Morgunblaðið - 29.07.2020, Blaðsíða 18

18 MINNINGAR
MORGUNBLAÐIÐ MIÐVIKUDAGUR 29. JÚLÍ 2020
Raðauglýsingar 569 1100
Tilboð/útboð
Akraneskaupstaður óskar eftir tilboðum í verkið:
Dalbraut 4 – innanhússfrágangur 2020
Verkið felst í innanhússfrágangi á Þjónustumiðstöð á 1. hæð
hússins, sem alls er um 1200 m2. Um er að ræða fullnaðar-
frágang innanhúss á veggjum, loftum, gólfum, innréttingum,
rafkerfum, lagna- og loftræsikerfum.
Helstu magntölur eru:
• Innveggir 1000 m2
• Kerfisloft 1150 m2
• Gólfefni 1.200 m2
• Hurðir 43 stk
• Lampar 290 stk
• Strengir 6000 m
• Rofar og tenglar 210 stk
• Hita- og neysluvatnslagnir 700 m
• Kantaðir stokkar 2500 kg
• Sívalir stokkar 260 m
• Beygjur, tengistykki, dreifarar 340 stk
Verklok eru 1. júní 2021
Útboðsgögn verða afhent á rafrænu formi frá og með
mánudeginum 27.07.2020. Senda skal beiðni um útboðsgögn á
netfangið jon.vidar.gudjonsson@efla.is og gefa upp nafn
bjóðanda, kennitölu, heimilisfang, síma og netfang.
Tilboðum skal skila til Eflu hf., Lynghálsi 4, 110 Reykjavík,
fyrir kl. 10:00, fimmtudaginn 27.08.2020 þar sem þau verða
opnuð að viðstöddum þeim bjóðendum sem þess óska.
Tilkynningar
Auglýsing um skipulagsmál
í Rangárþingi ytra
Samkvæmt 1. mgr. 41. gr. Skipulagslaga nr. 123/2010 er hér auglýst tillaga að
eftirfarandi deiliskipulagsáætlun.
Haukadalur lóð F7, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 20.7.2020 að auglýsa breytingu á tillögu að deili-
skipulagi fyrir svæðið dags. 19.2.2009 þar sem suður- og vesturmörk núverandi byggingareits verði færð
og byggingareitur stækkaður skv. uppdrætti og greinargerð frá Eflu, dags. 15.7.2020.
Tillagan liggur frammi hjá Skipulagsfulltrúa, Suðurlandsvegi 3, Hellu
og á heimasíðu Rangárþings ytra, www.ry.is
Hverjum þeim sem telur sig eiga hagsmuna að gæta er gefinn kostur á að gera athugasemdir
við tillöguna og er frestur til að skila inn athugasemdum til og með 9. september 2020
Þeir sem óska nánari upplýsinga geta snúið sér til Skipulagsfulltrúa Rangárþings ytra
í síma 488-7000 eða með tölvupósti birgir@ry.is
------------------------------
Har. Birgir Haraldsson
Skipulagsfulltrúi Rangárþings ytra
RANGÁRÞING YTRA
Félagsstarf eldri borgara
Aflagrandi 40 Opin vinnustofa kl. 9:30-12:30, nóg pláss. Hæfi sjúkra-
þjálfun kl. 10:30, góðar æfingar sem henta öllum, ókeypis. Samvera
og spjall, heitt á könnunni kl. 13:30-14:30. Kaffi kl. 14:30-15:15. Nánari
upplýsingar í síma 411-2702. Allir velkomnir.
Árskógar Félagsfundur / Menningarklúbbur kl. 11. Hádegismatur
kl. 11:30–13. Bíó e.h. Kaffisala kl. 14:45–15:30. Allir velkomnir í
Félagsstarfið, s. 411-2600.
Félagsmiðstöðin Hæðargarði 31 Blöðin, kaffi og spjall kl. 8:50.
Frjálst í Listasmiðju kl. 9-16. Hádegismatur kl. 11:30-12:30. Dansleik-
fimi kl. 13. Síðdegiskaffi kl. 14:30. Við vinnum áfram eftir samfélags-
sáttmálanum, þvo og spritta hendur, virða 2 metra regluna, við þá
sem það vilja. Allir velkomnir óháð aldri og búsetu. Nánari upplýs-
ingar í síma 411-2790.
