Morgunblaðið - 18.08.2020, Síða 10

10 FRÉTTIRInnlent
MORGUNBLAÐIÐ ÞRIÐJUDAGUR 18. ÁGÚST 2020
PON er umboðsaðili
PON Pétur O. Nikulásson ehf.
Melabraut 21, 220 Hafnarfjörður
Sími 580 0110 | pon.is
Við bjóðum alla Jungheinrich eigendur velkomna!
GÆÐI OG ÞJÓNUSTA
Sighvatur Bjarnason
sighvaturb@mbl.is
Fyrsta áfanga af átta lauk sl. föstu-
dag í því verkefni að koma allri þjón-
ustu löggæslu og neyðarþjónustu
undir eitt þak. Lokað var fyrir mark-
aðskönnun þar sem auglýst var eftir
30.000 fermetra lóð, húsnæði eða
tækifærum til uppbyggingar undir
sameiginlega starfsemi á
höfuðborgarsvæðinu.
Guðrún Ingvarsdóttir, forstjóri
Framkvæmdasýslu ríkisins, segir að
stofnunin hafi undanfarin ár starfað
með fjár- og dómsmálaráðuneytum
að verkefninu. Í upphafi hafi verið
skoðað að sameina húsakosti Land-
helgisgæslunnar, lögreglunnar á
höfuðborgarsvæðinu, Neyðarlínunn-
ar, tollstjóra og ríkislögreglustjóra,
en á síðari stigum hafi bæði Slysa-
varnafélagið Landsbjörg og Slökkvi-
lið höfuðborgarsvæðisins bæst við.
Hún segir undirrótina ekki síst vera
þann mikla ávinning sem hafi komið í
ljós við starfsemi Björgunarmið-
stöðvarinnar í Skógarhlíð, en fjöl-
margir aðrir þættir komi til álita.
Dreifð og óhagkvæm starfsemi
Guðrún segir að núverandi starf-
semi fari fram á fjölmörgum stöðum
vítt og breitt um borgina í samtals
36.300 fermetrum húsnæðis. Til
standi að endurnýja 24.300 af þeim
en restin verði áfram í rekstri. Hún
bendir á að margt húsnæðið henti
miður vel og ástandið skapi mikið
óhagræði, ekki eingöngu við
rekstrarkostnað bygginganna, held-
ur einnig vegna þeirra tækifæra sem
glatast við samþættingu á starfsemi
sem í eðli sínu er náskyld og þarfnast
náinnar samvinnu. Markmiðið sé því
að leysa húsnæðis- og aðstöðumál á
hagkvæman hátt til lengri tíma.
Víðtækt samstarf
Sex þverfaglegir hópar koma að
undirbúningi verkefnisins og hafa
greint hinar ólíku og víðtæku þarfir.
Af hugmyndum má sjá að mikið svig-
rúm skapast til samnýtingar og
breyttra áherslna. Til dæmis gera
tillögur ráð fyrir að sameiginlegt
skrifstofurými geti minnkað úr 55 í
30% af heildarrými, sem gefur aukið
svigrúm, t.d. til þrefaldrar stærðar á
sameiginlegri björgunarmiðstöð frá
núverandi mynd. Guðrún segir að
mikill einhugur sé meðal þeirra rúm-
lega 100 manna sem koma að verk-
inu og „mikil unun“ sé að fylgjast
með.
Margir og ólíkir valkostir
Alls hafa fimm valkostir verið
kortlagðir sem samanstanda af ólík-
um útfærslum. Nokkrar meginkröf-
ur eru gerðar til staðsetningar og
kemur þá helst til álita sá viðbragðs-
tími sem lögreglan þarf að geta
sinnt, en um 80% af verkefnum
þeirra er skilgreindur á miðborgar-
svæði. Því er miðað við að starfsemin
sé sem næst miðju höfuðborgar og
hafi góðar tengingar við stofnbraut-
ir.
Guðrún segir að stýrihópur muni
hittast í vikunni þegar gögn úr
markaðskönnuninni hafa verið tekin
saman og enn mörg skref eftir í
þeirri vegferð að opna nýja miðstöð
árið 2015. Um mögulegan ávinning
verkefnisins segir Guðrún hann ótví-
ræðan. Búið sé að sýna fram á að
„hægt sé að spara verulegar fjár-
hæðir í rekstrar- og stofnþjónustu“,
en að auki betri nýtingu fjármuna.
Bendir hún á að með sameiginlegri
starfsemi megi stórbæta þá þjónustu
sem viðbragðsaðilar veita í þágu
samfélagsins.
Skref tekið í átt að hagræðingu
 Leitað að húsnæði, lóðum eða tækifærum til uppbyggingar á 30.000 fermetrum  Valkostir kortlagð-
ir út frá ólíkum sviðsmyndum  Mikil tækifæri til hagræðingar í starfsemi  Fyrstu skrefum að ljúka
Morgunblaðið/Eggert
Undir sama þak? Forystumenn viðbragðsaðila að loknum upplýsingafundi í maí sl. Stefnt er að því að finna sam-
eiginlegt húsnæði fyrir alla helstu viðbragðsaðila landsins. Fimm kostir eru til skoðunar hjá valnefnd.
Aron Þórður Albertsson
Oddur Þórðarson
Stór hluti höfuðborgarsvæðisins
verður heitavatnslaus frá deginum í
dag allt fram til miðvikudagsmorg-
uns. Skrúfað var fyrir heita vatnið
klukkan tvö í nótt og ekki verður
skrúfað frá því að nýju fyrr en
klukkan níu í fyrramálið. Nær lok-
unin til um 50 þúsund íbúa auk fjölda
stofnana og fyrirtækja. Ráðgert er
að um stærstu heimavatnslokun fyrr
og síðar sé að ræða.
