Morgunblaðið - 31.10.2020, Síða 6

6 FRÉTTIRInnlent
MORGUNBLAÐIÐ LAUGARDAGUR 31. OKTÓBER 2020
Helgi Bjarnason
helgi@mbl.is
Melrakkaslétta er skilgreind sem
mikilvægt fuglasvæði. Í umhverf-
ismati fyrir stóran vindorkugarð
Qair Iceland ehf. þar er því sérstök
áhersla lögð á að safna gögnum um
fuglalíf með það að markmiði að
forðast eða draga úr áhrifum vind-
myllanna á fugla.
Qair Iceland ehf. er dótturfyrir-
tæki franska fyrirtækisins Qair SA
(áður Quadran) sem sérhæfir sig í
þróun, fjármögnun, byggingu og
rekstri endurnýjanlegra raforku-
vera um allan heim. Íslenska félag-
ið er með mikil áform um virkjun
vindorku á Íslandi og tilkynnti níu
þannig verkefni til umfjöllunar hjá
verkefnisstjórn fjórða áfanga
rammaáætlunar. Að sögn Tryggva
Þórs Herbertssonar framkvæmda-
stjóra er vindorkugarður á Sól-
heimum í Dölum lengst kominn og
væntanlega hægt að hefja fram-
kvæmdir vorið 2022, að því gefnu
að leyfi fáist.
Nú er verið að vinna að umhverf-
ismati fyrir tvö vindorkuver, í Með-
allandi og að Hnotasteini á Hóla-
heiði. Þessi þrjú áform um
vindorkuver eru samtals 475 mega-
vött að stærð, nærri tvöfalt uppsett
afl Búrfellsstöðvar. Verkefnið á
Hólaheiði er það stærsta sem Qair
Iceland ehf. er með á prjónunum,
190 til 200 MW sem slagar upp í
uppsett afl Hrauneyjafossstöðvar
Landsvirkjunar
Truflar ekki neinn
Qair hefur kynnt tillögu að mats-
áætlun sem er fyrsta stig umhverf-
ismats fyrir vindorkugarðinn að
Hnotasteini. Þar kemur fram að
áformað framkvæmdasvæði er við
veginn þvert yfir Melrakkasléttu
sem kallaður er Hófaskarðsleið.
Rannsóknir til undirbúnings orku-
versins fara fram á 33 ferkílómetra
svæði úr landi jarðanna Presthóla
og Efri-Hóla í Núpasveit. Tryggvi
Þór segir að staðurinn henti vel
fyrir vindorkugarð. Þar sé góður
vindur og vindmyllurnar ekki að
trufla neinn.
Gert er ráð fyrir að þar verði
reistar 34 vindmyllur í tveimur
áföngum. Ekki hefur verið ákveðið
hvaða gerð vindmyllu verður notuð
en sú hugmynd gefin í skýrslunni
að turnarnir að spaðamiðju verði
119 metra háir og spaðarnir 162 m
í þvermál. Því megi gera ráð fyrir
að spaðaendar fari hæst í um 200
m hæð frá jörðu en það slagar upp
í þrefalda hæð Hallgrímskirkju-
turns í Reykjavík.
Gert er ráð fyrir að um 100
starfsmenn verði við vinnu á svæð-
inu á framkvæmdatíma. Þegar
vindorkugarðurinn kemst í rekstur
verða þar tveir til fjórir starfsmenn
við eftirlit auk manna á vegum
framleiðanda vindmyllanna sem
mæta á staðinn og sinna árlegu við-
haldi og viðgerðum.
Fuglalífið áskorunin
Rannsóknir eru mikilvægasti
þáttur umhverfismatsins. Sett hef-
ur verið upp veðurratsjá á fram-
kvæmdasvæðinu. Ratsjármælir fyr-
ir fuglarannsóknir verður settur
upp í mars. Kerfi ratsjármæling-
anna greinir hreyfingar fugla á
framkvæmdasvæðinu og verður
ratsjáin stillt þannig að stundum
nemur hún flugleiðir fugla og
stundum flughæð innan hættusviðs
spaðanna.
Alexandra Kjeld, umhverfis-
verkfræðingur hjá Eflu verk-
fræðistofu, segir að fuglalífið á
Melrakkasléttu sé aðaláskorunin
við staðsetningu þar. Því sé heil-
mikið púður sett í rannsóknir á því
sviði.
Sambönd um allan heim
Spurður um það hvort hægt
verði að selja orkuna, segir Tryggvi
Þór að ýmsir möguleikar séu á því.
Hægt sé að fá nýja notendur, til
dæmis gagnaver, eða annan orku-
frekan iðnað. Bendir hann á að
Qair starfi í tólf löndum, hafi mikil
sambönd við orkukaupendur um
allan heim og geti boðið þeim orku
á mörgum stöðum. Þá sé einfalt að
framleiða inn á kerfið í samkeppni
við aðra framleiðendur.
Áhersla á rannsóknir á fuglalífi
 Franskt fyrirtæki hefur umhverfismat á stórum vindorkugarði við Hófaskarðsleið á Melrakka-
sléttu  Slagar upp í afl Hrauneyjafossstöðvar  Ratsjár mæla vind og fylgjast með fuglalífi
AFP
Vindorka Víða eru umræður um mikilvægi endurnýjanlegrar raforku og um leið áhrif vindmylla á umhverfið. Þessi vindorkugarður er í Bretaníuhéraði í
vesturhluta Frakklands. Franska fyrirtækið Qair undirbýr nokkra vindorkugarða hér á landi. Sá stærsti er á Hnotasteini á Melrakkasléttu.
Raufarhöfn
MELRAKKA-
SLÉTTA
HólaheiðiKópasker
Þórshöfn
Þistilfjörður
Ö
xa
rf
jö
rð
ur
Fyrirhugaður
vindorkugarður
að Hnotasteini
Hófaskarðsleið
Presthólar Efri-
Hólar
Framkvæmda-
svæði fyrir
vindorkugarð
Ísfisktogarinn Sturla GK landar yf-
irleitt tvisvar í viku, á mánudögum
og fimmtudögum, hjá Þorbirni hf. í
Grindavík. Tólf eru í áhöfn. Það var
svolítill brimsúgur þegar togarinn
kom til hafnar á fimmtudag.
Hrannar Jón Emilsson, útgerðar-
stjóri ferskfiskskipa hjá Þorbirni hf.,
sagði að það hefðu verið þokkaleg
aflabrögð upp á síðkastið. Þó setti
leiðindaveður strik í reikninginn og
þurftu menn að færa sig undan veðr-
inu. Aflinn var blandaður í síðustu
veiðiferð, karfi, þorskur, ýsa og ufsi.
Fiskurinn fer til vinnslu hjá Þorbirni
hf. Þar er aðallega unnið í salt og
fiskur líka fluttur út ferskur. Þorsk-
urinn úr þessari veiðiferð fór í ferskt.
Markaðirnir sveiflast mikið og eftir-
spurnin breytist sífellt. Auk Sturlu
GK landa tvö línuskip ísfiski hjá Þor-
birni hf. gudni@mbl.is
Ljósmynd/Eyjólfur Vilbergsson
Grindavík Sturla GK kom til hafnar á fimmtudaginn var og landaði blönd-
uðum afla af bolfiski. Ísfisktogarinn landar venjulega tvisvar í viku.
Þokkalegt fiskirí
upp á síðkastið
 Mikil sveifla á ferskfiskmörkuðum