Morgunblaðið - 23.06.2020, Page 27

ÍÞRÓTTIR 27
MORGUNBLAÐIÐ ÞRIÐJUDAGUR 23. JÚNÍ 2020
Ég var svo heppinn að fá að
mæta á leik Gróttu og Vals í
Pepsi Max-deild karla í fótbolta
á laugardaginn. Leikurinn var sá
fyrsti sem Grótta leikur á
heimavelli í efstu deild frá upp-
hafi, en því miður fyrir Seltirn-
inga reyndist Valur of sterkur og
vann 3:0.
Gróttumenn voru
skemmtilegir heim að sækja.
Það þarf að huga að mörgu fyrir
fyrsta leik í efstu deild og eitt af
því er aðstaða fjölmiðla. Í fyrra
var félagið með gám fyrir ofan
stúkuna fyrir fjölmiðlafólk.
Breyting hefur verið gerð á
og eru fjölmiðlar nú með að-
stöðu í skólastofu í Valhúsaskóla
sem er fyrir ofan völlinn. Var
undirritaður þá með gott útsýni
yfir allan völlinn og gat lítið
kvartað, þótt örlítið þröngt væri
á þingi.
Að vera í skólastofu á
annarri hæð að horfa út um
gluggann á meðan ég textalýsi
var ný upplifun. Var þetta
skemmtilega heimilislegt og
ekki skemmdi fyrir að Kári Garð-
arsson, sem gerði kvennalið
Gróttu tvisvar að Íslandsmeist-
ara í handbolta, tók vel á móti
mér og gaf mér gott að borða.
Gunnlaugur Jónsson var sömu-
leiðis á staðnum og sá til þess
að fjölmiðlum liði vel við störf.
Þá nýttu Gróttumenn sér
mötuneyti skólans til að baka
flatbökur ofan í svanga aðdá-
endur og einnig var boðið upp á
hamborgara. Úrvalið af mat var
því nægt og enginn átti að fara
svangur heim. Það var skemmti-
legt andrúmsloft á Nesinu á
laugardag og vonandi fyrir
Gróttu nær liðið að bíta betur
frá sér í næstu leikjum. Það yrði
erfitt fyrir hvaða lið sem er að
mæta Val og Breiðablik í tveim-
ur fyrstu leikjunum í efstu deild
og engin skömm fyrir Gróttu að
vera án stiga.
BAKVÖRÐUR
Jóhann Ingi
Hafþórsson
johanningi@mbl.is
2. UMFERÐ
Bjarni Helgason
bjarnih@mbl.is
Sólveig Jóhannesdóttir Larsen var
besti maður vallarins þegar lið henn-
ar Fylkir vann 3:1-sigur gegn KR í 2.
umferð úrvalsdeildar kvenna, Pepsi
Max-deildarinnar, á Meistaravöllum í
Vesturbæ í síðustu viku.
Sólveig, sem er 19 ára gömul, átti
stóran þátt í fyrsta marki Fylkis og
þá fiskaði hún vítaspyrnu í leiknum.
Hún fékk tvö M fyrir frammistöðu
sína hjá Morgunblaðinu.
Sóknarmaðurinn öflugi á að baki
32 landsleiki fyrir yngri landslið Ís-
lands en hún er á láni hjá Fylki í sum-
ar frá Breiðabliki.
„Leikplanið gegn KR gekk full-
komlega upp ef svo má segja,“ sagði
Sólveig í samtali við Morgunblaðið.
„Að sama skapi fannst mér leikurinn
frekar kaflaskiptur. Við áttum góða
spilkafla inn á milli, alveg eins og
þær. Markmiðið í leiknum var að
leyfa þeim að vera með boltann,
pressa þær vel á eigin vallarhelmingi
og sækja svo hratt á þær þegar við
myndum vinna boltann.
KR-liðið setti oft á tíðum mikla
pressu á okkur í leiknum og ég fékk
alveg á tilfinninguna í fyrri hálfleik að
þær væru að fara að vinna leikinn.
Við mættum hins vegar af miklum
krafti út í síðari hálfleikinn og sigur-
inn var sanngjarn.“
Setja stefnuna hátt
Fylksliðið er með fullt hús stiga
eftir tvo erfiða leiki gegn Selfossi og
KR. „Við höfum byrjað þetta mót
virkilega vel og þótt við höfum
kannski ekki verið mjög yfirlýsinga-
glaðar í upphafi móts þá setjum við
stefnuna hátt. Lið eins og Selfoss tal-
aði mikið fyrir tímabilið og fyrir mér
þá getur það líka sett óþarfa pressu
fyrir mótið. Það má samt ekki gleym-
ast að yfirlýsingar fyrir deildina búa
til ákveðna stemningu líka sem er vel.
