Morgunblaðið - Sunnudagur - 25.10.2020, Page 4

FRÉTTIR VIKUNNAR
4 MORGUNBLAÐIÐ SUNNUDAGUR 25.10. 2020
Dekton er mjög slitsterkt og rispuþolið borðplötuefni.
Dekton þolir mikinn hita. Það má setja heita potta og pönnur
beint á steininn án þess að eiga það á hættu að skemma hann.
Blettaþolið SýruþoliðHögg- og
rispuþolið
Viðarhöfða 1, 110 Reykjavík | Sími 566 7878 | rein.is
HÁTT
HITAÞOL
Vikan hófst í skugga kórónu-veirunnar, en vikuna á undanvar mikið greint af smitum og
11. maðurinn lést af hennar völdum.
26 lágu á sjúkrahúsi, veikir af veir-
unni, þar af fjórir í gjörgæslu. Alls
voru 2.214 í sóttkví á höfuðborgar-
svæðinu, sem er um 1% íbúa þar. Í
öðrum landshlutum reis bylgjan ekki
nándar nærri eins hátt.
Viðræður Breta og Evrópusambands-
ins (ESB) um fríverslunarsamning
við útgöngu hinna fyrrnefndu úr sam-
bandinu um næstu áramót virtust
vera að sigla í strand í lok liðinnar
viku. Guðlaugur Þór Þórðarson
utanríkisráðherra sagði það í engu
trufla fríverslunarviðræður Íslands,
Noregs og Liechtenstein við Breta.
Brýnt væri að tryggja greið viðskipti
milli landanna, enda Bretar næst-
mesta viðskiptaþjóð Íslendinga.
Greint var frá því að miklar bygging-
arframkvæmdir væru fyrirhugaðar á
reit Menntaskólans í Reykjavík, svo
miklar að leigja þyrfti húsnæði til 4-5
ára undir hluta starfseminnar. Hér er
um gamlar fyrirætlanir að ræða, sem
loks eru að komast í framkvæmd, en
ýmsir létu í ljós efasemdir um slíkt
rask á svo viðkvæmum reit, m.a. þar
sem teikningarnar af nýbyggingunni
þykja hafa elst bara svo og svo vel.
Hrina vopnaðra rána gekk yfir borg-
ina um helgina, sem hófst með ráni í
skyndbitastaðnum Chido í Vesturbæ.
18 ára maður lét síðan til skarar
skríða í verslun við Hlemm, en var
handsamaður af lögreglu og sleppt að
lokinni yfirheyrslu. Þá fór hann rak-
leiðis í Hlíðarnar og rændi Krambúð-
ina og síðan niður í bæ þar sem hann
rændi pylsuvagninn. Þar hafði lög-
reglan aftur hendur í hári hans, en að
þessu sinni linaði hinn langi armur
laganna takið ekki strax aftur.
Njáll Trausti Friðbertsson, þing-
maður Sjálfstæðisflokksins og flug-
umferðarstjóri, flutti þingsályktun-
artillögu um að framtíð Reykjavíkur-
flugvallar yrði ráðin í þjóðaratkvæða-
greiðslu. Það hefur hann gert fjórum
sinnum áður, en tillögurnar ávallt
brotlent í atkvæðagreiðslu.
Lögreglan á höfuðborgarsvæðinu
sagðist ekki skipta sér af veggjakroti
á vegum Stjórnarskrárfélagsins.
Ekki er ljóst hverjum verður sendur
reikningurinn fyrir þrifin, en Stjórn-
arskrárfélagið hefur boðist til þess að
borga efniskostnað við veggjakrot úr
digrum sjóðum sínum.
  
Starfsfólk Landspítalans kvartar
undan þrengslum sem geri það að
verkum að ekki sé unnt að halda
tveggja metra regluna innan sjúkra-
hússins og var kaffistofan sér-
staklega nefnd í því samhengi.
Líflegt var á Austfjarðamiðum þar
sem tugir skipa af ýmsum stærðum
og gerðum hafa verið að veiðum. Tog-
arar, línuskip og línubátar hafa verið
á þorskveiðum og talsvert af skipum
á uppsjávarveiðum.
Ný reglugerð heilbrigðisráðherra
vegna kórónuveirunnar tók gildi á
þriðjudag, en aðgerðir voru í megin-
atriðum hinar sömu og vikurnar tvær
á undan. Þó var líkamsræktar-
stöðvum leyft að efna til hóptíma með
ströngum takmörkunum.
Ríkið er að leita sér að verslunar-
húsnæði, þar sem leigusamningur
vínbúðarinnar í Borgartúni rennur
senn út. Ekki er þó útilokað að hann
verði endurnýjaður.
  
