Morgunblaðið - 22.07.2020, Blaðsíða 23

ÍÞRÓTTIR 23
MORGUNBLAÐIÐ MIÐVIKUDAGUR 22. JÚLÍ 2020
 Knattspyrnukonan Linda Líf
Boama, framherji Þróttar í úrvalsdeild
kvenna í knattspyrnu, er viðbeins-
brotin og verður því frá næstu sex til
átta vikurnar vegna meiðslanna. Linda
Líf lenti í samstuði við Ingibjörgu Val-
geirsdóttur, markvörð KR, í leik lið-
anna á mánudaginn síðasta í Pepsi
Max-deildinni og þurfti að fara af velli
á 65. mínútu. Þetta er mikið áfall fyrir
nýliða Þróttar sem hafa farið vel af
stað í deildinni í sumar og eru með 6
stig eftir fyrstu sex umferðirnar í
sjötta sæti deildarinnar en Linda Líf
hefur skorað eitt mark í fyrstu sex
deildarleikjum sínum.
 Stefán Árni Geirsson, leikmaður Ís-
landsmeistara KR í knattspyrnu, fór
meiddur af velli í 3:0-sigri liðsins gegn
Fylki í Árbænum á laugardaginn síð-
ast. Stefán meiddist á ökkla og reiknar
hann með því að vera frá í tvær til
fimm vikur en þetta staðfesti hann í
samtali við Morgunblaðið í gær. Fari
svo að hann verði frá í fimm vikur gæti
hann misst af næstu sjö deild-
arleikjum liðsins en hann hefur byrjað
tímabilið mjög vel með Íslandsmeist-
urunum.
 Knattspyrnukonan Eyrún Guð-
mundsdóttir mun ekki leika með Sel-
fossi í úrvalsdeild kvenna, Pepsi Max-
deildinni, í sumar eins og til stóð en
hún sleit hásin á æfingu liðsins á dög-
unum. Eyrún gekk til liðs við Selfyss-
inga í byrjun mánaðarins eftir að hafa
leikið í Svíþjóð frá árinu 2014. Eyrún
steig sín fyrstu skref í meistaraflokki
árið 2004 en hún er uppalin á Akureyri
hjá Þór/KA. Hún gekk til liðs við
Stjörnuna árið 2007 áður en hún hélt
út til Svíþjóðar eftir tímabilið 2013.
Hún á að baki 60 leiki í efstu deild
með Þór/KA og Stjörnunni.
 Adam Örn Arnarson og liðsfélagar
hans í norska knattspyrnufélaginu
Tromsø hafa byrjað tímabilið af mikl-
um krafti en liðið er með fullt hús
stiga í norsku 1. deildinni með 12 stig
eftir fyrstu fjóra leiki sína. Adam Örn
hefur byrjað alla fjóra leiki liðsins á
tímabilinu en hann gekk til liðs við fé-
lagið frá pólska félaginu Górnik Zabrze
í mars á þessu ári.
 Fanndís Friðriksdóttir, landsliðs-
kona í knattspyrnu og leikmaður Ís-
landsmeistara Vals, er ólétt og leikur
ekki meira með Val á keppn-
istímabilinu. Fanndís er í sambúð með
Eyjólfi Héðinssyni, leikmanni Stjörn-
unnar í úrvalsdeild karla.
Fanndís hefur verið utan hóps hjá Val í
síðustu þremur leikjum liðsins en hún
á að baki 109 A-landsleiki þar sem hún
hefur skorað 17 mörk. Þá á hún að
baki 204 leiki í efstu deild fyrir Breiða-
blik og Val en í þessum leikjum hefur
hún skorað 107 mörk. Fanndís lék alla
18 leiki Vals á síðustu leiktíð þegar lið-
ið varð Íslandsmeistari.
