Morgunblaðið - 12.08.2020, Qupperneq 15

MINNINGAR 15
MORGUNBLAÐIÐ MIÐVIKUDAGUR 12. ÁGÚST 2020
af áhuga og krafti með brosið sitt
og lífsgleði. Minný hugsaði í
lausnum í félagsstarfinu, lagði
sig fram við fjáröflun, var hrókur
alls fagnaðar í ferðalögum og á
hátíðarstundum, söngelsk og
glöð. Minnisstæðar eru veislur
og fundir Minnýjar fyrir okkur
klúbbfélaga á heimilinu hennar
fallega í Hveragerði. Hún mætti
alltaf kvenna best á fundina okk-
ar þótt árin færðust yfir hana og
eftir að klúbburinn okkar var
lagður niður hittumst við öðru
hvoru og það voru gleðifundir.
En sorgin gleymir engum og
Minný okkar tókst á við áföll og
missi með kjarki og æðruleysi.
Eflaust hefur hennar létta lund
og bjartsýni hjálpað þar til. En
nú er komið að kveðjustund og
við getum sennilega ekki fylgt
Minný síðasta spölinn. Það hvílir
heiðríkja yfir vináttu okkar.
Minningin lifir um mæta konu.
Við vottum fjölskyldu hennar
einlægar samúðarkveðjur.
Fyrir hönd fyrrum Zonta-
systra í Zontaklúbbi Selfoss.
Rosemarie Þorleifsdóttir,
Jósefína Friðriksdóttir.
Við kynntumst Gunnhildi
(Minný) fyrst fyrir rúmum 40 ár-
um þegar hún fer að búa með
Bjarna Eyvindssyni í Hvera-
gerði. Minný hafði áður búið á
Blönduósi og á Selfossi eftir að
hún varð ung ekkja löngu áður
með þrjá drengi.
Eftir það bjó hún alla tíð í
Hveragerði og kynntist þar
mörgu fólki, enda félagslynd að
eðlisfari. Hún hafði ákveðnar
skoðanir á mönnum og málefnum
og lá ekki á þeim, ef því var að
skipta.
Föður mínum reyndist hún
stoð og stytta í gegnum súrt og
sætt. Minný annaðist föður minn
af mikilli natni og alúð árum
saman í hans veikindum og hafi
hún þökk fyrir.
Á síðustu misserum reyndum
við að vitja Minnýar eftir megni,
sérstaklega eftir að hún slasaðist
síðastliðið haust og síðar þegar
veikindi ágerðust enn meir og
ávallt tók hún fagnandi á móti
okkur.
Hún kvartaði ekki og stóð sig
eins og hetja þar til yfir lauk.
Barnabörnin okkar höfðu
gaman af að koma í heimsókn til
Minnýar ömmu eins og hún var
kölluð enda tók hún þeim ávallt
vel og leysti oft út með prjóna-
skap sínum eða góðgæti. Takk
fyrir góðar stundir og ómetan-
lega vináttu.
Öllum aðstandendum sendum
við samúðarkveðjur.
Eyvindur og Þórdís.
Kveðja frá Skátagildinu
í Hveragerði
Það er komið að kveðjustund.
Minný hefur kvatt okkur. Hún
er farin heim.
Hún var hafsjór af reynslu í
skátastarfi og átti farsælt starf
sem skáti og foringi.
Hún gekk í skátagildið í
Hveragerði og naut sín í botn,
enda skáti í gegn.
Hún sagði svo oft: „Eigum við
ekki að syngja“ og svo „Takk fyr-
ir að leyfa mér að vera með“.
Hún tók virkan þátt í starfi gild-
isins og mætti í alla dagskrá fé-
lagsins, utan síðasta ár er hún
dró úr ferðunum okkar, en mætti
samt á alla gildisfundi.
Við munum sakna glaðværðar
hennar, jákvæðni og vináttu.
Hvíl í friði kæra skátasystir og
hafðu þökk fyrir „allt“.
Sofnar drótt, nálgast nótt,
sveipast kvöldroða himinn og sær.
Allt er hljótt, hvíldu rótt.
Guð er nær.
