Morgunblaðið - Sunnudagur - 04.10.2020, Side 19

4.10. 2020 MORGUNBLAÐIÐ SUNNUDAGUR 19
SÓFAR
TAXFREE
Allir sófar á
taxfree tilboði*
Reykjavík
Bíldshöfði 20
Akureyri
Dalsbraut 1
Ísafirði
Skeiði 1
SÓFAR
TAX
FREE
PETRI
2,5 og 3ja sæta,
meira á bls. 2 og 3
www.husgagnahollin.isS
ENDUM FR
ÍT
T
V
E F
V E R S L U N
* Taxfree tilboðið gildir a
f öllum sófum nema sérp
öntunum og jafngildir 19
,35% afslætti.
Að sjálfsögðu fær ríkissj
óður virðisaukaskatt af s
öluverði. Afslátturinn er
alfarið á kostnað Húsga
gnahallarinnar. * Taxfree tilboðið gildir af öllum sófum nema sérpöntunum og jafngildir
19,35% afslætti. Að sjálfsögðu fær ríkissjóður virðisaukaskatt af söluverði.
Afslátturinn er alfarið á kostnað Húsgagnahallarinnar.
Svana Rún veit fátt skemmtilegra en aðgera upp húsið sem hún keypti með eig-inmanni sínum, Ríkarði Svavari Axels-
syni, í desember á síðasta ári.
„Heimilið okkar er afslappað og mér finnst
mikilvægt að skapa notalega stemningu heima.
Ég er með sambland af gömlum hlutum og nýj-
um. Ég á marga hluti með sögu sem ég hef
fundið á nytjamörkuðum víðsvegar um heiminn
en ég bjó erlendis um tíma. Marga af þessum
hlutum hef ég gert upp, málað og gefið nýtt líf.
Heimilið einkennist af mjúkum brúntóna litum
ásamt svarta litnum sem einkennir innréttingar
og húsgögn. Mjúkir púðar, ljósar gardínur og
grænar plöntur gefa að mínu mati huggulega
stemningu en blóm og plöntur eru í miklu uppá-
haldi enda er ég alin upp í blómabúðinni hjá for-
eldrum mínum og systrum og fæ ekki nóg af fal-
legum blómum.“
Litirnir á heimilinu eru jarðlitir og svartur er
áberandi.
„Við skiptum út gömlu eldhúsinnréttingunni
þegar við keyptum húsið enda var sú gamla
komin á tíma. Við keyptum okkur Lerhyttan-
innréttinguna frá Ikea með svörtum framhluta,
en mig hefur alltaf dreymt um að eiga svart eld-
hús. Eldhúsið og stofan eru í sama rými og því
fannst mér tilvalið að mála gamla stofuskápinn
svartan í stíl við eldhúsið en á sama tíma fannst
okkur mikilvægt að velja ljóst á móti til að rým-
ið yrði ekki of dimmt. Við settum hvíttað parket
á gólfið og fengum okkur ljósa borðplötu með
marmaraáferð til að fá smá ljóst á móti því
dökka. Ég var smá efins með að mála allar
hurðirnar í húsinu svartar þar sem liturinn á
veggjunum var frekar dökkur á ganginum en
það kom vel út og við erum hæstánægð með
þær.“
Hefur gaman af litum líka
Svana Rún segist hafa farið fram og til baka
gagnvart skreytingum á heimilinu.
„Ég hef í gegnum árin hallast meira að svört-
um sem grunntón og finnst gaman að nota liti á
móti þegar ég innrétta og skreyti því það gefur
svo fallega dýpt. Ég sem dæmi málaði svefn-
herbergið í húsi sem ég átti svart og skreytti
það með bleiku á móti. Það er allt hægt og það
má allt þegar kemur að skreytingum heimilis-
ins. Ég hef fundið út að mér líður best í rými
sem umvefur mann, rými með hlýlega liti á
veggjum, dökk húsgögn og smá brúntóna og
gyllta liti á móti sem skapa hlýju í rýminu. Mér
finnst flauel og velúr fallegt og hef alltaf sagt að
textíll, svo sem púðar, teppi, gardínur og mott-
ur, geri hús að heimili. Að sjálfsögðu er það jú
einnig fólkið sem býr í húsinu sem gerir það að
heimili.“
Hvað ætti fólk að gera sem langar að einfalda
stílinn heima hjá sér?
