Morgunblaðið - 07.09.2020, Side 13

FRÉTTIR 13Erlent
MORGUNBLAÐIÐ MÁNUDAGUR 7. SEPTEMBER 2020
Opið mán - fim 8:30 – 17:00, fös 8:30 – 16:15
Síðumúli 16 I 108 Reykjavík I Sími 580 3900 I fastus.is
fastus.is
VANDAÐIR STÓLAR
fyrir ráðstefnu- og fundarsali
Fastus býður upp á mikið úrval af áhugaverðum húsgögnum og innréttingum
fyrir hótel, mötuneyti, veitingastaði, ráðstefnur, fundi o.fl.
Komdu og kynntu
þér úrvalið.
Við sérpöntum
eftir þínum óskum!
Andrés Magnússon
andres@mbl.is
Nýr útvarpsstjóri BBC, Tim Davie,
lét það verða sitt fyrsta verk í emb-
ætti að lýsa yfir því að ef fréttamenn
og dagskrárgerðarfólk breska rík-
isútvarpsins vildi taka virkan þátt í
þjóðmálaumræðu og pólitískum deil-
um færi best á því að þeir ynnu hjá
öðrum fjölmiðlum. Ríkisútvarpið yrði
að vera hafið yfir allan vafa um hlut-
leysi miðilsins og þeirra sem þar
störfuðu.
Davie tók við sem útvarpsstjóri um
mánaðamótin, en í ræðu til starfs-
manna á þriðja degi drap hann meðal
annars á innanhússskýrslu, sem tek-
in var saman vegna ásakana um hlut-
drægni. Þar kemur fram að lítill hóp-
ur fréttamanna hafi tjáð sig með
þeim hætti á félagsmiðlum um hita-
mál í þjóðmálaumræðu að réttmætar
efasemdir hafi komið fram um hvort
BBC rækti hlutleysisskyldu sína.
Tilvistarréttur ríkisútvarps
ekki sjálfgefinn
Davie sagði í ræðu sinni að BBC
mætti ekki vera værukært um hlut-
verk sitt og framtíð. Það ætti sér ekki
sjálfstæðan og óafsalanlegan tilvist-
arrétt, heldur væri hann skilyrðum
háður og BBC yrði að ávinna sér
hann og viðhalda honum. Mikilvægt
væri því að ríkisútvarpið endurnýjaði
skuldbindingar sínar um hlutleysi og
að það tæki ekki aðeins til þess sem
starfsmenn þess segðu á vettvangi
ríkisútvarpsins, heldur einnig á fé-
lagsmiðlum. Þar töluðu þeir ekki að-
eins í eigin nafni, því almenningur
tengdi þá skiljanlega við stofnunina.
„Of margir telja okkur mótuð af til-
teknu pólitísku viðhorfi,“ sagði Davie
og bætti við að BBC yrði að þjóna al-
menningi „þvert á allar stjórnmála-
skoðanir“.
Gagnrýni á BBC er ekki ný af nál-
inni, en margir telja að þar hafi seytl-
að í gegn stjórnmálaafstaða ýmissa
fréttamanna, en þeir standa margir
til vinstri við miðju. Eins hefur verið
að því fundið að þeir séu flestir úr
hópi hinnar velmegandi miðstéttar í
Lundúnum og endurspegli engan
veginn fjölbreytileika Bretlands utan
höfuðborgarsvæðisins. Þær um-
kvartanir urðu sérstaklega áberandi
eftir Brexit-kosningar. Sumpart þótti
það skína í gegn í fréttamati, en að-
allega þó á félagsmiðlum, sérstaklega
Twitter, þar sem sumir fréttamenn
og dagskrárgerðarfólk drógu hvergi
af sér. Steininn þótti þó taka úr í
sumar, þegar áhöld voru um hvort
Dominic Cummings, hinn valdamikli
aðstoðarmaður Boris Johnsons for-
sætisráðherra, hefði rofið ferðabann
vegna kórónuveirunnar. Þá tóku
margir fréttamenn mjög eindregna
afstöðu og ekki aðeins á félagsmiðl-
um. Emily Maitlis, fréttamaður á
BBC, flutti t.d. langa einræðu um
málið í fréttaskýringarþættinum
Newsnight, sem þótti fara langt út
fyrir þann ramma, sem ríkisútvarp-
inu er sniðinn.
