Morgunblaðið - Sunnudagur - 20.09.2020, Side 2
Nú á að opna Bíó Paradís um helgina,
er ekki spenningur?
Jú, mjög mikill! Við erum búin að vera í nauðsyn-
legum viðhaldsframkvæmdum á meðan var lokað.
Við fórum að hamast í þessu í lok júlí og sem betur
fer höfum við fengið til okkar her af sjálfboðaliðum
sem komu hingað kvöld eftir kvöld og helgi eftir
helgi og gáfu sína vinnu. Ótrúlegt hvað margir vildu
hjálpa okkur. Hér var mikil framkvæmdagleði.
Hefur þú verið með hamarinn á lofti?
Já, já, hér hafa allir lagt hönd á plóginn.
Hvernig tókst að lokum að bjarga
bíóinu?
Það þurfti samstillt átak Reykjavíkurborgar,
menntamálaráðuneytis og leigusalanna okkar. Við
náðum svo saman með lausn sem virkaði fyrir alla.
Það vildu allir að bíóið lifði og við erum auðvitað himin-
lifandi að það tókst. Það var hræðileg tilhugsun að þessu
eina listræna kvikmyndahúsi Íslandssögunnar yrði lokað
eftir tíu ára starf. Hér hefur verið unnið svo mikið braut-
ryðjandastarf.
Þið eruð með heimildamyndahátíðina
Skjaldborg um helgina. Hvað tekur við?
Við erum með stórkostlega dagskrá í Bíó Paradís á næst-
unni, en við frestuðum svo mörgum myndum í vor vegna Co-
vid. Svo hafa verið haldnar margar kvikmyndahátíðir í sumar
eins og í Cannes og Feneyjum, þó að þær hafi að mestu farið
fram á netinu. Svo höfum við fylgst með myndum sem hafa
komið út þrátt fyrir Covid og frumsýnum fjórar nýjar myndir
um helgina.
Morgunblaðið/Kristinn Magnússon
HRÖNN SVEINSDÓTTIR
SITUR FYRIR SVÖRUM
Erum
himinlifandi
Í FÓKUS
2 MORGUNBLAÐIÐ SUNNUDAGUR 20.9. 2020
Sú var tíðin að það var tíska að binda mönnum helskó. Nú gerir það ekkinokkur maður lengur en í staðinn er komið í tísku að gerast vinurKjalarness. Skyndilega eru allir orðnir vinir okkar, skrýtna fólksins á
hjara borgarinnar. Vigdís Hauks, Sigurður Ingi og meira að segja Ásgeir í
Seðlabankanum, minn gamli skólabróðir. Ég vissi alltaf að hann myndi gera
gagn. Kári er örugglega á þessum vagni líka, þó hann hafi öðrum hnöppum
að hneppa akkúrat núna.
Og í hverju er þessi vinátta fólgin? Jú, þetta fólk og fleiri til vilja færa okk-
ur Sundabrautina. Eftir áratuga japl, jaml og fuður. Mögulega er í leiðinni
verið að hugsa um einhverja fleiri, en þó fyrst og fremst Kjalnesinga, svo við
komumst heim á kristilegum tíma, án þess að þurfa að hanga úrillir í röð á
Vesturlandsveginum.
Þegar ég flutti upp á Kjalarnes
var fullyrt við mig að Sundabrautin
yrði líklega komin innan fimm ára og
pottþétt innan sjö. Síðan eru liðin
átján ár. Börnin sem fæddust undir
þessum loforðum eru orðin lögráða.
Í millitíðinni hef ég lært að í efri
byggðum gerast góðir hlutir hægt.
Tökum grasvöll okkar Kjalnesinga
sem dæmi. Hann var lagður upp á
nýtt og umtyrfður eitt sumarið.
Sumarið eftir kom á hinn bóginn í
ljós að nýi völlurinn var ekki bara
obbolítið aflíðandi, heldur hallaði
ótæpilega, þannig að blessuð börnin
áttu á hættu að steypast á höfuðið hlypu þau undan brekkunni. Völlurinn var
því endurgerður en þegar hann var loksins tekinn í notkun voru öll börnin í
UMFK búin að skrá sig í Aftureldingu.
Það tók líka heilt ár að henda upp sparkvelli við Klébergsskóla, sem tekur
líklega ekki nema hálfan mánuð í 101. Nóttina eftir að hann var vígður með
lúðrablæstri og tónvísum söng fauk hins vegar kaffistofugámur iðn-
aðarmannanna (sem er annað vandamál) ofan á völlinn svo stórsá á grind-
verkinu. Nokkrar vikur eða mánuði tók að gera við það.
Nýjasta dæmið eru framkvæmdir við sundlaugina á Klébergi. Þær hófust
snemma árs en af einhverjum undarlegum ástæðum gerðist ekkert meðan
laugin var lokuð í vor vegna heimsfaraldursins og enn sér ekki fyrir endann á
framkvæmdunum. Laugin er að vísu opin en bakkinn eitt flakandi sár. Eitt-
hvað sýnist mér þó Eyjólfur vera að hressast á allra síðustu dögum; þetta
gæti þá jafnvel verið klárt 2023.
Þannig að Sundabrautin. Já, já, þið hin megið alveg trúa því að hún sé
handan við hornið. Við Kjalnesingar vitum betur. Verði brautin lögð eru all-
tént í ljósi sögunnar yfirgnæfandi líkur á því að eitthvað fari úrskeiðis og rífa
þurfi hana og leggja upp á nýtt. Má ég þá frekar biðja um slitgóða helskó.
Vinir Kjalarness
Pistill
Orri Páll
Ormarsson
orri@mbl.is
’Mögulega er í leiðinniverið að hugsa umeinhverja fleiri, en þófyrst og fremst Kjalnes-
inga, svo við komumst
heim á kristilegum tíma.
Guðmunda Þórunn Gísladóttir
Svona átta til tíu tíma. Ég er alltaf
úthvíld.
SPURNING
DAGSINS
Hvað sefur
þú mikið á
nóttunni?
Agnar Sigurðsson
Svona sjö, átta tíma, þótt það sé
misjafnt.
Hanna Khyzhnyak
Það er svo misjafnt, en oftast í
kringum sjö, átta tíma.
Jón Magnússon
Það er ekki mikið en fer eftir
dögum. Minnst fimm tíma.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Hrönn Sveinsdóttir er framkvæmdastjóri Bíós Paradísar sem
var opnað um helgina eftir hlé. Stútfull dagskrá er fram undan.
Upplýsingar má finna á bioparadis.is.
Vefverslun: www.donna.is
Erum nú á Facebook: donna ehf
Sími 555 3100 www.donna.is
Honeywell
gæða lofthreinsitæki
Hreint loft - betri heilsa
Loftmengun er hættuleg heilsu
og lífsgæðum. Honeywell loft-
hreinsitæki eru góð viðmyglu-
gróum, bakteríum, frjókornum,
svifryki, lykt og fjarlægir allt að
99,97% af ofnæmisvaldandi efnum.
Verð kr.
59.100
Verð kr.
37.560
Verð kr.
16.890
Nú finnur þú
það sem þú
leitar að á
FINNA.is