Mosfellingur - 25.06.2020, Blaðsíða 6
- Fréttir úr Mosfellsbæ6
Söfnunardagar
á Nærveru í júlí
Stelpurnar á snyrtistofunni Nærveru
ætla að halda söfnunardaga 10. og
11. júlí fyrir Önnu Lilju Marteins-
dóttur, snyrtifræðing á stofunni.
„Anna Lilja missti manninn sinn,
Jóhann Magnússon, nýverið og er
því orðin einstæð móðir með tvo
unga drengi og einn uppkominn
stjúpson,“ segir Ragnheiður Bjarna-
dóttir eigandi stofunnar. „Hún er
sjálfstætt starfandi og á því hvorki
launað veikinda- né sumarfrí. Við
ætlum að leggja okkar af mörkum
og bjóða upp á snyrtimeðferðir
þessa daga og viðskiptavinir leggja
andvirðið inn á styrktarreikning-
inn.“ Ragnheiður bendir á styrktar-
reikning sem þær hafa stofnað fyrir
Önnu Lilju og hvetur Mosfellinga til
að láta gott af sér leiða og styðja við
Önnu og drengina.
Semja um ljósleiðara
væðingu í dreifbýli
Mosfellsbær og Míla hafa undir-
ritað samkomulag um styrk til
handa Mílu, til uppbyggingar
ljósleiðarakerfis í dreifbýli Mosfells-
bæjar. Samningurinn nær til þeirra
íbúðarhúsa og fyrirtækja sem ekki
hafa aðgang að VDSL tengingum
(ljósnetinu) við undirritun samn-
ings. Mosfellsbær fékk að lokinni
umsókn til fjarskiptasjóðs á síðasta
ári úthlutað styrk til uppbyggingar
ljósleiðaradreifikerfis í dreifbýli
sveitarfélagsins. Verkfræðistofan
EFLA hefur séð um ráðgjöf,
umsóknir og útboð í tengslum við
málið fyrir Mosfellsbæ. Ráðgert er
að framkvæmdir hefjist á næstu
vikum og verði lokið á þessu ári.
Frestun fasteigna
gjalda vegna COVID
Gjalddögum fasteignagjalda á
árinu 2020 hefur verið fjölgað úr
9 í 10 fyrir alla fasteignaeigendur
með fasteignagjöld yfir kr. 40.000:
15. janúar, 15. febrúar, 15. mars,
15. maí, 15. júní, 15. júlí, 15. ágúst,
15. september, 15. október og 15.
nóvember. Eindagi fasteignagjalda
er þrjátíu dögum eftir gjalddaga.
Eigendur atvinnuhúsnæðis sem
hafa orðið fyrir verulegu tekjutapi
geta sótt um frestun allt að þriggja
gjalddaga fasteignagjalda sem
færast þá á fyrstu mánuði ársins
2021. Með verulegu tekjutapi er átt
við að minnsta kosti 25% tekjufall
milli sömu mánaða á árunum 2019
og 2020.
Deiliskipulag
í landi Blikastaða
– taktu þátt í að móta þitt umhverfi
Kynntu þér málið, sendu okkur hugmyndir, athugasemdir, spurningar eða
taktu þátt í samkeppni um nafn á svæðið á reitir.is/blikastadir
Við vinnum að nýju deiliskipulagi atvinnukjarna í landi Blikastaða.
Okkar markmið er að svæðið byggist upp í takt við þarfir fyrirtækja með atvinnu,
náttúru, sjálfbærni og samnýtingu að leiðarljósi. Við viljum velta við hverjum steini
og hvetjum íbúa til að taka þátt í mótun svæðisins, og hjálpa okkur að finna því
viðeigandi nafn.
Ný og ung stjórn tekin við • Lyft hefur verið grettistaki • Æfingar fyrir börn og unglinga
MotoMos í endurnýjun lífdaga
Íslandsmeistaramót um helgina
Þann 13. maí var kosin ný stjórn í MotoMos
og við tók ein yngsta stjórn landsins hjá fé-
lagi innan MSÍ (Mótorhjóla- & vélasleða-
sambandi Íslands sem er hluti af ÍSÍ).
Formaður er Jóhann Arnór Elíasson en
aðrir stjórnarmenn eru Leon Pétursson,
Egill Sverrir Egilsson, Pétur Ómar Þor-
steinsson og Örn Andrésson. Varamenn í
stjórn eru þeir Egill Sveinbjörn Egilsson og
Einar Sverrir Sigurðsson.
Á bakvið stjórn félagsins eru öflugir for-
eldrar og aðrir velunnarar félagsins. Stjórn-
ina skipa eingöngu heimamenn héðan úr
Mosfellsbæ. Með innkomu nýrrar stjórnar
má segja að MotoMos gangi í ákveðna
endurnýjun lífdaga en takmörkuð starfsemi
hefur verið í gangi síðustu þrjú ár.
