Mosfellingur - 25.06.2020, Blaðsíða 14

Hjónin Þóra Jónasdóttir og Guðmundur
Ásgeirsson eru þátttakendur í verkefninu
Team Rynkeby. Team Rynkeby er sam-
norrænt góðgerðaverkefni þar hjólað er
frá Danmörku til Parísar, um 1300 km á 8
dögum, til styrktar krabbameinssjúkum
börnum og fjölskyldum þeirra.
„Verkefnið byrjaði árið 2002 þegar 11
hjólreiðamenn sem tengdust Rynkeby
Foods ákváðu að hjóla frá Danmörku til
Parísar til að sjá lok Tour de France. Þessir
aðilar voru duglegir að safna styrkjum, en
ágóðinn af verkefninu var svo gefinn til
deildar krabbameinssjúkra barna við há-
skólasjúkrahúsið í Óðinsvéum og þar með
var hefðinni komið á,“ segir Gummi en þess
má geta að undanfarin þrjú ár hefur þetta
verkefni styrkt Styrktarfélag krabbameins-
sjúkra barna (SKB) um fimmtíu milljónir.
57 lið frá allri Evrópu
Í dag samanstendur Team Rynkeby af
2.100 hjólreiðamönnum og 550 aðstoðar-
mönnum sem skiptast í 57 lið frá Evrópu.
Þátttakendur eru valdir úr þúsundum um-
sækjenda sem fylla út umsóknareyðublað
á heimasíðu Team Rynkeby. „Íslendingar
stofnuðu hjólalið árið 2017. Í liðinu eru
um fjörutíu manns. Við hjónin ákváðum
að taka þátt í þessu mikilvæga verkefni, að
safna fyrir krabbameinssjúk börn á Íslandi
og fjölskyldur þeirra.
Þarna kemur saman að styrkja gott mál-
efni, hjóla og kynnast nýju frábæru fólki í
hópnum ásamt því að fá góða hreyfingu í
kaupbæti,“ segir Þóra en allir þátttakendur
greiða kostnað sinn sjálfir, þar með talin
hjólin og hjólafatnað en öll Team Rynkeby
liðin eru á eins hjólum.
Breytt plan vegna COVID–19
„Liðin eru valin í september ár hvert og
skuldbinda þeir útvöldu sig til að sinna
verkefninu vel og safna sem mestu fyrir
þetta verðuga verkefni. Við höfum leitað til
nokkurra fyrirtækja og hafa flest tekið vel í
beiðnina og lagt okkur lið með peningum
eða vörum. Við seldum einnig konfekt fyrir
jólin og páskaegg fyrir páskana og gekk sal-
an mjög vel en þar komu vinir og ættingjar
sterkir inn.
Eins og margt annað í heiminum í dag
er breyting á þessu verkefni vegna COVID-
19. Æfingaplanið breyttist aðeins og þurft-
um við að æfa í minni hópum síðastliðna
mánuði.
Íslandshópurinn hefur skipulagt hjóla-
ferð hringinn í kringum landið dagana
4.-11. júlí. Við ætlum ekki að hjóla hefð-
bundinn hring heldur höfum við fundið
skemmtilegar og óhefðbundar hjólaleiðir,“
segja þau hjón að lokum og hvetja alla til
að leggja þessu frábæra verkefni lið. Hægt
er að nálgast allar upplýsingar á Facebook
síðunni Team Rynkeby Ísland.
Þverholt 2 I Mosfellsbær 270 I Sími 525 6700 I mos.is
ÓSKUM EFTIR TILNEFNINGUM TIL
JAFNRÉTTISVIÐURKENNINGAR
Lýðræðis- og mannréttindanefnd Mosfellsbæjar
óskar eftir tilnefningum til jafnréttisviðurkenningar
Mosfellsbæjar fyrir árið 2020. Tilgangurinn er að veita
viðurkenningu fyrir vel unnin störf að jafnréttismálum í
samræmi við jafnréttisáætlun Mosfellsbæjar.
