst hér
Kvöldvökur, Balslevs tossakver,
Hersleb og hákarl stækur.
Galdrakver fást hér, Grallarar,
Grasakverið hans Béusar,
súrt smjör og Sálmabækur.
Kýrrassa­bók og kaffi­rót
kofna­fiður og nýja Snót,
jafnvel Jóhönnu­raunir,
Hugvekjusálmar, hangiket,
húspostillur ég „skaffað“ get,
bræðing og enskar baunir.
Skónálar, Bröndums brennivín,
Barnagull ný og Vídalín,
Píslarþankar og púður,
Kjöngsplástur, Brama, romm og rjól,
rokkar, náttpottar, smíðatól,
guðspjöll og glugga­rúður.
Á gleraugum brotnum gef ég krít,
Grammatík eftir Halldór s. . . . ,
hjólbörur hef ég stundum,
hrátjöru, pappír, hellu’í þak,
Hugvekjur biskups, snústóbak,
og gamalt guðsorð í pundum.
Hirðir og fleiri Halldórs verk,
Hreinlætis­pésann, reipi sterk.
Sjómönnum sel ég mötu.
Ágsborgar­játning, einiber,
Úlfars­rímur og Þorlákskver,
Sigurljóð, salta skötu.
Sniðgylltan Mynster, magála,
messuvín, herta þorskhausa,
olíu’ og margt hvað meira,
Benedikts­sálma’ og kæfu’ í kút,
– Kristileg smárit gengin út,
og svo er um sitthvað fleira.
Eitthvað líkt mun úrvalið í verslun Har-
aldar Júlíussonar á Sauðárkróki eða eins og
nú er gjarna sagt „Hjá Bjarna Har“. Kristján
Runólfsson tók saman lítið brot af því sem
þar fæst og hér birtist aðeins lítið brot af
kvæðinu:
Englahár og illeppar,
ausur, skóhorn, matgafflar,
sósulitur, sjóhattar,
sulta, krem og þessháttar.
Reykelsi og rakspírar,
rörtangir og skóhlífar,
lyklakippur, lakkburstar,
lakkrískúlur, hlandkoppar.
Spyrðubönd og sparksleðar,
speglar, túttur, kavíar,
klukkur, pelar, kryddbaukar,
klofstígvél og saltsteinar.
Teygjur, kort og kantskerar,
klemmur, glös og farmiðar,
brjóstsykur og blýantar,
brækur, grjón og náttsloppar.
Flísatangir ferlegar,
flórsykur og bandprjónar,
tommustokkar, taktmælar,
tvinnakefli og saumnálar.
Gúmmískór og garðlaukar,
greiður, snæri, fræpokar,
kambar, skæri og skotpakkar,
skarbítur og járnnaglar.
Skóflur, tóbak, skaftpottar,
skurðarhnífar allskonar,
ótal hluti útvegar,
einnig Bjarni Haraldar.
Já margs þarf búið við var einhvern tímann
sagt. Þetta er bara rétt eins og var í Axels-
búð á sinni tíð. Ingibjörg Gísladóttir orti um
mann sinn og son sem stóðu í útréttingum í
kaupstaðarferð meðan hún saup úr bolla hjá
vinkonu sinni:
Efldir sönnum áhuga.
Af öllum mönnum bestir.
Þeir eru í önn að útrétta
allt sem tönn á festir.
Guðni Ágústsson fór í sinni landbúnaðar-
ráðherratíð til Kína og hefur vafalaust séð þar
bæði margt og markvert en auk þess áskot-
naðist honum niðurgangur sem þó mun ekki
hafa verið á opinberri dagskrá. Þessi kranklei-
ki lagaðist fljótlega en þá kvað Borgfirðingur
nokkur sem ekki mun vera samflokksmaður
ráðherrans fyrrverandi:
Á íslenskan landbúnað lagt er
margt ljótt en það versta þó sagt er
hve auðlæknanlegur
og lífshættutregur
er kínverskur kamfílóbakter.
Sverrir Hermannsson var um margt eft-
irminnilegur og talaði stundum „hreina íslen-
sku“ þegar honum þótti við þurfa. Einhvern
tímann þegar hann hafði tekið nokkuð stórt
uppí sig í ræðustól Alþingis orti Torfi Þor-
steinsson:
Mörg eru Sverris málblóm kunn
meðal landsins dætra og sona.
Fleiri eiga þó flónskan munn
en flíka honum ekki svona.
Þar sem nú er kyndilmessa nýliðin væri
kannske ekki alvitlaust að rifja upp þessa ágæ-
tu vísu eftir Guttorm J Guttormsson:
Glóðin sindrar glöðum eld
gefst mér yndi af þessu.
Totta ég vindil títt og held
tóbaks kyndilmessu.
Öll fáum við okkar eftirmæli með einhver-
jum hætti. Ýmist góð eða minna góð eins og
gengur. Við lát Jóns Björnssonar á Bakka í
Viðvíkursveit sem var frammá- og framfara-
maður í héraðinu á sinni tíð og þurfti oft að
erinda eitthvað á Sauðárkróki eins og gengur
orti Stefán Vagnsson:
Lengi Jón á Bakka bjó.
Börn hann gat og varpið jók.
Flyðru og hákarl sótti í sjó.
Sat á fundum yfir á Krók.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Fleiri eiga þó flónskan munn - en flíka honum ekki svona!
Íslandsmótið í uppistandi fer
fram í Háskólabíói laugardaginn
27. febrúar næstkomandi. Þar
munu tíu uppistandarar keppa
um hylli dómnefndar og hreppa
titilinn Íslandsmeistari í uppi-
standi 2020.
Vestlendingar eiga að sjálf-
sögðu sína fulltrúa í keppn-
inni um Íslandsmeistaratitilinn
í uppistandi enda venju fremur
skemmtilegt fólk sem þar býr.
Það eru þau Ingi Björn Róberts-
son, eða Iddi Biddi, Anna Lilja
Björnsdóttir og Lára Magnús-
dóttir sem kemur fram undir
nafninu Lollý Magg. Munu þau
kitla hláturtaugar gesta og reyna
að heilla dómnefndina í Háskóla-
bíói 27. febrúar frá kl. 20:00.
Kjartan Atli Kjartansson og
Júlíana Sara Gunnarsdóttir
kynna keppnina og Sveppi verð-
ur sérstakur gestur kvöldins.
Dómnefndina skipa þau Edda
Björgvinsdóttir, Logi Bergmann
Eiðsson, Kristín Vala Eiríksdótt-
ir, Fannar Sveinsson, Guðmund-
ur Benediktsson, Pálmi Guð-
mundsson og Steinunn Camilla
Sigurðardóttir. Auk þeirra munu
áhorfendur úr sal einnig hafa
vægi í valinu á Íslandsmeistaran-
um í uppistandi 2020.
kgk/ Ljósm. Íslandsmótið í uppistandi.
Keppast um
Íslandsmeistaratitilinn
í uppistandi
Lára Magnúsdóttir.
Anna Lilja Björnsdóttir.
Ingi Björn Róbertsson.