Morgunblaðið - 29.07.2020, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 29. JÚLÍ 2020
Bíldshöfða 16 - 110 Reykjavík - 414-8400 - www.batik.is - www.martex.is
VINNUFATNAÐUR
MERKINGAR
Sighvatur Bjarnason
sighvaturb@mbl.is
Verslunarmannahelgi er ein af stærri
ferðahelgum ársins. Löng hefð er fyr-
ir því að landinn leggi land undir fót
og þá sérstaklega yngri kynslóðin,
sem slettir jafnan vel úr klaufunum. Í
skugga kórónuveirunar hefur flestum
af stærri útihátíðum verið aflýst, s.s.
Þjóðhátíð í Eyjum, Neistaflugi, Mýr-
arbolta og landsmóti UMFÍ. Víða um
land má þó finna minni og áhuga-
verða viðburði. Morgunblaðið leitaði
til löggæslunar, sem gjarnan hefur
mikið mætt á þessa helgi.
„Ein með frekar litlu“
Í tilkynningu frá Akureyrabæ er
sagt að hátíðin „Ein með öllu“ verði
ekki haldin með hefðbundnu sniði í ár
heldur lögð áhersla á lágstemmda og
fjölskylduvæna dagskrá. Þar má finna
dagskrárliði eins og „mömmur og
möffins“ og kirkjutröppuhlaupið. Að
sögn Páleyjar Borgþórsdóttur, lög-
reglustjóra á Norðurlandi eystra, er
búist við fjölda gesta og viðbúnaður
eftir því. Sérstaklega verði hugað að
reglum sóttvarna og sjálfsprottnum
hópamyndunum ungmenna.
Viðbúnaður í Eyjum
Þótt ekki verði af Þjóðhátíð er gert
ráð fyrir talsverðum gestafjölda á
eyjunni og flestar ferðir Herjólfs
þéttbókaðar frá Landeyjahöfn. Að
sögn Aldísar Báru Ingimarsdóttur,
setts lögreglustjóra í Eyjum, verður
aukinn viðbúnaður á öllum vöktum
auk þess sem tveir sérsveitarmenn
og fíkniefnahundur liðsinna. Þar á bæ
er gert ráð fyrir „miklu en dreifðu“
skemmtanahaldi. Samkvæmt upplýs-
ingum blaðsins hefur mikill bálköstur
verið reistur á Fjósakletti í Herjólfs-
dal, en tendrun hans er einn af há-
punktum Þjóðhátíðar.
Borgarbörnin bregða á leik
Spyrja má hvað borgarbörnin ætli
til bragðs að taka nú þegar útihátíðir
eru engar. Tónlistarhátíðin „Inni-
púkinn“ verður haldin í 19. sinn og
öldurhús víða opin. Morgunblaðið
spurði Huldu Elsu Björgvinsdóttur,
lögreglustjóra á höfuðborgarsvæð-
inu, hvort menn hefðu áhyggjur af
hópamyndun í miðborginni. Hún
segir að undanfarnar helgar hafi
verið einhver brögð að slíku, en það
hafi verið skammvinnt og ekki or-
sakað sérstök vandræði. Viðbúnaður
lögreglu verður með hefðbundnu
sniði og brugðist við eftir þörfum.
Áhersla verður einnig á umferð-
argæslu, en búast má við þungum
straumi til og frá borginni.
Veður setur strik í reikninginn
Veðurfræðingur sem blaðið talaði
við sagði útlitið heldur dapurt til úti-
legu. Aðfaranótt föstudags er von á
óvenju djúpri lægð að landinu, með
allhvössum vindi og úrkomu um allt
land. Veðrið gæti haft áhrif á akstur
suðaustanlands og siglingar Herjólfs
til Eyja.
Viðburðir um verslunarmannahelgina
Ein með öllu á Akureyri
Berjadagar á
Ólafsfirði
FM Belfast á
Siglufirði (fös)
Emmsjé Gauti á
Egilsstöðum (fös)
Hátíð á Borgarfirði eystra
Sæludagar í Vatnaskógi
Ámóti sól á
Akranesi (lau)
Sigrún á Gljúfrasteini
Fjölskylduhátíð á
Hótel Selfoss
Listahátíð á Listasafni
Samúels í Selárdal
Innipúkinn í Gamla bíó
Reykjavík Live í Garðinum
Verslm.helgin á Spot
Tónleikar í Sjálandi
Komdu að leika í
Árbæjarsafni (sun,mán)
Þjóðhátíðarpartí Stúdentakjallarans
Bríet og Club Dub í
Keiluhöllinni Egilshöll (lau)
Verslm.h. í Grandi Mathöll
Verslm.h. í Petersen Svítunni
Garðabær
Kópavogur
Reykjavík
Höfuðborgarsvæðið
Óvenjuleg helgi fram undan
 Fjölda útihátíða aflýst  Lögregla víða með viðbúnað
Aron Þórður Albertsson
aronthordur@mbl.is
Ferðaskrifstofur endurmeta dag-
lega stöðuna á vinsælum ferða-
mannasvæðum á borð við Tenerife
og Alicante. Er fjölgun
kórónuveirusmita á Spáni talið
áhyggjuefni, enda hætt við því að
frekari takmarkanir verði settar
haldi þróunin áfram.
