Morgunblaðið - 10.10.2020, Qupperneq 11

FRÉTTIR 11Innlent
MORGUNBLAÐIÐ LAUGARDAGUR 10. OKTÓBER 2020
Garðatorg 6 | s. 551 5021 | www.aprilskor.is
Ten Points Clarisse
29.990 kr.
Skipholti 29b • S. 551 4422
Fylgdu okkur á facebook
SKOÐIÐNETVERSLUNLAXDAL.IS
TRAUST
Í 80 ÁR
YFIRHÖFNIN
FÆST Í LAXDAL
Engjateigi 5 // 581 2141 // hjahrafnhildi.is
Skoðið // www.hjahrafnhildi.is
SKOÐIÐ
hjahrafnhildi.is
NÝJARVÖRUR
Helgi Bjarnason
helgi@mbl.is
Laxinn sem Arctic Fish er að slátra
upp úr sjókvíum sínum í Patreksfirði
er að meðaltali sex kíló að þyngd,
eftir aðeins sextán mánuði í sjó. Það
þykir einstæður árangur hér á landi
og þótt víðar væri leitað. Slátrunin
úr Patreksfirði er fyrsta laxaslátrun
fyrirtækisins utan Dýrafjarðar.
Laxaseiðin voru 200 grömm að
þyngd þegar þau voru sett út í kví-
arnar í vestanverðum Patreksfirði, á
staðsetningu sem kennd er við Kvíg-
indisdal, en er beint á móti þorpinu í
Patreksfirði. Þessi vöxtur er góður á
heimsvísu, að sögn Sigurðar Péturs-
sonar, framkvæmdastjóra hjá Arctic
Fish. Hann þakkar árangurinn góðu
starfsfólki, góðum seiðum og góðu
umhverfi til eldisins.
„Mér finnst áhugavert að benda á
það í umræðunni um að allt eldi skuli
fara upp á land að þessi fiskur hefur
verið alinn lengur á landi en í sjó.
Hann var í seiðastöðinni í Tálkna-
firði í tæp tvö ár og síðan í sjó í sex-
tán mánuði. Ég tel að það henti ís-
lenskum aðstæðum að nota þær
einstöku umhverfisaðstæður og
jarðvarma sem við höfum í seiða-
stöðinni í Tálknafirði og síðan að-
stæðurnar í sjónum. Vissulega stýr-
um við ekki aðstæðum í sjónum og
erum að ala atlantshafslax við köld-
ustu skilyrði sem þekkjast í sjóeldi í
heiminum. Það er þó umhverfis-
vænn kostur með tilliti til orkunotk-
unar og með því að nýta bláu akrana
í sjónum er ekki verið að taka af tak-
mörkuðu jarðnæði og fiskurinn er
við náttúruleg umhverfisskilyrði í
mun lægri þéttleika en þau skilyrði
sem hægt er að vera með í landeldi.
Niðurstaðan er sú sem hér sést,“
segir Sigurður.
20 starfsmönnum bætt við
Uppbygging sjókvíaeldis Arctic
Fish í Patreksfirði og Tálknafirði
hefur kallað á fjölgun starfsmanna.
Hefur fyrirtækið bætt við um 20
starfsmönnum á því svæði, vegna
aukningar í sjókvíaeldi og tilsvar-
andi aukningar í seiðaframleiðslu.
Slátrun úr sjókvíum í Tálknafirði
hefst á næsta ári. „Þetta er ánægju-
leg viðbót við starfsemina og við get-
um staðið að kynslóðaskiptu eldi
með ábyrgum hætti.“ Spurður um
frekari aukningu nefnir Sigurður að
fyrr á þessu ári hafi Skipulags-
stofnun veitt álit á umhverfismati
fyrir eldi í Arnarfirði og vonandi
styttist í að álit liggi fyrir vegna
umhverfismats fyrir laxeldi í Ísa-
fjarðardjúpi.
Markaður fyrir eldislax hefur ver-
ið erfiður í bylgjum kórónuveir-
unnar, að sögn Sigurðar. Hótel og
veitingastaðir kaupa lítið af laxi nú
um stundir og meiri ásókn er á móti í
sölu í neytendaumbúðum til stór-
markaða. Sigurður segir að mark-
aðurinn muni laga sig að þessum
breytta veruleika, matvæli finni sér
alltaf farveg á markaði, en það taki
tíma. „Þrátt fyrir allt er verðið núna
sambærilegt við það sem var fyrir
ári,“ segir Sigurður.