Þá er ljóst að Fanndís
mun missa af loka-
leikjum Íslands í
undankeppni EM
sem lýkur í
haust en ís-
lenska
landsliðið
er með
fullt hús
stiga í F-riðli und-
ankeppninnar. Ís-
lenska liðið á eftir
að leika fimm leiki í
undankeppninni.
Eitt
ogannað
ÍTALÍA
Bjarni Helgason
bjarnih@mbl.is
Kópavogsbúinn Andri Fannar Bald-
ursson var fimm ára gamall þegar
hann byrjaði að æfa knattspyrnu
með Breiðabliki.
Þjálfarar Breiðabliks voru ekki
lengi að átta sig á því að hér væri á
ferðinni mikið efni en sex ára gam-
all var hann byrjaður að spila „upp
fyrir sig“ með strákum fæddum árið
2000 og 2001 en Andri Fannar er
fæddur árið 2002.
Nýorðinn 17 ára gamall gekk
hann til liðs við ítalska A-deild-
arfélagið Bologna á láni frá Breiða-
bliki og sjö mánuðum síðar ákvað
ítalska félagið að nýta sér forkaups-
rétt sinn á leikmanninum.
Andri Fannar hefur svo sann-
arlega átt viðburðaríkt ár en hann
hefur komið við sögu í fimm leikjum
með Bologna í deildinni í ár gegn
mörgum af stórliðum ítalska bolt-
ans.
„Ef ég á að vera alveg hreinskil-
inn þá hefur það komið mér á óvart
hversu mikið ég hef fengið að spila,“
sagði Andri Fannar í samtali við
Morgunblaðið. „Ég er bara 18 ára
gamall og það eru ekki margir á
mínum aldri sem eru að fá svona
margar mínútur í jafn stórri deild.
Ég finn það að þjálfarinn [Sinisa
Mihajlovic] virkilega treystir mér
sem er mikilvægt og ég reyni að
nýta hverja einustu mínútu sem ég
fæ inni á vellinum.
Heilt yfir þá tel ég mig vera bú-
inn að standa mig vel þegar ég hef
fengið að spila og ég hef fengið hrós
fyrir frammistöðu mína frá bæði
leikmönnum, þjálfurum og stuðn-
ingsmönnum félagsins. Ég er
hungraður í meira og reyni því að
nýta tímann vel á æfingasvæðinu á
hverjum einasta degi og bæta mig
sem leikmaður.“
Verkefni sem þarf að leysa
Áður en kórónuveirufaraldurinn
náði hámarki á Ítalíu ákvað Andri
Fannar að koma heim til Íslands en
faðir hans, Baldur Jónsson, hefur
búið með honum í Bologna, sem er
tæplega 390.000 manna borg á
Norður-Ítalíu, frá því að leik-
maðurinn gekk til liðs við félagið.
„Þegar faraldurinn var að byrja
hérna úti var ég bara í einangrun í
þrjár til fjórar vikur með pabba
mínum. Það var virkilega erfitt enda
vorum við bara fastir heima hjá
okkur. Við tókum því þá ákvörðun
að fara heim til Íslands. Það hefur
verið virkilega gott að hafa pabba
með sér, hann hefur alltaf staðið
virkilega þétt við bakið á mér og
hjálpað mér í gegnum súrt og sætt.
Móðir mín og bróðir minn hafa líka
verið mjög dugleg að kom til mín,
alveg frá því að ég fór fyrst til Ítal-
íu, og það hefur verið bæði gott og
mikilvægt fyrir mig að fá fólkið mitt
út til mín.