Á því hyggst Tim Davie taka með
afdráttarlausum hætti, bæði á miðl-
um BBC og félagsmiðlum. Ekki sé
nóg að jafnvægi sé í skoðunum,
fréttamenn BBC eigi einfaldlega ekki
að vera að flíka skoðunum sínum.
Nýjar reglur yrðu settar um notkun
þeirra á félagsmiðlum og þeim yrði
framfylgt af hörku.
„Ef menn vilja vera skoðanaríkir
pistlahöfundar eða fylkja sér um mál-
staði á félagsmiðlum, þá er það gott
og gilt. En þá ættu menn ekki að
vinna fyrir BBC,“ sagði Tim Davie,
hinn nýi útvarpsstjóri BBC.
Nýr stjóri BBC tekur
hlutleysið alvarlega
 Hyggst taka á yfirlýsingagleði fréttamanna á félagsmiðlum
Stjóri Tim Davie vill að tiltrú almennings á hlutleysi BBC verði endurvakin.
Hlutlaust ríkisútvarp
» Nýjar reglur um notkun
fréttamanna á félagsmiðlum
verða kynntar á næstu dögum.
» Fréttamenn þurfa að hafa
stjórnmálaskoðanir sínar fyrir
sig og forðast stjórnmáladeilur.
» Verktakar eins og Gary Lin-
eker verða undanþegnir.
» Markmiðið er að endurvekja
tiltrú almennings á hlutleysi
BBC.
Ágúst Ásgeirsson
agas@mbl.is
Lönd sem hafa útvíkkað skimun
vegna kórónuveirunnar og prófað
komufarþega á flugvöllum hafa séð
smithlutfall sitt lækka, samkvæmt
nýrri greiningu á veirusmiti sem
skýrt er frá í breska blaðinu The
Daily Telegraph í dag.
Gögnin sem greining PC Agency
byggist á eru frá miðjum ágúst-
mánuði og þar til nú um helgina.
Þau sýna að með aukinni skimun á
landamærum til að komast hjá
sóttkví hafi smithlutfall lækkað í
Grikklandi, Danmörku, Íslandi,
Þýskalandi, Kýpur og Singapúr.
Niðurstaða þessi er andstæð
áliti bresku ríkisstjórnarinnar
þess efnis að skimun komufarþega
sé óskilvirk og gómi ekki nema 7%
sýkingartilfella. Þeim rökum
beittu bæði Boris Johnson for-
sætisráðherra og Grant Shapps
samgönguráðherra í fyrradag.
Til stuðnings herferð Daily
Telegraph fyrir skimunum ferða-
langa sagði Paul Charles hjá
ráðgjafarfyrirtækinu PC Agency
að gögn hennar og niðurstaða væri
kraftbirting gildis skimana á flug-
völlum sem leyfðu ferðalög með
lágmarksógn við heilsufar almenn-
ings.
Ásamt fjölda fólks í ferðaþjón-
ustu og fluggeiranum hefur Charl-
es mælt fyrir tveggja prófana
formúlu þar sem skimað væri fyrir
eða við komu til landsins og síðan
aftur eftir fimm daga dvöl í sóttkví.
Með því mætti stytta sjálfssóttkví
um níu daga. „Prósentutalan sjö er
fölsk og dregin í efa af allri ferða-
þjónustunni sem úrelt. Í öðru lagi
á hún aðeins við um eitt flugvall-
arpróf en ekki tvö,“ sagði Charles.