Til að eiga möguleika á að hljóta jafnréttisviðurkenningu
Mosfellsbæjar árið 2020, þarf:
1. Einstaklingur að hafa skarað framúr í vinnu að
jafnréttismálum.
2. Fyrirtæki, stofnun eða félag að hafa:
a) Sérstaka stefnu eða áætlun í jafnréttismálum.
b) Unnið í því að afnema staðalímyndir kynjanna.
c) Sett sér aðgerðaráætlun sem tæki til að vinna að
framgangi jafnréttis kvenna og karla.
d) Gert ráðstafanir til að koma í veg fyrir kynbundið-
eða kynferðislega áreitni á vinnustað.
e) Veitt starfsmönnum fræðslu um jafnréttismál.
Við hvetjum ykkur til að fara inn á mos.is/jafnretti
og senda tilnefningar ásamt rökstuðningi fyrir
17. ágúst 2020.
Útnefning lýðræðis- og mannréttindanefndar
verður kynnt á Jafnréttisdegi Mosfellsbæjar, sem
haldinn verður hátíðlegur þann 18. september n.k.
- Bæjarblað allra Mosfellinga14
Þóra og Gummi hjóla til styrktar krabbameinssjúkum
Taka þátt í risa
góðgerðaverkefni
Gummi oG Þóra í Góðum
félaGsskap á Bessastöðum
stífar æfinGar
fyrir hrinGferðina
Hægt er að leggja verkefninu lið
með því að hringja í styrktarnúmer,
allur ágóði rennur óskiptur til SKB. 907-
1601 fyrir 1.500 kr., 907-1602 fyrir kr.
3.000 kr. og 907-1603 fyrir kr. 5.000 kr.
Flest getum við verið sammála um að
ábyrgð okkar er mikil gagnvart umhverfinu
og þeirri ábyrgð þurfum við að miðla áfram.
Til að gera nemendur meðvitaðri um þá
ábyrgð þarf að þroska með þeim umhverfis-
vitund, gera þá læsa á sitt nánasta umhverfi
og þar með hvaða gildi það hefur.
Skólar á grænni grein eða Grænfána-
verkefnið er alþjóðlegt umhverfismennt-
arverkefni sem rekið er af Landvernd á
Íslandi. Markmið verkefnisins er að auka
umhverfismennt, menntun til sjálfbærni
og að styrkja umhverfisstefnur skóla.
Unnið ötullega að markmiðunum
Lágafellsskóli ásamt útibúi skólans
Höfðabergi skráði sig til leiks í Grænfána-
verkefnið haustið 2018 og hefur verið unnið
ötullega að heilmörgum verkefnum sl. tvo
vetur til að ná þeim markmiðum að gerast
Grænfánaskóli.
Þeim áfanga náði skólinn nú á vordög-
um 2020. Af því tilefni mætti fulltrúi Land-
verndar, Margrét Hugadóttir og afhenti full-
trúum nemenda í umhverfisnefnd skólans
fána. Fánarnir voru svo dregnir að húni
bæði við Lágafellsskóla og Höfðaberg og
þar með er skólinn orðinn Grænfánaskóli.
„Það er svo einlæg von okkar að þeir
siðir og venjur sem nú þegar hafa skapast í
verkefnum okkar eigi eftir að festast í sessi
í skólastarfinu og gefa okkur tækifæri til að
hlúa að nýjum og fjölbreyttum verkefnum
í anda grænfánans á komandi árum,“ segir
Helga Þorsteinsdóttir í umhverfisnefnd
Lágafellsskóla.
Flöggun grænFánans
höfðaBerGláGafellsskóli
www.fastmos.is
586 8080
Sími:
Örugg og góð þjónusta
Hafðu
samband
Einar Páll Kjærnested
Löggiltur fasteignasali
Fasteignasala Mosfellsbæjar • Þverholti 2 • S. 586 8080 • www.fastmos.is