Ég fer svo aftur út þegar það er
tekin ákvörðun um að klára keppn-
istímabilið í A-deildinni. Ég fór einn
út enda þurfti ég að fá sérstakt leyfi
frá félaginu til að komast aftur inn í
landið. Síðan þá er ég búinn að vera
einn á hóteli í rúman tvo og hálfan
mánuð sem tekur vissulega á þar
sem ég sakna fjölskyldunnar minn-
ar mikið, kærustunnar og vinanna
auðvitað líka. Að sama skapi reyni
ég að horfa á þetta eins og hvert
annað verkefni sem þarf að leysa.“
Þakklátur fyrir tækifærið
Andri Fannar er eftirsóttur af fé-
lögum á Englandi sem dæmi en Bo-
logna hefur boðið íslenska miðju-
manninum nýjan langtímasamning
til þess að halda honum á Ítalíu.
„Það má alveg segja að hlutirnir
hafi gerst hrikalega hratt hjá mér
og mér hefur gengið vel. Ég fer út í
byrjun febrúar 2019, nýorðinn 17
ára gamall. Ég fer beint í U17 ára
liðið hjá Bologna til þess að koma
mér inn í hlutina.
Ég er svo færður inn í varaliðið
fljótlega og fæ svo einhverjar æf-
ingar með aðalliðinu inni á milli.
Hægt og rólega tekst mér að vinna
mér inn sæti í aðaliðshópnum. Hug-
ur minn er hjá Bologna í dag og ég
er frekar ákveðinn í að vera áfram í
herbúðum félagsins.
Ég er með samningstilboð í hönd-
unum frá félaginu og núna er aðeins
verið að skoða samninginn og fara
yfir þau mál sem þurfa að vera á
hreinu. Bologna hefur staðið mjög
þétt við bakið á mér, alveg síðan ég
kom til félagsins, og hefur gefið mér
tækifæri sem ég er gríðarlega þakk-
látur fyrir.“
Þjálfarinn frábær kennari
Miðjumaðurinn ungi er allur að
koma til í ítölskunni en hann hefur
fengið tækifæri gegn liðum á borð
við Inter Mílanó, Milan og Napoli að
undanförnu. Þá er knattspyrnu-
stjóri hans Sinisa Mihajlovic þjóð-
þekktur á Ítalíu eftir að hafa spilað
með liðum á borð við Roma, Sam-
pdoria, Lazio og Inter og auðvitað
stýrt Milan, Fiorentina og serb-
neska landsliðinu á þjálfaraferli sín-
um.
„Mihajlovic er mikil goðsögn á
Ítalíu og hann nýtur mikillar virð-
ingar hérna. Það er virkilega gaman
að sjá þetta og vera partur af því en
hann er frábær þjálfari. Hann er
gríðarlega agaður og ákveðinn.
Hann lætur menn heyra það ef þess
þarf en að sama skapi stendur hann
alltaf þétt við bakið á leikmönnum
sínum. Hann er frábær kennari líka
enda var hann ótrúlegur leikmaður
á sínum tíma.
Hann hefur gefið mér tækifæri að
undanförnu gegn stærri liðum
deildarinnar sem dæmi og ég get al-
veg viðurkennt að það var skrítin
tilfinning að spila gegn þessum
stóru nöfnum. Maður er búinn að
fylgjast með þessum leikmönnum
frá því að maður var lítill strákur og
leika þá í tölvuleikjum sem dæmi
fyrir ekki svo mörgum árum síðan.
Þetta hafa verið lærdómsríkir mán-
uðir fyrir mig en á sama tíma alveg
frábærir líka.
Ég er svo allur að koma til í
ítölskunni sem hjálpar en ég er í
kennslu hjá klúbbnum, tvisvar til
þrisvar í viku. Þetta er erfitt tungu-
mál að læra en ég er farinn að skilja
ansi mikið og er svona rétt að byrja
að geta talað tungumálið. Ég skil
fótboltatungumálið hérna vel og
samskiptin innan vallar hafa gengið
vonum framar enda á ég í góðu
sambandi við aðra leikmenn félags-
ins.“
Tekur mínútunum fagnandi
Andri Fannar á að baki einn leik í
efstu deild með Breiðabliki og þá
hefur hann leikið 34 landsleiki fyrir
yngri landslið Íslands þar sem hann
hefur skorað 4 mörk en hann við-
urkennir að draumurinn sé að spila
fyrir A-landslið Íslands í framtíð-
inni.
