Morgunblaðið - 29.07.2020, Side 24

24 MENNING
MORGUNBLAÐIÐ MIÐVIKUDAGUR 29. JÚLÍ 2020
VIÐTAL
Magnús Guðmundsson
magnusg@mbl.is
„Þetta er í tuttugasta og annað sinn
sem Berjadagar eru haldnir hátíð-
legir á Ólafsfirði og auk þess er bær-
inn 75 ára, þannig að það er ærið til-
efni til að gleðjast fyrir alla aldurs-
hópa,“ segir Ólöf Sigursveinsdóttir,
framkvæmdastjóri og listrænn
stjórnandi hátíðarinnar. Frítt er á
tónleika á hátíðinni fyrir 18 ára og
yngri.
Eftir að farið var að halda Berja-
daga um verslunarmannahelgi hefur
hátíðin fest sig rækilega í sessi sem
frábær valkostur fyrir tónlistarunn-
endur. „Það er frábært fyrir þá fjöl-
mörgu sem eru á ferðinni þessa daga
að eiga þess kost að staldra við á há-
gæðatónleikum til þess að hlusta á
svona frábæra listamenn.“
Hljómhúsin til fyrirmyndar
Ólöf segir að það aðsókn á hátíðina
hafi aukist á síðustu árum og að í
fyrra hafi verið sett aðsóknarmet.
„Þá vorum við með óperusýningu í
menningarhúsinu Tjarnarborg og
þar var margt um manninn og mikil
gleði. Við höldum áfram uppi merkj-
um óperu á þessari hátíð og munum
leitast við að gera í framtíðinni.
Að þessu sinni erum við í fyrsta
sinn með hádegistónleika í Ólafs-
fjarðarkirkju, þar sem þau Chrissie
Telma Guðmundsdóttir fiðluleikari
og Einar Bjartur Egilsson píanóleik-
ari ætla að ferðast um ólík tímabil
tónlistarsögunnar. Þetta er
skemmtilegur valkostur, bæði fyrir
gesti hátíðarinnar og alla sem eru á
ferðinni um þessa helgi.“
Spurð hvort góð aðstaða sé á
Ólafsfirði til flutnings á sígildri tón-
list segir Ólöf að heimamenn geti
verið stoltir af hljómhúsum sínum.
„Ólafsfjörður er tónleikaperla því
bæði Ólafsfjarðarkirkja og menning-
arhúsið Tjarnarborg eru fyrsta
flokks. Það bregst heldur ekki að eft-
ir tónleika er fólk í viðjum tónlistar-
innar vegna þess að hljómurinn – við
þekkjum þetta frá Reykholti og víð-
ar þar sem hefur verið lagt í hljóm-
inn – er sannarlega til staðar.
Þessi hljómur er mér alltaf mikill
innblástur og ég leitast því við að
byggja hljómleikana út frá honum.“
Alltaf veisla
Ólöf hefur á orði að það sé gefandi
fyrir starfandi listamenn að taka
þátt í hátíð á borð við Berjadaga.
„Að vera atvinnumaður í tónlist felur
í sér svo margt fleira en að vera inni í
herbergi að æfa sig. Það getur verið
að borða saman, að skála eftir tón-
leika og samveran á undan og eftir
tónleikum gefur okkur færi á því að
fá innblástur hvert frá öðru. Að taka
þátt í svona hátíð er því listrænt átak
og falleg reynsla í leiðinni.
Það er mér því sérstök ánægja að
safna saman hæfileikafólki á svona
stað eins og Ólafsfjörð.
Við eigum svo margt frábært tón-
listarfólk sem er alveg á pari við það
besta sem gerist og þarna gefst ein-
stakt tækifæri til þess að koma og
hlusta á þetta fólk spila.
Listamennirnir koma og flytja það
sem stendur hjarta þeirra næst í
bland við það sem ég bið þá um að
flytja og tónleikar á Berjadögum
verða oft á tíðum veisla þar sem
stemningin getur verið jafnvel
magnþrungin.“
Frábær píanisti
Ólöf segir að þetta valfrelsi í tón-
list sem listamennirnir hafa sé lykill
að fjölbreyttri og skemmtilegri dag-
skrá.
„Á hátíðinni er að finna íslensk
söngljóð, kammertónlist, Jón Ás-
geirsson verður þar með heiðna aríu
úr Þrymskviðu í kirkjunni og það er
smá óþekkt í því sem við höfum gam-
an af.
Það er yndislegt að hugsa til þess
að Elja kammersveit kemur, stór í
sniðum, undir stjórn Bjarna Frí-
manns Bjarnasonar og það verður
sögulegt því ég veit ekki til þess að
sinfónían hafi komið nema einu sinni
til Ólafsfjarðar og það var einhvern
tímann í fornöld,“ bætir Ólöf við
glettin. „Það er líka sérstaklega
spennandi við þessa tónleika að með
Elju verður Jónas Ásgeir Ásgeirs-
son, einleikari á harmonikku, og það
ætti enginn að missa af því.“
Upphafskvöld hátíðarinnar verður
með óvenjulegu sniði sem markast af
250 ára afmæli Ludwigs van Beet-
hovens.