Katrín Oddsdóttir, fyrrv. stjórn-
lagaráðsmaður og formaður Stjórn-
arskrárfélagsins, afhenti nöfnu sinni
Jakobsdóttur forsætisráðherra
undirskriftalista með 43.423 nöfnum,
sem krefjast þess að stjórnarskrár-
drög stjórnlagaráðsins frá 2011 verði
lögfest sem stjórnarskrá við fyrstu
hentugleika.
Af því tilefni dundi skömmu síðar yfir
mesti jarðskjálfti í 17 ár, 5,6 stiga
skjálfti sem átti upptök sín á Reykja-
nesskaga. Hann fannst mjög vel um
allt Suðvesturland og allt vestur á
Ísafjörð. Talsvert grjóthrun varð ná-
lægt upptökum skjálftans en engan
sakaði af því, þótt litlu hafi mátt muna
hjá sumu útivistarfólki. Eitthvað var
um að vara félli úr hillum verslana og
munir á heimilum, en ekkert stór-
vægilegt tjón hlaust af. Mikið var um
eftirskjálfta en mun vægari. Jarð-
skjálftinn var rakinn til kvikuinn-
skots undir Krýsuvík.
Ríkisútvarpið sagði þá frétt af
skjálftanum að margir hefðu orðið
hans varir, en ekki hefði tekist að
hringja í Veðurstofuna, svo ekki væri
meira af honum að frétta.
Skjálftinn vakti ekki síst athygli fyrir
viðbrögð ráðamanna í beinni útsend-
ingu. Katrín Jakobsdóttir var þannig
í viðtali í beinni útsendingu við Wash-
ington Post þegar skjálftinn reið yfir
og var nokkuð brugðið en lauk svo
viðtalinu með bros á vör. Það varð
auðvitað enn útbreiddara á netinu
fyrir vikið.
Innanlands vakti píratinn Helgi
Hrafn Gunnarsson þó meiri athygli,
en hann var í pontu Alþingis þegar
fór að skjálfa. Setti hann nýtt Ís-
landsmet í spretthlaupi innanhúss úr
ræðustóli. Steingrímur J. Sigfússon,
forseti Alþingis, sat hins vegar sem
fastast og fékk fullt hús stiga fyrir
kúlheit.
Hafrannsóknastofnun óskaði eftir
því að fá 120 milljónum króna meira
úr ríkissjóði til þess að leita að loðnu.
Gunnar Jóhann Gunnarsson hlaut
13 ára dóm fyrir að hafa ráðið hálf-
bróður sínum bana í Mehamn í Aust-
ur-Finnmörku í Noregi. Dómurinn
féllst ekki á að um slysaskot hefði
verið að ræða í átökum bræðranna.
Markaðsstofa Norðurlands vill láta
gera sérstakar sóttvarnaráðstafanir á
Akureyrarflugvelli, svo beint utan-
landsflug þangað geti hafist í febrúar.
Að sögn hefur hollenskt flugfélag
sýnt því áhuga.
  
Íslensk fjarskiptafyrirtæki hafa
áhyggjur af ákvörðun sænskra
stjórnvalda um að banna kínversku
fyrirtækjunum Huawei og ZTE að
koma að uppbyggingu 5G kerfisins
þar í landi. Bæði Nova og Vodafone
hafa áform um að nota búnað frá
þeim, en æ fleiri vestræn ríki hafa
ákveðið að setja þeim stólinn fyrir
dyrnar, að sögn vegna áhyggna af ör-
yggi kerfanna.
Reikningsskilanefnd sveitarfélaga
skilaði því áliti sínu að reikningsskil
Reykjavíkurborgar og Félagsbú-
staða þyrfti að samræma í sam-
stæðureikningi borgarinnar líkt og
mælt væri fyrir um í lögum. Borgar-
stjóra fannst engin gagnrýni felast í
því en minnihlutinn í borginni talaði
um blekkingar og sjálfsblekkingar
borgarstjóra.
Mikil ásókn reyndist vera í flensu-
sprautur og óvíst að bóluefnið muni
duga. Talið er að áhyggjur af kórónu-
veirunni og aukin heilbrigðisvitund
hafi ýtt undir bólusetningar almenn-
ings.
  
Landsvirkjun og hafnaryfirvöld í
Rotterdam í Hollandi hafa gert með
sér viljayfirlýsingu um svokallaða
forskoðun á útflutningi „græns“
vetnis frá Íslandi til Rotterdam. Það
yrði framleitt með íslenskri raforku
hér á landi og telur Hörður Arnarson,
forstjóri Landsvirkjunar, að eftir-
spurn eftir því aukist mjög á komandi
árum.
Tveggja ára gömul ljósmynd af lög-
regluþjóni vakti mikla athygli í vik-
unni, en á innri klæðum bar hann ým-
is merki, sem ekki eru hluti af
einkennistáknum lögreglu. Þar á
meðal var fáni, ekki ósvipaður þeim
íslenska, sem notaður er af kynþátta-
öfgamönnum, afbrigði íslenska fán-
ans með blárri línu, líkt og lögreglulið
víða um heim hefur tileinkað sér og
höfuðkúpa vígamannsins Punisher
úr teiknimyndaveröld Marvel, sem
lögregluþjónar virðast hafa sérstakt
dálæti á. Ekki síst vöktu hörð við-
brögð Pírata nokkra athygli, en þeir
hafa sem kunnugt er einnig skrýtt sig
með hauskúpum.
Áslaug Arna Sigurbjörnsdóttir
dómsmálaráðherra lét málið til sín
taka og hyggst ganga úr skugga um
að lögregluþjónar beri ekki önnur
einkennistákn er mælt er fyrir um.
Haturstákn eða ávæningur um slíkt
verði ekki liðinn.
Fjármálasvið Reykjavíkurborgar tel-
ur að nauðsynlegur stuðningur ríkis-
ins við sveitarstjórnarstigið á Ís-
landi vegna kórónuveirufaraldursins
sé að minnsta kosti 50 milljarðar
króna á yfirstandandi ári og á næsta
ári. Þar af þurfi borgin helminginn.
Tölfræði um smit benti til þess að
þessi bylgja kórónuveirunnar kynni
senn að vera í rénun. Ekki voru það
þó minni gleðitíðindi að hlutfall lát-
inna af mannfjölda á árinu var veru-
lega lægra en meðaltalið undanfarin
50 ár.
Skulfu lönd og
brustu bönd
Til allrar hamingju varð ekki tilfinnanlegt tjón í snörpum jarðskjálfta á þriðjudag. En það skalf víðar í þjóðlífinu þessa vikuna.
Ljósmynd/Óskar Sævarsson
18.10.-23.10.
Andrés Magnússon
andres@mbl.is