Ólöf Snæhólm Baldursdóttir, upp-
lýsingafulltrúi Veitna, segir að fram-
kvæmdin sé nauðsynleg. Með þessu
verður álagi létt af borholum í
Reykjavík og Mosfellsbæ. „Það er
mikilvægt að létta álaginu af borhol-
unum. Við þurfum að ganga vel um
þær og létta á álaginu. Okkur er að
fjölga mikið á höfuðborgarsvæðinu
auk þess sem hvert okkar er að nota
mikið vatn,“ segir Ólöf og bætir við
að mikilvægt sé að færa heitavatns-
leiðslur á svæðinu sem sjá á mynd-
inni hér að ofan. „Þetta er hluti af
framtíðaráætlun sem kveður meðal
annars á um að fleiri heimilum verði
komið inn á heitavatnsleiðslur sem
koma frá Hellisheiðar- og Nesja-
vallavirkjun en ekki úr borholum í
Reykjavík og Mosfellsbæ. Þannig
má tryggja sjálfbærni þeirra við-
kvæmu borholna,“ segir Ólöf.
Aðspurð segist hún ekki muna eft-
ir viðlíka framkvæmd. Þá hafi lok-
unin verið lengi í undirbúningi. „Ég
man að minnsta kosti ekki eftir
stærri heitavatnslokun þó að ég þori
ekki að fullyrða að þetta sé sú
stærsta. Við höfum undirbúið þetta
svo mánuðum skiptir og erum al-
gjörlega reiðubúin til að takast á við
alla hnökra sem upp gætu komið.“
Kynda húsin og passa upp á að
hafa nóg af teppum á Hrafnistu
Ljóst er að talsverður fjöldi stofn-
ana og fyrirtækja verður fyrir óþæg-
indum sökum framangreindra fram-
kvæmda. Þá hefur svokölluðum
viðkvæmum notendum verið gert
sérstaklega viðvart. Að sögn Maríu
Fjólu Harðardóttur, forstjóra
Hrafnistu, hefur framkvæmdin um-
talsverð áhrif á starfsemi fyrir-
tækisins í Kópavogi og Hafnarfirði.
Hefur fyrirtækið af þeim sökum
lagst í mikinn undirbúning. „Það
sem við höfum verið að gera er að
breyta skipulaginu hjá okkur. Allt
sem tengist heitu vatni fer yfir á
aðra tíma. Við höfum auk þess gefið
út fyrirmæli um að húsverðir heim-
ilanna skuli kynda húsin aðeins
meira en venjulega. Þá verður
slökkt á loftræstikerfi og við pössum
upp á að hafa nóg af teppum. Það er
hins vegar tiltölulega heitt úti af því
að þetta er að sumri til. Það var farið
í sambærilega framkvæmd á Hellu
og þá gekk þetta mjög vel,“ segir
María og bætir við að ákveðið verk-
lag fari í gang þegar heita vatnið
kemur aftur á.
„Við erum með verklag þegar
heita vatnið kemur aftur í hús. Hús-
verðir og píparar hjá okkur fara þá
og kanna hvort allt gangi rétt fyrir
sig. Við eigum að vera vel í stakk bú-
in fyrir þetta en ef eitthvað kemur
upp þá lærum við af því.“
50 þúsund íbúar án heits
vatns í 30 klukkustundir
 Stærsta heitavatnslokun frá upphafi  Mikill undirbúningur
Heitavatnslokun á höfuðborgarsvæðinu
Frá kl. 02:00 aðfaranótt 18. ágúst
til kl. 09:00 að morgni 19. ágúst
Kortagrunnur: Veitur/Samsýn
Hafnarfjörður Garðabær
Hraun og Urriðaholt
Garðabær
Búðir og Lundir
Kópavogur
Vatnsendi
Reykjavík
Norðlingaholt
Kópavogur
Salir og Lindir
50.000 manns verða án heits vatns í
30 klukkutíma, frá kl. 02:00 aðfaranótt 18. ágúst
til kl. 09:00 að morgni 19. ágúst
Eftir tæplega þriggja ára undirbún-
ing er komið að stórri ráðstefnu sem
staðið hefur til að halda í Reykjavík
á vegum hagfræðideildar og fé-
lagsvísindasviðs Háskóla Íslands,
með nokkur hundruð þátttakendum.
Vegna dreifingar kórónuveirunnar
var fallið frá því að halda ráðstefn-
una í húsum Háskóla Íslands þar
sem erfitt yrði að standa að al-
þjóðlegu ráðstefnuhaldi með hefð-
bundnum hætti og þess í stað verður
um netráðstefnu að ræða.
„Dagskrá ráðstefnunnar verður
með sama hætti og hefði hún verið í
húsum HÍ í Reykjavík. Þema ráð-
stefnunnar er opinber fjármál, nátt-
úruauðlindir og loftslagsbreytingar.
Ráðstefnugestir eiga þess kost að
fylgjast með fjórum lykilfyr-
irlestrum og yfir 70 málstofum,“
segir í fréttatilkynningu um ráð-
stefnuna. Um er að ræða sjötugustu
og sjöttu ráðstefnu International
Institute for Public Finance (IIPF),
sem eru alþjóðleg samtök hagfræð-
inga, um opinber fjármál sem fer
fram í lok þessarar viku, dagana 19.-
21. ágúst. Nú liggur fyrir að gestir á
netráðstefnunni telja í ár um 350
hagfræðinga og vísindamenn víðs
vegar að úr heiminum. omfr@mbl.is
Stór netráðstefna
og 70 málstofur
 Alþjóðleg ráðstefna á vegum HÍ
Morgunblaðið/Ómar
HÍ Undirbúningsnefndinni var falið
að standa fyrir netráðstefnu.