Vísindamenn við stofnunina
Collinson Group, sem sett hefur
upp aðstöðu til skimunar á Heat-
hrow-flugvellinum, sögðu hlutfalls-
tölu ríkisstjórnarinnar, sjö pró-
sent, byggjast á reiknilíkönum
breska heilbrigðiskerfisins (PHE)
fremur en rauntölum sem ofgnótt
væri af og fá mætti frá löndum sem
stunda skimun á flugvöllum.
Í frétt Daily Telegraph er sagt
frá því að tveggja prófana skimun
hafi verið tekin upp gagnvart
komufarþegum til Íslands hinn 19.
ágúst sl. Önnur við komu og hin
seinni eftir fimm daga sóttkví. Upp
frá því hafi Íslendingar séð smit-
stuðul lækka úr 16,5 í 11,5 tilfelli á
hverja hundrað þúsund íbúa.
AFP
Frakkland Farþegum boðið upp á ókeypis skimun á flugvelli í Bordeaux.
Skimun á flug-
völlum skilvirk-
ari en sóttkví
 Niðurstöður rannsóknar benda til
þess að skimun fækki sýkingum betur
Frönsk yfirvöld hafa gripið til há-
marksöryggisviðbúnaðar í sjö
sýslum landsins vegna mikillar
fjölgunar kórónuveirusmita undan-
farnar vikur. Í gær greindist 7.071
smit, 8.550 á laugardag og 8.975 á
föstudag en fleiri smit hafa ekki
komið í ljós á sólarhring frá því
kórónuveiran gerði fyrst vart við
sig.
Meðal borga sem nýju ráðstafan-
irnar ná til eru Lille, Strasbourg og
Dijon en þar hefur smit aukist afar
hratt undanfarið, að sögn yfirvalda.
Af 101 sýslu landsins eru 28 á svo-
nefndu rauðsvæði vegna sýkingar-
hættu. Telji þau þess þurfa geta
yfirvöld gripið þar til sértækra ráð-
stafana til að hægja á nýsmiti.
Smitstuðull Frakklands sem
heildar hækkaði í 4,7% vegna smits
síðustu þrjá dagana. Parísarsvæðið
og Bouches-du-Rhone-sýsla, hvar
er að finna borgina Lyon, voru
fyrst sett á rauðan lista 14. ágúst sl.
er sýkingum tók að fjölga. Leiddi
það til krafna um að fólk bæri and-
litsgrímu fyrir vitum sér frá morgni
til kvölds í stríðinu gegn kórónu-
veirunni.
Franska heilbrigðisstofnunin hef-
ur varað við hugsanlega gríðarlegri
fjölgun veirusýkinga en að hennar
sögn fundust 53 nýir smitklasar í
gær. Þar með væru klasar sem
fylgst væri með og rannsakaðir
orðnir 484 talsins.
Tólf andlát af völdum Covid-19-
veirunnar voru tilkynnt um helgina
og er heildarfjöldi látinna frá í mars
orðinn 30.698 manns. Alls hafa verið
staðfest 324.777 kórónuveirusmit í
Frakklandi á árinu. Á sjúkrahúsum
liggja 1.704 vegna veikindanna, þar
af 288 á gjörgæslu. Sú tala er talin
eiga eftir að hækka.
Áhyggjur af sýkingarhættu hafa
leitt til þess að 22 skólum var lokað
í vikunni en skólahald hófst 1. sept-
ember sl. Þá hefur einstökum
bekkjardeildum verið lokað í öðrum
skólum. Heilbrigðisráðherrann Oli-
vier Veran sagði um helgina að fólk
yrði að vera á varðbergi eftir að
veirusmit hefði blossað upp síðustu
daga. agas@mbl.is
Veirusmit blossar
upp í Frakklandi
 Frönsk yfirvöld eru í viðbragðsstöðu