Mosfellingur - 27.08.2020, Blaðsíða 6
- Fréttir úr Mosfellsbæ6
Mosfellsbær kærir
Reykjavíkurborg
Mosfellsbær hefur kært Reykja-
víkurborg til úrskurðarnefndar
umhverfis- og auðlindamála vegna
deiliskipulagsbreytingar á Esju-
melum um að stór hluti svæðisins
fari úr að vera athafnasvæði yfir
í iðnaðarsvæði. Í tilkynningu frá
Mosfellsbæ kemur fram að fara
eigi í moltugerð undir beru lofti
á svæðinu, en Mosfellsbær geti
ekki sætt sig við það. Þá myndi
breytingin gera starfsemi tveggja
malbikunarstöðva mögulega. Er
haft eftir Haraldi Sverrissyni bæjar-
stjóra Mosfellsbæjar að breytingin
skipti Mosfellinga miklu máli og að
lágmarki þurfi hún að samræmast
gildandi aðalskipulagi.
Tvö tilboð bárust um
breikkun á Kjalarnesi
Aðeins tvö tilboð bárust í breikkun
Vesturlandsvegar um Kjalarnes.
Lægra boðið, upp á 2.305 milljónir
króna, átti Ístak, og var það fjórum
prósentum yfir kostnaðaráætlun.
Hitt tilboðið var sameiginlegt boð
Suðurverks og Loftorku, sextán
prósentum yfir kostnaðaráætlun. Í
þessum fyrsta áfanga á að breikka
fjögurra kílómetra kafla frá
Varmhólum að Vallá í 2+1 veg með
aðskildum akbrautum. Jafnframt á
að gera hringtorg við Móa og tvenn
undirgöng, við Varmhóla og Saltvík,
en einnig hliðarvegi, áningarstað
og stíga. Verkið er samstarfsverkefni
Vegagerðarinnar, Reykjavíkurborg-
ar, Veitna og Gagnaveitu Reykjavík-
ur. Því skal að fullu lokið vorið 2023.
Fastagestir í Lágafellslaug vilja opið alla daga til kl. 22 • Standa fyrir undirskriftasöfnun
Krefjast lengri opnunartíma
Staðfest smit á leik-
skólanum Huldubergi
Öll börn og starfsmenn á Huldu-
bergi eru farin í sóttkví eftir að
smit greindist á meðal starfsfólks.
Skólanum hefur verið lokað í
tvær vikur eða til 3. september.
Smitrakningarteymi almannavarna
og sóttvarnarlæknis hefur tekið
ákvörðun, út frá forsendum og upp-
lýsingum sem komnar eru fram, að
öll börn á leikskólanum sem voru
með viðveru þar einhvern daganna
19., 20. eða 21. ágúst skuli vera í
sóttkví frá og með þeim degi sem
þau dvöldu síðast í leikskólanum.
Leikskólarnir í Mosfellsbæ hafa átt í samstarfi við Menntamála-
stofnun og Ásthildi B. Snorradóttur talmeinafræðing síðastliðna
tvo vetur.
Verkefnið snerist um að þróa og nýta nýjar aðferðir til að efla
málþroska og læsi leikskólabarna. Á þessu tíma hafa starfsmenn
leikskólanna og foreldrar fengið ýmiss konar fræðslu og málörv-
unarefni sem hafa nýst vel í þessu mikilvæga verkefni.
Í júnílok var uppskeruhátíð og samantekt á afurðinni sem er í
formi hagnýtrar handbókar sem aðrir leikskólar á landinu geta
nýtt sér. Verkefnið tókst vel og það er ánægjulegt að sjá árangurinn
þegar ólíkir aðilar taka höndum saman og stilla saman strengi eins
og í þessu flotta verkefni.
Fulltrúar leikskólanna og Menntamálastofnunar
ásamt bæjarstjóra og fulltrúum fræðslusviðs.
