Morgunblaðið - 18.08.2020, Blaðsíða 8

8 FRÉTTIRInnlent
MORGUNBLAÐIÐ ÞRIÐJUDAGUR 18. ÁGÚST 2020
Í nýbirtu svari heilbrigðisráðherravið fyrirspurn Önnu Kolbrúnar
Árnadóttur um fjölda á biðlistum má
sjá að því fer fjarri
að tekist hafi að ráða
bug á þeim vanda
sem felst í allt of
löngum biðlistum í
heilbrigðiskerfinu
hér á landi.
  
Misjafnt er eftiraðgerðum hve
slæm staðan er og á
einstaka sviðum
virðist hún allgóð,
einkum sem betur
fer þar sem líf liggur
við og aðgerð þolir
alls ekki bið. En það
eru líka dæmi um
allt of langa biðtíma
og það er ekki vegna kórónuveir-
unnar, þó að staðan hafi heldur
versnað frá því fyrr á árinu.
  
Á biðlista eftir skurðaðgerðum áaugasteinum voru í júní 1.345
einstaklingar, þar af fleiri en 900
sem beðið höfðu lengur en þrjá mán-
uði.
  
Bið eftir gerviliðaaðgerðum ámjöðm og hnjám er líka afar
löng. Á biðlista eftir mjöðm eru 356
og þar af hafa 252 beðið lengur en
þrjá mánuði og 34 lengur en tólf
mánuði. Á biðlista eftir hné eru 715
og þar af hafa 576 beðið lengur en
þrjá mánuði og 93 lengur en tólf
mánuði.
  
Lífsgæði þessa fólks eru verulegaskert og það alveg að ástæðu-
lausu.
  
Hvernig stendur á því að heil-brigðisráðherra grípur ekki til
þeirra úrræða sem til eru til að eyða
þessum biðlistum? Einkaaðilar geta
aðstoðað. Hvers vegna ekki að nýta
hagkvæma þjónustu þeirra?
Anna Kolbrún
Árnadóttir
Skert lífsgæði
STAKSTEINAR
Svandís
Svavarsdóttir
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Framhaldskirkjuþing 2019 kemur saman
fimmtudaginn 10. september nk. á Grand Hótel
Reykjavík og gengur frá málum sem náðist
ekki að afgreiða fyrir þingfrestun. Þegar
fundarhöldum framhaldsþingsins lýkur verður
kirkjuþing 2020 sett en það er hið 60. í röðinni.
Tvö nýmæli eru á kirkjuþingi að þessu sinni.
Nú er það fyrst haldið á hóteli og auk þess
verður þeim fulltrúum sem það vilja gefinn
kostur á að taka þátt í störfum þingsins gegn-
um fjarfundarbúnað. Slík þátttaka er fullgild að
öllu leyti sem væri fulltrúinn staddur á þinginu.
Notast verður við svokallaðan Zoom-fjarfund-
arbúnað. Þetta er nýjung og kemur til vegna
hinna sérstöku aðstæðna í þjóðfélaginu í
skugga kórónuveirunnar, segir í frétt á vef
biskups.
Hreinn S. Hákonarson, sérþjónustuprestur á
biskupsstofu, veitti Morgunblaðinu upplýsingar
um kirkjuþing. Fyrsta kirkjuþingið 1958 var
haldið í Bindindishöllinni við Fríkirkjuveg. Síð-
an var það haldið í Neskirkju og Hallgríms-
kirkju. Oftast var það haldið í Bústaðakirkju
og Grensáskirkju. Aðrir staðir hafa verið Há-
teigskirkja og Vídalínskirkja. Einu sinni í
Digraneskirkju og í Þjóðmennningarhúsinu –
og í Seljakirkju. Síðast var það haldið í Katr-
ínartúni 4. Forseti kirkjuþings er Drífa Hjart-
ardóttir en skrifstofustjóri þess er Ragnhildur
Benediktsdóttir. sisi@mbl.is
Kirkjan á hótel og notar Zoom
Morgunblaðið/Kristinn Magnússon
Kirkjuþing Svipmynd frá fundum þingsins í Ví-
dalínskirkju í Garðabæ sem fram fóru árið 2017.
Fyrstu söluhúsin hafa verið afhent
nýjum notendum við Ægisgarð í
Reykjavíkurhöfn. Þau eru hluti af
400 milljóna króna uppbyggingu á
svæðinu. Gísli Gíslason, hafnar-
stjóri hjá Faxaflóahöfnum, segir að
undirbúningur verksins hafi staðið
síðan 2015, en svæðið hafi verið
fremur óskipulagt og með „villta
vesturs“ brag. Húsin sjö eru hönn-
uð af Yrki arkitektum og eru klædd
viði og gleri sem Gísli segir að kall-
ist á við gömul hús í borginni. Þau
eru leigð til fyrirtækja sem starfa í
hafnsækinni ferðaþjónustu og að
sögn hafa margir sýnt þeim áhuga.
Þó hafi eitthvað hægst um vegna
þeirrar óvissu sem ríkir um framtíð
ferðaþjónustu, en Gísli segist
treysta því að næsta tímabil verði
„farsælt og fallegt“ við Ægisgarð.
Það var Hilmar Stefánsson hjá
Special Tours sem tók í gærmorgun
við lyklum úr hendi Guðmundar Ei-
ríkssonar verkfræðings. Auk Gísla
var viðstaddur Magnús Þór Ás-
mundsson hafnarstjóri.
sighvaturb@mbl.is
Ný söluhús tekin í
notkun við Ægisgarð
Ljósmynd/Faxaflóahafnir
Tímamót Fulltrúi Special Tours tók við lyklum að söluhúsi við Ægisgarð.