„Það er alltaf gott að eiga fyr-
irmyndir og Gylfi Sig er einn af
þeim sem ég hef reynt að læra eins
mikið af og ég get. Ég er samt sem
áður ekki að einblína of mikið á leik-
mannaferla hjá öðrum enda er ekki
til neitt sem heitir að fara réttu leið-
ina í þessu þegar kemur að því að
ákveða næstu skref.
Það hefur alltaf verið draumur
hjá mér að spila fyrir A-landslið Ís-
lands en ég er líka meðvitaður um
það að ég er bara 18 ára gamall. Ég
er þolinmóður að eðlisfari og þegar
tækifærið kemur þá kemur það. Það
er svo mitt bara að standa mig.
Ég einbeiti mér að fullu að Bo-
logna í dag og ég mun halda áfram
að leggja hart að mér á æf-
ingasvæðinu. Hingað til hef ég tekið
öllum mínútum fagnandi og þannig
verður það áfram, hvort sem það er
ein mínúta eða þrjátíu, því þegar
allt kemur til alls er þetta fyrst og
fremst geggjuð reynsla fyrir mig,“
bætti Andri Fannar við í samtali við
Morgunblaðið.
Lék mótherjana í tölvu-
leik fyrir fáeinum árum
 Andri Fannar Baldursson hefur fengið óvæntar mínútur í ítölsku A-deildinni
Ljósmynd/Facebook
Barátta Andri Fannar Baldursson í leik gegn Sassuolo á dögunum.
Andri Fannar Baldursson
» Fæddist 10. janúar 2002
» Uppalinn hjá Breiðabliki og
á að baki einn leik í efstu deild.
» Gekk til liðs við Bologna á
Ítalíu í febrúar 2019 og hefur
komið við sögu í 5 leikjum með
liðinu á tímabilinu.
» Hefur leikið 34 landsleiki
fyrir yngri landslið Íslands þar
sem hann hefur skorað 4
mörk.
Gunnhildur Yrsa Jónsdóttir, lands-
liðskona Íslands í knattspyrnu og
leikmaður Utah Royals í bandarísku
atvinnumannadeildinni, mun ganga
til liðs við Íslandsmeistara Vals á
lánssamningi þegar félagsskipta-
glugginn opnast 5. ágúst næstkom-
andi, samkvæmt heimildum Morg-
unblaðsins. Gunnhildur er
samningsbundin Utah Royals út
næsta ár en óvíst er með fyrir-
komulag tímabilsins í Bandaríkj-
unum vegna kórónuveirunnar.
Gunnhildur er 31 árs gömul og á að
baki 71 A-landsleik. bjarnih@mbl.is
Landsliðskona til
meistaranna
Morgunblaðið/Hari
Reynsla Gunnhildur Yrsa Jónsdóttir
á að baki 119 leiki í efstu deild.
Knattspyrnumaðurinn Brynjólfur
Andersen Willumsson var úrskurð-
aður í eins leiks bann af aga- og úr-
skurðarnefnd KSÍ vegna uppsafn-
aðra áminninga í gær. Bannið tekur
gildi á föstudag og hann getur því
tekið þátt í leik Breiðabliks og HK á
morgun í Kórnum. Þá missir Guð-
mann Þórisson, varnarmaður FH,
af leik liðsins gegn KA í Kaplakrika
í kvöld vegna leikbanns og Ólafur
Ingi Skúlason, aðstoðarþjálfari
Fylkis, er kominn í tveggja leikja
bann fyrir rautt spjald sem hann
fékk gegn KR á laugardag.
Lykilmaður Blika
í eins leiks bann
Ljósmynd/Þórir Tryggvason
Bann Brynjólfur Andersen Will-
umsson er kominn í leikbann.