(Kvöldsöngur skáta)
Félagar í Skátagildinu í
Hveragerði kveðja hér góða
skátasystur.
Blessuð sé minning hennar.
Helga Jósefsdóttir
gildisskáti.
✝ Ásgeir RafnReynisson
fæddist í Reykja-
vík þann 8. desem-
ber 1961. Hann
lést þann 30. júlí
2020.
Foreldrar hans
voru Reynir Ás-
geirsson, f. 1935,
d. 2009, og Eygló
Karlsdóttir Celin,
f. 1937.
Albræður Ásgeirs eru Guð-
mundur Karl, f. 1960, og
Reynir Ólafur, f. 1971. Hálf-
systkini samfeðra eru Steindór
Kári, f. 1957, og Þorbjörg, f.
1959.
Bjarneyju, f. 2007, og Birnu
Ósk, f. 2009.
Ásgeir ólst fyrst upp á Háa-
leitisbrautinni og svo í Safa-
mýri. Hann gekk í Álftamýr-
arskóla og hóf svo nám í
bifreiðasmíði við Iðnskólann í
Reykjavík. Hann hlaut meist-
araréttindi í bifreiðasmíði árið
1988. Með náminu og til ársins
1992 starfaði hann hjá Sveini
Egilssyni hf. Árið 1992 stofn-
aði Ásgeir Rétt ehf. ásamt
Einari Indriðasyni og störfuðu
þeir þar saman félagarnir allt
þar til Ásgeir lést.
Útför Ásgeirs fer fram frá
Bústaðakirkju í dag og hefst
athöfnin kl. 13. Einnig verður
hægt að koma saman og horfa
á streymi frá athöfninni í Fé-
lagsheimili Fáks og í Reiðhöll-
inni í Víðidal. Streymi frá at-
höfninni má finna á
vefslóðinni www.sonik.is/
asgeir.
Ásgeir kvæntist
Ástu Friðriku
Björnsdóttur árið
1985, þau skildu.
Ásgeir og Ásta
eiga saman dótt-
urina Unni Grétu,
f. 1987. Sambýlis-
maður Unnar er
Geir Harrysson og
sonur þeirra er
Birkir Rafn, f.
2016.
Árið 2002 kynnist Ásgeir
Málfríði Hildi Bjarnadóttur, f.
1978, og var hún sambýlis-
kona hans til 18 ára. Ásgeir
og Málfríður eiga saman þrjár
dætur, Eygló Hildi, f. 2004,
Elsku hjartans pabbi minn.
Það er svo óraunverulegt að
setjast niður og skrifa minning-
argrein um þig.
Þú fórst frá okkur allt of
snemma. Ég er óendanlega þakk-
lát fyrir allar yndislegu minning-
arnar sem við eigum um þig og ég
er viss um að þær munu veita
okkur styrk á erfiðum stundum.
Þú varst einstaklega ljúfur og
lífsglaður maður með risastórt
hjarta úr gulli.
Þú hreifst alla með þér þegar
þú sagðir þínar skemmtilegu sög-
ur en þá talaðir þú yfirleitt
manna hæst og mest og oftast
fylgdi með góður skammtur af
handahreyfingum ásamt frösum
eins og „maður lifandi“ og „dans-
andi drengur“. Eins varst þú af-
skaplega hláturmildur og það fór
yfirleitt ekki fram hjá neinum
þegar þú hlóst þínum smitandi
hlátri.
Ég viðurkenni það að á við-
kvæmu unglingsárunum þá kom
það fyrir að ég skammaðist mín
þegar þú varst að mínu mati of
fyrirferðarmikill en í dag elska ég
allar þessar minningar.
Þegar ég hugsa til baka þá eru
margar af mínum bestu minning-
um með þér í sveitinni hjá Rabba
frænda og hans fjölskyldu á
Svarfhóli. Þú hreinlega ljómaðir í
hvert sinn sem við töluðum um
Borgarfjörðinn og Svarfhól en
það er greinilegt að þar leið þér
afskaplega vel. Ég er viss um að
þið Rabbi frændi eruð núna að
þeysast um sumarlandið á góðum
gæðingum og að öllum líkindum
ert þú á einum vindskjóttum sem
var í miklu uppáhaldi hjá okkur
öllum.
