Ægir - 2019, Blaðsíða 9

9
ar Már. Hann lætur vel af fiskiríinu nú í
vetur en aðra sögu er að segja af gæft-
unum.
„Á köflum hafa gæftirnar verið alveg
hræðilegar í vetur, miklir og langir
brælukaflar. Það var góður fiskur á slóð-
inni fram í miðjan mars þegar loðnan
flæddi yfir og þá var alveg nóg af henni
til að þorskurinn æti sig saddann. Loðn-
an var því alveg til staðar núna á þeim
tíma sem hefðbundið er hér hjá okkur en
manni heyrðist hún ekki vera í því
magni við landið að réttlætanlegt væri
að leyfa veiðar. Það held ég að hafi bara
verið ábyrg niðurstaða,“ segir Örvar
Már og bætir við að mjög góð veiði hafi
verið á línuna fyrstu tvær vikurnar í
mars. Í fyrra kom loðnan nokkuð fyrr á
svæðið og þá fékkst mjög lítið á línuna
allan marsmánuð.
„Núna virtist loðnan koma mjög dreift
á svæðið og ég vona að þegar hrygning-
arstoppinu lýkur eftir páskana þá glæð-
ist veiðin á nýjan leik,“ segir Örvar Már
en meðan róa þeir á Sverri SH norður
undir Látrabjarg og fiska steinbít á lín-
una og hefur aflinn verið ágætur að
undanförnu.
Hærra fiskverð - bjartara yfir
strandveiðinni
Aðspurður um þróun í smábátaútgerð-
inni á Snæfellsnesi segir hann að stað-
reyndin sé sú að smátt og smátt fækki
þeim bátum sem gerðir eru út. „Sér í lagi
á þetta við um línuútgerðirnar og báta
sem eru af þeirri stærð. Það hefur verið
meiri stöðugleiki í strandveiðiflotanum,
svipaður fjöldi báta síðustu 2-3 ár. Líkt
og annars staðar var mestur fjöldi báta í
strandveiðinni allra fyrstu árin og síðan
kom jafnvægi á þá útgerð,“ segir Örvar
Már en strandveiðibátar róa frá flestum
sjávarbyggðunum á Snæfellsnesi, í sum-
um tilfellum eru það bátar sem tilheyra
útgerðum sem hafa yfir fleiri bátum að
ráða, t.d. línuútgerðir líkt og Sverrisút-
gerðin ehf.
„Þetta er mjög blandað, sumir eiga
tvo báta og róa öðrum í strandveiðinni.
Eða þá að menn eru með strandveiðina
sem hlutastarf og stunda þessa vinnu á
sumrin. Strandveiðarnar hafa skipt máli
bæði fyrir stærri sem minni smábátaút-
gerðir en vissulega eru bæði kostir og
gallar við það kerfi. En sérstaklega tel ég
að rekstrargrundvöllurinn hafi batnað
með þeim breytingum sem gerðar voru á
strandveiðikerfinu í fyrra. Kerfið varð
manneskjulegra, ef svo má segja, og
hagkvæmara. Kapphlaupið sem áður var
í kerfinu leiðir óhjákvæmilega til sóunar
á aflaverðmæti en nú er hægt að nýta
betur daga þegar betur viðrar og hægt
að sækja lengra. Þannig getur meira
orðið úr hverjum degi en ella,“ segir
Örvar Már.
Síðustu tvö ár hefur fiskverð verið
lágt en Örvar Már segir stöðuna talvert
betri núna. Bjartara útlit sé því fyrir
strandveiðiútgerð í sumar. „Ég held að
það komi líka til með að skipta máli hvað
fiskverðið snertir að það eru ekki allir
bátar á sjó á sama tíma eins og var áður
en kerfinu var breytt. En þrátt fyrir
skárra útlit fyrir strandveiðitímabilið þá
reikna ég ekki með að veruleg fjölgun
verði í veiðunum í sumar. Mér finnst lík-
legt að fjöldi strandveiðibáta hér á
svæðinu verði svipaður og síðustu ár.“
Beitningarkostnaður og veiðigjöld
bíta
Sá þáttur sem Örvar Már segir skýra
fækkun línubáta er rekstrarkostnaður-
inn sem hafi farið hækkandi síðustu ár.
„Þarna leggst margt saman en sér í lagi
■ Örvar Marteinsson dregur línuna á Sverri SH.
Smábátar