Bæjarins besta - 07.03.2001, Page 12
12 MIÐVIKUDAGUR 7. MARS 2001
Stakkur skrifar
Auglýst eftir byggðastefnu! Netspurningin
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum hafa oft verið umdeildar og vakið umræður. Þær þurfa alls
ekki að fara saman við skoðanir útgefenda blaðsins. Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
Netspurningin er birt viku-
lega á bb.is og þar geta
lesendur látið skoðun sína
í ljós. Aðeins er tekið við
einu svari frá hverri tölvu.
Niðurstöðurnar eru síðan
birtar hér.
Spurt var:
Hvort
notarðu
oftar flug
eða bíl milli
landshluta?
Alls svöruðu 561.
Flug sögðu 184 eða 32,80%
Bíl sögðu 377 eða 67,20%
Þungur undirtónn í bókun bæjarstjórnar Ísafjarðarbæjar
Endurskoða þarf skilgrein-
ingu á hlutverki höfuðborgar
– ef borgarstjórn leggur miðstöð innanlandsflugs niður. Bæjarstjóri Ísafjarðarbæjar gerir misvægi í umfjöllun fjölmiðla að umtalsefni
Bæjarstjórn Ísafjarðar-
bæjar lítur svo á, að endur-
skoða þurfi skilgreiningu á
hlutverki höfuðborgar, ef
borgaryfirvöld í Reykjavík
ákveða að miðstöð innan-
landsflugs í borginni verði
lögð niður. Þessi mál voru
rædd á fundi bæjarstjórnar
sl. fimmtudag í framhaldi
af bréfi Halldórs Halldórs-
sonar bæjarstjóra til bæjar-
ráðs, þar sem hann fjallar um
umræðuna um flutning
Reykjavíkurflugvallar. Í bréfi
Halldórs kemur m.a. fram al-
menn gagnrýni á gerólík við-
horf og vinnubrögð fjölmiðla
eftir því hvort höfuðborgar-
svæðið eða landsbyggðin eiga
hlut að máli.
Í bréfi bæjarstjóra voru tek-
in upp fjölmörg atriði úr um-
fjöllun síðustu vikna um mál-
efni Reykjavíkurflugvallar.
Bæjarstjóri segir þar m.a.:
„Undirrituðum finnst reyndar
með ólíkindum hvað þetta mál
fær mikla fjölmiðlaathygli og
hversu lítill hluti af umfjöllun
fjölmiðla snýst um þá sem
raunverulega nota Reykjavík-
urflugvöll. Má segja að það
sé samnefnari allrar almennrar
umfjöllunar um þjóðmál í
okkar fjölmiðlum. Fjölmiðlar
leita eftir skoðunum þeirra er
búa á höfuðborgarsvæðinu í
almennri umfjöllun en leita
til okkar á landsbyggðinni ef
eitthvað brennur eða fer á
hausinn.“
Á bæjarstjórnarfundinum í
síðustu viku var eftirfarandi
bókun, sem Birna Lárusdóttir,
forseti bæjarstjórnar lagði
fram, samþykkt með atkvæð-
um allra bæjarfulltrúanna níu:
„Bæjarstjórn Ísafjarðarbæj-
ar leggur áherslu á mikilvægi
greiðra flugsamgangna milli
höfuðborgar Íslands og lands-
byggðar. Í Reykjavík hefur
verið byggð upp þjónusta á
vegum hins opinbera, þar er
Alþingi, öll ráðuneyti og
flestar stofnanir, þar með
taldar sérhæfðar sjúkrastofn-
anir. Uppbygging á þessari
þjónustu hefur skapað
Reykjavík tækifæri til upp-
byggingar og vaxtar og eflt
hana sem höfuðborg Ís-
lands. Taki borgarstjórn
ákvörðun um að miðstöð
innanlandsflugs verði ekki
lengur í höfuðborginni þarf,
að mati bæjarstjórnar, að
endurskilgreina hlutverk
höfuðborgar með tilliti til
aðgengis landsmanna að
þjónustu hins opinbera.“
Brautryðjendaverðlaun Iðntæknistofnunar í atvinnurekstri
Guðni Einarsson á
Suðureyri heiðraður
Guðna Einarssyni fram-
kvæmdastjóra á Suðureyri
voru veitt brautryðjendaverð-
laun Iðntæknistofnunar á
kynningarfundi stofnunarinn-
ar í Þróunarsetri Vestfjarða
fyrir skömmu. Eitt af því sem
Guðni hefur fengist við á síð-
ustu árum er þurrkun á fisk-
hausum og framleiðsla á fisk-
kökum. Eins og fram hefur
komið fór Guðni til Nígeríu
fyrir skömmu og kynnti sér
markaðsmál. Salan á framan-
greindri framleiðslu lofar
góðu og hefur hún hlotið góð-
ar viðtökur þar í landi.
