Mosfellingur - 27.08.2020, Blaðsíða 14
Karlar í skúrum hefja
starfsemi sína
Karlar í skúrum í Mosfellsbæ
boða til fundar fyrir áhugasama
þriðjudaginn 1. september kl.
11:00. Fundurinn verður haldinn í
húsnæði Karla í skúrum í Mosfells-
bæ í Litluhlíð 7 í Skálatúni. Karlar í
skúrum er opið fyrir alla karlmenn
og gefur karlmönnum stað og stund
til að hittast, spjalla og vinna að
ýmsum sameiginlegum verkefnum
sem þeir sjálfir ákveða.
Kenna tölvum að
skilja íslensku
Hópur nemenda í Vinnuskóla Mos-
fellsbæjar, svokallaður viðburða-
hópur, vann í sumar í samstarfi við
Mál- og raddtæknistofu Háskólans
í Reykjavík að því að kenna tölvum
og tækjum að skilja íslensku. Það
kann að hljóma flókið en það
er ekki raunin. Þátttaka lýsir sér
þannig að nemendurnir taka upp á
símann sinn setningar sem þeir lesa
upphátt.
Verkefnið ber heitið Samrómur og
á vefsíðu þess, Samrómur.is, getur
hver sem er lagt því lið með því að
taka upp sína rödd. Verkefnið er
liður í fimm ára máltækniáætlun
íslenskra stjórnvalda sem snýr að
því að auka aðgengi að íslensku
máli í hvers kyns tækni. Raddsöfnun
Samróms hefur verið í gangi síðan
síðasta haust og hafa hátt í tíu þús-
und einstaklingar lagt verkefninu
lið og lesið 270 þúsund setningar.
Þessi vaski hópur nemenda las
hátt í 30 þúsund setningar inn á
vef Samróms. Þeim góða árangri
var síðan fagnað með ísferð í Mosó
Grill. „Er það von okkar að innan
fárra ára getum við átt í samskiptum
við tækin okkar á íslensku líkt og
margir gera nú þegar á ensku.
Nemendur vinnuskólans hafa lagt
sitt af mörkum og hvetjum við fleiri
Mosfellinga til þess að taka þátt á
Samrómur.is,“ segir í tilkynningu frá
Mál- og raddtæknistofunni.
- Fréttir úr bæjarlífinu14
DOMINOS.IS | DOMINO’S APPPI
ZZ
A
AÐEINS EF ÞÚ PANTAR Á NETINU EÐA MEÐ APPINU, GREIÐIR FYRIRFRAM OG SÆKIR
PANTAÐ Á
NETINU EÐA
MEÐ APPINU OG
GREITT FYRIRFRAM
1.790 K .
EIN STÓR PIZZA
ÞRJÁR PIZZUR AF
MATSEÐLI Á SJÓÐ-
HEITU TILBOÐSVERÐI
Í HVERJUM MÁNUÐI
MÁNAÐARINS
Þann 22. ágúst fermdist Eydís Ósk í Lága-
fellskirkju ásamt fleirum krökkum úr bæj-
arfélaginu. Það er skemmtilegt að segja
frá því að kjóllinn sem hún var í við þessa
hátíðlegu athöfn hefur áhugaverða sögu að
baki en þetta er í fjórða skipti sem þessi kjóll
er notaður við stórviðburð í fjölskyldunni.
Kjóllinn var upphaflega saumaður árið
1969 sem brúðarkjóll á Ingigerði Magnús-
dóttur sem gekk í hjónaband með Sigur-
hans Wium það sama ár. Dóttir þeirra Rakel
Katrín fermdist svo í kjólnum árið 1993 og
báðar dætur hennar, þær Ásta Margrét sem
fermdist 2013 og svo Eydís Ósk 2020.
Skemmtilega sígildur kjóll
„Soffía Þórðardóttir sem átti verslunina
Kjóllinn sérsaumaði þennan kjól á mig, en
hún var afasystir mannsins míns. Kjóllinn
er svo skemmtilega sígildur,“ segir Ingigerð-
ur sem er ánægð með hvað dóttir hennar
og barnabörn hafa verið spenntar fyrir að
nota kjólinn.
Rakel tekur undir það og segist ekki hafa
fundið neitt sem hana langaði í þegar hún
var að spá í kjóla fyrir ferminguna sína.
„Ég byrjaði því að gramsa í skápunum hjá
mömmu og fann þennan kjól og mátaði.
