Morgunblaðið - 22.07.2020, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 22. JÚLÍ 2020
Bókhald & ráðgjöf
- Eignaskiptayfirlýsingar
& skráningartöflur
Numerus – bókhald og ráðgjöf / Suðurlandsbraut 22 / S. 896 4040
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Guðni Einarsson
gudni@mbl.is
Ísland nýtur mikils trausts sem
áfangastaður á sama tíma og
kórónuveirufaraldurinn geisar víða.
„Við tökum púlsinn mánaðarlega á
öllum lykilmörkuðum okkar,“ sagði
Birna Ósk Einarsdóttir, fram-
kvæmdastjóri sölu- og þjónustusviðs
Icelandair. Kannað er hvernig fólk
telur að hin ýmsu ríki hafi tekist á við
kórónuveirufaraldurinn. „Við próf-
uðum í síðustu mælingu að spyrja
líka hvert fólk vildi helst ferðast mið-
að við aðstæður og stöðuna í
Covid-19. Þá lenti Ísland oftast í einu
af þremur efstu sætunum.“
Birna Ósk sagði að í þessu fælust
mikil tækifæri. „Áhuginn á Íslandi er
sannarlega til staðar og ímynd okkar
er mjög jákvæð. En á sama tíma
blasir það við að markaðir hafa opn-
ast í mjög takmörkuðum mæli.“
Hún sagði niðurstöðurnar gefa
ástæðu til bjartsýni. Áfram yrði
fylgst með lykilmörkuðunum svo
hægt væri að átta sig á því hvenær
eftirspurn og ferðavilji á hverjum
stað færi að aukast. „Það að vita vel
hvar við stöndum hjálpar okkur að
ákveða á hvaða markaði við stökkv-
um fyrst, hvert við getum aukið
flug,“ sagði Birna Ósk.
Gengur vel að flytja ferðamenn
Flugferðum fjölgar sífellt og einn-
ig áfangastöðum sem flogið er til.
„Það sem við erum að fljúga gengur
mjög vel. Við erum með ágætis nýt-
ingu á sætum og fólk mætir í flug. Á
meðan allt var lokað var fólk með
bókanir en kom ekki. Það gengur
sérstaklega vel að flytja ferðamenn
til Íslands, bara mjög vel.“
Auk lykilmarkaða í Evrópu hafa
sambærilegar kannanir verið gerðar
á lykiláfangastöðum Icelandair í
Bandaríkjunum og í Kanada. Banda-
ríkin hafa verið stærsti markaður fé-
lagsins. Birna Ósk sagði ferðatak-
markanir valda því að ekki væri
hægt að sækja á þau mið núna. „Við
komum t.d. mjög vel út í mælingum í
Toronto. Þrátt fyrir að Schengen og
við séum búin að opna á Kanada eru
Kanadamenn ekki búnir að opna á
okkur. Íbúar Kanada þurfa að fara í
tveggja vikna sóttkví þegar þeir
koma aftur heim frá útlöndum.“
Pollstat gerði könnun fyrir
Icelandair í Noregi og sýndi hún að
54% Norðmanna teldu öruggt að
ferðast til Íslands í sumar. Hang-
ar24.no greindi frá. Almennt taldi
fólk öruggast að vera í Noregi eða í
Skandinavíu í sumar. 65% töldu
Danmörku vera öruggasta áfanga-
staðinn utan Noregs, næst kom Ís-
land og svo Finnland með 44%. Að-
eins 19% töldu öruggt að ferðast til
Þýskalands. Spánn og Svíþjóð ráku
lestina með 6% og 5%.
Morgunblaðið/Eggert
Ferðamenn Icelandair kannar reglulega afstöðu fólks á lykilmörkuðum félagsins til Íslands. Mynd úr safni.
Ísland traustur áfangastaður
 Oftast í einu af efstu sætunum í könn-
unum erlendis fyrir Icelandair  Áhugi
til staðar og ímynd landsins jákvæð
Þyrla Landhelgisgæslunnar TF-
GRÓ var við fiskveiðieftirlit í gær.
Gæslan sinnir almennu fiskveiðieft-
irliti auk þess að fylgjast með að
banni við lagningu silungsneta á
ákveðnum tímum sé framfylgt.