Garðabær Jónshúsi,félags- og íþróttastarf, s. 512-1501. Opið í Jóns-
húsi og heitt á könnunni alla virka daga frá kl. 8:30-16. Hægt er að
panta hádegismat með dags fyrirvara. Meðlæti með síðdegiskaffinu
er selt frá kl. 13:45-15:15. Skrifstofa Félags eldri borgara er lokuð í júlí.
Gönguhópur fer frá Jónshúsi kl. 10. Gönguhópur fer frá Smiðju
kl. 13.
Gerðuberg 3-5 Kl. 8:30-16 opin handavinnustofa, kl. 9-12 útskurður,
kl. 11-11:30 leikfimi Helgu Ben, kl. 12:30-15 Döff félag heyrnalausra, kl.
13-16 útskurður, kl. 13 ganga um hverfið.
Hraunsel Ganga í Kaplakrika kl. 8, billjard kl. 8, bingó kl. 13, spjall-
hópur / handavinna kl. 13.
Hvassaleiti 56-58 Morgunkaffi og spjall frá kl. 8:30-10:30. Útvarps-
leikfimi kl. 9:45. Dansleikfimi kl. 10:30. Framhaldssaga kl. 13:30.
Korpúlfar Gönguhópar ganga frá Borgum og inni í Egilshöll kl. 10.
Minnum á skráningu í dagsferðina á Suðurströndina miðvikudaginn
12. ágúst, hámarksfjöldi 40 manns, þátttökuskráning liggur frammi í
Borgum.
Samfélagshúsið Vitatorgi Í dag byrjum við daginn snemma og
verður hreyfiþjálfun á vegum sjúkraþjálfara hjá stofunni Hæfi sem
hefst kl. 9:30. Eftir hádegi, kl. 13:30, ætlum við að hittast í handverks-
stofu og hlusta saman á hlaðvarpsþátt Veru Illugadóttur, Í ljósi
sögunnar. Í þættinum er fjallað um það þegar 20 mánaða gömlum
syni bandaríska flugkappans Charles Lindbergh var rænt af heimili
þeirra í New Jersey.
Samfélagshúsið Vitatorgi Í næstu viku, þriðjudaginn 4. ágúst og
fimmtudaginn 6. ágúst verður haldið framhaldsnámskeið í tæknilæsi
þar sem haldið verður áfram kennslu á spjaldtölvur. Kennsla á And-
roid-stýrikerfi verður frá kl. 9-12 og kennsla á Apple-stýrikerfi frá kl.
13-16. Skráning er nauðsynleg, og fer fram í síma 665-7641, en frítt er
á námskeiðið.
Seltjarnarnes Dagskráin í dag miðvikudaginn 29. júlí: Kl. 10:30 er
kaffispjall í króknum á Skólabraut. Kl. 13:30 botsía í salnum á Skóla-
braut. Kl. 18:30 vatnsleikfimi í sundlaug Seltjarnarness. Hlökkum til að
sjá ykkur.
Sléttuvegur 11-13 Selið á Sléttuvegi er opið frá kl. 10–16. Heitt á
könnunni frá kl. 10–11 og hægt er að líta í blöðin. Hádegismatur er frá
kl. 11.30–12.15 og panta þarf matinn daginn áður. Handavinnuhópur
hittist kl. 13. Kaffi og meðlæti er til sölu frá kl. 14.30–15.30. Allir vel-
komnir. Síminn í Selinu er 568-2586.
Smáauglýsingar
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
200 mílur
Vantar þig
fagmann?
FINNA.is✝ Bjarni Gíslasonvar fæddur á
Patreksfirði 6. júní
1937. Hann lést á
Hjúkrunarheim-
ilinu Eiri í Reykja-
vík þann 17. júlí
2020.
Foreldrar Bjarna
voru Gísli Bjarna-
son, f. 24. nóvember
1900, d. 8. ágúst
1974, og Nanna
Guðmundsdóttir, f. 2. september
1913, d. 20. desember 1996.
Systkini Bjarna eru: 1) Anna, f.
15.mars 1936. 2) Guðrún, f.
