Víðförli - 01.10.2001, Side 3

OKTÓBER 2001
VÍÐFÖRLI
3
Kirkjuþing í október 2001
ungis sitja ein kona? Er þetta til marks um að konur taki
lítinn þátt í starfi kirkjunnar eða hvað? A landsþingum
Rotary og aðalfundum trésmíðafélagsins eru til dæmis ekki
margar konur enda eru konur ekki fjölmennar í stétt tré-
smiða og margir Rotary-klúbbar taka ekki konur inn í sínar
raðir. Er kirkjan okkar ef til vill karlaklúbbur?
Allir þeir sem koma eitthvað að starfi kirkjunnar, hvort
sem það er hefðbundið guðsþjónustuhald eða einhver þátt-
ur í safnaðarstarfinu, vita að starf kirkjunnar er víða borið
uppi af konum. Konur taka virkan þátt í kirkju- og safnað-
arstarfi. Iðulega eru þær fjölmennari en karlarnir þegar litið
er til hins fjölbreytta starfs sem fram fer í söfnuðum lands-
ins. Þegar kemur hins vegar að yfirstjórn kirkjunnar,
kirkjuþingi og skyldum stofnunum, þá er eins og hinn fríði
flokkur kvenna sem prýðir kirkjur landsins sé horfinn.
Hverju sætir þetta?
En það er fleira sem athygli vekur þegar farið er að
skoða hverjir sitja á kirkjuþingi. Til dæmis er enginn undir
fertugu. Allir fulltrúarnir eru á miðjum aldri og vel þar yfir.
Ungt fólk á þar enga sérstaka fulltrúa eða málsvara, sem
þýðir það að skoðanir ungu kynslóðarinnar og hennar
reynsla koma ekki fram á fundum kirkjuþings og nýtist því
ekki við ákvarðanatöku og stefnumörkum, sem oftar en
ekki mun hafa áhrif á hvernig kirkja framtíðarinnar verður.
Samsetning kirkjuþings er til vitnis um það að þjóðkirkjan
hlustar ekki nema í takmörkuðu mæli á rödd unga fólksins.
Þá má líka setja spurningarmerki við hversu lýðræðis-
legt kjörið til kirkjuþings sé í raun. Vissir þú að enginn org-
anisti, kirkjuvörður, æskulýðsfulltrúi eða djákni er kjör-
gengur til kirkjuþings né heldur hefur nokkur úr þeirra
hópi kosningarétt. ]á, meira að segja djáknarnir, sem eru
vígðir til starfa innan kirkjunnar af biskupi og með mennt-
un úr guðfræðideild Háskóla íslands, hafa hvorki kjörgengi
né kosningarétt til kirkjuþings. Og reyndu ekki að afsaka
þetta með því að segja að stétt djákna sé svo nýkomin til
starfa í kirkjunni! Þjóðkirkjulögin, sem kirkjuþing starfar
eftir, eru ekki nema fjögurra ára gömul. Þetta eru til þess að
gera alveg ný lög.
Hvað segir þetta okkur um þjóðkirkjuna okkar annað en
það að hún sé gamaldags stofnun þar sem embættismenn
og fámennisstjórn ræður ríkjum. Hvenær mun kirkja 21.
aldarinnar líta dagsins ljós, kirkja sem álítur sig þurfa á
reynslu kvenna, foreldra og ungs fólks að halda? Hvar er
kirkjan sem tekur skírnina gilda sem vígslu inn í söfnuð-
inn? Hvar er kirkjan sem bauð fólkið velkomið til samtals á
Þingvöllum 1. júlí 2000 og svo aftur á Skólavörðuhæð nú í
sumar? Hvar er kirkjan sem segir við fólkið: „Komið til
mín.“ „Farið og gjörið allar þjóðir að lærisveinum.11 Eða
skyldi ef til vill íslenska þjóðkirkjan vera stofnun fyrir ævi-
ráðna embættismenn sem uppi eru á skökkum tíma?
Það er einlæg von undirritaðs að nýir tímar eigi eftir að
færa kirkjunni okkar vakningu til trúar og aukins lýðræðis.
Ef kirkjan á að vera áfram fjöldahreyfing þá verður að eiga
sér stað lýðræðisvakning innan hennar á næstu árum - og
það á öllum sviðum. Krafan um aðskilnað ríkis og kirkju
kann einmitt að vera ákall þjóðarinnar um að embættis-
mannakirkja, fjötruð á klafa 18. aldar hugsunar, víki fyrir
lifandi kirkju fólksins.
Með baráttukveðjum frá Isafirði.
Magnús Erlingsson
Námskeið á vegum Leikmannaskóla þjóðkirkjunnar
Hinar mörgu ásjónir Maríu Guðsmóður
Það er óhætt að segja að María Guðsmóðir sé sú kona sem
mest áhrif hefur haft í vestrænni sögu. Leikmannaskóli
þjóðkirkjunnar býður nú upp á námskeið um hvernig
María birtist okkur í Biblíunni, sögunni, listinni og lífinu.
Fjórir sérfræðingar á sviði guðfræði, tónlistar og myndlistar
ætla að fjalla um Maríu á fjögurra kvölda námskeiði í Há-
skóla íslands sem hefst þann 16. október nk. Dr. Arnfríður
Guðmundsdóttir mun fjalla um Maríu, hvernig henni er
lýst í guðspjöllum Nýja testamentisins og hvernig saga
hennar hefur verið túlkuð í kristinni hefð. Prófessor Einar
Sigurbjörnsson fjallar um Maríu eins og hún birtist í kenn-
ingu kirkjunnar og sem ágreiningsatriði milli kirkjudeilda.
Þóra Kristjánsdóttir, sérfræðingur á Þjóðminjasafni íslands,
tekur fyrir Maríu í íslenskri myndlist. Að síðustu mun Mar-
grét Bóasdóttir söngkona leiða okkur inn í heim tónlistar-
innar með hlustun og umræðum um tónlist með textum
um Maríu Guðsmóður.
Skráning á námskeiðið fer fram í síma 535-1500 eða á
vef Leikmannaskólans, www.kirkjurad.is/leikmannaskóli.
Innlit í heim islam
Aðstæður í veröldinni þessa dagana minna okkur á hversu
fjölbreyttur og oft óskiljanlegur heimurinn er okkur í
raun. I aðstæðum sem þessum er gott að muna eftir að
skilningur og þekking eyða fordómum og ekki síst innan
trúarbragða heimsins. Leikmannaskóli þjóðkirkjunnar
býður upp á námskeið í H.I. mánudagana 15. október og
22. október nk. kl. 18.00-20.30 sem heitir Islam í sögu og
samtíð. Þar ætlar sr. Þórhallur Heimisson að leiða okkur
inn í veröld islam og kynna fyrir okkur upphaf, sögu, út-
breiðslu og þjóðfélagsáhrif frá dögum Múhameðs spá-
manns til dagsins í dag. Spurt verður um eðli kóransins,
stöðu karla og kvenna, trú og stjórnmál og mörg þau atriði
sem eru í fréttum þessa dagana. Einnig mun hann fjalla
um hina ýmsu flokka múslima, s.s. sunníta, shíta, waha-
bíta og þá sem nú á dögum eru kallaðir bókstafstrúarmenn
eða öfgamenn.
Skráning á námskeiðið um islam fer fram á vef Leik-
mannaskólans, www.kirkjurad.is/leikmannaskoli, og í síma
535-1500.