Ægir - 2019, Blaðsíða 30

30
Á sjávarútvegssýningunni Seafood
Processing Global í Brussel á dögun-
um var skrifað undir samning um
kaup Síldarvinnslunnar á 3.500 fiski-
körum frá Sæplasti á Dalvík. Körin
verða notuð um borð í hinum nýju
skipum Bergs-Hugins; Vestmannaey
VE og Bergey VE, sem nú eru í smíð-
um í Noregi. Samninginn undirrituðu
Sigurður Steinn Einarsson fyrir hönd
Síldarvinnslunnar, Arnar Richardsson
fyrir hönd Bergs-Hugins og Sævaldur
Jens Gunnarsson fyrir hönd Sæplasts.
Byrjað var að framleiða körin á Dalvík
í aprílmánuði sl. og gert er ráð fyrir
að framleiðslu ljúki í nóvember næst-
komandi. Samningurinn hljóðar upp á
rúmlega eitt hundrað milljónir króna.
Þessi nýju kör verða 460 lítra en eldri
kör eru 660 lítra. Ástæða þess að minni
kör verða fyrir valinu er einkum tví-
þætt. Í fyrsta lagi eru gæði aflans höfð í
huga og í öðru lagi er auðveldara að
vinna um borð í skipunum með minni
kör.
Kör sem skera sig úr
Í frétt Síldarvinnslunnar um samninginn
er vakin sérstök athygli á óhefðbundn-
um lit nýju fiskikaranna. „Litur karanna
vekur nokkra athygli en hann er appels-
ínugulur eða orange. Sæplast hafði áður
framleitt 750 kör af minni gerðinni fyrir
Gullver NS í þessum lit og ákveðið hefur
verið að samræma litinn á körum í eigu
Síldarvinnslunnar og dótturfélaga,“ seg-
ir Sigurður Steinn Einarsson um val á lit
karanna.
„Við vildum finna lit sem gerði það að
verkum að okkar kör skæru sig úr. Það
vill gerast að okkar kör blandist við kör í
annarra eigu og alltof algengt er að aðil-
ar taki kör annarra til eigin nota. Þessi
nýi litur mun vonandi gera okkur þægi-
legra að finna kör í okkar eigu aftur.
Einnig höfum við bætt við sérmerkingu
á hlið karanna sem segir til um hvert
skal skila körum ef þau lenda út fyrir
okkar flutningskerfi. Við höfum unnið að
vitundarvakningu varðandi það hvernig
umgangast á fiskikör í góðu samstarfi
við dótturfélag Sæplasts, iTub, og er það
sameiginlegt verkefni sjávarútvegsfyrir-
tækja að tryggja góða meðferð á þessum
umbúðum aflans,“ segir Sigurður Steinn.
Kaupa 3.500 appelsínugul
fiskikör frá Sæplasti
■ Fyrir undirritun samningsins í Brussel. Talið frá vinstri: Arnar Richardsson,
Sigurður Steinn Einarsson og Sævaldur Jens Gunnarsson.
■ Fyrstu körin í þessari línu sem Sæplast framleiddi fyrir Síldarvinnsluna.
Ljósmynd Reimar Viðarsson.