Morgunblaðið - 28.10.2020, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 28. OKTÓBER 2020
Þverholti 5 • Mosfellsbæ • Sími 898 1744 • myndo.is
Við búum til minningar
myndó.is
ljósmyndastofa
FRÁBÆR JÓLAGJÖF!
GJAFABRÉF handa ömmu og afa
eða mömmu og pabba
og minningarnar
gleymast ekki
www.alver.is S: 896 4040
LauraStar á Íslandi
BEAUTURAL
Fatarakvél
Fjarlægir
ló og hnökra.
Gerir flíkina
fína.
Hvort sem um er að
ræða fatnað, peysur,
mjúk leikföng,
húsgagnaáklæði
eða rúmföt.
Ómar Friðriksson
omfr@mbl.is
Landsmönnum fjölgaði um 1.320 í
mánuðunum júlí, ágúst og sept-
ember sl. og voru orðnir rúmlega
368 þúsund um seinustu mánaða-
mót. Virðist engu að síður hafa
hægt umtalsvert á fjölgun lands-
manna á seinasta hálfa árinu sé
miðað við mannfjöldaþróunina í
fyrra.
Þótt enn flytji fjöldi erlendra
ríkisborgara til landsins hefur þeim
einnig fækkað nokkuð sem hingað
hafa flutt á tímum kórónuveiru-
faraldursins og að sama skapi hef-
ur þeim fjölgað sem flutt hafa frá
landinu ef miðað er við sama tíma
fyrir ári. Er þar að stærstum hluta
um erlenda ríkisborgara að ræða.
2.440 erlendir ríkisborgarar
fluttu til landsins í júlí-sept.
Á þriðja ársfjórðungi í fyrra
fluttu rúmlega 3.000 erlendir rík-
isborgarar til Íslands en þeir voru
mun færri sem hingað fluttu í júlí,
ágúst og september sl. eða 2.440.
Íslenskum ríkisborgurum sem
fluttu heim á þessum sama tíma
fjölgaði þó nokkuð. Þeir voru 950 á
sama tímabili í fyrra en 1.110 fluttu
heim á þriðja ársfjórðungi yfir-
standandi árs.
Samtals fluttu 3.550 einstakling-
ar til landsins á þriðja ársfjórðungi
yfirstandandi árs en 3.000 fluttu á
brott. Enn er því svonefndur flutn-
ingsjöfnuður jákvæður því eins og
verið hefur um langt árabil flytja
fleiri til landsins en frá því. Hag-
stofan birti í gær nýjar mann-
fjöldatölur þar sem fram kemur að
á þriðja ársfjórðungi í ár fluttust
550 einstaklingar til landsins um-
fram brottflutta eins og fyrr segir.
Aðfluttir einstaklingar með ís-
lenskt ríkisfang voru 150 umfram
þá sem fluttu á brott og aðfluttir
erlendir ríkisborgarar voru 410
fleiri en þeir sem fluttust frá land-
inu.
Breytingin er veruleg eftir að
veirufaraldurinn hófst. Á fyrstu
þremur mánuðum þessa árs fluttu
t.d. 1.410 fleiri til landsins en frá
því en á öðrum ársfjórðungi var sú
tala komin niður í 30.
Fjölgað um 12 þúsund manns
á undanförnum tveimur árum
1.280 börn fæddust á landinu
öllu á þriðja ársfjórðungi yfirstand-
andi árs. 520 einstaklingar létust.
Landsmenn eru núna 188.790
karlar og 179.220 konur. Á sein-
ustu tveimur árum hefur lands-
mönnum fjölgað um rúmlega 12
þúsund manns þ.e.a.s. frá því í lok
þriðja ársfjórðungs ársins 2018. Sá
fjöldi jafnast nokkurn veginn á við
samanlagðan íbúafjölda Ísafjarðar-
bæjar, Sveitarfélagsins Skagafjarð-
ar, Blönduóss og Norðurþings.
Á höfuðborgarsvæðinu bjuggu
235.870 manns um seinustu mán-
aðamót en 132.140 utan þess sam-
kvæmt tölum Hagstofunnar. Íbú-
um á höfuðborgarsvæðinu hefur
fjölgað um 3.800 á einu ári eða frá
því í lok þriðja ársfjórðungs á sein-
asta ári. Reykvíkingum hefur fjölg-
að um 2.250 frá sama tíma í fyrra
og voru 132.970 í lok þriðja árs-
fjórðungs í ár.
Íslenskir ríkisborgarar fluttu
flestir til Danmerkur
Sé litið nánar á tölur yfir þá sem
fluttu brott frá landinu á þriðja
ársfjórðungi ársins kemur á daginn
að Danmörk var helsti áfangastað-
ur brottfluttra íslenskra ríkisborg-
ara en þangað fluttust 420 manns á
þriðja ársfjórðungi.
