Bæjarins besta - 19.12.1991, Blaðsíða 11

BÆJARINS BESIA • Fimmtudagur 19. desember 1991
11
en að göngin eru komin í
gagnið og Jóhanna er eflaust
að pressa á þessi mál núna
vegna þess hversu erfitt er í
atvinnumálum þessa svæðis.
Þetta hefur mikla þýðingu
fyrir sveitarfélag eins og
Suðureyri. Það er erfitt fyrir
okkur að halda uppi allri
þeirri lögbundnu þjónustu
sem lög gera ráð fyrir í
svona fámenni. Því á ég
von á að ef af sameining-
unni verður, verði dæmið
miklu léttara fjárhagslega“.
Er hver er óskatímasetn-
ing Snorra á sameining-
unni?
„Ég vona bara að, af
þessu geti orðið sem fyrst.
Ég geri mér alveg grein fyrir
því að þessi mál hljóta að
taka töluverðan tíma því að
þetta verður ekki gert fyrr
en að búið sé að ræða málin
mjög vel heima í héraði og
kynna það, þannig að það
verði fólkið sjálft sem taki
ákvörðun í sátt, þannig að
ég held að eitt ár sé kannski
stuttur tími“ sagði Snorri
Sturluson, sveitarstjóri á
Suðureyri.
Hugmyndir
Jóhönnu ekki
tímabærar
„Ég held að það sé ekkert
sniðugt að ætla rjúka til og
klára þessi mál á einu ári.
Þessi mál verða að fá að
þróast af sjálfsdáðun. Mér
líst illa á hvernig þetta er
sett fram. Hér er verið að
segja fólkinu að þið eigið að
sameinast í eitt sveitarfélag“
sagði Sigríður Hrönn Elías-
dóttir, sveitarstjóri í Súða-
vík.
• Sigríður Hrönn Elías-
dóttir, sveitarstjóri í Súða-
vík.
Sigríður Hrönn sagði að
hennar ósk væri sú að sam-
starf á milli sveitarfélaganna
myndi aukast til muna mið-
að við hvað væri í dag og að
þróunin yrði þannig að hér-
aðsnefndin yrði yfirstjórn
sveitarfélaganna. Hug-
myndir Jóhönnu væru því
ekki tímabærar.
„Það hefur ekkert verið
rætt hvaða aukin verkefni
eigi að færa til þessa nýja
sveitarfélags, það hefur
heldur ekki verið rætt um
auknar tekjur til að mæta
auknum verkefnum. Fyrst
vil ég því sjá hvað er verið
að tala um, ekki að sameina
og heyra svo: Nú eru þið
orðin 5 eða 6000 og nú getið
þið gert þetta og fengið hitt
og þetta. Þetta verður allt
að fá að þróast með eðlileg-
um hætti með aukinni sam-
vinnu, þannig að grundvöll-
ur myndist til að sameina
sveitarfélögin og slík þróun
tekur meira en eitt ár“ sagði
Sigríður Hrönn.
—sjá næstusíðu...
• ísafjörður.
• Súðavík.
• Flateyri.
• Suðureyri.
• Þingeyri.
Sjómannafélag ísfirðinga
óskar sjómönnum og landsmönnum öllum
gleðilegra jóla, árs og friðar.
Aðalfundur
Aðalfundur félagsins verður haldinn fimmtu-
daginn 26. desember (annan dag jóla) og hefst kl.
14.00.
Fundarstaður: Pólgata 2.
Dagskrá samkv. 28. grein laga félagsins.
Stjórnin.