Þegar Geir kom inn í líf mitt þá
tókst þú honum einstaklega vel
og þið smulluð saman. Þú varst
reyndar svo ánægður að ég væri
loksins komin með mann en að
hann skyldi bæði vera hestamað-
ur og bílaáhugamaður var algjör-
lega toppurinn. Ég er svo ótrú-
lega þakklát fyrir það góða
samband sem þið áttuð og ég veit
að Geir hefði hreinlega ekki get-
að átt betri tengdapabba.
Það var dásamlegt að fylgjast
með þér í afahlutverkinu. Þú
varst svo endalaust þolinmóður
og góður við Birki Rafn, litla afa-
strákinn þinn. Loksins fékkstu
strákinn sem hafði brennandi
áhuga á bílum eins og þú sjálfur.
Ég gleymi því ekki hvað þú varst
glaður þegar ég sagði þér að ég
væri ólétt núna í vor en þá sagðir
þú við mig eins og svo oft áður
„Unnur mín, framtíðin er svo
sannarlega björt“.
Ég er svo stolt af því að vera
„dóttlan þín“ og ég mun segja
afabörnunum þínum sögur af þér
á hverjum degi.
Ég elska þig.
Þín dóttir,
Unnur Gréta.
Elsku pabbi okkar.
Við erum ótrúlega heppnar að
hafa átt svona yndislegan pabba.
Við eigum ótalmargar minningar
sem munu alltaf fylgja okkur. Þú
hvattir okkur áfram í öllu sem við
gerðum og kenndir okkur svo
margt.
Þú varst alltaf til staðar fyrir
okkur. Þú hafðir svo góða nær-
veru sem lét öllum líða vel. Rosa-
lega vinsæll og það var skemmti-
legt að umgangast þig. Fólk sem
átti bágt sótti mikið í þig og þú
varst afskaplega góður við það.
Það var ævintýralega gaman
að ferðast með þér út um allt. Á
kvöldin fórum við saman í reið-
túra og þá tókst þú lagið og fífla-
ðist.
Þú sagðir oft svo skemmtilega
frá og notaðir orð eins og dans-
andi drengur, kúturinn minn,
silkidrengur, maður lifandi, bjart
fram undan. Við munum ylja okk-
ur við allar góðu minningarnar.
Við erum þakklátar fyrir að
hafa átt þig fyrir pabba og vonum
að núna sértu kominn á betri
stað.
Elskum þig að eilífu.
Þínar dætur,
Eygló Hildur, Bjarney
og Birna Ósk.
Elsku frændi minn, nú skilur
leiðir um sinn í þessum heimi en
við munum hittast aftur og fara
yfir málin eins og við gerðum
reglulega.
Þú varst ekki hár í loftinu þeg-
ar þú komst fyrst til dvalar í
sveitina á Svarfhóli og varst þar
mörg sumur og bast okkar fjöl-
skyldu órjúfanlegum böndum.
Þið pabbi Rafn voru nánir vinir
alla tíð og ég er nokkuð viss um
að sá gamli hefur tekið á móti þér
og vafið þig örmum og leiðbeint
þér í handanheiminum og eflaust
eruð þið búnir að líta á nokkra
gæðinga ef ég þekki ykkur rétt.
Ég bið góðan Guð að vaka yfir
fallegu stúlkunum þínum fjórum
sem voru stolt þitt og yndi og
einnig fjölskyldu þinni og ástvin-
um og ekki síst aldraðri móður
sem öll eiga nú um sárt að binda
við skyndilegt fráfall þitt og
syrgja góðan dreng.
Elsku frændi, þú varst klett-
urinn minn og fyrirmynd, þú
studdir mig í gegnum lífsins ólgu-
sjó og varst ævinlega til staðar er
á móti blés.
Brosið þitt, fasið þitt og faðm-
lagið mun fylgja mér og veita
styrk í sorginni þar til við hitt-
umst á ný og þá verða fagnaðar-
fundir.
Hvíl í friði, elsku Geiri frændi.
