Bæjarins besta - 26.11.1997, Blaðsíða 2

2 MIÐVIKUDAGUR 26. NÓVEMBER 1997
Samúel Grímsson, formaður Íþróttabandalags Ísfirðinga skrifar
Íþróttir í Skutuls-
firði og nágrenni
Það er fjarri því að ég hafi
ánægju af því að skattyrðast
við fólk, og þá allra síst þegar
það hefur takmarkaða þekk-
ingu á málefninu. En ég finn
mig knúinn til að svara í fá-
einum orðum grein Guð-
mundu Jennýar Hermanns-
dóttur (GJH), sem kallaðist
,,Íþróttastarfsemi á Ísafirði”
og birt var í þessu blaði í síð-
ustu viku. Þar af leiðandi
verða menn að umbera það
að ég að tek aftur upp þær
setningar hennar, sem ég geri
athugasemdir við.
Einnig er rétt í upphafi að
geta þess að ég vissi ekki um
tilvist þessarar ágætu konu
fyrr en greinin birtist, hún
hafði ekki samband við mig,
en ég hef reyndar haft tal af
henni síðan.
,,Íþróttabandalag Ísfirðinga,
sem er samnefnari bolta-
íþrótta hefur ekki nógu vítt
svið.” GJH virðist ekki þekkja
lög ÍSÍ, sem hennar eigið
héraðssamband starfar þó
eftir, á nákvæmlega sama hátt
og Íþróttabandalag Ísfirðinga.
Helsti munurinn er að annað
þeirra inniheldur mestanpart
ungmennafélög, er héraðs-
samband, og er aðili að UMFÍ
og ÍSÍ, en hitt inniheldur
aðeins eitt ungmennafélag, er
íþróttabandalag, og eingöngu
aðili að ÍSÍ.
Lög ÍSÍ segja eftirfarandi
um starfsemi þeirra:
,,Grein 1.3 Héraðssambönd/
íþróttabandalög eru mynduð
eftir legu og aðstöðu til
samvinnu um iðkun íþrótta.”
,,Grein 22.1 Samkvæmt
íþróttalögum er landinu skipt
í íþróttahéruð. Í hverju íþrótta-
héraði skal vera eitt héraðs-
samband/íþróttabandalag all-
ra íþróttafélaga í héraðinu
{leturbreyting SG} til að
vinna að hinum ýmsu hags-
munamálum þeirra.”
Íþróttabandalag Ísfirðinga
er elsta íþróttabandalag lands-
ins, stofnað 23.apríl 1944, á
undan því starfaði svokallað
Íþróttaráð Vestfjarða. 1.grein
laga bandalagsins hljóðar
þannig: “Að Íþróttabandalagi
Ísfirðinga (skammstafað
Í.B.Í.), standa þau félög innan
íþróttahéraðs Ísafjarðarkaup-
staðar, og Súðavíkurhrepps, í
Norður-Ísafjarðarsýslu, sem
leggja stund á íþróttir.”
Í samtali við mig viður-
kenndi GJH að hafa ruglað
saman BÍ (Boltafélagi Ísa-
fjarðar) og Í.B.Í. Henni er
sjálfsagt vorkunn því margir
heimamenn gera það líka.
Innan vébanda Í.B.Í. eru nú
13 félög, sem flest eru mynd-
uð um eina íþróttagrein hvert.
Þau eru þessi: Boltafélag
Ísafjarðar (BÍ), stofnað 1988,
með tíu flokka; Golfklúbbur
Ísafjarðar, stofnaður 1978,
með barna- og fullorðins-
flokka; Hestamannafélagið
Hending, stofnað 1988 með
barna- og fullorðinsflokka;
Íþróttafélagið Ívar, stofnað
1988, með barna og fullorð-
insflokka fyrir íþróttir fatl-
aðra; Íþróttafélagið Reynir,
stofnað 1957, með einn flokk
í knattspyrnu, Knattspyrnu-
félagið Ernir, stofnað 1995,
með einn flokk; Knattspyrnu-
félagið Hörður, stofnað 1919,
með fimm flokka í handknatt-
leik; Körfuknattleiksfélag Ísa-
fjarðar, stofnað 1965, með átta
flokka í körfuknattleik; Skíða-
félag Ísafjarðar, stofnað 1934,
með ellefu flokka; Skotfélag
Ísafjarðar, stofnað 1988, með
einn fullorðinsflokk; Tennis-
og badmintonfélag Ísafjarðar,
starfsemi þar liggur niðri;
Sundfélagið Vestri, stofnað
1988, með átta flokka og
Ungmennafélagið Geisli í
Súðavík, stofnað 1977, með
barna- og fullorðinsflokka í
fjölmörgum íþróttagreinum
og félagsstarfsemi.
Samkvæmt ársskýrslum fé-
laganna fyrir árið 1996 voru
iðkendur 15 ára og yngri sam-
tals 624, og 16 ára og eldri
voru 702. Hvorki einstakling-
ar né lið keppa nú beint undir
merkjum Í.B.Í., eins og áður
var, og gert er t.d. á Lands-
mótum UMFÍ.
