Morgunblaðið - 23.10.2020, Blaðsíða 24

24 FRÉTTIRInnlent
MORGUNBLAÐIÐ FÖSTUDAGUR 23. OKTÓBER 2020
Laugavegi 178,105 Rvk. | Sími 551 3366 | www.misty.is
Opið virka daga kl. 10-18, laugardaga kl.10-14
Bianca
NÁTTSETT
Stærðir: S-XXL
Verð: 11.950,-
SLOPPUR
Stærðir: S-XXL
Verð: 12.950,-
Sigtryggur Sigtryggsson
sisi@mbl.is
Hugmyndir að deiliskipulagi nýrrar
skátamiðstöðvar við Hádegismóa
norðan Rauðavatns eru til kynn-
ingar í borgarkerfinu.
Eins og fram kom í frétt í
Morgunblaðinu í mars sl. fékk
Bandalag íslenskra skáta vilyrði hjá
Reykjavíkurborg fyrir lóð undir
nýjar höfuðstöðvar við Hádegismóa
3. Lóðin er talin henta skátahreyf-
ingunni afar vel til næstu áratuga.
„Skátahreyfingin er uppeldis-
hreyfing sem stefnir að því að hver
skáti læri smám saman á þroska-
ferli sínum frá barnsaldri til fullorð-
insára að vera sjálfstæður, virkur,
ábyrgur og að láta gott af sér leiða í
samfélaginu,“ eins og segir í kynn-
ingu á skátastarfinu. 28 starfandi
skátafélög eru í landinu með um
2.500 virka félaga. Höfuðstöðvar
Bandalags íslenskra skáta eru nú
við Hraunbæ í Reykjavík en þar er
orðið þröngt um starfsemina.
Hið nýja svæði er við bakka
Rauðavatns og jaðar Hólmsheiðar.
Það er tæplega 24 þúsund fermetr-
ar að stærð, hallar á móti suðri að
vatninu og er hæðarmunur tæpir 10
metrar. Þetta eru talin mikilvæg
svæði til útivistar og yfirlýst stefna
borgarinnar að þróa þau áfram á
þann hátt. Útivist, íþróttir og leikir
eru þungamiðja skátastarfsins og
því fellur sú starfsemi vel að mark-
miðum aðalskipulags á þessu svæði.
Svæðið tengist vel útivistarsvæð-
inu á Hólmsheiði, sem hefur átt
auknum vinsældum að fagna. Í
brekkunni við Rauðavatn hafa stað-
ið sumarhús og gróðurinn myndar
því ferköntuð form sem fylgja fyrr-
verandi lóðamörkum. Talsverður
trjágróður er á svæðinu, aðallega
víðir, greni og birki.
Gunnar Bergmann Stefánsson
arkitekt hjá gb Design og Björn Jó-
hannsson, landslagsarkitekt hjá
Urban Beat, hafa unnið hugmyndir
að deiluskipulagi svæðisins. Bygg-
ingar og landslag eru útfærð sam-
tímis
þannig að gróðurinn heldur sér
að langmestu leyti og svæðið getur
því nýst skátunum afar vel við leiki
og störf og auðvelt verður að setja
upp tjaldbúðir. Á myndinum hér að
ofan sést vel hvernig arkitektarnir
hafa látið landslagið og bygging-
arnar mynda eina samfellda heild.
Fimm byggingar á svæðinu
Gert er ráð fyrir fimm bygg-
ingum á svæðinu. Í aðalbyggingu
verða höfuðstöðvar Bandalags ís-
lenkra skáta. Þetta verður tveggja
hæða hús, að hámarki 600 fermetr-
ar. Þarna verða skrifstofur, kaffi-
hús og verslun. Sunnar á svæðinu
verða tveir svefnskálar fyrir 20
manns hvor, allt að 150 fermetrar.
Skemma, allt að 300 fermetrar. Þar
verður geymsla og ýmiss konar úti-
vistarstarfsemi. Og loks fjölnota-
hús, allt að 200 fermetrar. Þarna
verður eldhús, baðaðstaða ásamt
fjölnotasal.