Hrafnhildur Jónína
Rafnsdóttir.
Það er með miklum söknuði og
sorg í hjarta sem við skrifum
þessi fátæklegu kveðjuorð til þín
Geiri.
Fram í hugann streyma minn-
ingar sem við varðveitum og
munum ylja okkur við á komandi
tímum. Sameiginleg ferðalög fjöl-
skyldunnar til Tenerife og Ítalíu
verða dýrmætari á dögum sem
þessum þegar við kveðjum þig,
elsku Geiri.
Afi, ég og Bjarni Dagur eigum
eftir að sakna þín við grillið í
sveitinni þar sem við fórum yfir
málin strákarnir og leystum
marga lífsgátuna.
Einhverfusnillingurinn okkar
hann Bjarni Dagur hændist mjög
að þér og er okkur Helgu minn-
isstætt núna snemma í vor þegar
þið tveir voruð að ræða hesta og
hver gæti farið á hvaða hest, að í
öllum ákafanum var Bjarni litli
kominn á slíkt flug að hann var
farinn að strjúka á þér vangann.
Þá brosti Geiri, þolinmæðin upp-
máluð. Vinátta ykkar var
áreynslulaus, einlæg og skipti
fimmtíu ára aldursmunur þar
engu máli.
Efst í huga okkar er þakklæti
fyrir vináttuna, samverustund-
irnar og að hafa fengið að vera
samferða Silkidrengnum með
stóra hjartað síðastliðin tuttugu
árin. Maður lifandi hvað við eig-
um eftir að sakna þín.
Stoltastur varstu af stelpunum
þínum fjórum og Birki litla. Barst
þau um á höndum þínum alla tíð.
Missir þeirra er mikill. Elsku
Eygló amma, Unnur Gréta, Geir,
Eygló, Bjarney, Birna og Birkir
við sendum ykkur ljós og kær-
leika á þessum erfiðu tímum.
Megi englar heimsins styrkja
ykkur í sorginni.
Hvíl í friði elsku vinur.
Baldur, Helga,
Hildur Vala, Dóróthea,
Kolfinna, Viktoría og
Bjarni Dagur.
Nú er hann allur hann Geiri
okkar, þessi frábæri, einstaki og
skemmtilegi maður með sitt
stóra hjarta.
Samskipti okkar spanna lang-
an tíma, sambúð þeirra Geira og
dóttur okkar, Möllu, og uppeldi
dætra þeirra þriggja, samvera í
hestamennsku, ferðalög og fleira
og fleira tengdi okkur órjúfanleg-
um böndum síðustu 18 árin.
Varla eru til þeir menn með
þann eiginleika „stærri“ en Geiri
hafði til að liðsinna og hjálpa öðr-
um, sjá úr stórum hópi fólks þá
sem minna máttu sín og vera ná-
lægur og tilbúinn til að liðsinna.
Þeir eru heldur ekki margir
sem fara í gegnum lífið án þess að
eignast óvildarmenn, Geiri var án
efa einn þeirra.
Hann var stór fyrir dæturnar
allar, dætur þeirra Möllu, Eygló
Hildi, Bjarneyju og Birnu Ósk,
og fyrir Unni Grétu, og ekki má
gleyma dóttursyninum, Birki
Rafni, óþreytandi að snúast og
stússa með þeim í kringum hest-
ana, og vera til taks.
Við áttum svo sannarlega
margar ánægjustundir saman,
fjölskylduferðir til útlanda og
innanlands, samvera í sumarbú-
staðnum við Laugarvatn, hesta-
ferðir og óteljandi aðrar eftir-
minnilegar samverustundir með
þeim Möllu, Geira og stelpunum.
Við erum reyndar viss um að
hann verður áfram ekki langt
undan.
Síðasta utanlandsferðin í nóv-
ember síðastliðnum „þegar
amma átti afmæli“ verður lengi í
minnum höfð, gleðin og spaugið
með í ferð.
En nú hefur hann fengið hvíld-
ina, allt of snemma, við verðum
að sætta okkur við það, vonandi
geta allir gert það með tímanum.
