Rauði borðinn : fréttabréf alnæmissamtakanna á Íslandi - 01.12.1995, Side 19

stungumeðferð, nuddi, vítamínum eða
grasalyfjum svo eitthvað sé nefnt. Samt
hefur ótrúlegur fjöldi fólks valið þessar
leiðir. Þama töluðu tveir karlmenn sem
höfðu reynt „altematívar“ leiðir og í
rauninni tekist að styrkja ónæmiskerfið
til mikilla muna. Nú liggja líka fyrir
vitnisburðir fáeinna lækna um að annars
konar lækningaleiðir en þær opinberu
eigi fullan rétt á sér. Það hlýtur þess
vegna að vera baráttumál okkar að njóta
fjárstuðnings til að velja það sem við
teljum að geri okkur gott í þessum efnum
samhliða þeirri hjálp sem læknar og
sjúkrastofnanir geta veitt.“
Þarfírnar eru ólíkar
- Hvað með hlutskipti stunguefnaneyt-
enda. Þeir virðast nú ansi oft vera
feimnismál þegar HIV og alnæmi ber á
góma meðal HlV-jákvæðra?
„Ég held að þetta hafi breyst, ein-
faldlega vegna þess að þeir em sjálfir
farnir að mæta á fundi Nord-All og taka
til máls um sína sérstöðu. Þeim mæta
sérstök vandamál sem við vitum reyndar
alltof lítið um en em jafn mikilvæg og
annað sem á okkur mæðir. Þeirra vanda-
mál á Norðurlöndum virðist meðal
annars vera það að þeir fá ekki þá aðstoð
sem þeir þurfa til þess að losna úr
vítahringnum. Mér skilst að víða sé
þeim ekki hleypt inn á sjúkradeildir sem
stunda alnæmissjúklinga heldur settir á
sérdeildir fyrir eiturlyfjasjúklinga. En
HlV-jákvæðir stunguefnaneytendur
verða að fá annars konar lyfjameðferð en
aðrir sem hafa ánetjast heróíni eða álíka
efnum.“
NordPol+
- Öll samvinnuverkefni milli landa eru
dýí. Hvemig getur Nord-All unnið að
gagni án verulegra fjárstyrkja?
„Þetta hefur alltaf verið höfuðverkur
samtakanna, en nú gerðust þau tíðindi að
á ráðstefnuna mætti fulltrúi Evrópu-
sambandsins sem vinnur að velferð HIV-
jákvæðra innan aðildarlandanna. Hann
kynnti starf sitt fyrir okkur og útskýrði
hvaða möguleika Nord-All hefði til að
njóta fjárstuðnings til starfsemi sinnar.
Eitt leiddi af öðru og loks voru á ráð-
stefnunni stofnuð eins konar dóttur-
samtök Nord-All sem við gáfum nafnið
NordPol+, en þeim er ætlað að vinna að
því að leita fjárstuðnings og styðja við
bakið á hinum fátækari samtökum HIV-
jákvæðra á Norðurlöndum. Það er til
dæmis erfitt fyrir Finna og íslendinga að
taka þátt í starfseminni. NordPol+ mun
aðstoða við að skipuleggja fundi okkar í
framtíðinni og leiða ákveðin baráttumál
sem og praktísk mál til lykta á milli þess
sem við höldum okkar árlegu ráðstefnur.
Með NordPol+ höfum við líkast til
fengið það jarðsamband sem þurftum
svo nauðsynlega á að halda. Það er ekki
hægt að fylgja eftir samstarfi eins og
þessu með sterkum vilja og á hugsjón-
inni einni saman.“
Nord-AII á Islandí
naesta ár
- Svo að Islendingarnir eiga sér bak-
hjarl í NordPol+ næsta ár.
„Já, það kemur í hlut Jákvæða hópsins
á Islandi að halda næstu ráðstefnu Nord-
All hér á landi í september 1996. Við
gerum ráð fyrir að 120 manns sæki
fundinn sem verður haldinn á Kirkju-
bæjarklaustri og það kostar mikla vinnu
og talsvert fé að ná endum saman.
