Rauði borðinn : fréttabréf alnæmissamtakanna á Íslandi - 01.11.2013, Blaðsíða 7
7
RA
U
Ð
I B
O
R
Ð
IN
N
að það verði fæst greind hiv-tilfelli hér á landi allt frá
upphafi mælinga árið 1983.
Fordómagrýlan hefur verið lífseig og má með sanni
segja að hún hafi haft mótandi áhrif á líf hiv-jákvæðra,
en það er nokkuð mismunandi hvernig einstaklingar
hafa tekist á við aðstæður sínar í því samhengi. Bar-
áttan gegn fordómum er eitt af meginverkefnum félags-
ins. Alla tíð hefur félagið reynt eftir megni að styðja og
styrkja félaga sína sem eru smitaðir til að þeir geti lifað
lífi sínu með reisn. Stuðningurinn felst ekki síst í því
að styrkja sjálfsvitund þeirra einstaklinga sem hafa hiv
í farteskinu. Í aldarfjórðung hefur skipulagt hópastarf
verið unnið á vegum félagsins. Einstaklingsviðtöl eru
í boði bæði hjá félagsráðgjafa og framkvæmdastjóra.
Reglulega eru haldin málþing og námskeið um heilsu
og velferð hiv-jákvæðra. Margir koma við í félagsmið-
stöðinni á Hverfisgötunni og hitta aðra í svipuðum
aðstæðum. Margt er gert til að þjappa hópnum saman.
Haldin eru þorrablót, farið er á veitingastaði, alþjóðlegi
alnæmisdagurinn er haldinn hátíðlegur 1. desember og
minningarguðsþjónusta er haldin árlega um þá sem lát-
ist hafa af völdum alnæmis. Samvinna við systurfélög á
Norðurlöndum hefur verið mikilvægur þáttur í að miðla
nýjungum til félagsmanna. Í þessu felst m.a. útgáfa
fræðsluefnis og að samhæfa vinnu við baráttumál, sem
eru nokkuð lík milli landa.
Samvinna og áhugi félagsmanna hefur verið grundvöllur
þess að félaginu hefur tekist undanfarin 14 ár að halda
úti víðtæku fræðslustarfi um hiv og alnæmi í öllum 9.
og 10. bekkjum í grunnskólum landsins. Verkefnið er
brýnt og þarf stöðugt að vinna að því. Markmið fræðsl-
unnar er annars vegar að unglingar sýni sjálfum sér og
öðrum fulla virðingu, bæði í kynlífsathöfnum sem og
öðrum athöfnum. Hitt meginmarkmiðið er að vinna
gegn fordómum, fordómum gegn ákveðnum sjúkdóm-
um, fordómum sem byggjast á fáfræði. Fræðslu og
upplýsingaskyldu félagsins hefur verið sinnt í formi
viðtala við fjölda fólks. Margir námsmenn leita til
félagsins, skipulögð fræðsla hefur verið í fangelsum og
meðferðarstofnunum landsins og auk þess í háskólum
og á öðrum stofnunum og vinnustöðum. Forvarnir á
vegum félagsins fela jafnframt í sér að dreifa smokkum
til einstaklinga og hópa. Verkefnið hefur notið velvild-
ar og fjárstuðnings frá Landlæknisembættinu og Mac
snyrtivörufyrirtækinu og ekki veitir af þar sem félagið
er ekki fjársterkt.
Á 25 ára tímamótum er staldrað við og horft um öxl.
Harmleikurinn sem var við það að buga okkur um tíma
hefur að hluta til snúist til sigurs – sigurs sem er ekk-
ert nema kraftaverk. Hiv Ísland hefur mörgu góðu fólki
að þakka, við vorum svo sannarlega ekki ein á þess-
ari vegferð. Við erum líka heppin að hafa notið góðrar
þjónustu fagfólks smitsjúkdómadeildar, þar sem velvilji,
fagmennska og virðing hafa verið höfð að leiðarljósi.
Það væri nú frábær endir á tilþrifamikilli sögu hiv og
alnæmis á Íslandi og verðugt markmið í sjálfu sér að
málefnið hiv kæmust það vel í höfn að hægt væri að
leggja Hiv Ísland niður!
Vegna 25 ára afmælishátíðar kemur Rauði borðinn mán-
uði fyrr út í ár. Alþjóðlega alnæmisdagsins 1. desember
í ár verður minnst í 26. skipti um allan heim. Í tilefni
dagsins verður opið hús í félagsheimilinu Hverfisgötu
69, milli kl. 15:00 og 18:00. Rauði borðinn er merki
félagsins og tákn um stuðning við hiv-jákvæða. Hann
táknar jafnframt kröfu um fordómalausa umræðu um
hiv. Merkið er til sölu og kostar kr. 1000.
25 ára afmælishátíð Hiv Ísland verður haldin laugardag-
inn 2. nóvember í Ráðhúsi Reykjavíkur og hefst kl.
14:00.
Kæru vinir og velunnarar, verið hjartanlega velkomin.
Einar Þór Jónsson
framkvæmdastjóri
Fjölmiðlaumfjöllun þessa
tíma ber þess merki hversu
alvarlegir fordómar og mis-
munun skapaðist á þessum
tíma gegn hiv-jákvæðu fólki.
Bergþóra Karlsdóttir hjúkrunarfræðingur, Einar Þór Jónsson
framkvæmdastjóri Hiv Ísland og Sigurlaug Hauksdóttir
félagsráðgjafi hjá Hiv Íslandi á góðri stundu.