Morgunblaðið - 28.10.2020, Blaðsíða 22

22 ÍÞRÓTTIR
MORGUNBLAÐIÐ MIÐVIKUDAGUR 28. OKTÓBER 2020
Jón Þór Hauksson, þjálfari liðsins,
var hugrakkur í liðsuppstillingu
sinni en hann stillti Karólínu Leu
Vilhjálmsdóttur og Alexöndru Jó-
hannsdóttur upp saman á miðsvæð-
inu með landsliðsfyrirliðanum Söru
Björk Gunnarsdóttur.
Stóðu undir nafni
Varnarmenn liðsins voru hins veg-
ar ragir, mestallan leikinn, við að
koma boltanum á miðjumenn liðsins
og þótt liðið hafi gert ágætlega í að
spila sig út úr fyrstu pressu tókst ís-
lenska liðinu nánast aldrei að spila
sig út úr annarri pressu sænska liðs-
ins. Þar af leiðandi var íslenska liðið
mikið að reyna langa bolta fram sem
varnarmenn sænska liðsins réðu
mjög auðveldlega við.
Hafa ber í huga að stelpurnar
voru að mæta bronsliði HM 2019 og
Svíarnir mættu talsvert betur und-
irbúnir til leiks í gær en á Laug-
ardalsvöll 22. september síðastliðinn
þegar liðin gerðu 1:1-jafntefli.
Svíarnir lokuðu vel á kantspil ís-
lenska liðsins og aðeins einu sinni, í
stöðunni 0:0, tókst íslenska liðinu að
koma með fyrirgjöf eftir gott uppspil
upp kantinn.
Þá náði Sveindís Jane Jónsdóttir
sér ekki á strik enda var hún svo
gott sem í gjörgæslu hjá varn-
armönnum Svíþjóðar allan leikinn
og fékk engan tíma á boltanum.
Íslenska liðið varðist hins vegar,
heilt yfir, mjög vel í leiknum en Sví-
arnir sköpuðu sér nánast engin opin
marktækifæri þótt þeir hafi vissu-
lega refsað íslenska liðinu grimmi-
lega fyrir eigin mistök, en það er
akkúrat það sem frábær lið gera.
Þjálfarateymi íslenska liðsins er
að reyna byggja upp lið sem getur
bæði haldið bolta, spilað hápressu og
svo spilað sig út úr pressu. Þetta eru
allt lykilþættir í alþjóðlegum
kvennafótbolta í dag og ef liðið ætlar
sér í fremstu röð þarf þetta að vera í
lagi.
Þú kennir ekki gömlum hundi að
sitja sagði einhver, einhvern tímann.
Það er kannski hægt, en það mun
alltaf taka tíma. Innkoma þriggja
frábærra ungra leikmanna í lið sem
hefur spilað ákveðinn fótbolta í lang-
an tíma, mun ekki breyta því í eitt
best spilandi landslið á einni nóttu.
Þetta er ferli sem mun taka tíma
og Karólína Lea, sem er klárlega
framtíðarmiðjumaður í liðinu, fékk
mjög dýrmæta reynslu á miðsvæð-
inu í gær gegn einu besta landsliði
heims sem dæmi.
Það er fullt af jákvæðum punktum
sem þjálfarinn og stuðningsmenn
liðsins geta tekið með sér út úr
leiknum. Hefði íslenska liðinu til
dæmis tekist betur til með að spila
sig út úr annarri pressu Svía hefðu
þær getað sótt á þær í yfirtölu, trekk
í trekk, sem segir manni að liðið er á
hárréttri leið.
Ljósmynd/Bildbyran
Einmana Sóknarmennirnir Elín Metta Jensen (t.v.) og Sveindís Jane Jónsdóttir (t.h.) fengu úr litlu að moða í fremstu víglínu íslenska liðsins.
Þær eru á réttri leið
 Möguleikarnir á að komast á EM eru enn ágætir þrátt fyrir tap gegn Svíum í
Gautaborg  Reyndu allan tímann að spila fótbolta gegn bronsliði HM 2019
Undankeppni EM kvenna
F-RIÐILL:
Svíþjóð – Ísland........................................ 2:0
Slóvakía – Lettland.................................. 2:0
Staðan:
Svíþjóð 7 6 1 0 34:2 19
Ísland 6 4 1 1 21:4 13
Slóvakía 6 3 1 2 6:10 10
Ungverjaland 7 2 1 4 11:19 7
Lettland 8 0 0 8 2:39 0
 Svíþjóð hefur tryggt sér sæti á EM.
A-RIÐILL:
Rússland – Tyrkland ............................... 4:2
Kósóvó – Holland..................................... 0:6
Staðan: Holland 27, Rússland 18, Slóvenía
12, Kósóvó 10, Tyrkland 2, Eistland 1. Hol-
land er komið á EM.