„Ég mæli með að fólk prófi sig áfram og finni
sinn stíl; hvað því finnst fallegt. Það er hægt að
gera rými mjög falleg með einföldum og ódýr-
um lausnum og síðustu ár hef ég reynt að
minnka aðeins skrautmuni heima en það er
krefjandi því mér finnst alveg ótrúlega
skemmtilegt að raða og skreyta og hef gaman af
fallegum og öðruvísi hlutum. Mér finnst fallegt
þegar fólk innréttar heimili sín með litum sem
tóna við liti á veggjum en persónulegur stíll er
líka mikilvægur. Það er mikilvægt að líða vel
heima og vera ekki að bera sig saman við aðra.“
Hvaða húsgagn keyptir þú þér síðast?
„Ég keypti mér fallegt járnborð úr Svörtum
svönum.“
Svana Rún hefur gaman af því að raða heima
hjá sér.
„Annað sem mér finnst gaman að gera heima
er að skapa skemmtileg og öðruvísi rými en ég
er nýbúin að breyta geymslunni í spa-herbergi
með innrauðum sánaklefa. Ég er að reyna að
sannfæra manninn minn um að við þurfum
endilega að kaupa okkur garðhús svo ég geti
innréttað það á einhvern spennandi máta.“
Hún segir stofuna vera hjarta hússins.
Það er afskaplega notalegt að sitja með gest-
um í stofunni fyrir framan arineldinn en það er
stór arinn á milli stofu og eldhúss. Það er líka
gaman að bjóða vinkonum með mér í sána-
herbergið þannig að þar er líka mjög huggulegt
að sitja eftir gufubaðið og spjalla.“
Svefnherbergið uppáhalds-
staðurinn heima
Hver er uppáhaldsstaðurinn þinn heima?
„Ég ætla að segja svefnherbergið. Mér finnst
það herbergi mjög kósí og huggulegt en þar er
ég með arin líka sem ég kveiki oft á þegar fer að
dimma. Mér finnst fátt huggulegra en að
kveikja á ilmkerti og skríða upp í flauelsklætt
rúmið sem mér finnst svo fallegt en við keypt-
um það í Ikea þegar við fluttum inn í húsið. Ég
er líka rosalega ánægð með fataherbergið sem
er inn af svefnherberginu en við keyptum Pax-
fataskápa með glerhurðum og ljósi í Ikea sem
gefa notalega birtu inn í herbergið. Blóm á nátt-
borðinu finnst mér líka dásamleg.“
Svana Rún segir áhugavert að nota snjall-
forrit eins og Pinterest til að safna saman góð-
um hugmyndum.
„Ég mæli með að fólk prófi sig áfram og sé
óhrætt við að prófa að mála til dæmis með dökk-
um litum ef því finnst litirnir fallegir. Mér finnst
mjög gaman að koma inn á heimili þar sem fólk
er óhrætt við að fara eigin leiðir og blanda sam-
an gömlu og nýju. Veggfóður er til dæmis að
koma aftur í tísku, sem mér finnst dásamlegt,
en við veggfóðruðum einmitt einn vegg í nýju
búðinni, sem kemur mjög vel út. Mér finnst það
gera svo ótrúlega mikið fyrir rými. Einnig eru
komin góð efni til að mála flísar og slíkt og
þannig má breyta ýmsu fyrir lítinn pening. Ég
er oft spurð hvort þessi hlutur eða hinn sé nýr
en þá er ég kannski bara búin að breyta upp-
röðun og stað hlutanna, spreyja hann eða mála.
Það er allt hægt ef áhugi er fyrir hendi.“
„Með einfaldan og fallegan stíl“
Svana Rún Símonardóttir félagsráðgjafi er eigandi versl-
unarinnar Svartra svana á Akureyri. Hún hefur verið að
gera upp hús fjölskyldunnar frá því í desember í fyrra.
Elínrós Líndal elinros@mbl.is
Svana Rún veit fátt
skemmtilegra en að
gera heimilið fallegt.
Parketið tónar fallega
við borðplötuna.
Rýmið inni á heim-
ilinu er opið og bjart.