Við breytingar á kvótakerfi
og erfiðleika í rekstri fyrir-
tækja á Suðureyri um 1990
hóf Guðni rekstur á smábát
með bræðrum sínum og stofn-
aði með þeim félagið Bræðra-
verk. Þessi bátur var til
skamms tíma með mestu
áunnu aflareynsluna í þessum
flokki báta. Bræðraverk var
sameinað Básafelli en þeir
bræður stofnuðu annað félag
undir sama nafni. Í dag er það
útflutningsfyrirtæki í eigu
þeirra bræðra og starfar mest
frá Bandaríkjunum undir
nafninu International Seafood
Souloutions (ISS).
Fyrirtækið Klofningur ehf.
á Suðureyri var stofnað
snemma árs 1997 að frum-
kvæði Guðna og var hús keypt
til þurrkunarinnar. Áður hafði
verið reynt að þurrka hausa á
Suðureyri en það ekki tekist.
Forskot Súgfirðinga var heitt
vatn á Laugum, nokkru innan
við þorpið á Suðureyri, en
fram að þeim tíma hafði eng-
inn haft kraft og getu til að
gera borholu til að nýta þenn-
an varma eins og gert er nú.
Rekstur Klofnings hefur frá
upphafi gengið vel og fram-
leiðsla félagsins er orðin þekkt
gæðavara á nígeríska markað-
num. Haustið 2000 var stofn-
uð ný deild innan Klofnings
til frekari úrvinnslu á hausum
í flokkun og söltun.
Í upphafi ársins 2000 fór að
frumkvæði Guðna í gang sam-
starf við fiskimjölsverksmiðj-
una Gná ehf. í Bolungarvík
um rekstur á verksmiðju sem
þurrkar marning til manneldis.
Fyrirtækin keyptu 80% hluta-
fjár í Fiskbitum sem áður
hafði verið í þurrkun á gælu-
dýrafóðri. Þetta verkefni er
enn á þróunarstigi.
Guðni stóð að stofnun Grá-
rófu ehf. í desember 1997 sem
tók á leigu rekstur Fiskiðj-
unnar Freyju. Grárófa rak fisk-
vinnslu um þriggja mánaða
skeið þar til rekstur hófst aftur
undir nafni Freyju. Grárófa
setti á fót félag í Brasilíu, Saga
Islandesa Ltd., ásamt brasi-
lískum aðilum og keypti fé-
lagið fjóra báta og rak þá til
skamms tíma. Í dag hyggur
þetta félag á frekari landvinn-
inga í Brasilíu.
Undir árslok 1999 stóð
Guðni ásamt fleiri aðilum að
stofnun Fiskvinnslunnar Ís-
landssögu hf. á Suðureyri. Fé-
lagið keypti rekstur Básafells
á Suðureyri auk þess hefur
það stofnað félag við útgerð-
armann á Suðureyri um kaup
á báti.
Guðni var frumkvöðull að
stofnun Íslenskrar miðlunar á
Vestfjörðum. Hann hefur
tekið þátt í endurreisn fyrrum
starfsstöðvar Íslenskrar miðl-
unar sem heitir nú Fjarvinnsla
Suðureyrar og gengur vel.
Guðni Einarsson með viðurkenningarskjalið ásamt er Karli
Friðrikssyni, framkvæmdastjóra Iðntæknistofnunar.