Grettistak í viðhaldi á svæðinu
Lyft hefur verið grettistaki í viðhaldi á
svæðinu sem var komið til ára sinna. Allt
húsið hefur verið tekið í gegn, frágangur
á dreni á svæði bættur og nú standa yfir
miklar viðgerðir á vökvunarkerfi.
MotoMos-brautin var opnuð í fyrsta sinn
í ár laugardaginn 13. júní en sjaldan eða
aldrei hefur brautin verið opnuð jafn seint
á árinu eftir að hún tók til starfa. Stafar það
af aðkallandi þörf á viðhaldi sem stendur
enn yfir.
Vilja ná til nýrra og ungra iðkenda
Markmið nýrrar stjórnar er að ná til nýrra
ungra iðkenda í Mosfellsbæ og koma þeim
á einn stað til að stunda þessa skemmtilegu
en krefjandi íþrótt. Liður í því er að hafa
gott æfingasvæði. Fyrir þá sem þekkja ekki
þá er motocross talin ein allra erfiðasta
íþrótt í heimi í dag.
Það er mjög misjafnt í hvaða íþróttum
börn finna sig. Sannað er að fáar íþrótta-
greinar höfða jafn mikið til barna með
athyglisbrest og motocross.
Nýlega setti félagið á laggirnar æfingar
fyrir börn og unglinga og fara þær fram
tvisvar sinnum í viku út sumarið. Hver
æfing stendur í minnst tvo tíma og er í
höndum aðila sem er með þjálfararétt-
indi og er einnig crossfit-þjálfari í Crossfit
Reykjavík.
Halda Íslandsmeistaramót í Mosó
Á döfinni er fyrsta Íslandsmeistaramótið
í motocrossi sem haldið verður 27. júní, en
ekki hefur verið haldið Íslandsmeistaramót
hjá MotoMos síðan 2017. Gert er ráð fyrir
um 100 keppendum í öllum aldursflokkum
og fjölda áhorfenda en frítt er á svæðið fyrir
áhugasama.
MotoMos skorar á þá sem ekki hafa fylgst
með svona keppni að koma og sjá bestu
ökumenn landsins takast á í afar skemmti-
legri braut. Það er einstök aðstaða til að
fylgjast með keppninni í MotoMos og eru
fáar brautir jafn áhorfendavænar en útsýni
er yfir alla brautina frá klúbbhúsi.
Pétur Ómar, Egill SvErrir,
JÓhann arnÓr, Örn og lEon
krEfJandi braut
Stofutónleikar í
sumar á Gljúfrasteini
Stofutónleikar Gljúfrasteins hefjast
á sunnudaginn en þeir eru haldnir
hvern sunnudag til 30. ágúst og
hefjast þeir kl.
16:00. Miðar eru
seldir í safnbúð
Gljúfrasteins
samdægurs og
kosta 2.500 kr.
Ókeypis er fyrir
börn á leikskóla-
aldri. Sæunn
Þorsteinsdóttir sellóleikari leikur
meistaraverk fyrir einleiksselló eftir
J.S. Bach og Hafliða Hallgrímsson
á fyrstu stofutónleikum ársins á
Gljúfrasteini 28. júní kl. 16:00.
Dagskrá tónleikaraðar sumarsins
má finna á www.gljufrasteinn.is og
kennir þar ýmissa grasa. Gljúfra-
steinn er hús efst í Mosfellsdal við
ána Köldukvísl. Húsið var heimili
Halldórs Laxness og fjölskyldu hans
í meira en hálfa öld en hýsir nú safn
um skáldið.
Gaui og Vala sem eiga og reka æfinga-
stöðina Kettlebells Iceland eru að gefa út
bókina „Lifðu! 8 leiðir að bættri heilsu og
aukinni hamingju“.
Bókin byggir á fimm mánaða ferðalagi
þeirra ásamt tveimur yngstu sonum þeirra
um bláu svæði (Blue Zones) heimsins í
fyrra en þau svæði eru þekkt fyrir langlífi
og góða heilsu.
Í bókinni fjalla þau meðal annars um
mikilvægi tilgangs, daglegrar hreyfingar og
öflugs samfélags þar sem fólk passar hvert
upp á annað.
Heimabærinn Mosfellsbær kemur að
sjálfsögðu við sögu í bókinni.
Bókin er nú í forsölu, fyrstu eintökin
koma úr prentsmiðju í fyrri hluta júlí og
verða afhent þeim sem kaupa í forsölu um
leið. Þá kemur bókin einnig út í hljóðbók-
arformi hjá Storytel síðar á árinu.
Reynslunni ríkari eftir fimm mánaða ferðalag um Blue Zones
Bókin Lifðu! kemur út
fJÖlSkyldan fyrir fErðalag
Sendið okkur myndir af nýjum Mosfellingum ásamt
helstu upplýsingum á mosfellingur@mosfellingur.is