Eftir það kom aldrei neitt annað til greina
en að fermast í þessum kjól. Það var svo
sama sagan þegar Ásta dóttir mín fermd-
ist, hún skoðaði ekki einu sinni aðra kjóla,“
segir Rakel.
„Í fermingarveislunni hjá Ástu var mikið
verið að tala um kjólinn og sögu hans. Eydís
var þá 6 ára og sagði strax að hún ætlaði sko
líka að fermast í þessum kjól. En kjóllinn
er alveg sérstaklega fallegur, klassískur og
sniðið er alveg tímalaust,“ segir Rakel að
lokum en Eydís dóttir hennar fermdist í
kjólnum góða í Lágafellskirkju síðastliðinn
sunnudag.
Kjóll með sögu • Óbreyttur í hálfa öld • Fyrst notaður í brúðkaupi • Klassískur kjóll
Kjóll með sögu - frá árinu 1969
1969 ingigerður 1993 rakel katrín 2013 ásta margrét 2020 eydís ósk
Miklar framkvæmdir hafa verið við Varmár-
skóla í sumar. Gerðar hafa verið breytingar
á kennslurýmum og starfsmannaaðstöðu í
bæði yngri og eldri deild Varmárskóla með
það að markmiði að bæta vinnuaðstöðu
nemenda og starfsmanna.
Bókasöfnin í báðum deildum eru nú í
opnum rýmum á efri hæðum skólanna og
byggjast á hugmyndafræði um upplýsinga-
miðstöðvar. Hljóðvist verður í samræmi við
notkunina með því að setja hljóðdempandi
loftaplötur í rými bókasafnanna.
Á neðri hæð yngri deildar er búið að inn-
rétta móttökueldhús þar sem tekið verður á
móti mat úr mötuneyti eldri deildar. Loks
voru loftaklæðningar í stofu 117 endurnýj-
aðar.
Skrifstofum og fundarherbergjum hef-
ur verið breytt til að bæta vinnuaðstöðu
auk þess að bæta við rými fyrir kennslu
barna með íslensku sem annað tungumál.
Hand- og myndmenntastofur voru aflagðar
síðastliðinn vetur og er nú búið að flytja þá
aðstöðu yfir í lausar stofur á lóð Varmár-
skóla.
Viðhald og endurbætur
Unnið hefur verið að þakviðgerðum í
sumar og er nú verið að leggja lokahönd á
þakskipti í austurálmu yngri deildar.
Meginverkþættir þess verks í heild sinni
eru:
• Endurnýjun þaks, þakkanta og þak-
renna á austurálmu og tengibygginu milli
álma skólans auk múrviðgerða og málunar
á veggjum á austurálmu.
• Í vesturhluta skólans verður sumarið
2021 skipt um glugga á suður- og norður-
hlið ásamt endurnýjun veggklæðningar.
Loks verður þak norðurálmu (kringlu)
endurnýjað.
Verkinu verður skipt niður á árin 2020 og
2021 þar sem taka verður tillit til skólastarfs
og tryggja að hávaðasamar framkvæmdir
trufli ekki starfsemi skólans.
Áður hafði þak elsta hluta yngri deildar
verið endurnýjað sumarið 2019.
Viðgerðir vegna rakaskemmda
Frá sumrinu 2019 hefur verið unnið
jafnt og þétt að framkvæmdum vegna
rakaskemmda í Varmárskóla og er þeim
framkvæmdum lokið.
Byggingarefni sem samkvæmt úttekt
reyndust innihalda asbest voru fjarlægð í
sumar bæði í yngri og eldri deild Varmár-
skóla. Tekin voru loftsýni áður, á meðan og
eftir að framkvæmdum lauk og komu þau
öll vel út.
Framkvæmdum sumarsins í Brúarlandi
er jafnframt lokið. Þar er búið að fjarlægja
rakaskemmt byggingarefni úr starfsmanna-
rými og fataklefum á fyrstu hæð og er end-
urgerð þeirra lokið. Samhliða þessum að-
gerðum var drenlögn við húsið endurnýjuð
og tengdar framkvæmdir.
Markmiðið að bæta vinnuaðstöðu nemenda og kennara
Viðhald og endurbætur
í Varmárskóla í sumar
MOSFELLINGUR
HVað er
að frétta?
Sendu oKKur línu...
mosfellingur@mosfellingur.is