Skessuhorn - 11.03.2020, Blaðsíða 10

MIÐVIKUDAGUR 11. MARS 202010
Guðmundur Runólfsson hf. í
Grundarfirði fer að dæmi annarra
fiskvinnslufyrirtækja hér á landi og
hefur nú beint þeim tilmælum til
starfsmanna að engar heimsóknir
eru leyfðar í starfsstöð fyrirtækisins
um óákveðinn tíma vegna óvissu-
ástands sem ríkir vegna Covid-19
veirunnar. Að auki er starfsfólk
hvatt til að draga úr ferðalögum
eins og frekast er unnt og sleppa
alfarið ferðalögum til skilgreindra
áhættusvæða þar sem Covid-19 far-
aldurinn geisar og smit er talið út-
breitt. Jafnframt er starfsmönnum
bent á að virða fyrirmæli Land-
læknis um sóttkví eftir ferðalög til
skilgreindra hættusvæða. mm
Ríkislögreglustjóri lýsti á föstudag-
inn yfir neyðarstigi almannavarna
í samráði við sóttvarnalækni vegna
sýkinga af völdum kórónaveiru,
COVID-19. Fyrstu tvö smit inn-
anlands voru staðfest sama daga.
Í kjölfarið var ákveðið að lýsa yfir
neyðarstigi almannavarna. Það er
gert m.a. á grunni þess að sýking-
in er nú farin að breiðast út innan-
lands.
„Virkjun neyðarstigs hefur ekki
teljandi áhrif á almenning umfram
hættustig sem varað hefur frá 28.
febrúar síðastliðinn. Ekki hefur
verið lagt á samkomubann. Stjórn-
völd og viðbragðsaðilar hafa und-
anfarið unnið að miklu leyti eins og
um neyðarstig væri að ræða og því
hafa ýmsar ráðstafanir sem neyðar-
stig kveður á um þegar verið gerð-
ar. Þar má nefna áætlanir um vökt-
un og farsóttagreiningu ásamt því
að tryggja að sóttvarnaráðstöfun-
um sé beitt. Sóttvarnalæknir bein-
ir því sérstaklega til þeirra sem telj-
ast til viðkvæmra hópa, einkum þá
sem eru með undirliggjandi sjúk-
dóma og eldri einstaklinga að huga
vel að hreinlætisaðgerðum forðast
mannamót að óþörfu.“
mm
Íslensk erfðagreinin mun þrátt fyrir
allt um miðja þessa viku hefja skim-
un á landsmönnum vegna Covid-19
veirunnar. Þetta ákvað Kári Stefáns-
son, forstjóri ÍE, eftir að Vísinda-
siðanefnd og Persónuvernd drógu til
baka ákvörðun sína frá liðinni viku
um að skimun af þessu tagi væri leyf-
isskyld. Kári tilkynnti því á sunnu-
daginn að hann myndi hætta við að
hætta við rannsóknina sem hann hef-
ur boðið hérlendum yfirvöldum.
Alma Möller landlæknir segir að
miklu máli skipti að Íslensk erfða-
greining taki að sér skimun og kort-
lagningu veirunnar. Það sé mikilvægt
fyrir bæði Ísland og heimsbyggðina
alla. Þá segir Kári Stefánsson Co-
vid-19 veiruna vera flókið mál. Hún
hafi stökkbreyst þannig að hægt sé
að sjá nákvæmlega hvaðan hún kem-
ur. Það að rekja veiruna sé hluti af
því að verjast henni og sjá hvernig
hún hreyfir sig í samfélaginu.