Á hinn bóginn getur líka verið fínt
að fá bara litla athygli og láta verkin
tala inni á vellinum og mér finnst við
hafa gert það. Ég er ekki að segja að
við ætlum að vera litla músin sem
læðist í toppbaráttunni eða neitt slíkt
því við förum einfaldlega inn í alla
leiki til þess að vinna þá og það er
markmiðið í sumar.“
Sólveig er á leið til Bandaríkjanna
þar sem hún verður á fullum styrk
hjá Suður-Flórída-háskólanum og því
óvíst að hún muni klára tímabilið í Ár-
bænum.
„Eins og staðan er í dag þá er ég á
leið í háskólanám í Bandaríkjunum í
júlí þannig að ég veit ekki nákvæm-
lega hvað ég mun spila marga leiki í
sumar. Ég er hins vegar mjög ánægð
með að hafa fengið tækifæri til þess
að spila með Fylki í sumar og ég get
alveg viðurkennt það að ég átti alls
ekki von á því að mér myndi ganga
jafn vel með liðinu í fyrstu leikjunum
og raun ber vitni.
Mér líður mjög vel í líkamanum í
fyrsta skipti í langan tíma og er heil
heilsu. Fyrst og fremst er ég þakklát
fyrir tækifærið að fá að spila fótbolta
enda orðið ansi langt síðan maður
gerði það reglulega. Ég nýt mín þess
vegna í botn þessa dagana og inn-
koma mín í Fylkisliðið hefur því
gengið vonum framar.“
Óheppin með meiðsli
Sóknarmaðurinn steig sín fyrstu
skref með Augnabliki í 1. deildinni ár-
ið 2015 en Augnablik er varalið
Breiðabliks, uppeldisfélags Sólveigar.
Alls á hún á að baki 42 leiki í efstu
deild þar sem hún hefur skorað eitt
mark en hún hefur verið óheppin með
meiðsli á undanförnum árum.
„Eins ótrúlegt og það hljómar þá
var Augnablik ekkert langt frá því að
tryggja sér sæti í efstu deild á sínu
fyrsta tímabili á Íslandsmótinu árið
2015. Ég spilaði alla leiki það sumar
og öðlaðist mjög dýrmæta reynslu.
Ég var í stóru hlutverki sem gerði
mikið fyrir mig.
Það sem hefur vantað hjá mér er
fyrst og fremst leikir undir beltið. Ég
hef ekki spilað marga heila leiki með
Breiðabliki enda er liðið afar vel
mannað. Það er gríðarlega mikil sam-
keppni um stöður í liðinu og á sama
tíma hef ég líka verið mjög óheppin
með meiðsli sem hafa sett strik í
reikninginn líka, líkt og síðasta sumar
þegar ég var á láni hjá HK/Víkingi,
þar sem ég spilaði lítið vegna meiðsla.
Ingólfur Snorrason hefur verið
með mig í markþjálfun í eitt ár núna
og það er að skila sér. Vonandi helst
ég svo heil núna og get haldið áfram
að sýna hvað í mér býr í sumar,“
bætti Sólveig við.
Árbæingar láta verkin tala
 Sólveig Jóhannesdóttir Larsen hefur smollið eins og flís við rass í Fylkisliðið
 Hefur sjaldan verið í betra formi og fer inn í alla leiki til þess að sækja sigur
Morgunblaðið/Eggert
Sigur Sólveig Jóhannesdóttir Larsen, lengst til vinstri, fagnar sigurmarki Fylkis gegn Selfossi í fyrstu umferð.
Framherjinn Árni Vilhjálmsson var
á skotskónum hjá Kolos Kovalivka
er liðið mátti þola 1:2-tap á útivelli
gegn Dynamo Kíev í úkraínsku úr-
valsdeildinni í fótbolta í gær. Árni
byrjaði á varamannabekknum hjá
Kolos og kom inn á þegar tæpur
hálftími var eftir og skoraði á víta-
punktinum á 69. mínútu. Markið
var það fjórða hjá Árna á leiktíð-
inni en hann hefur tíu sinnum verið
í byrjunarliði í deildinni á tíma-
bilinu og leikið tólf leiki alls. Árni
og félagar eru í sjötta sæti deild-
arinnar með 26 stig.