Samvinna innan
bæjarfélagsins
,,Það er einnig svo að við
sameiningu sveitarfélaga fyrir
u.þ.b. tveimur árum, hefur
skipulag íþróttastarfseminnar
setið eftir í þróun sveitar-
félagsins. Á Suðureyri, Flat-
eyri og á Þingeyri eru starf-
rækt ungmennafélög og getur
Ísafjörður margt lært af því
skipulagi og starfsemi sem þar
er. Einnig er til Héraðs-
samband Vestur-Ísafjarðar-
sýslu með aðsetur á Þingeyri,
sem nú er ,,hverfi” í Norður-
Ísafjarðarsýslu (sic!). Þessi
,,hverfi” eru ekki á því að láta
Ísafjörð gleypa sína starfsemi,
en það er nauðsynlegt að þessi
mál séu samræmd og sam-
vinna sé innan bæjarins milli
félaganna.”
Ég fellst á fyrstu setning-
una, en að öðru leyti er ýmis-
legt við þennan texta að at-
huga. Tæpt ár leið frá stofnun
Ísafjarðarbæjar þar til stjórn
Í.B.Í. leitaði eftir viðræðum
við HVÍ um eitt íþróttahérað í
vor, hún hafði á sér nokkurn
vara af því að oft er illa séð að
,,stóri bróðir” taki frumkvæð-
ið, og hann þá sakaður um að
ætla að ,,gleypa” þann litla.
Við áttum þrjá fundi í vor,
og á þeim fyrsta virtust stjórn-
armenn HVÍ ekki hafa svo
mikið sem leitt hugann að því
að sjálfgert væri að HVÍ og
Í.B.Í. yrðu á einhvern hátt
sameinuð, líkt og sveitarfélög-
in. Reyndar var almennur
fundur á vegum HVÍ í Holti í
nóvember á síðasta ári, rétt
áður en HVÍ hélt sitt ársþing,
en hvorki sá fundur né þingið
skilaði neinu í átt til samein-
ingar, nema síður væri. Á
þessum fundum í vor lagði
Í.B.Í. m.a. til að nýtt héraðs-
samband yrði aðili að UMFÍ
til þess að greiða fyrir málum
og tryggja að félög innan HVÍ
hefðu áfram aðgang að UMFÍ
svo sem vegna fræðslu- og
félagsmála, og keppni á
Landsmótum. Þetta var gert
þrátt fyrir að eingöngu eitt
aðildarfélag Í.B.Í. sé ung-
mennafélag.
Með þetta í huga ákvað
ársþing Í.B.Í. í mars að slíta
ekki þingi heldur halda fram-
haldsþing í lok maí, sem var
og gert, en þá hafði enginn
frekari skriður komist á sam-
einingarmálin. Íþróttanefnd
ríksins vinnur nú einnig að
málinu, en ráðherra íþrótta-
mála er skiljanlega hikandi
að fyrirskipa sameiningu ofan
frá, álítur eðlilegra að heima-
menn leysi málin sjálfir.
HVÍ og uppbygging
íþróttamannvirkja
Þessi dráttur hefur slæm
áhrif á skipulag íþróttamála í
Ísafjarðarbæ, félagslega og
fjárhagslega. Í.B.Í. hefur
áratuga reynslu af því að sinna
sínum málum gagnvart bæjar-
félaginu, m.a. varðandi upp-
byggingu íþróttamannvirkja,
rekstur þeirra og starfsemi fé-
laganna, svo sem úthlutun
tíma í íþróttahúsum.
Þetta eru hlutir sem hvert
félag sinnti í vestursýslunni
við sitt sveitarfélag, og voru
hlutir þar öðruvísi viðureign-
ar, auðveldari aðgangur að
sveitarstjórnarmönnum, ein-
faldara að leysa mál í fámenn-
um samfélögum. Nú þarf HVÍ
sjálft að taka þetta að sér, en
er ekki undir það búið, eins
og dæmin sanna, og íþrótta-
hreyfingin í bænum er tví-
höfða. En altént verður bæjar-
stjórn að virða báða aðila,
getur ekki gengið út frá því að
ósk annars aðila sé einnig í
þágu hins, því hvers vegna
skildu þeir annars vera klofnir
nema af því þeir hafi ólíkra
hagsmuna að gæta. Til þess
að ráða fram úr slíkum málum
þyrftu höfuðin tvö með 10
stjórnarmenn að koma saman
til að sameinast um þau, og er
slíkt mjög þungt í vöfum, og
tefur afgreiðslu mála. Það
læðist reyndar að mönnum sá
grunur að bæjaryfirvöld séu
ekkert ókát yfir þessari stöðu
mála, það er þó hægt að þæfa
málin á meðan við komum
okkur ekki sjálf saman um
þau.
Varðandi það að við (í
Ísafjarðarkaupstað hinum
forna) getum lært af ung-
mennafélögum á Suðureyri,
Flateyri og Þingeyri, þá skal
upplýst hver félögin eru innan
HVÍ og hvert starfssvæði
þeirra er:
Ferðaþjónustan Reykjanesi
sími 456 4844 - fax 456 4845 Opið allt árið
Gisting - veitingar - bensínsala
Tilvalinn áningarstaður, þar sem
hægt er að losna við ferðaþreytu og
stress í heitri sundlaug - líka þótt kalt
sé og hvasst.
Verið ávallt velkomin!
Starfsfólk
Ferðaþjónustunnar
Reykjanesi
Viðskiptavinir
athugið!Aðalstræti 16 Ísafirði sími 456 3041
Myndir sem eiga að vera tilbúnar í innrömmun
fyrir jólin þurfa að berast fyrir mánaðarmótin
nóvember - desember