Mosfellingur - 27.08.2020, Blaðsíða 26
- Íþróttir26
N a m o e h f . - S m i ð j u v e g i 7 4 ( g u l g a t a ) - 2 0 0 K ó p a v o g i Sími: 566 7310 - jakosport@jakosport.is - jakosport.is
AftureldingAr
vörurnAr
fást hjá okkur sport íslandi
Bjarki Steinn farinn
í ítölsku deildina
Mosfellingurinn Bjarki Steinn
Bjarkason er genginn í raðir ítalska
knattspyrnufélagsins Venezia en
hann kemur til félagsins frá ÍA.
Bjarki Steinn er tvítugur og hefur
leikið með ÍA frá árinu 2018, fyrst í
1. deildinni en svo í Pepsi Max-
deildinni. Hann hefur leikið fimm
deildarleiki í sumar og skorað eitt
mark. Bjarki, sem á að baki níu leiki
fyrir yngri landslið Íslands, hóf feril-
inn með Aftureldingu í Mosfellsbæ.
Hann skrifaði undir samning til
þriggja ára við Venezia.
Afturelding keppi í
taekwondo á netinu
Á þessum fordæmalausu tímum
þarf að hugsa út fyrir boxið. Og
það hefur verið gert í Taekwondo.
Mót í poomsae/tækni eru í gangi
um allan heim á netinu. Þá þurfa ið-
kendur að taka upp myndbönd sem
þeir deila á YouTube. Það er svo
fimm manna alþjóðleg dómnefnd
sem fer yfir myndböndin og dæmir.
Iðkendur frá Aftureldingu hafa verið
dugleg að taka þátt. Aþena Kolbeins
vann gullverðlaun á Virtual Range
Open Poomsae Competition og
silfurverðlaun á World Taekwondo
Oceania. María Guðrún Svein-
björnsdóttir fékk bronsverðlaun á
American Online Championship.
Aðrir iðkendur frá Aftureldingu sem
hafa keppt á netmótum og staðið sig
vel en ekki komist á pall að þessu
sinni eru: Aþena Rán, Ásthildur
Emma, Iðunn Anna, Regína
Bergmann og Steinunn Selma.
Aðsend grein - Haustið er fram
undan með fullt af nýjum áskor-
unum. „Þetta verður eitthvað,“
hugsaði ég um daginn, en nýjar
áskoranir eru spennandi og þær
eru sannarlega til staðar hjá okkur
í Aftureldingu þessa dagana.
Auðvitað hef ég þungar áhyggjur
af stöðunni, hún er grafalvarleg
fjárhagslega hjá okkur, en félags- og mann-
auðurinn okkar hefur sýnt það undanfarið
að við förum létt með að aðlagast nýju
umhverfi. Við höfum náð að tækla alla þá
bolta sem hefur verið kastað til okkar hvort
sem það er að færa æfingar yfir á rafrænt
form eða „mastera“ sóttvarnaraðgerðir og
allt þar á milli.
Fjárhagslegar áskoranir eru þær áskoran-
ir sem eru okkur erfiðastar þessa dagana og
þar liggja mínar áhyggjur. Ljóst er að Aftur-
elding hefur orðið af mörgum mjög stórum
fjáröflunum og gríðarlegum tekjumissi það
sem af er þessa Covid-ástands og ekki útséð
með hvernig endar. Hvernig við
leysum það á eftir að koma betur
í ljós, en það er alveg á hreinu að
allir verða að leggjast á árar þar
og eru allar góðar hugmyndir og
framlög mjög vel þegin.
Vissulega kom styrkur frá ÍSÍ
en ljóst er að sú úthlutun er bara
dropi í hafið í samanburði við
þann tekjumissi sem við höfum orðið fyrir
en sannarlega munar mikið um engu að
síður.
En eins og Helgi Björns söng „Það bera
sig allir vel,“ það er ekkert annað í boði.
Það hefur aldrei verið mikilvægara að
halda börnunum okkar við efnið og við í
Aftureldingu höfum mikinn metnað fyrir
því að halda úti því allra besta íþróttastarfi
sem völ er á.
Við bjóðum upp á íþróttir í ellefu grein-
um og eru stundatöflur haustsins komnar
á heimasíðu félagsins afturelding.is og þar
held ég að allir geti fundið eitthvað við sitt
hæfi.
Keppni í meistaraflokkum er eitthvað
sem við horfum ekkert mjög langt fram
í tímann með, þar erum við háð því sem
sérsamböndin og þríeykið ákveður hverju
sinni í samræmi við ástandið. Íslandsmót-
ið í fótbolta gengur ennþá og ljóst er að það
mun teygja sig ansi langt inn í haustið og
veturinn. Það er augljóst að þegar hand-
boltinn og blakið fara af stað verður krefj-
andi verkefni hjá okkur miðað við þær sótt-
varnarreglur sem eru í gildi núna að láta
þetta allt ganga upp, en til þess að það verði
þurfum við öll að vera reiðubúin til þess að
sýna mikla tillitssemi og aðlögunarhæfni.
Ég er engu að síður bjartsýn fyrir vet-
urinn og það er von mín að við leggjumst
öll á eitt til þess að láta þetta ganga vel og
vonandi getum við fljótlega horft til baka til
þessa ástands og haldið áfram óheft. Verum
góð hvert við annað og hlýðum Víði.
Áfram Afturelding,
Birna Kristín Jónsdóttir
Formaður Aftureldingar.
Áskoranir haustsins!
Knattspyrnusumarið 2020 hefur verið
undarlegt, Íslandsmótið byrjaði ekki
fyrr en um miðjan júní og hlé var gert á
leikjum í byrjun ágúst vegna Covid-19.
Boltinn byrjaði aftur að rúlla um
miðjan ágúst en allir leikir fara fram án
áhorfenda. Báðir meistarflokkarnir hjá
Aftureldingu spila í Lengjudeildinni sem
er næstefsta deild á Íslandi.
Kvennaliðið er sem stendur í 5. sæti
með 12 stig eftir 9 leiki. Stelpurnar spila
næst við Gróttu fimmtudaginn 27. ágúst
kl. 19.15 á Fagverksvellinum.
Strákarnir eru í 8. sæti, einnig með
12 stig eftir 11. leiki. Þeir eiga næsta leik
laugardaginn 29. ágúst kl. 14, einnig á
Fagverksvellinum að Varmá.
Um helgina lauk Íslandsmóti unglinga
í höggleik sem fram fór á glæsilegum
Hvaleyrarvelli hjá Golfklúbbnum Keili.
Golfklúbbur Mosfellsbæjar átti rúmlega
20 þátttakendur á mótinu sem öll stóðu
sig með stakri prýði.
Kristófer Karl Karlsson varð Íslands-
meistari í flokki 19-21 árs en hann lék
frábært golf í mótinu. GM kylfingarnir
Andri Már og Ingi Þór skipuðu 2. og 3.
sæti í flokknum og átti GM því efstu 3
kylfingana.
María Eir Guðjónsdóttir varð Íslands-
meistari í flokki 15-16 ára stúlkna en
hún sigraði með 5 högga mun. Katrín Sól
hafnaði í 3. sæti í sama flokki. Þá varð
Kristín Sól Guðmundsdóttir stigameistari
í flokki 17-18 ára stúlkna.
marki fagnað
fyrr í sumar
Leikið án
áhorfenda á
Fagverksvelli
Kristófer Karl og María Eir Íslandsmeistar
maría eir guðjónsdóttirkristófer karl karlsson