Bæjarins besta - 28.05.2003, Page 15

MIÐVIKUDAGUR 28. MAÍ 2003 15Lestu nýjustu fréttir daglega á www.bb.is
Dómur í máli vegna líkamsárásar á Ísafirði
Refsingu frestað
skilorðsbundið
Kveðinn var upp dómur í
Héraðsdómi Vestfjarða í síð-
ustu viku í máli sem ríkis-
saksóknari höfðaði á hendur
tæplega tvítugum Ísfirðingi
fyrir líkamsárás. Atvikið átti
sér stað aðfaranótt laugar-
dags síðsumars 2001 fyrir
utan veitingastaðina Sjallann
og Krúsina á Ísafirði. Niður-
staða dómsins var sú að
ákvörðun refsingar ákærða
skyldi frestað og skal hún
falla niður að liðnum tveimur
árum haldi hann almennt
skilorð. Ákærði var hins veg-
ar dæmdur til að greiða allan
sakarkostnað, þar með talin
málsvarnarlaun skipaðs verj-
anda síns að fjárhæð 100.000
krónur.
Ákærði var sakaður um að
hafa slegið annan mann ítrek-
að í höfuðið með bjórflösku
úr gleri með þeim afleiðingum
að hann hlaut glóðarauga á
vinstra auga, bólgu á augn-
hvarmi vinstra megin niður á
miðja kinn og á nefboga og
lítinn skurð þar við. Dómurinn
taldi þetta brot mannsins sann-
að.
Fram kemur í dómnum að
maðurinn hefur ekki sætt
refsingum sem hafa áhrif á
ákvörðun refsingar hans.
Dómurinn hafði í huga að
hann notaði barefli en einnig
var litið til þess að lögreglu-
maður sem varð vitni að at-
vikinu bar að högg sem hann
greiddi með því hefðu ekki
virst mjög þung. Afleiðingar
árásarinnar virðast ekki hafa
verið alvarlegar og kveðst
sá sem fyrir árásinni varð
hafa náð sér að fullu, eftir
því sem segir í dómnum.
Þingeyri
Dýrafjarðardag-
ar í byrjun júlí
Dýrafjarðardagar verða
haldnir á Þingeyri í sumar,
annað árið í röð. Hátíðin þótti
takast með ágætum í fyrra-
sumar og stóðu tekjur af henni
undir kostnaði. Stefnt er að
því að hátíðin standi að þessu
sinni frá föstudegi til sunnu-
dags fyrstu helgi júlímánaðar.
Á undirbúningsfundi kom
fram fjöldi hugmynda að dag-
skrá. Hún verður kynnt þegar
nær dregur en hefst væntan-
lega með kraftakeppni Vest-
fjarðavíkinga. Gert er ráð fyrir
að á Þingeyri rísi myndarlegt
tjald sem hýsi sölubása með
listmuni og veitingar.
Til skoðunar er að halda
strandveislu og bjóða upp á
sjóstangaveiði, marhnúta-
veiði, kajakróður, hestaferðir,
hraðbátasiglingar, mínígolf og
sitthvað fleira.
Bílaflutningur í
stórtækara lagi
Trukkur hlaðinn sex nýjum fólksbifreiðum kom til Ísa-
fjarðar í síðustu viku. Bílarnir eru frá Ingvari Helgasyni
hf. og verða til sölu á nýrri bílasölu Guðna G. Jóhannesson-
ar á Ísafirði. Óhætt er að segja að bílaflutningur af þessu
tagi sé sjaldséður hér vestra og helst að þetta hafi minnt á
slíka flutninga erlendis. Guðni segir að ætlunin sé að
opna bílasöluna um helgina.
Grunnskólar á Vestfjörðum
Gott útlit í kennaramálum
Almennt virðast ekki vera
miklar hreyfingar á kennara-
liði grunnskóla á Vestfjörðum,
að minnsta kosti ekki hjá þeim
sem haft hefur verið samband
við. Skarphéðinn Jónsson,
skólastjóri Grunnskólans á
Ísafirði, segir þrjá til fjóra
kennara hætta hjá skólanum
nú í vor og einhverja hreyfingu
vera á öðru starfsfólki.
