Ægir - 2019, Blaðsíða 32

32
Tvö skipa Skinneyjar-Þinganess,
Skinney og Þórir, eru nú komin heim
eftir lengingar í Póllandi. Á þeim eru
einnig gerðar ýmsar endurbætur sem
lúta meðhöndlun afla og aðbúnaði
áhafnar. Skipin fara á næstunni til
humarveiða.
„Skipin voru lengd um tæpa 10 metra.
Settir voru átta metrar í miðjuna á þeim
og 1,6 metri aftur í skut, þ.e. skutrennan
lengd. Þessir átta metrar koma á helsta
vinnusvæðið í skipunum, bæði á neta-
dekki, millidekki og lest, þannig að þar er
gífurleg stækkun,“ segir Ásgeir Gunn-
arsson, framkvæmdastjóri veiða hjá
Skinney-Þinganesi.
Togað og teygt á ýmsa vegu
„Við hækkuðum stýrishúsið um 1,5 metra
og byggðum yfir bakkann að framan.
Því er trolldekkið orðið allt annað og
betra til meðferðar á veiðarfærum og
afla. Íbúðir voru aðeins endurbættar og
bætt við setustofu og tveimur klefum og
stakkageymsla stækkuð. Það var því
togað og teygt á ýmsa vegu.“
Skipasmíðin Nauta í Gdynia sá um
breytingarnar á skipunum. Nú er verið
að setja niður nýja aðgerðar- og blæð-
ingarlínu og kælikör sem hönnuð var í
samstarfi við Micro. Valka er svo með
hugbúnaðinn í þessu kerfi. Önnur fyrir-
tæki sem koma við sögu eru Kæling með
kælihlutann, en allur fiskur verður kæld-
ur með RSW sjókælingu og verður íslaus
í lest, Raftíðni sér um rafmagnshlutann,
Naust Marine endurbætti spilkerfið,
Stálsmiðjan Framtak er með stálvinnuna
og Megapíp sér um pípulagnir.
Getum hámarkað gæði aflans
„Þetta eru orðin mun meiri skip og öll
vinnuaðstaða hefur verið bætt til muna.
Við getum nú hámarkað gæði aflans,
bæði með blæðingu og kælingu og í raun
allri meðhöndlun. Það á við um bæði bol-
fisk og humar. Þó blikur séu á lofti í
humarveiðum erum við að hugsa til
framtíðar og með þessum breytingum
eigum við að geta minnkað brot á humri
umtalsvert,“ segir Ásgeir .
Bæði skipin voru smíðuð í Tævan fyrir
10 árum og voru fyrir breytingarnar 29
metra löng. Bæði skipin halda til humar-
veiða í þessum mánuði.
Miklar breytingar eru því að verða á
bolfisk- og humarflota Skinneyjar-Þinga-
ness. Togskipin Steinunn og Hvanney
hafa verið seld til Nesfisks í Garði og
verða afhent um mitt sumar og í haust.
Þá er Þinganes til sölu en Skinney-
Þinganes á tvö ný skip í smíðum sem
fyrirtækið fær afhent í haust.
Togararnir Skinney og Þórir
komnir heim eftir miklar lengingar
■ Skipin í Hafnarfjarðarhöfn, en þar er vinnslubúnaður frá Micro settur um borð. Ljósmynd: Hjörtur Gíslason
■ Ásgeir Gunnarsson, framkvæmdastjóri veiða hjá Skinney-Þinganesi, er ánægð-
ur með breytingar á skipunum.
Breytt fiskiskip