Í samtali við mbl.is í gær sagði
Auðunn Kristinsson, verkefnastjóri
hjá Landhelgisgæslunni, að til þess
að sinna eftirlitinu þurfi að fljúga
þyrlunni lágflugi en hún hafði þá
meðal annars sést á sveimi í Eyja-
firði. „Þetta er bara hluti af okkar
hefðbundnu verkefnum,“ segir Auð-
unn. Eftirlitið bar árangur því fyrir
norðan, þó ekki í Eyjafirði, fundust
ólögleg silungsnet sem gerð voru
upptæk.
Morgunblaðið/Þorgeir Baldursson
Lágflug Þyrlan TF-GRÓ flaug lágflug í Eyjafirði í gær við reglubundið fiskveiðieftirlit Landhelgisgæslunnar.
Gerðu upptæk ólögleg net
 Gæslan flaug yfir Norðurland og leit eftir fiskveiðum
Baldur Arnarson
baldura@mbl.is
Umferðin á hringveginum við höfuð-
borgarsvæðið í júní var meiri en í
júní í fyrra, sem var metmánuður.
Þetta má ráða af mælingum Vega-
gerðarinnar en um er að ræða
meðaltal innan mánaðar. Um er að
ræða talningarstaði á og við höfuð-
borgarsvæðið, á Geithálsi og við
Úlfarsfell. Hins vegar dróst umferð-
in mikið saman utan svæðisins.
Þannig var hún rúmlega 22%
minni á Suðurlandi, rúmlega 9%
minni á Vesturlandi, um 20% minni á
Norðurlandi og um 35% minni á
Austurlandi. Birtist þar mikil fækk-
un bílaleigubíla vegna mikillar fækk-
unar erlendra ferðamanna í kjölfar
kórónuveirufaraldursins.
Aukin umferð á mánudögum
Almennt stóð aukin umferð á
mánudögum undir aukningu í um-
ferð á höfuðborgarsvæðinu í júní
sem leið. Við þá talningu er tekið til-
lit til fleiri teljara en hér, enda að-
eins horft til umferðar við hringveg.
Sé umferðin í júní úti á landi borin
saman við júní 2017 kemur í ljós að
samdrátturinn er aðeins 1% á
Vesturlandi en 33% á Austurlandi.
Umferðin um Vesturland telst því
töluverð, enda var 2017 eitt helsta
þensluárið í uppgangi ferðaþjónust-
unnar. Kann tölfræðin að endur-
spegla hvert straumur innlendra
ferðamanna lá í júní sem leið.
Samdrátturinn í umferðinni milli
júní 2017 og 2020 var hins vegar
töluverður á Suðurlandi, Austur-
landi og á Norðurlandi (sjá töflu).
Fylgni vaxtar og byggðar
Friðleifur Ingi Brynjarsson, sér-
fræðingur hjá Vegagerðinni, segir
hugsanlegt að aukin umferð við
höfuðborgarsvæðið skýrist meðal
annars af íbúafjölgun í nágranna-
sveitarfélögum.
Aukin ferðalög innanlands kunna
að birtast í tölunum. Sömuleiðis
kann ferðagleði landans að birtast í
umferðartölum úti á landi þegar júlí
verður gerður upp. Á móti kann um-
ferðin á höfuðborgarsvæðinu að
dragast saman í júlí, enda ólíklegt að
erlendir ferðamenn vegi það upp.
Umferð dreifðist
misjafnlega í júní
Umferð um helstu mælisnið í júní 2017-2020
Breyting
2017 2018 2019 2020 2017-2020 2019-2020
Suðurland 17.413 18.530 19.608 15.217 -12,6% -22,4%
Höfuðborgar-
svæðið 48.856 49.336 52.223 52.305 7,1% 0,2%
Vesturland 17.762 17.493 19.384 17.578 -1,0% -9,3%
Norðurland 12.036 11.993 12.344 9.932 -17,5% -19,5%
Austurland 3.161 3.281 3.215 2.104 -33,4% -34,6%
H
ei
m
ild
: V
eg
ag
er
ði
n.
is
Teljarar á hringveginum
 Aldrei meiri á höfuðborgarsvæðinu
Brotist hefur verið inn í Odda,
byggingu Háskóla Íslands, í þrí-
gang undanfarna viku og hefur
tölvum og öðru sem hægt er að
koma í verð verið stolið.
Þetta staðfestir Björn Auðun
Magnússon, deildarstjóri reksturs
fasteigna hjá háskólanum.
Talið er að um sé að ræða sama
aðila í öllum tilvikum, en hann
komst undan á hlaupum í gærmorg-
un. Málið er á borði lögreglunnar.
Brotist inn í Odda í þrígang á einni viku