Ljósmynd/Ísak Óskarsson
Í lok vinnudags Fiskeldismennirnir komnir heim með rúmlega 10 kílóa lax, eftir fyrstu slátrun úr Patreksfirði,
Gunnar Daníel, Kristján Kári, Óskar Gíslason og Páll Líndal. Meðalþyngd laxanna úr slátruninni var sex kíló.
Laxarnir eru sex kíló
eftir 16 mánuði í sjó
 Fyrsta laxaslátrun hjá Arctic Fish utan Dýrafjarðar
Höskuldur Daði Magnússon
hdm@mbl.is
„Ég held að við séum orðin gagn-
rýnni og meðvitaðri neytendur.
Hvað kemur nekt því til að mynda
við að auglýsa
bíl? Við látum
ekki bjóða okkur
hvað sem er,“
segir Soffía Hall-
dórsdóttir, einn
höfunda greinar-
innar Klædd eða
nakin? Áhrif
nektar á viðhorf
til auglýsinga
sem birtist í
Tímariti um viðskipta- og efna-
hagsmál í gær. Greinin er byggð á
meistaraverkefni Soffíu við við-
skiptadeild Háskóla Íslands í fyrra.
Auglýsendur ættu ekki að
nota nekt í auglýsingum
Soffía kannaði áhrif nektar á við-
horf til auglýsinga, annars vegar
þegar fyrirsætan er kvenkyns og
hins vegar þegar hún er karlkyns.
Þátttakendum í rannsókn hennar
voru sýndar auglýsingar sem inni-
héldu annaðhvort nakta fyrirsætu
eða klædda, ýmist karlkyns eða
kvenkyns, og voru svo beðnir að
svara spurningum um viðhorf sitt
til auglýsinganna. „Niðurstöðurnar
gefa til kynna að nekt hafi neikvæð
áhrif á viðhorf til auglýsinga, hvort
sem fyrirsætan er karlkyns eða
kvenkyns. Þessi neikvæðu áhrif
áttu við um bæði kvenkyns og karl-
kyns þátttakendur en viðhorf
kvenkyns þátttakenda eru sérstak-
lega neikvæð þegar um nakta
kvenkyns fyrirsætu er að ræða.
Niðurstöðurnar benda því til að
auglýsendur ættu ekki að nota
nekt í auglýsingum til að ná athygli
neytenda, sér í lagi ef markhóp-
urinn er konur,“ segir í ágripi
greinarinnar.
„Heilt yfir sýna niðurstöðurnar
að djarfar auglýsingar sem sýna
nakta fyrirsætu, hvort sem um er
að ræða karlkyns eða kvenkyns
fyrirsætu, hafi neikvæð áhrif á við-
horf þátttakenda til auglýsinga,“
segir ennfremur í umræðukafla
greinarinnar. Greinina er hægt að
nálgast á vefnum efnahagsmal.is.
Fólk meðvitaðra í dag en áður
Í viðtali við Morgunblaðið segir
Soffía að það hafi komið sér og
leiðbeinendum á óvart að bæði
karlar og konur hafi verið neikvæð
í garð nektar í auglýsingum eins og
kom á daginn. „Þar gæti hafa spil-
að inn í #metoo-byltingin, Druslu-
gangan og Free the nipple. Fólk er
meðvitaðra um hvað má og hvað
ekki,“ segir hún.
Skilar litlu að fækka fötum
 Rannsókn sýnir neikvæð viðhorf karla og kvenna gagnvart nekt í auglýsingum
Auglýsing Naktar fyrirsætur hafa neikvæð áhrif á viðhorf neytenda.
Soffía
Halldórsdóttir
Réttur fæðingardagur
Rangt var farið með fæðingardag
Bjarna G. Stefánssonar, sýslumanns
á Norðurlandi vestra, í frétt í blaðinu
á fimmtudag um að hann væri að láta
af störfum. Hið rétta er að hann
fæddist 2. desember 1950 og lætur af
störfum sökum aldurs um áramót.
LEIÐRÉTT
Allt um
sjávarútveg