29.mars 1943. Uppeldissystir
Bjarna og dóttir Önnu er Nanna
Sjöfn Pétursdóttir, f. 18. júlí
1955.
Þann 5. nóvember 1960 giftist
Bjarni Þóreyju Jarþrúði Jóns-
dóttur, f. 14. júní 1940, en hún
lést 30. mars 2013. Börn Þór-
eyjar og Bjarna eru: 1) Hólm-
fríður, f. 25. júní 1960, maki Nor-
bert Birnböck. Synir Hólmfríðar
og Hilmars Arnar Agnarssonar
eru Georg Kári, f. 8. janúar 1982,
Andri Freyr, f. 14. júlí 1987, og
Gabríel Daði, f. 30. júní 1997. 2)
Gísli, f. 20. júlí 1963, maki Mar-
grét L. Laxdal, synir þeirra eru
Bjarni Þór, f. 6. september 1994,
Pétur Geir, f. 27. júlí 1998, og
Oddur Freyr, f. 6. desember
2005. Sonur Gísla og Ólafíu
Andrésdóttur er Árni Theodór, f.
25. nóvember 1985. 3) Heimir, f.
17. desember 1970, maki Sædís
Guðmundsdóttir, synir þeirra
eru Aron, f. 2. september 2001,
og Axel, f. 9. nóv-
ember 2006.
Bjarni Gíslason,
eða Bobbý eins og
hann var kallaður
af fjölskyldu sinni
fyrir vestan, var
fæddur í Urðargötu
6 á Patreksfirði og
ólst hann þar upp
ásamt tveimur
systrum sínum og
einni uppeld-
issystur. Bjarni stundaði nám við
Iðnskólann á Patreksfirði og fór
þaðan til Akureyrar þar sem
hann lauk iðnaðarprófi í rafvirkj-
un og fór í framhaldinu á samn-
ing þar. Á Akureyri kynnist hann
eiginkonu sinni, Þóreyju Jar-
þrúði Jónsdóttur, og giftu þau
sig þann 5. nóvember 1960. Þau
fluttu til Reykjavíkur þar sem
hjónin stofnuðu sitt fyrsta heimili
og eignuðust þau þrjú börn.
Bjarni starfaði alla tíð sem raf-
virki og lengst af á sínum starfs-
ferli hjá Kassagerð Reykjavíkur.
Bjarni var mikið fyrir útivist og
hafði mikinn áhuga á stangveiði
á sínum yngri árum en seinna,
eftir að hann kynntist golfinu,
átti það hug hans allan. Hann var
félagi í Golfklúbbi Reykjavíkur
og var m.a. í öldungalandsliði Ís-
lands í golfi um tíma. Hann var
alla tíð virkur félagi í Kíwanis-
klúbbnum Eldey í Kópavogi og
sat þar sem formaður klúbbsins á
árunum 1986-1987.
Útförin fer fram frá Grafar-
vogskirkju í dag, 29. júlí 2020,
klukkan 13.
Við fráfall stóra bróður míns
Bjarna leita margar kærar minn-
ingar á hugann frá langri sam-
leið, ekki síst frá æskuárum á
Patró. Ég sex árum yngri, hann
unglingur vann í frystihúsinu og
líka í vegavinnu á sumrin. Hann
farinn að stunda bíó og böll og
vildi vera fínn, ég lukkuleg að fá
túkall fyrir að bursta skóna hans
og jafnvel að pressa buxurnar
líka. Snemma fór hann að heim-
an, fyrst á Héraðsskólann á Núpi
og fljótlega til Akureyrar að læra
rafvirkjun þaðan sem hann kom
aðeins heim í fríum. Alltaf leit ég
upp til hans, svo flinkur á skaut-
um og á tunnustöfum, Hólstúnið
sem umkringdi heimili okkar
hentaði sérlega vel fyrir þá
íþrótt, sem fáir þekkja í dag, trúi
ég. Og ekki má gleyma „tjútti“,
dansinum sem hann kenndi mér
og Dísu vinkonu á stofugólfinu í
Urðargötu 6.