„Ég hygg að þetta sé mjög
eðlileg hreyfing en hér eru um
80 starfsmenn. Ég þekki sögu
þessara mála hér ekki mjög
langt aftur í tímann en við
erum mjög vel sett. Almenna
reglan hefur verið sú að þegar
þrengir á vinnumarkaðinum,
þá eru skólarnir mjög vel settir,
og þó að uppgangstímar séu
framundan virðast þeir ekki
vera í hendi.“
Hjá Grunnskólanum á
Tálknafirði vantaði einn kenn-
ara og hefur hann þegar verið
ráðinn. Ingólfur Kjartansson
skólastjóri segir slíkt ekki hafa
gerst áður. „Að minnsta kosti
ekki svo lengi sem næstelstu
menn muna. Ástandið hjá okk-
ur er mjög gott. Réttindakenn-
urum fer fjölgandi og við erum
með háskólamenntaða leið-
beinendur. Það er mikil ham-
ingja hér með þessa stöðu.“
Victor Örn Victorsson,
skólastjóri Grunnskólans á
Hólmavík, segir eina almenna
kennarastöðu lausa við skól-
ann en að auki vanti sérkenn-
ara. „Ég held að þetta sé mjög
eðlilegt, það hefur oft verið
mun meiri vöntun á kennurum
hér. Við erum mjög róleg yfir
þessu enda er fólk þegar farið
að spyrjast fyrir. Aftur á móti
vantar okkur húsnæði því að
allt íbúðarhúsnæði í bænum
er uppurið,“ sagði Victor Örn
Victorsson.
Grunnskólinn á Ísafirði.
Móttaka skemmtiferðaskipa
Sérstakur starfs-
maður ráðinn
Í sumar verður ráðinn
starfsmaður til að sjá um
móttöku skemmtiferða-
skipa á Ísafirði, sem og
hreinsun og skipulagningu
opinna svæða í Ísafjarðar-
bæ. Gert er ráð fyrir að
hann verði í fullri vinnu í
júní, júlí og ágúst. „Starfið
er tvíþætt en hér er um
reynsluverkefni að ræða“,
segir Rúnar Óli Karlsson,
ferðamálafulltrúi Ísafjarð-
arbæjar. „Annars vegar
felur starfið í sér móttöku
skemmtiferðaskipa, upp-
lýsingagjöf til farþega og
samvinnu við þjónustuaðila
í bænum. Hins vegar geng-
ur það út á að skipuleggja
hreinsun opinna svæða í
Ísafjarðarbæ og gera áætl-
un um þjónustumerkingar.
Víða eru opin svæði sem
þarf að taka í gegn. Finna
þarf eigendur að ýmsu
drasli og verður sá hluti
verkefnisins unninn í sam-
vinnu við Ísafjarðarhöfn,
tæknideild Ísafjarðarbæjar
og Heilbrigðiseftirlit Vest-
fjarða“, segir Rúnar Óli.
Sýnishorn
af söluskrá
BMW 316i árg. 2000, ekinn 34
þús. km. Verð kr. 2.100.000.-
Daewoo Lanos árg. 1999, ekinn
49 þús. km. Verð kr. 600.000.-
Opel Astra árg. 1999, ekinn 62
þús. km. Verð kr. 830.000.-
VW Passat árg. 1998, ekinn 67
þús. km. Verð kr. 1.370.000.-
Toyota Corolla stw. árg. 98,
ek. 62 þús. Verð kr. 795.000.-
MMC Lancer árg. 1997, ekinn
88 þús. km. Verð kr. 640.000.-
Toyota Corolla árg. 1998, ekin
81 þús. km. Verð kr. 790.000.-
Toyota Yaris árg. 2000, ekin
66 þús. km. Verð kr. 720.000.-
Suzuki Vitara árg. 1998, ekinn
86 þús. km. Verð kr. 1.280.000.
Subaru Legacy árg. 2001, ek.
24 þús. km. Verð kr. 1.870.000.-
Suðurgötu 9,
Ísafirði
Sími 456 3800
Skemmtiferðaskipið Deutschland.
21.PM5 18.4.2017, 11:0615