Samstarf leikskóla Mosfellsbæjar og Menntamálastofnunar um að efla málþroska
Vel heppnað skólaþróunarverkefni
Bæjarhátíð mosfellsBæjar
í túninu heima 2020 aflýst
Margir fastagestir sækja Lágafellslaug í Mosfellsbæ enda ein
flottasta sundlaug landsins. Hópur fastagesta hittist þar á hverju
kvöldi og fer yfir málin. Eftir sund og gufu leggur hópurinn á ráðin
yfir engiferskoti í anddyri laugarinnar. „Við erum Mosfellingar og
þverskurður samfélagsins á aldrinum 20-80 ára,“ segir Guðmundur
Björgvinsson, Makkerinn, einn meðlima sundhópsins.
Hátt í þúsund undirskriftir komnar
Hópurinn hóf að safna undirskriftum í sumar fyrir lengri opnun-
artíma í Lágafellslaug. Undirskriftarsöfnunin gengur út á að hafa
opið alla daga vikunnar til kl. 22:00, einnig um helgar. Lauginni er
nú lokað kl. 21:30 á virkum dögum og kl. 19:00 um helgar.
„Opnunartími í Lágafellslaug er styttri en alls staðar annars
staðar á höfuðborgarsvæðinu og á flestum sundstöðum er opið til
kl. 22:00 alla daga.“
Rafræn undirskriftasöfnun á island.is stóð yfir frá 17. júní til 17.
júlí. Einnig voru undirskriftalistar aðgengilegir á N1 í Mosfellsbæ á
þessum tíma. Í ljósi COVID taldi hópurinn að rétt væri að bíða með
að afhenda listann til bæjarstjórnar Mosfellsbæjar. Enn er hægt að
ljá málefninu lið með því að skrifa undir listann á N1, bókasafninu
og í Lágafellslaug. Stefnt er að því að afhenda bæjarstjórn listann
þann 15. september.
Heilsueflandi og stækkandi samfélag
„Aðstaðan í Lágafellslaug er ein sú besta á Íslandi og það er okkar
einlæga ósk að opnunartíminn verði lengdur“, segir Guðmundur
sem segir hópinn hafa fengið afar góðar undirtektir.
„Á þessum sérstöku COVID-tímum, þar sem fjöldatakmarkanir
eru í heitum pottum og í gufuklefum, er lengri opnunartími enn
mikilvægari en áður,“ bætir Svavar Benediktsson við. „Það gengur
ekki upp að Mosfellingar þurfi að búa við lakari þjónustu en aðrir
íbúar höfuðborgarsvæðisins. Það er krafa Mosfellinga að opnunar-
tími Lágafellslaugar verði færður til samræmis opnunartíma annars
staðar á höfuðborgarsvæðinu.
Þetta hefur félagslegt gildi og er gott fyrir sálina í okkar ört stækk-
andi og heilsueflandi samfélagi.“
Fastagestir vilja að lága-
Fellslaug sé opin til kl. 22
Halda sína eigin „bæjarhátíð“ • Bingó, karókí og lifandi tónlist
Þriggja daga vakt á Barion
Barion ætlar að halda sínu striki um helgina þrátt
fyrir aflýsta bæjarhátíð. Tekið er við hámark 100
gestum hvert kvöld og mun gilda sú regla að fyrstir
koma, fyrstir fá.
Þá verður sett upp tjald í bakgarðinum til að geta
dreift sem mest úr þeim 100 manna gestafjölda sem
leyfilegur er samkvæmt þríeykinu. Frítt er inn á alla
viðburði staðarins og hefst dagskráin með hátíð-
arbingói á fimmtudagskvöld þar sem glæsilegir
vinningar verða í boði. Á föstudagskvöldið fer fram
hópkarókí með Siggu Kling þar sem allir geta
sungið með sínu nefi. Á laugardagskvöldið
verður síðan lifandi tónlist með trúbadorn-
um mosfellska Magnúsi Hafdal. Viðburð-
irnir hefjast allir kl. 21:00 og lýkur þegar
staðnum lokar kl. 23:00. sigga kling