Málfríður - 15.11.1990, Blaðsíða 31
Frá félagi
frönskukennara
2. október.
Félag frönskukennara hefur nú
fengið aðgang að Námsgagnastofnun
og hefur þegar verið komið þar fyrir
um 200 bókum í eign félagsins. Þessi
bókaeign er að mestum hluta fyrrver-
andi sýniseintök sem Bókaverslun Sig-
fúsar Eymundssonar var svo vinsam-
leg að eftirláta okkur. Ráðgert er að
bæta gagnabanka og tímaritum við
þetta safn ásamt öðrum bókum. Mál-
fræðimyndböndin okkar hafa skipt
um stað og eru nú hjá Myndbanda-
vinnslunni, Suðurlandsbraut 6 (sími:
688235) og geta kennarar pantað þar
bönd núna samkvæmt póstkröfu fyrir
sína skóla.
I janúar síðastliðnum var haldinn
deildarstjórafundur og var umræðu-
efnið nýjar aðferðir og nýtt kennslu-
efni. í tengslum við þennan fund var
haldið stutt kennaranámskeið. Það
var haldið í samvinnu við Háskóla Is-
lands og á því kenndu háskólakennar-
ar frá Montpellier, sem einnig voru
með kennslu fyrir frönskudeild H.í.
Góð aðsókn var bæði að deildarstjóra-
fundinum og námskeiðinu.
Félagið hefur lengi haft áhuga á
gerð nýrrar fransk-íslenskrar, ís-
lensk-franskrar orðabókar og skipaði
fyrir einu og hálfu ári nefnd til að
vinna að því máli. Nú er loksins kom-
inn skriður á málið, ekki síst eftir
heimsókn Jacques Lang, menningar-
máiaráðherra Frakka, hingað til lands
í ágúst síðastliðnum og mun vinna
við orðabókina að öllum líkindum
hefjast um næstu áramót.
Þrír kennarar sóttu um kennara-
styrki til námskeiða í Frakklandi í ár,
en í ljós kom að styrkir frá franska ut-
anríkisráðuneytinu féllu niður þetta
ár. Stjórn félagsins bauð því þessum
þrem umsækjendum nokkurn fjár-
styrk frá félaginu, ef þeir vildu fara eigi
að síður og þáði einn umsækjenda
styrkinn.
Dagana 18.—22. september var svo
enn haldið námskeið á vegum félags-
ins og voru kennarar frá FLE (Fran^ais
langue étrangére) við Háskólann í
Montpellier. Aðalfyrirlesari var Mme
Michélle Verdelhan en hún er m.a.
aðalhöfundur nýrra kennslubóka sem
heita „Sans frontiéres" og vi'ða eru
kenndar.
Þetta námskeið var að mestum hluta
fræðilegt, enda hugsað sem hið fyrsta
í röð fjögurra námskeiða. Aðsókn að
námskeiðinu var ágæt eða 29 manns,
sem verður að teljast gott þegar þess
er gætt að félagsmenn eru aðeins 37
alls.
Guðný Sigurðardóttir
formaður
☆
STJÓRNARSKIPTI í FÉLAGI
ENSKUKENNARA
Á aðalfundi FEKÍ í maí síðastliðnum
var kjörin ný stjórn. Nýja stjórnin er
skipuð sem hér segir: Halla Thorlacius
formaður, Kristín Guðmundsdóttir vara-
formaður, Þórunn Snorradóttir ritari,
Helga Jensdóttir gjaldkeri og Julian
Meldon D’Arcy meðstjórnandi. Úr stjórn
gengu Guðrún Jónsdóttir og Kolbrún
Valdemarsdóttir.
Nýkjörinn formaður lauk prófi frá KHÍ
árið 1984. Sama ár hóf hún kennslu við
Garðaskóla í Garðabæ. Halla hefur sótt
ýmis námskeið bæði heima og erlend-
is. Hún hefur verið í stjórn FEKÍ síð-
astliðin tvö ár.
31