„Til Danmerkur, Noregs og Sví-
þjóðar fluttust 730 íslenskir ríkis-
borgarar af 960 alls. Af þeim 2.040
erlendu ríkisborgurum sem fluttust
frá landinu fóru flestir til Póllands
eða 650 manns,“ segir í umfjöllun
Hagstofunnar.
Þar kemur einnig fram að flestir
aðfluttir íslenskir ríkisborgarar
komu frá Danmörku eða 270, frá
Noregi komu 140 og frá Svíþjóð
190 eða samtals 610 manns af
1.110.
Einnig má sjá að flestir erlendir
ríkisborgarar sem fluttu til Íslands
frá miðju sumri og fram á haust
komu frá Póllandi en þaðan fluttust
630 til landsins af alls 2.440 erlend-
um innflytjendum. Litháen kom
næst, en þaðan fluttust 190 erlend-
ir ríkisborgarar til landsins.
Um seinustu mánaðamót bjuggu
51.120 erlendir ríkisborgarar hér á
landi eða 13,9% af heildarfjölda
landsmanna.
Íbúum fjölgar áfram á kórónutímum
 3.550 einstaklingar fluttu til landsins á þriðja ársfjórðungi yfirstandandi árs  3.000 fluttu á brott
 Aðfluttum umfram brottflutta hefur fækkað mikið frá í fyrra  Landsmönnum fjölgaði um 1.320
Mannfjöldaþróun á Íslandi frá 3. ársfj. 2019
2.500
2.000
1.500
1.000
500
0
3. ársfj. 4. ársfj. 1. ársfj. 2. ársfj. 3. ársfj.
2019 2020
Heimild: Hagstofan
2.270
1.410
1.870
570
1.310
1.560
900
1.410
30
550
710
510 460
540
760
Fjöldi aðfluttra umfram
brottflutta
Fjöldi fæddra umfram dána
Heildarfjölgun
2019 2020
1.500
1.350
1.200
1.050
900
700
625
550
475
400
5.000
4.000
3.000
2.000
1.000
4.000
3.000
2.000
1.000
0
Fæddir
Dánir
Aðfluttir
Brottfluttir
Ágúst Ingi Jónsson
aij@mbl.is
Framkvæmdir hafa gengið vel und-
anfarið við gerð snjóflóðavarna fyrir
Neskaupstað, byggingu varnargarðs
og keila ofan byggðar, og er verkið
um það bil hálfnað. Verktaki er Hér-
aðsverk ehf. og er áætlað að vinna
áfram á þessu ári á meðan veður
leyfir. Við verkið hafa unnið 14-16
starfsmenn á stórvirkum vinnu-
vélum, en verklok eru áætluð í des-
ember 2021, að því er segir á vef
Framkvæmdasýslu ríkisins.
Meðal stjórnenda á þessum stóru
tækjum eru þær Elíza Lífdís Ósk-
arsdóttir og Dóra Sigfúsdóttir, en
þær stjórna hvor sinni búkollunni
eins og þessir risavöxnu vörubílar
eru kallaðir. Elíza segir í samtali við
Morgunblaðið í raun létt að stjórna
þessum tækjum, sem geta borið yfir
30 tonn og eigin þyngd er nánast
annað eins. Vinnan þessa dagana fel-
ist einkum í að keyra efni upp á
varnargarða og við þá vinnu sé ekki
fullt hlass á búkollunum.
Af hverju ekki?
Hún segist una sér vel á fjöllum
og starfaði í tvö ár, bæði vetur og
sumur, sem skálavörður hjá Ferða-
félaginu í Landmannalaugum og var
að mestu ein yfir vetrartímann.
Elíza hóf störf á búkollu hjá Myll-
unni í sumar, en það fyrirtæki er
hluthafi í Héraðsverki. Hún lætur
vel af vinnunni í fjallshlíðinni fyrir
ofan bæinn og segir að stöðugt fleiri
konur starfi við að stjórna vörubílum
og öðrum stórvirkum tækjum. „Af
hverju ekki?“ spyr hún.
Varnargarðurinn er um 17 metra
hár, þar sem hann er hæstur. Hann
er hlaðinn úr hleðslugrindum sem
fylltar eru af 10-20 sentimetra unnu
grjóti. Framkvæmdirnar eru þriðji
áfangi í gerð snjóflóðavarna fyrir
Neskaupstað. Áður eru komin varn-
argarður og keilur neðan Drangagils
auk upptakavarna eða nets efst í
Drangagili, sem og varnargarðar og
keilur neðan Tröllagilja og upp-
takastoðvirki efst í Tröllagiljum,
segir á heimasíðu Framkvæmda-
sýslunnar.
Ljósmynd/Framkvæmdasýsla ríkisins
Varnir Búkollurnar eru stórvirk tæki, en stjórnendur þeirra eru Elíza Lífdís Óskarsdóttir og Dóra Sigfúsdóttir.
Góður gangur í vinnu
við gerð snjóflóðavarna
 Unnið meðan veður leyfir  Konur stjórna búkollum