Árni á skotskón-
um gegn stórliði
Ljósmynd/Kolos Kovalivka
Mark Árni Vilhjálmsson var á skot-
skónum gegn stórliðinu í Úkraínu.
Körfuknattleiksdeild Vals hefur sam-
ið við slóvenska framherjann Sinisa
Bilic, en hann lék með Tindastóli á
síðustu leiktíð. Bilic er 31 árs og
skoraði 19,6 stig, tók 5,6 fráköst og
gaf 2,3 stoðsendingar að meðaltali í
leik á síðustu leiktíð. Er hann fyrsti
leikmaðurinn sem gengur í raðir
Vals síðan Finnur Freyr Stefánsson
tók við af Ágústi Björgvinssyni sem
þjálfari liðsins. Leikmannahópur
Vals hefur breyst síðustu vikur, því
Austin Magnús Bracey og Ragnar
Nathanaelsson hafa yfirgefið félagið
síðan Finnur tók við.
Frá Tindastóli
til Valsmanna
Morgunblaðið/Kristinn Magnússon
Félagsskipti Slóveninn Sinisa Bilic
er orðinn leikmaður Vals.
Alexandra Jóhannsdóttir, miðjumaður úr Breiðabliki, er eini leikmaðurinn
sem hefur verið í úrvalsliði Morgunblaðsins í tveimur fyrstu umferðunum í
Pepsi Max-deild kvenna.
 Elín Metta Jensen úr Val, Karen María Sigurgeirsdóttir úr Þór/KA, Sól-
veig J. Larsen úr Fylki og Laura Hughes úr Þrótti eru efstar í M-gjöfinni
með 3 M hver að loknum tveimur umferðum.
 Þær Elín Metta og Karen María eru markahæstar í deildinni með þrjú
mörk hvor í tveimur fyrstu leikjunum.
 Eina dómaraeinkunn vantaði í blað gærdagsins. Guðgeir Einarsson
dæmdi leik Þórs/KA og ÍBV og fékk 8 í einkunn fyrir frammistöðuna.
 Þriðja umferð deildarinnar er leikin í kvöld og annað kvöld og sú fjórða
á þriðjudag og miðvikudag í næstu viku. vs@mbl.is
Alexandra tvisvar í liðinu
2. umferð
í Pepsi Max-deild kvenna 2020
3-5-2
Hversu oft leikmaður
hefur verið valinn í lið
umferðarinnar
2
Sonný Lára Þráinsdóttir
Breiðabliki
Laura Hughes
Þrótti
Arna Dís Arnþórsdóttir
Stjörnunni
Berglind Rós Ágústsdóttir
Fylki Kristín Dís Árnadóttir
Breiðabliki
Margrét Árnadóttir
Þór/KA
Alexandra
Jóhannsdóttir
Breiðabliki
Hulda Ósk
Jónsdóttir
Þór/KA
Þórdís Elva
Ágústsdóttir
Fylki
Sólveig J. Larsen
Fylki
Betsy Hassett
Stjörnunni
2
Hin norska
Nora Mørk hef-
ur fengið samn-
ingi sínum við
CSM Búkarest í
Rúmeníu rift og
gert samning
við Vipers í
heimalandinu.
Mørk er ein
allra besta
handknatt-
leikskona heims. Móðir Mørk
greindist með brjóstakrabbamein
fyrir þremur vikum og ákvað
norska landsliðskonan að flytja
aftur heim í kjölfarið. Hefur hún
verið frá keppni síðustu mánuði
vegna krossbandsslita í hné.
„Þeir sem þekkja mig vita að
fjölskyldan er mér allt og
mamma er mér afar kær. Ég vil
því koma heim og átt möguleika
á að fara heim til Óslóar þegar
ég get. Ég gat ekki hugsað mér
að vera áfram í Rúmeníu á með-
an mamma glímir við þetta,“
sagði Mørk í samtali við TV2 í
Noregi.
Mørk var markahæst allra á
Ólympíuleikunum í Ríó 2016 og
markahæst á EM í Svíþjóð sama
ár og HM í Þýskalandi 2017. Þór-
ir Hergeirsson þjálfar Mørk í
norska landsliðinu.
Sú besta snýr
aftur heim
til Noregs
Nora
Mørk