B-RIÐILL:
Georgía – Ísrael ....................................... 1:2
Ítalía – Danmörk...................................... 1:3
Staðan: Danmörk 27, Ítalía 21, Bosnía 15,
Ísrael 7, Malta 4, Georgía 0. Danmörk er
komin á EM.
C-RIÐILL:
Hvíta Rússland – N-Írland ..................... 0:1
Wales – Noregur...................................... 0:1
Staðan: Noregur 18, Wales 11, Norður-Ír-
land 8, Hvíta-Rússland 6, Færeyjar 0.
 Noregur er kominn á EM.
D-RIÐILL:
Moldóva – Pólland ................................... 0:3
Tékkland – Aserbaídsjan ........................ 3:0
Staðan: Pólland 14, Spánn 13, Tékkland 13,
Moldóva 3, Aserbaídsjan 0.
E-RIÐILL:
Finnland – Skotland ................................ 1:0
Portúgal – Kýpur..................................... 1:0
Staðan: Finnland 13, Portúgal 10, Skotland
9, Albanía 3, Kýpur 0.
G-RIÐILL:
Austurríki – Frakkland........................... 0:0
Staðan: Frakkland 16, Austurríki 16, Serb-
ía 12, Norður-Makedónía 3, Kasakstan 0.
H-RIÐILL:
Rúmenía– Sviss........................................ 0:2
Litháen – Belgía....................................... 0:9
Staðan: Sviss 19, Belgía 18, Rúmenía 9,
Króatía 4, Litháen 0.
I-RIÐILL:
Grikkland – Úkraína................................ 0:4
Staðan: Þýskaland 18, Írland 13, Úkraína
12, Grikkland 7, Svartfjallaland 0.
 Þýskaland er komið á EM.
Meistaradeild Evrópu
A-RIÐILL:
Lokomotiv Moskva – Bayern München 1:2
Atlético Madríd – RB Salzburg.............. 3:2
Staðan:
Bayern 6, Atlético Madrid 3, Lokomotiv
Moskva 1, Salzburg 1.
B-RIÐILL:
Shakhtar Donetsk – Inter....................... 0:0
Mönchengladbach – Real Madríd ......... 2:2
Staðan:
Shakhtar 4, Mönchenbladbach 2, Inter 2,
Real Madrid 1.
C-RIÐILL:
Porto – Olympiacos ................................ 2:0
 Ögmundur Kristinsson var ekki í leik-
mannahópi Olympiacos.
Marseille – Manchester City .................. 0:3
Staðan:
Manchester City 6, Porto 3, Olympiacos 3,
Marseille 0.
D-RIÐILL:
Liverpool – Midtjylland.......................... 2:0
 Mikael Anderson kom inn á sem vara-
maður á 66. mínútu hjá Midtjylland.
Atalanta – Ajax ........................................ 2:2
Staðan:
Liverpool 6, Atalanta 4, Ajax 1, Midtjyll-
and 0.
KNATTSPYRNA
Evrópudeild karla
Kristianstad – Dinamo Búkarest....... 31:22
 Teitur Örn Einarsson skoraði 4 mörk
fyrir Kristianstad en Ólafur Andrés Guð-
mundsson komst ekki á blað..
GOG – Pelister ..................................... 30:29
 Viktor Gísli Hallgrímsson varði 5 skot í
marki GOG.
HANDBOLTI
Evrópubikarinn
Andorra – Lietkabelis......................... 76:66
 Haukur Helgi Pálsson skoraði 9 stig fyr-
ir Andorra, tók 7 fráköst, stal boltanum
tvisvar og varði eitt skot.
Spánn
Obradorio – Valencia.......................... 77:78
 Martin Hermannsson skoraði 7 stig og
gaf 3 stoðsendingar fyrir Valencia.
Litháen
Bikarkeppni, 16-liða úrslit:
Klaipedos Neptunas – Siauliai .............87:82
 Elvar Már Friðriksson skoraði 19 stig,
tók 4 fráköst og tók 3 stoðsendingar hjá Si-
auliai.
 Var þetta fyrri leikur liðanna en sam-
anlögð úrslit úr leikjunum tveimur sker úr
um hvort liðið kemst áfram.
KÖRFUBOLTI
SVÍÞJÓÐ – ÍSLAND 2:0
1:0 Sofia Jakobsson 25.
2:0 Olivia Schough 57.
Svíþjóð: (4-3-3) Mark: Jennifer Falk.
Vörn: Hanna Glas (Amanda Ilestedt
81), Linda Sembrant, Magdalena Er-
iksson, Jonna Andersson. Miðja: Nat-
halie Björn, Kosovare Asllani, Caroline
Seger. Sókn: Sofia Jakobsson, Anna
Anvegård (Stina Blackstenius 69),
Olivia Schough (Julia Zigiotti Olme
89).
