Morgunblaðið - Sunnudagur - 20.09.2020, Blaðsíða 10
FRÉTTAMYNDIR
10 MORGUNBLAÐIÐ SUNNUDAGUR 20.9. 2020
Gjörónýtur bíll stendur á götuhorni í bænum Conjola Park í Ástralíu og bráðið ál lekur frá honum í
taumum. Hitinn vegna gróðureldanna var slíkur að álið í fjölda bíla bráðnaði. Hreint ál bráðnar við
660,3°C. Tveir menn létu lífið og að minnsta kosti 70 hús brunnu til kaldra kola í Conjola Park í
Nýju-Suður-Wales. Myndin var tekin á gamlársdag 2019.
Matthew Abbott/The New York Times
Mótmælendur kyrja slagorð á meðan ungur maður fer með ljóð um byltingu upplýstur af snjallsímum í Khartoum í Súdan 19. júní 2019. Mótmæli hófust í desember 2018, breiddust hratt út og urðu til
þess að Omar al-Bashir hrökklaðist frá 11. apríl eftir 30 ár við völd. 3. júní skaut herinn á mótmælendur. Í ágúst samdi mótmælahreyfingin við herinn um að deila völdum. Myndin var valin mynd ársins.
Yasuoshi Chiba/AFP
Esther Horvath/The New York Times
Heimurinn
í myndum
Ljósmyndasýningin World Press Photo stendur
nú yfir í Kringlunni. Á sýningunni eru frétta-
ljósmyndir frá 2019 sem unnu til verðlauna sam-
tkanna. Alls tóku 4.282 atvinnuljósmyndarar frá
125 löndum þátt í seamkeppni World Press Photo
í ár og sendur þeir inn 73.996 ljósmyndir. Sýn-
ingin er haldin í samstarfi við Morgunblaðið.
Kawhi Leonard, liðsmaður Toronto Raptors (fyrir miðju), horfir á eftir boltanum fara í körfuna eftir að
hafa dansað á hringnum eftir að leikklukkan rann út í sjöunda leik í leik við Philadephia 76ers 12. maí
2019 í úrslitakeppni NBA-deildarinnar í körfubolta. Þetta reyndist sigurkarfan í leiknum. Toronto fór
áfram í úrslit og sigraði þar Golden State Warriors. Myndin fékk fyrstu verðlaun í flokki íþróttamynda.
Mark Blinch/NBAE/Getty Images
Bjarnynja ásamt húna sínum á ísjaka þar sem
búnaði skipsins Polarstern hefur verið komið
fyrir á Norðurskautinu. Áhöfn skipsins er að
rannsaka áhrif loftslagsbreytinga á íshelluna á
Norðurpólnum. Þar hörfar ísinn hratt og lofts-
lagið hlýnar tvöfalt hraðar en annars staðar á
jörðinni. Myndin var tekin 10. október 2019 og
hlaut fyrstu verðlaun í flokki umhverfismynda.