„Jón Thoroddsen heimspekingur
ætlar að leggja leið sína norður og
ræða við okkur af því tilefni og sjálf
tek ég tónskáldið aðeins að mér með
því að spila með okkar stórkostlega
píanista Þorsteini Gauta Sigurðs-
syni. Það er alveg sérstakt að spila
með Þorsteini því hann er hreint út
sagt frábær píanisti.“
Afmælisveisla
Tónlistardagskráin á Berjadögum
er fjölbreytt og ekki einvörðungu á
klassískum nótum því á meðal þeirra
sem ætla að skemmta fólkinu er hin
valinkunna sveit Hundur í óskilum.
Að auki verður margt um að vera í
bænum, sem fagnar á sunnudaginn
75 ára kaupstaðarafmæli.
„Það verður afmæliskaffi og grill á
laugardeginum og opnun mynd-
listarsýningar í Pálshúsi en það er
verið að ljúka endurnýjun á því fal-
lega húsi sem verður opnað með
pompi og prakt á laugardeginum. Að
auki verður söguganga um bæinn,
sveppaskoðun, jurtaskoðun og fjöl-
margt fleira spennandi enda eru
heilir fjórtán dalir í Ólafsfirði. María
Bjarney Leifsdóttir Ólafsfirðingur
ætlar að vera með göngu inn í Árdal-
inn á sunnudagsmorguninn og því
verður af nógu að taka.
Það er því ekki hægt að horfa
framhjá því að yfirskrift Berjadaga,
Listsköpun og náttúra, á sérstaklega
vel við að þessu sinni.“
Ólöf leggur áherslu á að hátíðin
myndi aldrei standa undir kostnaði
nema með góðhug Ólafsfirðinga, sem
veita hátíðinni húsnæði og mikla að-
stoð ár eftir ár. Hún bendir einnig á
að hægt er að kaupa hátíðarpassa á
tix.is og þar er líka hægt að velja sér
staka viðburði. Berjadagar henta því
vel fyrir bæði þá sem hafa hug á að
dvelja á Ólafsfirði yfir helgina sem
og fólk sem er á ferðinni og kemur
við á leið sinni um landið.
Morgunblaðið/Árni Sæberg
Berjadagar „Ólafsfjörður er tónleikaperla því bæði Ólafsfjarðarkirkja og menningarhúsið Tjarnarborg eru fyrsta
flokks,“ segir Ólöf Sigursveinsdóttir, fiðluleikari, listrænn stjórnandi og framkvæmdastjóri Berjadaga á Ólafsfirði.
Ljósmynd/Guðný Ág.
Óperutónlist Frá tónleikum í Ólafsfjarðarkirkju á Berjadögum í fyrra.
Veisla og magnþrungin stemning
 Ólöf Sigursveinsdóttir, listrænn stjórnandi Berjadaga á Ólafsfirði, segir hátíðina einstakt tækifæri
fyrir ferðamenn til þess að njóta hágæðatónleika hjá fyrsta flokks listamönnum í einstöku umhverfi
Réttarhöld standa nú yfir í hæsta-
rétti í London í meiðyrðamáli
bandaríska leikarans Johnny Depp
gegn útgáfufélagi götublaðsins The
Sun og hefur fjöldi frétta borist af
þeim undanfarna daga. Depp fór í
mál við félagið í kjölfar umfjöllunar
The Sun þess efnis að hann hefði
beitt eiginkonu sína fyrrverandi,
leikkonuna Amber Heard, ofbeldi.
Nýjustu fréttir af réttarhöld-
unum eru þær að Depp viðurkennir
að hafa hagað sér ósæmilega undir
áhrifum áfengis og vímuefna og
segist ekki hafa gert sér almenni-
lega grein fyrir því hversu skelfileg
og ofbeldisfull hegðun hans var.
Áður hefur Depp lýst sér sem kurt-
eisum Suðurríkjamanni sem beri
virðingu fyrir konum. Smáskilaboð
sem hann sendi úr síma sínum
benda hins vegar til hins gagn-
stæða, skv. frétt dagblaðsins
Guardian. Í þeim lýsir Depp konum
sem druslum og feitum hórum og í
einum skilaboðanna segist hann
ætla að berja „ljótu píkuna“ og á
þar við Heard. Depp segist þó aldr-
ei hafa beitt Heard líkamlegu of-
beldi en Heard segir hann ítrekað
hafa beitt hana slíku ofbeldi.
Gengst við ofbeldisfullri hegðun
AFP
Leikarinn Johnny Depp mætti með
grímu í hæstarétt í London í gær.