Ísland: (4-3-3) Mark: Sandra Sigurð-
ardóttir. Vörn: Gunnhildur Yrsa Jóns-
dóttir, Glódís Perla Viggósdóttir, Ingi-
björg Sigurðardóttir, Hallbera Guðný
Gísladóttir. Miðja: Karólína Lea Vil-
hjálmsdóttir (Agla María Albertsdóttir
79), Sara Björk Gunnarsdóttir, Alex-
andra Jóhannsdóttir. Sókn: Hlín Ei-
ríksdóttir (Berglind Björg Þorvalds-
dóttir 62), Elín Metta Jensen
(Hólmfríður Magnúsdóttir 72), Sveind-
ís Jane Jónsdóttir.
M
Gunnhildur Yrsa Jónsdóttir
Karólína Lea Vilhjálmsdóttir
Sara Björk Gunnarsdóttir
Elín Metta Jensen
Dómari: Stéphanie Frappart, Frakk-
landi
Áhorfendur: Engir.
UNDANKEPPNI EM
Bjarni Helgason
bjarnih@mbl.is
Íslenska kvennalandsliðið í knatt-
spyrnu náði ekki að sýna sitt rétta
andlit þegar liðið mætti Svíþjóð í
uppgjöri tveggja efstu liðanna í F-
riðli undankeppni EM á Ullevi-
leikvanginum í Gautaborg í Svíþjóð
í gær.
Leiknum lauk með 2:0-sigri
sænska liðsins en mörkin komu í
sitthvorum hálfleiknum. Svíar
tryggðu sér þar með sigur í riðl-
inum og sæti í lokakeppni EM á
Englandi sumarið 2022.
Íslenska liðið stendur áfram
ágætlega að vígi en takist því að
vinna leikina tvo sem eftir eru, gegn
Slóvakíu og Ungverjalandi, á það
góða möguleika á að verða eitt
þeirra þriggja liða sem komast
beint á EM með bestan árangur í
öðru sæti. Takist það ekki, bíða um-
spilsleikir snemma á næsta ári.
Sofia Jakobsson kom Svíþjóð yfir
um miðjan fyrri hálfleikinn og
Olivia Schough tvöfaldaði forystu
sænska liðsins á 57. mínútu þegar
hún smeygði sér fram hjá þremur
varnarmönnum liðsins, og þrumaði
knettinum upp undir þverslána, rétt
utan vítateigs.
Íslenska liðið byrjaði leikinn
virkilega vel og var sterkari aðilinn
fyrstu fimmtán mínútur leiksins.
„Þetta voru ákveðin vonbrigði. Þær
voru bara betri en við í dag,“ sagði
svekkt Ingibjörg Sigurðardóttir,
varnarmaður íslenska landsliðsins,
eftir 0:2-tap fyrir Svíþjóð í toppbar-
áttu F-riðils í undankeppni EM ytra
í gærkvöld. Stór hluti íslenska liðs-
ins hefur ekki spilað keppnisleik
síðan í byrjun mánaðar þar sem hlé
var gert á Íslandsmótinu. Ingibjörg
er ekki viss hve mikil áhrif það
hafði í gærkvöldi. „Það var klár-
lega ekki sami taktur í sókn-
arleiknum og í fyrri leiknum, en ég
veit ekki hvort það er út af því að
þær hafa ekki verið að spila mikið
undanfarið. Við náðum alla vega
ekki alveg takti.“
Þrátt fyrir tapið er Ingibjörg
ekki í nokkrum vafa um að Ísland
verði á meðal þátttökuþjóða á EM á
Englandi 2022, en íslenska liðið á
eftir leiki við Slóvakíu og Ung-
verjaland á útivelli.
„Sænska liðið var alltaf líklegast
til að fara beint á EM og við vissum
það alveg en við gerðum allt hvað
við gátum til að vinna þær. Mögu-
leikarnir okkar eru enn góðir og
það eru tveir leikir eftir sem við
þurfum að klára. Við erum alltaf að
fara á EM, það er alveg á hreinu,“
sagði Ingibjörg ákveðin.
„Lunginn af okkar leikmönnum í
dag spilaði síðast 3. október og mér
fannst það gera það að verkum að
við vorum skrefinu á eftir á meðan
á Laugardalsvelli vorum við skref-
inu á undan. Það vantaði ekkert
upp á vilja og baráttu hjá íslenska
liðinu í dag, það var algjörlega til
fyrirmyndar. Ég er stoltur og
ánægður með það,“ sagði þjálf-
arinn, Jón Þór Hauksson, m.a. við
mbl.is. johanningi@mbl.is
Ekki sami takturinn og í heimaleiknum
Ljósmynd/Bildbyran
Gautaborg Ingibjörg Sigurðardóttir
í baráttunni í leiknum í gær.