Ágæti lesandi, kannski finnst þér fyrirsögnin út í hött. En hugsaðu málið
aðeins betur. Hver hefur lagt fram stefnu í málefnum vestfirskra byggða? Áður
en spurningunni verður svarað hér skal minnt á að margir hafa lagt orð í belg. Fátt
hefur gerst til að vekja vonir. Þó er skylt að taka fram að á Suðureyri eru athafna-
menn að vinna gott verk. Sama er að gerast á Flateyri. Íbúar þessara tveggja
þorpa hafa mátt horfa á eftir tækifærum á altari sameiningar. Básafell, sem varð
til úr meðal annars Norðurtanganum og rækjuverksmiðjum á Ísafirði, tók einnig
til fyrirtækja á Suðureyri og Flateyri. Niðurstaðan varð sú, að
fyrirtæki, sem bæjarstjórn Ísafjarðarbæjar hafði tekið þátt í að
byggja upp, með það að markmiði að auka möguleika byggðar-
innar í sjávarútvegi, var selt með samþykki bæjarstjórnar.
Breytti engu þótt bæjarstjórinn hafi verið stjórnarmaður. Þar með fór gríðarlega
mikilvægur kvóti úr bænum. Grunni undir hefðbundnu atvinnulífi í Ísafjarðarbæ
var kippt burtu í einu vetfangi. Eftir sátu heimamenn með sárt ennið, en áttu þó
hlut að máli fyrir tilstilli bæjarstjórnar. Af þessari döpru sögu má ráða að vonlítið
er að líta til bæjarstjórnar um forystu í atvinnumálum. En atvinnumál eru
byggðamál fyrir Vestfirðinga.
Þingeyringar hafa þolað svipaðar sviptingar í atvinnulífi þótt með nokkuð
öðrum hætti sé. Bolvíkingar róa nú lífróður og bíða ákvarðana Byggðastofnunar
vegna sölu eigna Nasco hf. Þó verður eindregið að vara bæjarstjórn Bolungarvíkur
við þeirri ráðstöfun að verja síminnkandi ráðstöfunarfé fækkandi skattgreiðenda
í sveitarfélaginu til atvinnureksturs. Það er leið neyðar og nauðungar, sem of oft
hefur verið farin og gefist illa. Kvótakerfið hefur oft borið á góma á þessum vett-
vangi. Bent hefur verið á kosti þess og galla. En því miður er það mannanna verk
sem hefur reynst Vestfirðingum einna erfiðast að ná tökum á. Afskipti sveitarstjórna
hafa heldur orðið til hins verra. Lítið ber á samþykktum sveitarstjórna varðandi
atvinnumál. Skal þá ekki að sinni minnst á væntanlega sölu hins væntanlega
hlutafélags, Orkubús Vestfjarða, til ríkisins, sem bæjarstjórn Ísafjarðarbæjar
keppist við að telja sjálfri sér og öðrum trú um að verði ekki
selt til að greiða skuldir við félagslega húsnæðiskerfið.
Kannski er það svo að ríkisvaldið telji sig einfaldlega
ekki þurfa að hlusta mikið á sveitarstjórnarmenn, sem virðast
ekki klárir á því hvað rætt er og samþykkt í samskiptum ríkis og sveitarfélaga. Að
minnsta kosti er fátt sem bendir til þess að sveitarstjórnir beiti Alþingi og
ríkisstjórn þrýstingi í því skyni að knýja fram stefnumótun, sem gerir fólki kleift
að búa utan Reykjavíkur og næsta nágrennis. Gallinn er sá að venjulegir kjósend-
ur eiga ekki margra kosta völ. Í hinu margrómaða lífsgæðakapphlaupi telja flestir
krónur og aura og hugsa um það helst að eiga fyrir næsta vísa- eða júróreikningi.
Skítt með það hvor einhverjir búi „úti á landi“. Sýnin til framtíðar snýst um búk-
sorgir og útlandaferðir. Er til byggðastefna fyrir Vestfirði? Nei! Ekki meðan Al-
þingi og sjávarútvegsráherra vilja kvóta á ýsu og steinbít strax.
10.PM5 19.4.2017, 09:2412