Morgunblaðið - Sunnudagur - 08.11.2020, Qupperneq 2

Hvernig virkar þetta bingó hjá K100?
Þessu er streymt í gegnum mbl.is. Fólk fer inn á mbl.is/
bingo og þar getur það náð sér í spjöld en ná má í að há-
marki þrjú spjöld. Þetta er mega auðvelt. Við mælum með
að fólk varpi þessi upp á skjá og noti svo símann til að spila.
Það geta allir spilað bingó og þetta er frábær fjölskyldu-
skemmtun.
Er hægt að svindla?
Nei, það er mjög erfitt að svindla í bingói. Svo er Siggi líka
grjótharður bingóstjóri og það kemst enginn upp með neitt múð-
ur hjá honum. Á bak við hann er svo heilt teymi af fólki sem
fylgist með tæknimálum.
Hvað ert þú að gera þarna?
Ég fékk það góða hlutverk að hoppa og skoppa með vinningana,
sýna þá. Það er mikið hlegið í þessum tökum og misgáfulegt það
sem kemur upp úr mér. Eru flottir vinningar?
Það eru geggjaðir vinningar! Kalt mat. Þetta er metnaðarfullur
dagskrárliður og flottir samstarfsaðilar sem gefa fallega vinn-
inga. Það vill enginn hætta að spila því stærsti vinningurinn er í
lokin.
Er þátttakan góð?
Já, það hafa mörg þúsund manns um allt land spilað með. Síðast
voru um 84 þúsund! Svo margir að kerfið þoldi illa álagið, en því
verður kippt í liðinn fyrir næsta bingókvöld. Bingógleði landsins
var bara svo mikil!
Hvað ertu annars að brasa?
Ég er að stýra bingói! Bingóæði fer eins og stormsveipur um
allt land. Ég er ekki að grínast; síminn sprakk og ég er bókuð í
bingó út um allt.
Morgunblaðið/Eggert
EVA RUZA
SITUR FYRIR SVÖRUM
Bingóæði
þjóðarinnar
Í FÓKUS
2 MORGUNBLAÐIÐ SUNNUDAGUR 8.11. 2020
Það er svo merkilegt að sömu atburðir geta ítrekað orðið á vegi manns íþessu lífi. Eins og flestir Íslendingar hafði ég heyrt um sjóslysiðhörmulega þegar síldarbáturinn Stuðlaberg NS 102 fórst með ellefu
manna áhöfn út af Stafnesi í ofsaveðri í febrúar 1962. Hafði þó enga sérstaka
tengingu við þann skaða og kynnti mér hann ekki sérstaklega fyrr en ég tók
viðtal við Ragnheiði Guðmundsdóttur, ekkju skipstjórans, Jóns Hildibergs
Jörundssonar, hér í blaðið í ársbyrjun 2017. Eftir að hafa hlýtt á frásögn
hennar fór ég að fletta gömlum blöðum og tengja nöfn og andlit við slysið.
Sjóskaðar vekja alltaf mikla athygli
og hluttekningu hjá þjóð sem hefur
að sönnu goldið hafinu sinn toll
gegnum aldirnar enda þótt slíkum
slysum fari til allrar hamingju fækk-
andi í seinni tíð. Jón Hildiberg dó frá
Ragnheiði og fjórum börnum þeirra
en bróðir hans, Kristján, fórst einnig
með bátnum. „Þetta var mikið reið-
arslag og ég gjörsamlega trylltist.
Svo ég segi það bara beint út. Síðan
dofnaði ég upp og var eins og liðið
lík,“ sagði Ragnheiður í viðtalinu.
Síðar sama ár skrifaði ég heila bók
um mann, Gunnar Birgisson, fyrr-
verandi bæjarstjóra í Kópavogi og
Fjallabyggð, sem missti föður sinn, Birgi Guðmundsson matsvein, í þessu
sama slysi. Birgir, eða Biggi nælon, eins og hann var kallaður, dó frá átta
börnum og einu ófæddu að auki. „Yngsti bróðir minn var í móðurkviði þegar
pabbi dó og hlaut nafn hans. Hann fæddist með tennur sem rakið var til þess
hversu mikið áfall þetta var fyrir móður hans á meðgöngunni,“ segir Gunnar.
Enn verður Stuðlabergið á vegi mínum en í tölublaðinu sem þú ert með í
höndunum ræði ég við Guðnýju Laxfoss, sem lengi hefur búið í Bandaríkj-
unum, en hún missti bróður sinn, Gunnar Valsberg Laxfoss háseta, í slysinu,
aðeins sautján ára að aldri. Móðir Guðnýjar hafði látist nokkrum mánuðum
áður og þar sem faðirinn var ekki inni í myndinni bar Gunnar ábyrgð á heim-
ilinu, henni og yngri bróður þeirra. Enginn þessara manna fannst og hvíla
þeir því allir í votri gröf. Aðeins eitt lík rak á fjörur við Fuglavík, af Birni
Þorfinnssyni stýrimanni, sem var frækinn sundmaður.
Guðný Laxfoss er um margt merkileg kona, meðal annars fyrir þær sakir
að hún er einn af fáum Íslendingum, ef ekki sá eini, sem kynntust rokkkóng-
inum Elvis Presley persónulega. Synti í sundlauginni í Graceland og fór með
Elvis í bíó árið 1963 en um þær mundir var hann að slá sér upp með mágkonu
hennar, Jeanette Emmons. Þetta og fleira rifjar Guðný upp í viðtalinu.
Stuðlabergið
og Elvis
Pistill
Orri Páll
Ormarsson
orri@mbl.is
’ Þetta var mikið reið-arslag og ég gjörsam-lega trylltist. Svo ég segiþað bara beint út. Síðan
dofnaði ég upp og var
eins og liðið lík.
Kristrún Heiða Jónsdóttir
Nei, ég stend í flutningum en um
leið og ég er flutt ætla ég að byrja
að skreyta.
SPURNING
DAGSINS
Ertu byrj-
uð/aður að
skreyta
fyrir jólin?
Guðni Sumarliðason
Nei, það er allt of snemmt.
Sigurbjörg Magnúsdóttir
Heldur betur ekki. Ég hef ekki
komið mér í það.
Jón Oddsson
Nei, ekki byrjaður. Mun byrja í
desember.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Eva Ruza er skemmtikraftur. Hún kynnir vinninga á bingókvöldum
K100 sem eru á fimmtudögum klukkan 19.00 í gegnum mbl.is/
bingo. Einnig stýrir hún fjarskemmtunum af öllu tagi um allt land.
Lækjargata 34a / 220 Hafnarfjörður
Við erum hér til að aðstoða þig! --
• Sérsmíðaðir skór
• Skóbreytingar
• Göngugreiningar
• Innleggjasmíði
• Skóviðgerðir
Erum með samning við
sjúkratryggingar Íslands
Tímapantanir í síma 533 1314
Nú finnur þú
það sem þú
leitar að á
FINNA.is