„Ný aðstaða breytir mjög miklu
fyrir skáta. Nálægð við gróin úti-
vistarsvæði gefur mikla möguleika
og Skátaskólinn getur boðið upp á
mjög fjölbreytta fræðslu. Aðstaðan
mun einnig geta nýst fyrir útilegur
og dagsferðir yngstu skáta,“ segir
Marta Magnúsdóttir skátahöfðingi.
Skátar sjái einnig fyrir sér að geta
boðið skólabörnum í útinám á svæð-
inu til að upplifa ævintýri og tengsl
við náttúruna og þjálfa félagsfærni
þar sem skátar séu jú snillingar í
slíkri dagskrá. Útilífsmiðstöðin
skáta á Úlfljótsvatni, sem er opin
öllum, sé í raun ekki svo langt frá
Hádegismóum og það bjóði upp á
marga möguleika. „Nálægð við
náttúruna er skátastarfi alltaf til
góða svo við vonum svo sannarlega
að þetta gangi allt saman upp og við
getum byggt látlaust og vistvænt í
sátt við náttúruna á svæðinu,“ segir
Marta.
Deiliskipulagstillaga er enn í
vinnslu og eftir að skipulagshöf-
undar hennar hafa skilað henni inn
verður hún lögð fyrir ráð borg-
arinnar til samþykktar, samkvæmt
upplýsingum frá borginni. Staðfesti
borgarráð tillöguna verður hún
auglýst og þá tekur við hefðbundinn
sex vikna tími þar sem tillagan
verður formlega kynnt almenningi
og hagsmunaaðilum.
Að þessu ferli loknu þurfa borgin
og Bandalag íslenskra skáta að
ganga til samninga um lóðina, segir
Marta skáthöfðingi. Einnig er þá
eftir að leysa húsnæðisþörf skátafé-
lagsins í Árbænum. Engar fram-
kvæmdir hefjast fyrr en búið er að
hnýta alla hnúta. Uppbygging verð-
ur fjármögnuð með sölu á núver-
andi aðstöðu í Hraunbæ.
Við Rauðavatn Myndin til vinstri sýnir lóðina eins og hún er í dag og sú til hægri hvernig byggingunum verður komið fyrir. Efst á myndunum sjást byggingar Morgunblaðsins og miðla Árvakurs.
Myndir/gb Design og Urban beat
Skátar nema land við Rauðavatn
 Vilyrði fyrir lóð undir miðstöð  Nálægð við útivistarsvæði gefur mikla möguleika í leik og starfi
Uppsetningu á kantlýsingu í Hval-
fjarðargöngum er lokið og verður
gerð lokaúttekt á þeim í næstu
viku. Orkuvirki ehf. í Reykjavík
átti lægsta tilboð í verkið.
„Kantljós eru tákn nýrra tíma og
er að finna í flestum nýjum jarð-
göngum,“ segir á heimasíðu Vega-
gerðarinnar. Kantljósin, sem eru
LED-ljós, eru með 25 metra milli-
bili í göngunum. Ljósin hafa gefið
góða raun í öðrum göngum og
koma í stað vegstika, sem hafa ver-
ið í göngunum frá upphafi árið
1998. Þetta sparar bæði tíma og
fyrirhöfn því þrífa hefur þurft veg-
stikur mánaðarlega með sérstökum
vélum í göngunum. Vegstikurnar
urðu fljótt skítugar og sáust þá
ekki vel þegar ekið var með lágu
ljósin.
Ljósin bæta einnig öryggi og
gagnast líka sem rýmingarlýsing ef
reykur kemur í göngin.
Til stóð að þrífa Hvalfjarðar-
göngin sl. nótt. Vegstikurnar verða
teknar niður að loknum þvottinum.
sisi@mbl.is
Ljósmynd/Vegagerðin
Göngin Nýju LED-ljósin eru með 25 metra millibili og munu bæta öryggið.
Bætt kantlýsing í
Hvalfjarðargöngum