Panta þarf vél sem einangrar
RNR úr sýnapinnum og þá þarf að
panta efnivið til að vinna með áður
en hafist verður handa. Skimunin
verður unnin undir stjórn sóttvarn-
arlæknis og hefst eins og fyrr sagði
um miðja þessa viku. mm
Þar sem íbúar hjúkrunarheim-
ila eru flestir aldraðir og/eða með
ýmsa undirliggjandi sjúkdóma eru
þeir í sérstökum áhættuhópi tengt
því að veikjast alvarlega af Kórón-
aveirunni. Samtök fyrirtækja í vel-
ferðarþjónustu (SFV) beindu þeim
tilmælum til stjórnenda hjúkrunar-
og dvalarheimila undir lok síðustu
viku að þeir leiti leiða til að draga
úr þeirri hættu að íbúar heimil-
anna smitist. „Með hliðsjón af því
og í samráði við sóttvarnarlækni og
Landlækni vilja Samtök fyrirtækja
í velferðarþjónustu (SFV) hvetja
hjúkrunarheimili innan samtak-
anna til að loka heimilunum fyr-
ir heimsóknum ættingja og ann-
arra gesta sem allra fyrst og halda
þeim lokuðum þar til annað verður
tilkynnt,“ segir í tilkynningu sem
senda var út á föstudaginn.
Öll hjúkrunarheimili á Vestur-
landi hafa nú þegar brugðist við
þessum tilmælum. Fyrst var Fella-
skjól í Grundarfirði 4. mars og
síðan koll af kolli; Höfði á Akra-
nesi, Brákarhlíð í Borgarnesi, Jað-
ar í Snæfellsbæ og dvalarheimilið í
Stykkishólmi. Á síðasttalda staðn-
um á heimsóknarbannið einnig við
um búseturéttaríbúðir þar sem þær
eru samtengdar starfsemi hjúkrun-
arheimilisins. Þá hefur félagsstarfi
aldraða að Borgarbraut 65a í Borg-
arnesi nú verið lokað um óákveð-
inn tíma. „Matnum verður ekið út
til þeirra sem hafa verið að nýta sér
það úrræði í félagsstarfinu,“ sagði í
tilkynningu frá Borgarbyggð. Nú
síðast á mánudaginn ákvað Dala-
byggð að taka fyrir heimsóknir til
íbúa á dvalarheimilinu Silfurtúni.

Forðast smit með öllum
tiltækum ráðum
Hér að neðan er birtur hluti úr til-
kynningu sem Höfði; hjúkrunar-
og dvalarheimili á Akranesi sendi
aðstandendum íbúa þar. Sambæri-
leg tilmæli hafa verið send frá öðr-
um heimilinum í landshlutanum:
„Leita þarf allra leiða til að draga
úr þeirri hættu að íbúar heimilanna
veikist af Kórónaveirunni. Okkur
þykir mjög leitt að þurfa að taka
svo stóra ákvörðun en þetta er gert
með velferð íbúanna okkar í húfi
og biðjum við fólk að sýna þessari
ákvörðun virðingu og skilning. Það
er ljóst að það getur reynst íbúa
mjög erfitt að fá ekki heimsóknir
frá ættingjum sínum og á sama hátt
getur það reynst ættingjum íbúans
mjög erfitt að heimsækja hann ekki.
Það er samt nauðsynlegt að grípa til
þessara ráðstafana til að koma í veg
fyrir að íbúi veikist af veirunni og
eins geta smit borist frá ættingj-
um eins íbúa til annars íbúa. Jafn-
framt verður umferð allara annarra
gesta nauðsynlegs starfsfólks á vakt,
tökmörkuð inn á Höfða og gerðar
hafa verið sérstakar reglur um það.
Svo sem birgja með vörur, iðnaðar-
menn og aðra sem þurfa að koma
inn á heimilin. Varðandi símtöl inn
á heimilið og upplýsingar um líð-
an heimilisfólks þá bendum við á
bein númer inn á hvert heimili sem
nálgast má á www.dvalarheimili.is
Einnig er mikilvægt að þið kynn-
ið ykkur upplýsingar og leiðbein-
ingar á vef Landlæknisembættisins
www.landlaeknir.is Þar eru greinar-
góðar upplýsingar og leiðbeiningar
tengdar stöðu málar, en þær geta
breyst frá degi til dags.“ mm
Neyðarstigi
almannavarna
var lýst yfir
Kári Stefánsson, forstjóri ÍE.
Skimun vegna kórónaveirunnar
hefst þrátt fyrir allt
Engar heimsóknir leyfðar og
dregið úr ferðalögum
Tekið fyrir heimsóknir á hjúkrunar- og dvalarheimili
Anddyri Dvalarheimilisins í Stykkishólmi. Ljósm. Stykkishólmsbær.