Tölvumál - 01.01.2018, Page 45

45
Félagið vinnur náið með ráðuneytum og fyrirtækjum landsins og er Ský
með fulltrúa í stjórn Persónuverndar skv. lögum en auk þess eru
félagsmenn oft kallaðir til verkefna svo sem vinnuhóp um landsumgjörð
og fleira í þeim dúr. Það er mikilvægt að halda fagmennsku félagsins
áfram enda er Ský óháð „non-profit“ félag stofnað árið 1968 og hefur
síðan þá verið í forsvari og fararbroddi sem málsvari allra þeirra sem
vinna að eða hafa áhuga á tölvumálum. Langar mig að þakka sérstaklega
þeim sem taka þátt fyrir hönd félagsins í verkefnunum því oftar en ekki
er um ólaunað starf að ræða.
Að lokum er vert að nefna að stjórnir faghópa, orðanefnd og ritnefnd
vinna ötull starf sem heldur félaginu gangandi og mikill hugur í fólki. Allt
starf Ský er unnið undir dyggri stjórn félagsins en þar er úrvalslið sem er
mjög vel tengt í tölvugeirann og stútfullt af skemmtilegum hugmyndum
um félagsstarfið.
Stjórn Ský 2018-2019
Hér sjáið þið mynd af þeim sem skipa stjórn Ský 2018-2019
Ég hvet ykkur til að vera í sambandi ef eitthvað er og einnig að tengjast
Ský á Facebook, LinkedIn og Twitter í gegnum forsíðu sky.is og taka
þátt í umræðum þar. Sjáumst á viðburðum í vetur!
Arnheiður Guðmundsdóttir, framkvæmdarstjóri Ský
GAMLAR
MYNDIR