Lögmannablaðið - 2018, Blaðsíða 36

36 LÖGMANNABLAÐIÐ TBL 04/18
Í mars 2018 komu starfssystur Félags kvenna í lögmennsku
(FKL) frá New York í heimsókn til Íslands. Blásið var til
málþings undir yfirskriftinni „Jafnréttisparadísin Ísland“
og var sú fyrirsögn ekki síst valin vegna þeirra fyrirfram
gefnu hugmynda sem gestir okkar höfðu um stöðu
jafnréttismála hér á landi. Stjórnarkonur fylgdu svo
gestunum í nokkra daga og voru ráðuneyti og Alþingi
sótt heim auk Reykjavíkurborgar og Lögreglustjórans á
höfuðborgarsvæðinu. Gestir okkar voru mjög ánægðir
með móttökurnar og mynduðust góð tengsl okkar á milli.

Í lok maí var svo komið að því að endurgjalda heimsóknina
og fóru félagskonur FKL í heimsókn til systurfélags
okkar í New York­borg og New York­fylki. Þátttakendur í
ferðinni voru auk undirritaðrar, Þorbjörg Inga Jónsdóttir
hæstaréttarlögmaður og Elín G. Einarsdóttir, lögfræðingur
á Mannréttindaskrifstofu Íslands.
Sátu með dómara á „bekknum“
Við fengum frábærar móttökur og byrjuðum á því að
heimsækja saksóknaraembættið í Bronx. Það var mikil
upplifun þar sem við fórum með saksóknurum hjá
embættinu í „arraignment court“ og fylgdumst með
þegar sakborningar komu fyrir dómara eftir að hafa verið
handteknir.
SYSTRAFÉLAG KVENNA
Í LÖGMENNSKU SÓTT HEIM
Í Bronx. FKL vann kokteilkeppnina með
glæsibrag.