Skessuhorn - 11.03.2020, Blaðsíða 4

MIÐVIKUDAGUR 11. MARS 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Sóknarfærin
Fátt er svo með öllu illt að ei boði nokkuð gott. Þannig var það og verð-
ur. Þegar þetta er skrifað hafa um sjötíu einstaklingar verið greindir með
hina nýju kórónaveiru hér á landi. Margfalt fleiri hafa verið dæmdir til hálfs
mánaðar sóttkvíar þar sem þeir hafa á liðnum dögum komist í tæri við smit-
aða eða veika. Með aðgerðum af þessu tagi reyna stjórnvöld hvað þau geta
til að hefta útbreiðslu veirunnar. Íslendingum sem koma frá sýktum svæð-
um, mest svona skíðabrekkufólki, er nú gert að sæta slíku stofufangelsi.
Raunar tek ég ofan fyrir íslenskum stjórnvöldum fyrir flest það sem gert
hefur verið eftir að fyrsta smitinu var flogið hingað til lands. Reyndar hefði
ég kosið að til landsins væru ekki að koma erlendir einskiptis ferðamenn
svona rétt á meðan þetta gengur yfir, en sem fyrr er það hann Mammon
gamli sem ræður för, fremur en heilbrigð skynsemi. Ég ætla hins vegar ekki
að fara nánar út í það, heldur líta á sóknarfærin.
Það felast nefnilega tækifæri í hálfsmánaðar stofufangelsi í heimahúsi.
Vel að merkja að því gefnu að fólk sé ekki veikt. Nú skyndilega gefst fólki
sem dæmt er til nauðungarvistar heima hjá sér kostur á að upplifa svo ótal-
margt sem ekki hefur verið tími til í amstri hversdagsins. Að sjálfsögðu er
ég ekki að óska mér eða öðrum þess að lenda í slíkri sóttkví. Öðru nær. Hins
vegar gæti ég hæglega talið upp býsna margt sem ég myndi gera við slíkar
aðstæður á mínu heimili. Um helgina náði ég til dæmis að bilanagreina
ónýta gluggaloku og panta mér íhluti til viðgerðar frá erlendri vefverslun.
Þetta gerði ég jafnvel þótt ég hefði fullt ferðafrelsi og ekki einu sinni kvef-
aður. Nú, ef ég myndi hins vegar lenda í svona stofufangelsi hefði ég næg-
an tíma til að skipta um gluggalokuna í rólegheitunum þegar Íslandspóstur
hefur flutt hana fyrir mig fyrir tífalt innkaupaverð hennar. Ekki síður gæti
ég gert við bilaða kranann á ofninum í svefnherbergi okkar hjóna, nú eða
málað skrifstofuna, en það hef ég aldrei gert í þá bráðum tvo áratugi sem
við höfum búið í íbúðinni (herbergið var jú nýmáluð þegar við keyptum).
Persónulega finnst mér það ekki koma að mikilli sök að hafa ekki málað,
því ég hef heldur ekki komið í verk að skipta út gamla og daufa loftljósinu
á skrifstofunni og því sést náttúrlega ekki greinilega að þar þyrfti að mála.
Af þessu má sjá að mér veitti ekkert af hálfsmánaðar stofufangelsi ef ég ætti
að sjá fram úr bæði óunnum, marglofuðum og/eða hálfkláruðum verkum
sem samkvæmt áralangri hefð falla í hlut húsbænda á þeim heimilum sem
þeirra nýtur við.
Þegar ég svo væri búinn að skipta um gluggalokuna, koma hita á hjóna-
herbergið, mála skrifstofuna og skipta um ljósið, svo það sæist að væri ný-
málað, væri t.d. hægt að setjast niður og klára smyrnapúðann sem ég byrj-
aði að sauma út í handavinnutímanum hjá henni Ólöfu heitinni fyrir 45
árum á Kleppjárnsreykjum. Til að fæða mannskapinn myndi ég fara neðst í
frystikistuna því einmitt þar er sá matur sem alla jafnan hefur lengstan eld-
unartíma en tilhneiging hefur einmitt verið til að slíkur matur renni frekar
út á tíma en það sem snöggeldað er. Þá er líka staðreynd að einmitt það sem
lendir neðst í frystikistunni er aldrei notað, af því að það er neðst! Og tal-
andi um það: Ég gæti líka nýtt þennan tíma til að hanna alveg nýja gerð af
frystikistum. Orðið vellauðugur á því. Kistur eða skápar sem væru þeirrar
gerðar að útilokað væri að taka úr þeim nema einmitt þann mat sem hefur
verið þar lengst. Slíkt myndi girða fyrir þá hættu sem felst í að vel geymt
kjöt á kistubotni gleymist - og verði að endingu hent.
