Ægir - 2019, Blaðsíða 11

11
Það eru einkum fjögur mál sem eru eigendum smábáta til umhugsunar þessa
dagana. Það er frumvarp til laga um fyrirkomulag makrílveiða, grásleppuveiðar,
strandveiðar og línuívilnun. Þeir eru ósáttir við fyrirhugaða breytingar á veiði-
stjórnun á makríl, þeir vilja tryggingu fyrir 48 strandveiðidögum, vilja byggja á
núverandi veiðistjórnun á grásleppu og vilja línuívilnun fyrir alla smábáta. Ægir
ræddi þessi mál við Örn Pálsson, framkvæmdastjóra Landssambands smábátaeig-
enda.
Ósáttir við makrílfrumvarp
„Frumvarp sjávarútvegsráðaherra um
makrílveiðar hefur verið kynnt í sam-
ráðsgátt Alþingis, en eftir á að mæla fyr-
ir því. Við erum mjög ósáttir við hvernig
að því er staðið. Í fyrra féll úr gildi
ákvæði til bráðabirgða um að taka til
hliðar aflaheimildir fyrir smábátana. Þá
féll einnig úr gildi ákvæði um að draga
ætti 5,3% frá heildarkvóta og taka frá til
jöfnunar, áður en úthlutað yrði sam-
kvæmt hlutdeild,“ segir Örn og heldur
áfram: „Eins og frumvarpið er nú er al-
veg skýrt að öllum leyfilegum heildar-
afla skuli úthlutað samkvæmt hlutdeild.
Ekkert er tekið til hliðar til að minnka
áföllin hjá smábátaútgerðinni. Á helm-
ingi reynslutímans, sem á að miða
kvótasetninguna við, voru smábátar
vart byrjaðir á makrílveiðum enda
makríllinn ekki kominn hingað upp að
ströndinni á þeim tíma.
Okkur finnst alveg með ólíkindum að
ekki skuli tekið tillit til þess strax og sett
inn í frumvarpið. Við væntum þess að
þar verði breyting og tillaga LS í þessu
máli beinist að því að áður en heildarafl-
anum verður úthlutað séu dreginn frá
4.000 tonn og eyrnamerkt færaveiðum
hjá smábátum. Við teljum stöðu okkar
ásættanlega verði orðið við þessu.
Stefna okkar hefur hins vegar verið að
16% af heildarkvóta skuli tekin til hliðar
fyrir smábátana. Ef svo kæmi í ljós að
bátarnir næðu ekki að veiða það magn,
yrði því sem eftir stæði úthlutað til
stærri skipa sem á þyrftu að halda.
Megin ástæða þess að við höfum ekki
Tekist verður á um fyrir-
komulag grásleppuveiða
rætt við Örn Pálsson, framkvæmdastjóra Landssambands
smábátaeigenda um helstu baráttumál smábátasjómanna
■ Örn Pálsson framkvæmdastjóri Landssambands smábátaeigenda telur ekki ráðlegt að breyta fyrirkomulagi grásleppuveiða.
Það muni leiða til óæskilegrar samþjöppunar.
Smábátar