Við eigum minningarnar um
mann sem var eins og hann sagði
svo oft sjálfur um margan sam-
ferðarmanninn, „hann var silki-
drengur“.
Bjarni og Hildur.
Kær vinur okkar Ásgeir Rafn
Reynis son, Geiri, er fallinn frá
langt fyrir aldur fram. Hann var
einstaklega ljúfur, traustur og
skemmtilegur félagi sem var
ávallt tilbúinn að rétta fram
hjálparhönd.
Við kynntumst Geira í gegnum
þátttöku dætra okkar í æskulýðs-
starfi Fáks þar sem við tókum
saman þátt í ófáum æfingum,
mótum og sýningum.
Alltaf var hann til staðar fyrir
stúlkurnar sínar, jafnt sínar dæt-
ur sem okkar, sem hann leið-
beindi á uppbyggilegan og blíðan
hátt. Einnig lærðum við foreldr-
arnir mikið af honum á þessum
stundum enda Geiri hestamaður
af Guðs náð og bæði gaman og
lærdómsríkt að sitja með honum í
hesthúsinu, stúkunni eða brekk-
unni.
Það var einstakt hve óhrædd-
ur hann var að takast á við nýjar
áskoranir eins og þegar fjöl-
skyldur okkar fóru saman í skíða-
ferð erlendis fyrir skömmu og
hann aldrei staðið á skíðum áður.
Það verkefni kláraði hann með
leikgleði, hæfilegu kæruleysi og
ávallt stutt í brosið.
Engum gat dulist hversu stolt-
ur hann var af dætrum sínum og
afastráknum, er missir þeirra
mikill.
Við syrgjum kæran vin og
sendum dætrum hans og fjöl-
skyldu okkar dýpstu samúð.
Ásbjörn (Ási), Erla,
Steinþór og Elínborg.
Ásgeir Rafn
Reynisson
Ástkær sambýliskona mín, móðir okkar,
tengdamóðir, amma og langamma,
ERNA SIGRÚN HÁKONARDÓTTIR,
fjölskyldu- og áfengisráðgjafi,
lést á Heilbrigðisstofnun Suðurlands
miðvikudaginn 5. ágúst.
Útförin fer fram frá Selfosskirkju föstudaginn 14. ágúst klukkan
14. Í ljósi aðstæðna er fjöldi gesta takmarkaður en athöfninni er
einnig streymt á selfosskirkja.is. Blóm og kransar vinsamlegast
afþakkað en þeim sem vilja minnast hennar er bent á Ljósið,
endurhæfingar- og stuðningsmiðstöð.
Herbein Fjallsbak
Hákon Ernuson Lilja Ester Ágústsdóttir
Sigurður Viðarsson Fabienne Clavel
Elmar Viðarsson Soffía Sveinsdóttir
Martin Vetter Berg Juanita Schrøter Holm
barnabörn og barnabarnabarn
Ástkær móðir mín, tengdamóðir, amma,
dóttir og systir,
HILDUR ÁRDÍS SIGURÐARDÓTTIR,
Þverholti 17, Reykjavík,
er látin.
Útför hennar fer fram 13. ágúst.
Vegna aðstæðna í samfélaginu er athöfnin einungis fyrir
nánustu fjölskyldu og vini.
Einar Hildarson, Aldís Gróa Sigurðardóttir og börn
Guðný Egilsdóttir
Oddný Þóra, Eva Guðfinna, Erna Guðrún
og Anna Signý Sigurðardætur og fjölskyldur
Innilegar þakkir fyrir auðsýnda samúð og
hlýhug við andlát og útför okkar ástkæra
JÓNS SIGURÐSSONAR
bifreiðastjóra frá Sleitustöðum.
Reynir Þór Jónsson Ingibjörg Jónsdóttir
Íris Hulda Jónsdóttir Björn Gunnar Karlsson
Gísli Rúnar Jónsson
Lilja Magnea Jónsdóttir Skúli Hermann Bragason
barnabörn og barnabarnabörn
Frímann & hálfdán
Útfararþjónusta
Frímann
897 2468
Hálfdán
898 5765
Ólöf
898 3075
Sími: 565 9775
www.uth.is
uth@uth.is
Cadillac 2017