Ég sé það núna að hálfs mánaðar stofufangelsi myndi hvergi nærri duga í
mínu tilfelli til að rétta af áralanga leti mína. Kannski verður búið að breyta
reglunum þegar ég smitast? Kannski ekki. Kannski þarf hvort sem er engan
ofnkrana í svefnherbergið. Það er jú að koma sumar.
Magnús Magnússon
Starfsmenn Borgarverks eru
byrjaðir að stækka Grundar-
fjarðarbæ um eina fjögur þús-
und fermetra, en þeir hafa byrjað
að fylla upp í svæðið norðan við
höfnina á móts við Hótel Fram-
nes. Áætlað er að þeirri fram-
kvæmd ljúki í sumar. Landfyll-
ingin mun stækka iðnaðarsvæðið
á höfninni fyrir athafnalóðir fyr-
ir hafnsækna starfsemi.
tfk
Götunni Hrafnakletti við Fjólu-
klett í Borgarnesi var lokað 5.
mars síðastliðinn vegna fráveitu-
framkvæmda og mun lokunin vara
út mars. „Á síðasta ári var hafist
handa við gatna- og fráveitufram-
kvæmdir í Bjargslandi. Skemmst
er að segja frá því að framkvæmd-
um miðar vel áfram. Næsti áfangi
snýr að því að tengja fráveitulagnir
við Hrafnaklett og því þarf að loka
götunni næstu þrjár vikur skammt
frá Fjólukletti,“ sagði í tilkynningu
frá Borgarbyggð. „Biðskýlið við
Hrafnaklett, hjá Egilsholti, mun
ekki verða notað á meðan. Skóla-
börn sem búsett eru í Stöðulsholti
þurfa að notast við biðskýlið sem er
staðsett við Ugluklett. Engin seink-
un verður á akstri skólabíls þrátt
fyrir lokun Hrafnakletts en notast
verður við 50 farþega rútu á meðan
á framkvæmdum stendur.“
mm
Slökkvilið Borgarbyggðar var klukk-
an 5:30 síðastliðinn sunnudag kall-
að út að sumarbústað í Fitjahlíð í
Skorradal. Húsið var orðið fullt af
reyk og glóð var komin í vegg við
kamínu þegar slökkviliðsmenn bar
að garði. Að sögn Bjarna Krist-
ins Þorsteinssonar slökkviliðsstjóra
gengu aðgerðir vel og var lokið á um
þremur korterum. Einn maður var
í húsinu og gat hann gert slökkvi-
liði viðvart. „Það var ekki laus eldur í
húsinu, en rjúfa þurfti klæðningu til
að komast að glóð í vegg við kam-
ínuna. Húsið var hins vegar fullt af
reyk þegar slökkviliðsmenn komu á
staðinn og ljóst að töluvert miklar
skemmdir eru vegna reyks og sömu-
leiðis á veggnum. Engan sakaði, sem
er að sjálfsögðu mest um vert,“ sagði
Bjarni.
Bjarni segir nokkuð um að kam-
ínur í sumarbústöðum geti verið
varasamar, einkum á vetrum þegar
frost og snjór stíflar rörin sem frá
þeim liggja. „Það getur bæði verið að
trekkspjöld frá kamínum stíflist eða
bili og þá getur skafið snjó í stromp-
ana frá þeim eða frosið í rörum þann-
ig að reykur á ekki greiða leið frá eldi
í kamínu. Þá ofhitnar þessi búnaður
og getur kveikt glóð út frá sér eins og
gerðist í þessu tilfelli,“ segir Bjarni
mm/ Ljósm. úr safni/kgk.
Byrjað á landfyllingu við Framnes
Miklar reykskemmdir á
bústað í Skorradal
Lokanir vegna framkvæmda
í Bjargslandi