Talsverður fjöldi Íslendinga hef-
ur undanfarna daga haldið út til
framangreindra staða. „Við erum
alltaf að endurskoða okkar framboð
og reyna að miða það út frá eftir-
spurninni. Við höfum verið að fara
með fullar vélar til Alicante og Ten-
erife, en við erum auðvitað alltaf að
endurmeta stöðuna,“ segir Þráinn
Vigfússon, framkvæmdastjóri
ferðaskrifstofunnar Vita, sem
kveðst ekki áhyggjufullur yfir
ástandinu þótt sýna verði varkárni.
Lítið sé um smit á þeim svæðum
sem ferðaskrifstofan flýgur nú til.
„Ástandið á Tenerife er mjög
gott. Í síðustu viku voru tíu virk
smit og þau voru öll í höfuðborginni
sem er langt frá því svæði sem við
erum að fljúga á. Ástandið á Alic-
ante er síðan miklu betra en til
dæmis í Katalóníu eða í Madríd þar
sem fólk býr þéttar,“ segir Þráinn.
Nú um helgina greindi utanrík-
isráðherra Breta frá því að tekin
hefði verið ákvörðun um að setja á
tveggja vikna sóttkví fyrir ferða-
langa sem koma frá Spáni. Var talið
nauðsynlegt að grípa til aðgerðanna
sökum snarprar fjölgunar smita á
Spáni. Í kjölfarið hvatti forsætis-
ráðherra Spánar stjórnvöld í Bret-
landi til að endurskoða ákvörð-
unina. Aðspurður segir Þráinn að
Íslendingar hafi lítið að hræðast á
Spáni. „Flestir sem eru að fara til
Alicante eru á leið í íbúð eða hús
sem þeir hafa aðgang að. Þeir eru
ekki í miklu samneyti við heima-
menn frekar en útlendingar hér á
landi. Maður skilur ekki alveg
ákvörðun stjórnvalda í Bretlandi
enda hefur fjöldi Breta sagt að þeir
telji sig öruggari á Spáni en í
heimalandinu,“ segir Þráinn og
bætir við að fréttir sem þessar
dragi úr vilja fólks til að ferðast.
„Þetta hefur áhrif á fólk og það
ákveður kannski að bíða frekar.
Það á samt ekki að þurfa að hafa
áhyggjur þar sem flestir þekkja
svæðið mjög vel. Við finnum samt
alveg að fólk er aðeins hikandi. Það
er enn talsvert eftir af sætum í
ferðir í ágúst, en við endurmetum
það bara eftir því sem tíminn líður,“
segir Þráinn.
Staðan endurmetin reglulega
Svipað er upp á teningnum hjá
Úrvali-Útsýn þar sem farnar hafa
verið nokkrar ferðir til Tenerife og
Alicante. Að sögn Ingibjargar Elsu
Eysteinsdóttur, forstöðumanns hjá
ferðaskrifstofunni, er þó viðbúið að
endurskoða verði ferðir næstu
vikna. „Við erum að bíða eftir upp-
lýsingum, en auðvitað þarf að end-
urmeta stöðuna ef hótel eða lönd
fara að lokast aftur. Það er auðvit-
að svo að allar slæmar fréttir setja
bakslag í sölu hjá okkur,“ segir
Ingibjörg, sem sjálf hefur fylgst vel
með ástandinu á Spáni. „Eins og
staðan er núna er verið að fljúga á
Alicante og Tenerife. Við fylgjumst
síðan mjög vel með ástandinu enda
viljum við vera ábyrg í því sem við
gerum.“
Endurmeta Spánarferðir daglega
 Viðskiptavinir hika við að bóka ferðir til Alicante og Tenerife í ágústmánuði  Slæmar fréttir draga
úr vilja fólks til að ferðast erlendis  Fjöldi Íslendinga hefur haldið til Spánar undanfarnar vikur
Morgunblaðið/Eggert
Ferðamenn Spánn hefur verið vinsæll áfangastaður meðal Íslendinga undanfarin ár. Staðan þar er nú alvarleg.