Jákvæði hópurinn hér á landi stendur
fyrir allri praktískri undirbúningsvinnu
og við erum strax byrjuð að vinna. En
Islendingarnir hafa reynslu af því að
halda ráðstefnu því að Nord-All hefur
einu sinni áður komið saman hér á landi,
árið 1991.“
- Ætlið þið að fitja upp á einhverju
nýju og fara aðrar leiðir?
„Ég býst nú ekki við því. Samt langar
okkur til að vanda okkur sérstaklega við
undirbúninginn að starfi umræðuhóp-
anna. Okkur sem höfum áður tekið þátt í
starfi Nord-All, finnst sá þáttur ráð-
stefnuhaldsins allt of keimlíkur frá ári til
árs. Þar skortir talsvert á nýjar hug-
myndir. Þeir sem koma í þennan vett-
vang í fyrsta skipti hafa eflaust mikið að
sækja í vinnu- og umræðuhópana, en
hinum kemur fátt á óvart, því miður.
Þessu langar okkur til að reyna að
breyta. En Nord-All hefur mikið breyst
með aukinni reynslu. Ráðstefnan er
miklu betur skipulögð núna en fyrir
fáeinum árum, málin eru rædd í víðara
samhengi og Nord-All er afl sem hlustað
er á. Svo er ráðstefnan langtum fjöl-
mennari en áður og fólkið ólíkara. Fyrir
fáeinum árum voru hommar þar í mikl-
um meirihluta en núna fjölgar öðrum
hópum með hverju ári. Fjöldinn allur af
konum sækir núna fundi Nord-All og
gagnkynhneigðir karlar eru famir að taka
þátt í starfinu. Það gerði þennan fund í
Noregi í sjálfu sér mjög minnisstæðan.“
- Nokkuð fleira sem gerði hann minn-
isstæðan?
„Ja, hvað á ég að segja? Ég get til
dæmis nefnt besta og minnisstæðasta
skemmtiatriðið eitt kvöldið. Ekki síst
vegna þess að það kom frá íslandi.
David úr okkar hópi dansaði dans sem
hann kallar „Bréfið“. Dansinn snýst um
tilfinningar þess sem fær tilkynningu um
að hann sé HlV-jákvæður. Það var ótrú-
lega vel gert.“
- Þ
Alnæmrissamtökrin á fslandri
Samtök áhugafólks um alnæmisvandann, stofnuð 5. des. 1988.
kt. 541288-1129.
Hverfisgötu 69, Reykjavík. Pósthólf 5238, 125 Reykjavík.
Félagið hét upphaflega Samtök áhugafólks um alnæmisvandann en nafni
félagsins var breytt á aðalfundi árið 1994 í Alnæmissamtökin á Islandi.
Tilgangur félagsins er:
Að auka þekkingu og skilning á alnæmi.
Að styðja smitaða og sjúka og aðstandendur þeirra.
Tilgangi sínum vill félagið ná með því að leita nýrra leiða til þess að
uppfræða fólk um alnæmi. Með því að stofna umræðu-, fræðslu- og stuðnings-
hópa og með fræðslugreinum í blöðum, tímaritum, fræðsluerindum og fræðslu-
myndum. Einnig með því að efla sjóð félagsins m.a. með fjársöfnun, til þess
að styðja smitaða og sjúka.
Alnæmissamtökin hafa aðsetur í Reykjavík, en starfsvettvangur þess er
landið allt.
Félagar geta allir orðið sem hafa áhuga á málefnum þeim sem félagið lætur
sig varða. Félagsmenn 1995 voru rúmlega 300, félagsgjald er 1500 kr. á ári.
Alnæmissamtökin eru aðili að Öryrkjabandalagi Islands og eiga fulltrúa í
stjórn þess.
19