Á Akureyri kynntist hann lífs-
förunaut sínum, henni Þrúðu,
sem kvaddi 2013. Hennar hefur
hann saknað sárt og trúði á
endurfundi. Þau fluttu til Reykja-
víkur frá Akureyri um svipað
leyti og ég með foreldrum okkar
frá Patreksfirði. Þá höfðu þau
eignast Hólmfríði, sem fæddist á
Patreksfirði, svo kom Gísli og eft-
ir sjö ára hlé kom Heimir, rúmum
níu mánuðum eftir að þau tóku
Óttar u.þ.b. mánaðar gamlan til
sín, þegar ég hafði hryggbrotnað
í lok einnar bunu á snjóþotu í
Hólsfjölskyldu skíða–/sleðaferð.
Hann lét mig strax vita að ég yrði
rukkuð um meðlag. Heimir og
fjölskylda hafa reynst bróður
mínum sú stoð og stytta sem
hann þurfti á að halda síðustu
misserin þar sem eldri börnin eru
búsett fjarri, Gísli og fjölskylda á
Dalvík og Hófý í Þýskalandi.
Auðvitað naut hann Gísla meðan
hann enn heimsótti Norðurland
og hefur margsinnis notið þess að
ferðast með Hófý vítt og breitt
um Þýskaland og Suður–Evrópu.
Hann reyndist okkur Andreasi
hjálparhella þegar kom að raf-
magnsvinnu og lagði t.d. allt raf-
magn í húsið okkar á Álftanesinu
og tengdi ljós og tæki þegar á
þurfti að halda. Veit ég að margir
vinir og stórfjölskyldan nutu
greiðvikni hans með slíkt og var
það alltaf gert utan langs vinnu-
tíma í Kassagerðinni þar sem
hann var í áraraðir fastráðinn
rafvirkjameistari.
Í kringum 40 ára aldurinn
byrjaði hann að spila golf og má
segja að sú íþrótt hafi tekið hug
hans allan. Fljótt varð hann með-
al þeirra bestu í sínum aldurs-
flokki og Íslandsmeistari oftar en
einu sinni. En þetta þýddi líka að
minna varð um samskipti, við í
hestamennsku og hann í golfi,
það fór ekki saman, en auðvitað
hittumst við á hátíðis- og tyllidög-
um og þá var alltaf gaman.
Síðustu árin fengum við Andr-
eas hann stundum í mat til okkar
og nutum við þess að spjalla og
spyrja. Síðast um miðjan febrúar.
Svo kom Covid. Næst áttum við
systur yndislega samveru á
heimili hans afmælidaginn 6. júní
og aftur 14. júní í Fríkirkjunni við
fermingu yngsta barnabarns
hans en þá var okkur brugðið.
Stuttu síðar fékk hann vist á Eir í
notalegu herbergi með útsýni yf-
ir sundin blá, sem við „sjávar-
þorpskrakkar“ elskum. En dvölin
þar varð ekki löng. Mér finnst
þetta hafa gerst ótrúlega hratt og
sakna stóra bróður, en ég tel að
hann hafi farið sáttur og trúað á
endurfundi við Þrúðu sína.
Guðrún Gísladóttir
Bergmann.
Þannig ber að þreyja.
Þessu stefnt er að.
elska, iðja, deyja.
allt er fullkomnað.
(Steingrímur Thorsteinsson)
Bjarni Gíslason Kiwanisfélagi í
Eldey er látinn. Bjarni gekk í
klúbbinn hinn 4. apríl 1977, hann
var virkur félagi og hafði sterkar
skoðanir á því hvernig starfið í
klúbbnum ætti að vera. Ég varð
þeirrar gæfu aðnjótandi að njóta
leiðsagnar hans þegar ég var val-
inn forseti klúbbsins 2018. Hann
benti mér á hvernig hlutirnir
gætu farið betur, en aldrei sagði
hann mér að ég ætti að gera
svona eða svona. Við félagarnir í
klúbbnum eigum eftir að sakna
Bjarna. Við minnumst hans með
virðingu og hlýju. Við sendum
okkar innilegustu samúðarkveðj-
ur til fjölskyldu Bjarna og biðjum
Guð að styrkja ykkur.
Páll Svavarsson, forseti
Kiwanisklúbbsins Eldeyjar.
Bjarni Gíslason